ბარათები სიყვარულზე

აირჩიეთ ბედნიერება და ბედნიერება აგირჩევთ თქვენ

174
(განახლებულია 17:13 02.01.2018)
ჰკითხეთ საკუთარ თავს, რას მოაქვს თქვენთვის ბედნიერება? რის მიღწევას ისურვებდით ცხოვრებაში? რა გაძლევთ კეთილდღეობისა და სისავსის შეგრძნებას? სჯობს, დრო იმის მისაღწევად დახარჯოთ, რის მიღებაც ამ ცხოვრებისგან გსურთ.

როდესაც საკუთარი თავი მოგწონთ, ეს ბევრად უფრო მიმზიდველს გხდით სხვების თვალში. როცა საკუთარი თავი გიყვართ, ცხოვრება ნაკლებად გაწვებათ მხრებზე და გამძიმებთ, ხოლო ურთიერთობები უფრო მარტივი და სპონტანურია. დროს არ კარგავთ იმაზე ფიქრში, რას ფიქრობენ სხვები თქვენზე.

როდესაც შინაგანი სიმტკიცე გაქვთ, სხვებთან ურთიერთობებისას აღმაფრენასა თუ ვარდნაში ადვილად შეგიძლიათ ადაპტირება. 

გთავაზობთ რამდენიმე მოსაზრებას, გნებავთ – რჩევას, რომლებიც დაგეხმარებათ, რომ მიმზიდველი იყოთ ნებისმიერ ურთიერთობებში. 

1. ნუ აღიქვამთ საკუთარ თავს ძალზე სერიოზულად. შეიძლება იყოთ არაიდეალური და ამასთან, მტკიცე ურთიერთობები და მთელი თქვენი ცხოვრების სიყვარული გქონდეთ. სხვებისთვის თქვენი არასრულყოფილების წარმოჩენით, ნებსით თუ უნებლიეთ, ინტიმურ ატმოსფეროს ქმნით იმ გაგებით, რომ ადამიანები თქვენთან ურთიერთობისას უფრო თავისუფლად გრძნობენ თავს, რადგან თქვენ მათთან გახსნილი და თავისუფალი იყავით.

მნიშვნელოვანია, დარწმუნდეთ, რომ ურთიერთობები თქვენს მხარდამჭერ და არატოქსიკურ ადამიანებთან გაქვთ.

ხანდახან მნიშვნელოვანი ადამიანების ნეგატიური შეფასებები თქვენს ხასიათს განსაზღვრავს. როდესაც კონსტრუქციულ ან არაკონსტრუქციულ კრიტიკას შეეჯახებით, პირველ რიგში, შეეცადეთ, საკუთარ თავზე გაიცინოთ. ნუ მისცემთ მნიშვნელობას სხვების დამამცირებელ შეფასებებს, სხვები არ განსაზღვრავენ თქვენს პიროვნებას და მნიშვნელობა არა აქვს, რას ამბობენ ისინი.

2. ნებისმიერ შემთხვევაში სწორად მოიქეცით. თუ დაბალი თვითშეფასება გაქვთ, იმის შანსია, რომ გარშემომყოფთა მოწონების ძებნა დაიწყოთ. როდესაც რამეს აკეთებთ და ელოდებით, თქვენი საქციელი სხვებისთვის მისაღები იყოს, შეიძლება შეცდეთ, რადგან ვერ ხედავთ სრულ სურათს, ყურადღება ფოკუსირებული გაქვთ საკუთარ თავსა და სურვილზე, სხვისი მოწონება დაიმსახუროთ.

როდესაც სხვების თვალებში გაფაციცებით ეძებთ მოწონებასა და თანხმობას, ეს ასევე იმის ნიშანია, რომ საკუთარ თავში დრწმუნებული არ ხართ, ეს კი ადამიანებს არ მოსწონთ.

ამის ნაცვლად გააკეთეთ ის, რასაც სწორად მიიჩნევთ თქვენთვის, სხვებისა და საზოგადოებისთვის. იყავით გულუხვი თქვენს ცხოვრებაში არსებული ადამიანებისა და გაჭირვებულებისადმი – მოუსმინეთ, მხარი დაუჭირეთ, ყურადღება დაუთმეთ. ნახავთ, რომ სწორედ ამას მოაქვს ადამიანების მხრიდან მოწონება და მიღება. 

ბედნიერება მოქუფრულ ცაზე
ბედნიერება მოქუფრულ ცაზე

3. იცხოვრეთ საკუთარი თავისთვის. ადამიანები, რომელთაც მიზნისა და აზრის გრძნობა გააჩნიათ, ყოველთვის უფრო დამაჯერებლად გამოიყურებიან, რადგან მათში ძალა იგრძნობა. თვალყურის მიდევნება იმაზე, თუ როგორ აფასებენ სხვები თქვენს ცხოვრებას, მხოლოდ დროის უქმად კარგვაა. დრო კი, სჯობს, იმის მისაღწევად დახარჯოთ, რის მიღებაც ამ ცხოვრებისგან გსურთ.

ჰკითხეთ საკუთარ თავს, რას მოაქვს თქვენთვის ბედნიერება? რის მიღწევას ისურვებდით ცხოვრებაში? რა გაძლევთ კეთილდღეობისა და სისავსის შეგრძნებას? ნუ იფიქრებთ იმაზე, რა იქნებოდა, ყველაფერი სხვაგვარად რომ ყოფილიყო. იცხოვრეთ საკუთარი თავისთვის. 

4. აირჩიეთ ბედნიერება. როცა ბედნიერი ხართ, სხვები ამას გრძნობენ და თქვენი თანდასწრებით თავს კომფორტულად გრძნობენ. ბედნიერების არჩევნის ერთ–ერთი ხერხია შეიცნოთ თქვენი შინაგანი კრიტიკოსი, რომელიც თქვენს გონებაში ყველა თქვენს ქმედებას აქტიურად აკომენტარებს და განგსჯით. მისი გაკიცხვის მიღება იგივეა, რაც არარაობაში გადახტომა. თუ ამის ნებას მისცემთ, ის ადვილად გკრავთ ხელს. ეს მთლიანად თქვენი პასუხისმგებლობაა, რომ გამოიცნოთ მისი ხმა და შეაჩეროთ მისი განსჯა–გაკიცხვა, გადაერთეთ წიგნების კითხვაზე, ფიტნესზე, სხვების დახმარებაზე, სამუშაოზე ან შემოქმედებით საქმიანობაზე. გააკეთეთ ის, რაც გეხმარებათ, მაგრამ გააჩუმეთ ეს ხმა შეძლებისდაგვარად სწრაფად. ეს ხშირად გაიმეორეთ. აირჩიეთ ბედნიერება.

5. იზრუნეთ საკუთარ თავზე. საკუთარ თავზე მზრუნველი ადამიანები ბევრად მიმზიდველი არიან, რამდენადაც თვითდისციპლინის ძალას ასხივებენ. თუ ზრუნავთ საკუთარ თავზე, სხვებს აუცილებლობა არ ექნებათ, საკუთარ თავზე აიღონ თქვენზე მზრუნველობა. სრულფასოვანი კვება, ფიზიკური დატვირთვა, ყურადღება საკუთარი ფსიქიკური ჯანმრთელობისა და ემოციური მდგომარეობისადმი თქვენი ყოველდღიური რუტინის ნაწილი უნდა გახდეს.


174
თემები:
სასარგებლო რჩევები -2018 (202)
მოწყენილი ბავშვი მარტო გზაზე

როგორ ამოვიცნოთ დეპრესია ბავშვებში: სახელდება ფარული ნიშნები

4
(განახლებულია 15:54 07.08.2020)
ბევრი ბავშვი უჩივის ხოლმე მუცლის ტკივილს მნიშვნელოვანი მოვლენის წინ, როცა მათი შფოთვისა და სტრესის დონე ძალიან მაღალ ნიშნულს აღწევს. ზოგი მშობელი შეიძლება დიდად არც რეაგირებდეს ამაზე და წარმოდგენაც არ ჰქონდეს, რომ რეალურად ეს განსაკუთრებულ ყურადღებას მოითხოვს

თბილისი, 7 აგვისტო - Sputnik. სიეტლის ბავშვთა საავადმყოფოს (Seattle Children's) ექიმი ნიკოლ სავანგპონტ პატამანუჩი მშობლებს შფოთვითა და სტრესით გამოწვეული მუცლის ტკივილის შესახებ ესაუბრება და უმნიშვნელოვანეს სიმპტომებზე ამახვილებინებს ყურადღებას.

თურმე ბევრი მშობელი ვერც ხვდება, რომ სწორედ შფოთვა (რაც მუცლის ტკივილს იწვევს) ხდება დეპრესიის მიზეზი ბავშვებში, რაც, თავის მხრივ, შემდგომში ფსიქიკური დარღვევების საფუძველი ხდება.

 

4
თემები:
მშობლები და შვილები
თამარ კეცხოველი

ძველთბილისური სახლების ნოსტალგია და პანდემიის დროს გამოფენილი ნახატები

28
(განახლებულია 17:07 07.08.2020)
ხატვა მოულოდნელად და უცნაურად დაიწყო... მანამდე მის მეხსიერებაში ქვეცნობიერად გროვდებოდა ნანახისა და განცდილის ფრაგმენტები. მისი ნახატების სახელწოდებებიც ამის დასტურია: „ქალაქი”, „სამკითხველო”, „საზაფხულო სახლი”, „მწვანე აბაჟური”, „ძველი ბუფეტი“.

ამაში უჩვეულოც არაფერი იქნებოდა, რომ არა ის, რაც გახდა ხატვის დაწყების სტიმული და ერთგვარად, მისი განკურნების საუკეთესო საშუალებაც...

თამარ კეცხოველი თბილისში დაიბადა და გაიზარდა. პროფესიით არქეოლოგია, ხატვა 2019 წლის სექტემბერში, ინსულტის გადატანის შემდეგ დაიწყო. დღეში ძალიან ბევრს, დაახლოებით ათ საათს ხატავდა. პირველი პერსონალური გამოფენა პანდემიის დროს ჰქონდა.

თამარ კეცხოველი
თამარ კეცხოველი

- ქალბატონო თამარ, თქვენს ნახატებში წარსულის ნოსტალგიური განწყობაა და ამ გზით გამუდმებით ცდილობთ ბავშვობაში „დაბრუნებას“, ასეა?

 - საერთოდ სადმე დაბრუნება მაშინ გინდა როცა იქ კარგი იყო და კარგად გრძნობდი თავს. დიახ, შესაძლოა, არის რაღაც ნოსტალგიური მომენტები, თუმცა უფრო მეტად ძველებური ინტერიერი მომწონს და ვხატავ, ვიდრე ჩემი საბჭოთა ბავშვობის დროს იყო. სიძველის მომხიბვლელობას ასაკთან ერთად ვხვდები და მინდა, რომ ეს სხვასაც გავუზიარო...

თამარ კეცხოველის შემოქმედება
თამარ კეცხოველის შემოქმედება

- როგორი იყო თქვენი პლეხანოვური ბავშვობა, თუ არ ვცდები პლეხანოვზე არსებული 23-ე სკოლა თბილისის ე.წ. პრესტიჟულ სკოლათა რიცხვშია, თქვენთვის თუ ჰქონდა ამგვარ იარლიყს მნიშვნელობა?

- დიახ, ჩემი 23-ე სკოლა „ელიტარული” სკოლების სიაში შედიოდა, მაგრამ იქ ამიტომ არ მოვხვედრილვარ. უბრალოდ უბნით მეკუთვნოდა (მაშინ ასე იყო) და ტრადიციითაც, რადგან თავის დროზე იქ დედა და დეიდა სწავლობდნენ და ჩვენც იქ მიგვიყვანეს. პლეხანოვი და ჩემი უბანი ძალიან მიყვარს, ჩემი სახლი ეგაა... საერთოდ  მაპატიონ ახალუბნელმა თბილისელებმა და, თბილისი ჩემთვის ძველი უბნები და ძველი თბილისია. როდესაც ყველა ხეს ცნობ, ყველა მეეზოვეს, ფეხსაცმლის მწმენდავს და ქუჩის მოვაჭრეს სახელით იცნობ, ისაა შენი სახლი და შენი უბანი.

თამარ კეცხოველის შემოქმედება
თამარ კეცხოველის შემოქმედება

- 90 -იანი სტუდენტობა არც ისე სასიამოვნო გასახსენებელია, მაგრამ მაინც, იმ „ბნელი“ დროის რომელ ნათელ მომენტს გაიხსენებდით?

- თავისი ხიბლი იმ ბნელი, 90-იანების სტუდენტობასაც ჰქონდა. მაშინ დაიწყო მიტინგების ეპოქა და ჩამოინგრა „სსრკ“. ჩვენ, სტუდენტები კი მიტინგებიდან და უნივერსიტეტის ბაღიდან კარვებით პირდაპირ ქალაქგარეთ მივდიოდით. რაც კი ლამაზი ადგილი იყო ქალაქის გარშემო სწორედ მაშინ შემოვიარე ყველა, უფრო სერიოზულად კი მთაში სიარულით ვიყავი დაკავებული. მაშინ სხვადასხვა ადგილებში იმართებოდა ბევრი ახალი ყაიდის ლექცია, სადაც ვესწრებოდით და თავისუფალ აზროვნებას ვცდილობდით... მოკლედ ძალიან დატვირთული და საინტერესო სტუდენტობა მქონდა და მას არაფერში გავცვლიდი.

თამარ კეცხოველის შემოქმედება
თამარ კეცხოველის შემოქმედება

- ინსულტის მერე დაწყებული ხატვა თქვენთვის ერთგვარი შვება და გადარჩენის გზა იყო?

- ინსულტამდე სხვა ცხოვრება იყო, სახლი-სამსახური და სხვა არაფერი.  ხატვით ყოველთვის ვხატავდი, უბრალოდ ამის დრო არასდროს მქონდა. აი, ინსულტის მერე კი, როცა სამსახურიდანაც წამოვედი და სახლში დავჯექი, უცებ და ინტენსიურად დავიწყე მეგობრების პორტრეტების ხატვა. ვეღარ გავჩერდი და თამამად შემიძლია ვთქვა, რომ დღეში ათი საათი მაინც ვხატავდი. ხატვა არ მბეზრდებოდა და სწორედ ამან გადამარჩინა და პანდემიის დროს მძიმე კარჩაკეტილობაც ამან გადამატანინა.

თამარ კეცხოველის შემოქმედება
თამარ კეცხოველის შემოქმედება

- პანდემიის დროს პირველი პერსონალური გამოფენის გამართვა  მონატრებული სამყაროს გამომზეურება იყო? 

- დიახ, ეს გამოფენა მეგობრებთან შეხვედრის და მძიმე სიტუაციიდან გამოსვლის მიზნითაც მოვაწყვეთ. ამაში გალერისტი მეგობარი დამეხმარა. ძალიან კარგი გამოფენა გამოვიდა.

თამარ კეცხოველის მიერ შესრულებული პორტრეტები
თამარ კეცხოველის მიერ შესრულებული პორტრეტები

- თქვენს ნახატებში ხშირად ჩნდება ძველი სახლი, რომელიც სიმყუდროვის განცდას გიჩენს...

- ამჟამად არ ვარ ქალაქში და აქ, აგარაკზეც დავხატე რაღაცეები. სიმყუდროვე თითქოს არ მაკლია სახლში, მაგრამ ეტყობა, ეს უფრო ბავშვობის და ბებიების, ძველთბილისური სახლების ნოსტალგიაა, სადაც გაიარა ჩვენი თაობის უმრავლესობის სტუდენტობამ. ძალიან მიყვარს ძველი თბილისი და ის, რაც ფანჯრებს მიღმა ხდებოდა ძველ უბნებში, სულ ესაა...

თამარ კეცხოველის შემოქმედება
თამარ კეცხოველის შემოქმედება

- რაშია დეპრესიიდან გამოსავალი და ხსნა?

- რაშია ხსნა? ცხადია, ერთ-ერთი გზა საამისოდ ხელოვნებაცაა, რომელიც თერაპიაა... ჩემი აზრით, თუკი ადამიანს რაიმეს შექმნა ხელეწიფება,  უნდა გააკეთოს და არ გაჩერდეს, მერე ყველა მძიმე სიტუაციიდან იპოვის გამოსავალს...

 

28