ქალი

მამაკაცებისთვის: ენდეთ ფსიქოლოგებს იმსჯელეთ ქალზე მისი დაბადების თვის მიხედვით

6105
(განახლებულია 16:15 01.02.2017)
ბევრს არ სწამს ზოდიაქოს ნიშნების, მაგრამ ფსიქოლოგები ამბობენ, რომ ქალის ხასიათზე მისი დაბადების თვის მიხედვით ნამდვილად შეგიძლიათ იმსჯელოთ.

საქმე ისაა, რომ დაბადების პირველი თვეები ყველაზე მნიშვნელოვანია თქვენი ქვეცნობიერისთვის, და იმაზე, თუ როდის — ზამთარში, გაზაფხულზე, ზაფხულსა თუ შემოდგომაზე — ჩამოყალიბდა ის, საბოლოოდ დამოკიდებულია თქვენი ხასიათის მნიშვნელოვანი ნაწილი.

ქალის რა თვისებებზე შეიძლება საუბარი მისი დაბადების თვის მიხედვით:

იანვრის ქალები

იანვარში დაბადებული ქალები გამოირჩევიან სიმტკიცით, ამბიციურობითა და წესრიგისკენ მისწრაფებით. ისინი ძალზე სერიოზულად ეკიდებიან ურთიერთობებსა და ცხოვრებას, საკმაოდ კონსერვატორული არიან თავის შეხედულებებში.

ხანდახან ეს ქალები ზედმეტად კრიტიკული არიან, მაგრამ ეს მხოლოდ იმიტომ, რომ მათ თქვენთვის მხოლოდ საუკეთესო უნდათ. ამასთან ერთად უნდა გახსოვდეთ, რომ თავის გრძნობებზე ხმამაღლა საუბარი მათ არ უყვართ.

იანვრის ქალები დაახლოების ნებას მხოლოდ იმ ადამიანებს აძლევენ, რომლებიც მათ უყვართ და რომლებით მათ ინტელექტუალურ დონეს შეესაბამებიან. ყველაფერთან ერთად, თუ მათთან დაახლოება გინდათ, ჯობს ცხოვრებაზე მათნაირი შეხედულებები გქონდეთ.

თებერვლის ქალები

თებერვალში დაბადებული ქალები ძალზე რომანტიკული არიან. მთავარია, მათ მოთმინებით მოეპყრათ.

მათი იდუმალი სულის ამოცნობა ყველა მამაკაცს არ შეუძლია. ყველას არ ესმის, რა არის მათი მუდმივად ცვალებადი ხასიათის მიზეზი. მაგრამ ამ ქალებს არც სურთ „ყველა“, მათ თავისნაირი განსაკუთრებული მამაკაცი სჭირდებათ.

თებერვალში დაბადებული ქალები სხვებისგან საოცარი წარმოსახვითა და აბსტრაქტული აზროვნების უნარით გამოირჩევიან.

და კიდევ, ეს უნდა იცოდეთ: თუნდაც ერთხელ, სულ ცოტა მაინც რომ მოატყუოთ, მათ ვერასდროს ვეღარ ნახავთ.

მარტის ქალები

მარტში დაბადებულ ქალებს ძლიერი ქარიზმა და მომხიბლაობა აქვთ. ისინი ძალზე ერთგული არიან, ამიტომ, ჩვეულებრივ, მათ ყველაზე საიდუმლოსაც უზიარებენ.

ამ ერთგულ ადამიანებს ძნელად უყვარდებათ, მათი წყენინება სულ ადვილად შეიძლება ერთი არასწორი სიტყვით. მეორე მხრივ, მამაკაცს ისინი ერთხელ და სამუდამოდ ირჩევენ, რადგან მარტის ადამიანები მონოგამიურები არიან.

ერთი რჩევა მარტის ქალებისთვის — იპოვეთ მარტში დაბადებული კაცი და მშვენივრად შეეწყობით მას.

აპრილის ქალები

აპრილში დაბადებულები ბუნებით დიპლომატები არიან. ახასიათებთ კომუნიკაბელურობა, ნებისმიერ ადამიანთან საერთო ენას ადვილად პოულობენ. მათი ერთადერთი ნაკლი ისაა, რომ დროდადრო საკუთარი თავის შეცოდება უყვართ.

ქალი სარკესთან
ქალი სარკესთან

მაგრამ ასევე უნდა გახსოვდეთ, რომ აპრილის ქალები ძალიან ეჭვიანი არიან, ხოლო ნებისმიერი კამათი ამ ნიადაგზე ემოციების ნამდვილ აფეთქებას ჰგავს. სჯობს, ამის საბაბი არ მისცეთ. თუ სკანდალი მაინც დაიწყო, მის გაღვივებას ნუ შეეცდებით – ან მის განეიტრალებას ეცადეთ, ან, უბრალოდ, ოთახიდან გადით.

მეორე მხრივ, აპრილის ქალმა ყველაზე უკეთ იცის, რა არის სიამოვნება. ის დედამიწის ზურგზე ყველაზე ბედნიერ მამაკაცად ნამდვილად გაქცევთ.

მაგრამ თავის სულიერ მხარეს ისინი იმასთან ხსნიან, ვინც მათ ნდობას მოიპოვებს და ვინც ყველაფერს გააკეთებს იმისთვის, რომ ნდობა არ დაკარგოს.

მაისის ქალები

მაისში შეუპოვარი, უდრეკი და საკუთარი რწმენის ერთგული ქალები იბადებიან. მათ ძლიერი შინაგანი მორალური კომპასი აქვთ და მის მითითებებს არასდროს არღვევენ.

ასეთი ქალები გარეგნულად, ჩვეულებრივ, ძალზე მომხიბლავები არიან, რაც მათ საკმაოდ რთულ ხასიათს, შეიძლება ითქვას, ნამდვილად ერწყმის.

ასეთი ქალები ნებისმიერი მამაკაცისთვის, ვისაც მაისის ქალი უყვარდება, საშიში არიან, რადგან თუ მათ საპასუხო გრძნობა არ უჩნდებათ, ეს სიყვარული, შესაძლოა, საბედისწერო სიყვარულად იქცეს.

თუ ოდესმე მაისში დაბადებულ ქალთან გექნებათ რომანი, დარწმუნებული იყავით — ის მთელი ცხოვრება გემახსოვრებათ.

ივნისის ქალები

ივნისში დაბადებული ქალები ძალიან საინტერესონი არიან. მათი მთავარი თვისება კომუნიკაბელურობა და შემოქმედებისადმი მისწრაფებაა, ხოლო მთავარი ნაკლი ისაა, რომ ყოველთვის იმას ამბობენ, რასაც ფიქრობენ და სიტყვებს არასდროს არჩევენ.

მათ რატომღაც ჰგონიათ, რომ ყოველთვის პირში უნდა მიახალონ სიმართლე, მაგრამ იმაზე არ ფიქრობენ, როგორ შეიძლება ამით სხვას გული ატკინონ.

გარდა ამისა, აუცილებელია გაითვალისწინოთ, რომ ასეთი ქალი სიყვარულში საკმაოდ საშიში მოთამაშეა. მათ ხელში მამაკაცები ხშირად სათამაშოებად იქცევიან. ასე რომ, გახსოვდეთ ამის შესახებ, როდესაც ივნისის ქალს გაიცნობთ, თორემ აზრზე მოსვლასაც ვერ მოასწრებთ, ისე გაებმებით ხაფანგში და თავდავიწყებით გადაეშვებით სიყვარულის მორევში.

ივლისის ქალები

ივლისში დაბადებული ქალბატონები დანარჩენებისგან თავისი პატიოსნებითა და ახლობლებთან გულწრფელობით გამოირჩევიან. ყველა დანარჩენისთვის ისინი საიდუმლოებით მოცული და ძალზე ჭკვიანი, თუმცა მიუწვდომელნი არიან.

ქალი ყვავილებში
ქალი ყვავილებში

ყოველდღიურობაში ისინი, როგორც შეუძლიათ, თავს არიდებენ კონფლიქტებს და ბოლო მომენტამდე ცდილობენ თავაზიანი იყვნენ.

მოკლედ, ისინი მშვენიერნი არიან, მაგრამ გახსოვდეთ: ერთხელაც რომ მოატყუოთ, მათ სამუდამოდ დაკარგავთ. ასეთი პრინცესა ტყუილს არასდროს პატიობს!

აგვისტოს ქალები

ეს ადამიანები ეგოცენტრიზმისა და უზარმაზარი გულის უნიკალური შერწყმის ნიმუშები არიან. მამაკაცებს ნამდვილად ურჩევნიათ, ასეთ ქალებთან საქმე არ დაიჭირონ, რადგან ყოველთვის ისინი გაიმარჯვებენ. მამრობითი სქესის იშვიათმა ბრილიანტმა შეიძლება აგვისტოს ქალთან მთელი ცხოვრება გაატაროს და ამასთან ვერც შენიშნოს, რომ ცხოვრება მის „მონობაში“ გაატარა.

აგვისტოში დაბადებულ ქალებს იუმორის განსაკუთრებული გრძნობა გააჩნიათ, მაგრამ ძალიან არ უყვართ, როდესაც მათზე ხუმრობენ. თუ ეს თქვენ გამო მოხდება, დარწმუნებული იყავით — თქვენი საქმე წასულია.

მათ ყოველთვის ყურადღების ცენტრში უყვართ ყოფნა და მამაკაცების არასაკმარის პატივისცემას არასდროს განიცდიან, რადგან მათ გვერდით მამაკაცები ყოველთვის თავს კარგავენ.

სექტემბრის ქალები

თუ სექტემბერში დაბადებული ქალი ხართ, ეს ნიშნავს, რომ თქვენი მთავარი თვისებაა სიკეთე, დისციპლინა და გარეგნული სილამაზე.

რაც შეეხება მამაკაცებთან ურთიერთობას, თქვენთვის მთავარი ერთგულებაა. საკმარისია, ერთხელ მაინც გიღალატონ და ამას არასდროს დაივიწყებთ.

ჩვეულებრივ, ცხოვრებაში ძალზე ფრთხილი, ჩაკეტილი ხართ და, სამწუხაროდ, ცოტა შურისძიების მოყვარული. გსურთ, რომ თქვენთან ურთიერთობები ხანგრძლივი, ჯადოსნური იყოს და ეს მთელი ცხოვრება გაგრძელდეს. მამაკაცებს, რომლებიც ქალს „ერთი ღამისთვის“ ეძებენ, შეუძლიათ, გვერდი აგიარონ!

მეორე მხრივ, სექტემბრის ქალები თავის მსჯელობასა და შეფასებაში საკმაოდ კრიტიკული არიან და ამიტომ პარტნიორებისგან დიდი მოლოდინები აქვთ. გაიმარჯვებს ის, ვინც თავის უნიკალურობას დაამტკიცებს.

ოქტომბრის ქალები

ოქტომბერში დაბადებული ქალები ძლიერი და ქედუხრელი ხასიათით გამოირჩევიან. ისინი ძალზე ემოციური არიან, მაგრამ სხვების თანდასწრებით ცრემლს არასდროს დაღვრიან.

ასევე, ისინი ძალიან ჭკვიანები არიან, საკმაოდ ჭკვიანი იმისთვის, რომ გული ყველას არ გადაუშალონ, რადგან იციან: ადამიანებს სჩვევიათ სხვებზე მოპოვებული ძალაუფლების გამოყენება.

დანარჩენ ქალებს ოქტომბრის ქალები ხშირად სძულთ, რადგან შურთ მათი. „ოქტომბრელებს“ ყოველთვის საუკეთესო მამაკაცები ხვდებათ და ღირსეული ცხოვრების გზა აქვთ.

ვერაფერს გააწყობ, ასეთია მათი ბუნება.

ნოემბრის ქალები

ეს ქალები ყოველთვის სხვებზე ერთი ნაბიჯით წინ იქნებიან. ისინი აქტიური, თანმიმდევრული არიან და სიცრუეს ადვილად ცნობენ. ამიტომ ასეთი ქალების გრძნობებზე თამაში კატეგორიულად არ შეიძლება. ასეთი ბინძური თამაშების ბოლო ყოველთვის ყველაზე ცუდია.

მეორე მხრივ, ისინი ნამდვილი ცეცხლივით არიან. მათთან არასდროს მოიწყენთ. ვერასდროს დაადანაშაულებთ ამბიციების დეფიციტში.

მთავარია, არ დაივიწყოთ: არასდროს ჰკითხოთ აზრი ყველაფერზე, თუ სიმართლის მოსასმენად მზად არ ხართ.

დეკემბრის ქალები

დეკემბერში დაბადებული ქალები უკიდურესად მოუთმენელი ხასიათითა და დაუჯერებელი გამომგონებლობით გამოირჩევიან. საბედნიეროდ, ამასთან ერთად ისინი ბუნებით საკმაოდ იღბლიანები არიან. როგორი ვითარებაც არ უნდა იყოს, სიტუაციიდან ყოველთვის გამარჯვებული გამოვლენ.

ასევე, „დეკემბრელებმა“ ყველაზე უკეთ იციან, როგორ შეუქმნან განწყობა საკუთარ მამაკაცს. მათი საიდუმლო — გახსნილი გულია.

ცხოვრება მათ არ აფრთხობს და იარის მიყენებაც არ შეუძლია. მათ სამყაროს შემოქმედი ანებივრებს და ამიტომ ყოველთვის იღებენ იმას, რაც სურთ.

6105
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

19
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

19
მთების პეიზაჟი

9 აგვისტოს დაბადებულები ზოდიაქო, დახასიათება, რჩევები

22
(განახლებულია 10:25 06.08.2020)
გაეცანით 9 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

3-12 აგვისტო

3-12 აგვისტოს პერიოდი ლომის ნიშნის მეორე დეკადას განეკუთვნება.

ამ დეკადას იუპიტერი მართავს. ის ამ პერიოდში დაბადებულებს ჯანსაღ აზრსა და გონიერებას ანიჭებს. ამ ადამიანებს უყვართ მხიარულება და გართობა, ვერ წარმოუდგენიათ საკუთარი ცხოვრება საზოგადოების გარეშე.
მნიშვნელოვანი წლებია 19, 36, 40, 57, 76.

მათი სიმბოლოა მზესუმზირა.

ამ პერიოდში დაბადებულები ასხივებენ ნათელ, მზიან და მსუბუქ ენერგეტიკას. ამბიციები არ ჩრდილავს მათ გონებას, წარმატებებით ზედმეტი ქება-დიდების გარეშე ხარობენ, არ ახასიათებთ „ვარსკვლავური“ დაავადება. ოპტიმისტური განწყობა ეხმარება, რომ მიზნისკენ მსუბუქად იარონ.

9 აგვისტოს დაბადებულები

9 აგვისტოს ბედნიერი ადამიანები იბადებიან; მათ წინაშე უდიდესი შესაძლებლობებია გაშლილი, არიან ნიჭიერი, წარმატება ნებისმიერ ჩანაფიქრსა და საქმეში სდევთ თან. მათ მეტი თავდაჯერებულობა ესაჭიროებათ, უნდა განავითარონ სითამამე და სიმტკიცე, რთულ სიტუაციებში სიმტკიცე და ურყეობა უნდა გამოამჟღავნონ. თუ ამ თვისებებს შეიძენენ, ეს მათი წარმატებული ცხოვრების გარანტი იქნება, ხოლო ხასიათის სისუსტეები მათ ბედნიერ ცხოვრებას ხელს შეუშლის.

9 აგვისტოს დაბადებულები საიმედო საყრდენი არიან იმ ადამიანებისთვის, ვინც მათზეა დამოკიდებული. არიან შესანიშნავი გუნდური მოთამაშეები, შეუძლიათ მიმართულების მიცემა ნებისმიერი ჯგუფისთვის, რომლის ნაწილიც თვითონ არიან. მიუხედავად ლიდერის აშკარად გამოკვეთილი თვისებებისა, ამას ყოველთვის არ იყენებენ ცხოვრებაში და ამით თავიანთ გუნდს აზარალებენ.

9 აგვისტოს დაბადებულებს ბრძოლა სისხლში აქვთ გამჯდარი. ისინი ადვილად წვდებიან ადამიანების ფსიქოლოგიას, ყოველთვის იციან, რა აღელვებთ გარშემომყოფებს. მათ თავისუფლად შეიძლება ვუწოდოთ ადამიანის ხასიათის სფეროს სპეციალისტები. იციან ადამიანებთან ინდივიდუალური ურთიერთობების ხერხები. მათ მიმართავენ რჩევებისა და რეკომენდაციებისთვის; ამ ადამიანების მოსაზრებებს, როგორც წესი, წონა აქვს.

მათი გონება მუდმივად იდეებითაა დაკავებული და ეს იდეები, ჩვეულებრივ, ცხოვრებისგან მაქსიმალური სარგებლის მიღებას უკავშირდება. ხანდახან მათი რჩევები საზღვარს გადადის იმ თვალსაზრისით, რომ მოითხოვენ დაჟინებით მათ შესრულებას, სრულ კონტროლსა და დომინირებას სხვის მოსაზრებებზე. აქვთ სხვებზე ძლიერი ზეგავლენის უნარი, მაგრამ, ამავე დროს, თავიანთი მეურვეობის ქვეშ მყოფებზე პასუხისმგებლობასაც იღებენ. ეს პასუხისმგებლობა ნებისმიერ სფეროში ვლინდება - ფინანსები, განათლება, ჩვეულებები, დასვენება.

ამ დღეს დაბადებულებისთვის წარუმატებლობა იშვიათ გამონაკლისს წარმოადგენს. მათი უმეტესობა კარგი მშობელი და ახლო მეგობარია. ისინი ქორწინებაში მთლიანად იხარჯებიან, თავიანთ გრძნობებს ბოლომდე გასცემენ. თუმცა, საკუთარი აზრების სხვებზე მოხვევის თვისება ხშირად აქაც იჩენს ხოლმე თავს. ამ შემთხვევებში მათ ახლო მეგობარი სჭირდებათ, რომელიც სწორ გზას მიუთითებს.

ჯანმრთელობა

9 აგვისტოს დაბადებულებს, ზოგადად, კარგი ჯანმრთელობა აქვთ, მაგრამ არ უვლიან თავს და არ ითვალისწინებენ ექიმებისა თუ ახლობლების რჩევებს კვებასთან, დასვენებასთან თუ ფიზიკურ აქტიურობასთან დაკავშირებით. მათ გვერდით სჭირდებათ ახლობლები, რომლებიც მუდმივად შეახსენებენ მათ ცხოვრების ჯანსაღი წესის შესახებ.

რჩევა:

თქვენი აზრი ყოველთვის ჭეშმარიტება ვერ იქნება. თქვენი ოპტიმალური ვარიანტი სხვების წარმოდგენას აუცილებელი გადაწყვეტილების შესახებ შეიძლება არ შეესატყვისებოდეს. დაუფიქრდით სიტყვებს, ნუ ატკენთ გულს სხვა ადამიანებს, გააკონტროლეთ თქვენი გამონათქვამები.

22