განშორება საწყისი წერტილი არ არის. ეს იმის შედეგია, რომ მამაკაცს აღარ უყვარხართ

ორი გზა დაშორების შემდეგ: მდგომარეობიდან გამოსვლა ან თვითგვემა

2886
(განახლებულია 13:26 29.01.2017)
დაშორება, ტრავმის სიღრმით, ახლობელი ადამიანის სიკვდილის შემდეგ მეორე ადგილზეა. პირველ რიგში, რის გაკეთებაც არავითარ შემთხვევაში არ შეიძლება, ესაა თქმა - „მიმატოვეს“ - ეს ფიქრშიც არ უნდა გაივლოთ.

ნებისმიერი დაშორება მტკივნეულია, მაგრამ აქედან შეიძლება თავაწეული გამოსვლაც და ასევე დიდი ხნით თვითგვემის მდგომარეობაში დარჩენა. როგორ უნდა დავეხმაროთ თავს განშორებისგან მოყენებული ტკივილის დასაძლევად?

პირველ რიგში, რის გაკეთებაც არავითარ შემთხვევაში არ შეიძლება, ესაა თქმა — „მიმატოვეს“ — ეს ფიქრშიც არ უნდა გაივლოთ.

ესაა მსხვერპლის, ობიექტის, საგნის პოზიციაზე გადანაცვლება. თქვენ ორი ზრდასრული და ქმედუნარიანი ადამიანი ხართ და არავის არავინ მიუტოვებია. თქვენ დაშორდით, მიიღეთ ერთმანეთთან ურთიერთობების გაწყვეტის გადაწყვეტილება, თქვენი წყვილისთვის პერსპექტივას ვერ ხედავთ — აირჩიეთ ნებისმიერი ფორმულირება, მთავარია, მან მომხდარის არსი ასახოს. თქვენი წყვილი დაიშალა და არავის არავინ მიუტოვებია.

შეწყვიტეთ საკუთარი თავის შეცოდება და გარშემომყოფებთან წუწუნი
© Flickr / Johan Larsson
შეწყვიტეთ საკუთარი თავის შეცოდება და გარშემომყოფებთან წუწუნი

რა თქმა უნდა, ფსიქოლოგიურად ჯანმრთელი ადამიანი განმარტების გარეშე არ რჩება, ის პოულობს ძალას, პარტნიორს რომ დაელაპარაკოს, აუხსნას, რომ გრძნობები გაქრა და შემდგომ ურთიერთობებს აზრი აღარ აქვს.

მაგრამ კარგად გვესმის, რომ სხვაგვარადაც ხდება, მაგალითად, ბრუნდებით სახლში და იქ გარდერობი ცარიელი გხვდებათ, ან თქვენი ეჭვი სხვა ქალის არსებობაზე მართლდება, ან ის ყველაფერზე გედავებათ, რადგან აღიზიანებთ.

ამის დაჯერება უმალ ძნელია, მაგრამ დაიჯერეთ: არანაირი მნიშვნელობა არა აქვს, რა გახდა ბოლო წვეთი, დაგშორდათ ის განმარტებით თუ ამის გარეშე, გამოიჭირეთ ღალატზე თუ არა.

არასდროს ხდება ისე, რომ ორმა ადამიანმა უპრობლემოდ იცხოვროს და ერთ-ერთმა პარტნიორმა უმიზეზოდ წასვლა გადაწყვიტოს. ასე უბრალოდ არ ხდება. თუ მას სხვა შეუყვარდა, მანამდე თქვენ უკვე აღარ უყვარდით. ეს მნიშვნელოვანი აზრია და ყველა ქალმა უნდა გაიაზროს.

განშორება საწყისი წერტილი არ არის. ეს იმის შედეგია, რომ მამაკაცს აღარ უყვარხართ.

სწორედ აქედან უნდა დაიწყოთ ფიქრი — თუ აღარ უყვარხარ, რად გინდა ასეთი ადამიანი? თუ თქვენ გვერდით ყოფნა არ უნდა ადამიანს, რომელსაც თქვენი ცხოვრება აღარ აინტერესებს, რომელსაც თქვენს ცხოვრებაში მონაწილეობა აღარ სურს, რომელსაც თქვენთან სალაპარაკო აღარაფერი აქვს.

დაშორება, ტრავმის სიღრმით, ახლობელი ადამიანის სიკვდილის შემდეგ მეორე ადგილზეა
© Flickr / hans van den berg
დაშორება, ტრავმის სიღრმით, ახლობელი ადამიანის სიკვდილის შემდეგ მეორე ადგილზეა

ის მამაკაცი, რომელსაც უყვარდი, აღარ არის. მას ვერ დაიბრუნებ, ის მივლინებაში არ წასულა… აქ ჩნდება შემდეგი მნიშვნელოვანი აზრი — თქვენი განშორება კანონზომიერია.

თქვენი მამაკაცი არანაირ „კახპას“ არ წაუყვანია. ის დამნაშავე არ არის, რომ აღარ უყვარხარ. შეყვარება და „გადაყვარება“ ძალით არ ხდება. თქვენს ურთიერთობებში იყო რაღაც პრობლემები, რომლებსაც ან არ აქცევდით ყურადღებას, ან არ გინდოდათ შეგემჩნიათ, ან იმედი გქონდათ, რომ ყველაფერი თავისთავად ჩაივლიდა, ან ამას რთულ პერიოდს მიაწერდით და ა. შ.

ასეა თუ ისე, თქვენ შორის გაუგებრობამ იმატა, გაქრა სინაზე, ერთმანეთთან ნაკლებ დროს ატარებდით, ხშირად კამათობდით ან, უბრალოდ, ნაკლებად ურთიერთობდით. დიახ, ასეთი პერიოდები ყველა წყვილს აქვს, მაგრამ შორდებიან ის წყვილები, რომელთა ურთიერთობებიც თავიდანვე მყარი არ იყო. ანუ თქვენი ურთიერთობები განწირული იყო და საკითხი, უბრალოდ, ასე იდგა — როდის დაშორდებით.

შეწყვიტეთ საკუთარი თავის შეცოდება და გარშემომყოფებთან წუწუნი არამზადასა და გაიძვერაზე, რომელიც თუნდაც ძალზე „არაკაცურად“ წავიდა — გახსოვდეთ, თავის დროზე ეს მამაკაცი სწორედ თქვენი არჩეულია.

„მაშინ სულ სხვანაირი იყო“ — ალბათ ეს გაიფიქრეთ. მართალია, მაგრამ თუ ასე შეიცვალა, რატომ თავად არ მიატოვეთ? არამზადად ერთ საათში ხომ არ იქცა? ერთად დიდხანს იყავით, ალბათ, ხედავდით, როგორ ექცევა სხვებს, როგორ საუბრობს ახლობლებზე, სხვა წყვილებზე.

ან ვერ ამჩნევდით ზოგიერთ ნიშანს, ან არ გინდოდათ დანახვა. მაგრამ ვითარებიდან „ჩემი პარტნიორი არამზადა აღმოჩნდა“ გამოსავალი ცხადია: ეს ურთიერთობები უნდა დამთავრდეს. თქვენმა არამზადამ თვითლიკვიდაცია მოახდინა და განა ეს სიხარულის საბაბი არ არის?

რა თქმა უნდა, განშორების შემდეგ პირველ ხანებში რთული და მძიმე იქნება. ეს ნორმალურია. დაშორება, ტრავმის სიღრმით, ახლობელი ადამიანის სიკვდილის შემდეგ მეორე ადგილზეა. მიეცით საკუთარ თავს დაახლოებით ერთი წელიწადი. ამ დროში თქვენი ფსიქიკა სტრესს „გადახარშავს“ და შემდგომი წინსვლისთვის მზად იქნებით.

დაახლოებით ერთ წელიწადში თქვენი ფსიქიკა სტრესს „გადახარშავს“ და შემდგომი წინსვლისთვის მზად იქნებით
© Flickr / Ant Jackson
დაახლოებით ერთ წელიწადში თქვენი ფსიქიკა სტრესს „გადახარშავს“ და შემდგომი წინსვლისთვის მზად იქნებით

ამ რთულ პერიოდში მოერიდეთ ორ უკიდურესობას. პირველი — ჩაიკეტოთ და თვითგვემას მიეცეთ, განუწყვეტლივ იქვითინოთ და მეორე — ყველას უმტკიცოთ, რომ „მაგარი“ ხართ და თქვენი გულისთვის მამაკაცები ერთმანეთს ეჯიბრებიან.

მარტოობა და საკუთარი ტანჯვით „ტკბობა“ დღითიდღე დაგინგრევთ თვითშეფასებას და ჯანმრთელობას, ხოლო მამაკაცებს „ყოფილს“ შეადარებთ.

ანუ, თუ ისე ერთობით, რომელიც არაფერს გავალდებულებთ — შეხვედრები, სექსი, კინოში წავსლა და ა. შ., გაერთეთ. მაგრამ ნუ გექნებათ მოლოდინი, რომ ურთიერთობები ერთი მდგომარეობიდან მეორეში გადაიზრდება სწრაფად. ეს ნევროტიკული კავშირი იქნება, რომელიც არაფერ კარგს არ მოიტანს — ეს თითქმის გარანტირებულია.

ბევრისთვის რთულია, რომ თავის ახლობლებსა და მეგობრებს განშორების შესახებ აცნობოს. ეს გასაგებია, ადამიანები კითხვებით მოგვმართავენ, რაც ძალიან არასასიამოვნოა. რჩევა ასეთია — არანაირ დეტალზე არ გაამახვილოთ ყურადღება, არ დაადანაშაულოთ და არ დაიდანაშაულოთ თავი. მიზეზად შეარჩიეთ რომელიმე ოფიციალური ვერსია — „ხასიათებით ვერ შევეწყვეთ“, „მომავალზე განსხვავებული შეხედულებები გვაქვს“, „ჩვენი გზები გაიყო“…

დაბოლოს, თქვენ დამნაშავე არ ხართ. არ შეგიშინებიათ ის, როცა აბაზანიდან მაკიაჟის გარეშე გამოხვედით, ნორმალურად ამზადებდით კერძებს, ნორმალური გარეგნობა, ფიგურა გაქვთ, ხასიათი, მოკლედ, ყველაფერი ნორმალურადაა. არ დაუშვათ აზრი — „სხვანაირად რომ მოვქცეულიყავი, ყველაფერი სხვაგვარად იქნებოდა“. არავითარ შემთხვევაში.

თქვენ ისეთი ხართ, როგორიც ხართ — ეს თქვენ ხართ და არავინ სხვა. მამაკაცს ქალი უყვარს მთლიანად, არ ყოფს მის საჭმელების მომზადების უნარსა და გრძელ ფეხებს. ნუ ეცდებით, „გაკვეთილი ისწავლოთ“ და განშორების შემდეგ საკუთარი თავი შეცვალოთ — ეს ძალადობაა საკუთარ თავზე.

ერთადერთი, რაზე დაფიქრებაც, ალბათ, ღირს ესაა — ხომ არ აიღეთ თქვენს თავზე ზედმეტი პასუხისმგებლობა ყველაფერზე, რაც თქვენ შორის ხდებოდა; რადგან თუ გწამდათ, რომ „ამინდი ოჯახში“ მთლიანად თქვენი პასუხისმგებლობაა, ამ „წესისგან“ სასწრაფოდ უნდა გათავისუფლდეთ. ტანგოს მარტო ვერ იცეკვებთ, ამისთვის ორი ადამიანია საჭირო.

მასალა მომზადებულია ფსიქოლოგ მიხაილ ლაბკოვსკის მოსაზრებებზე დაყრდნობით

2886
იანვრის დილა კუს ტბაზე

დღის ასტროპროგნოზი ზოდიაქოს ნიშნებისთვის: 20 იანვარი

763
(განახლებულია 10:48 20.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 20 იანვარია, ოთხშაბათი. მზარდი მთვარე ვერძის ნიშანშია. ამ დღეს პლანეტა მერკური მფარველობს.

დღევანდელი დღე ადამიანებს თვითორგანიზაციისა და პუნქტუალობისკენ უბიძგებს, ამიტომ ის იდეალურად მიესადაგება როგორც მნიშვნელოვანი ღონისძიებების ჩატარებას, ისე რუტინული საქმეების გაკეთებას. ერთადერთი „მაგრამ“ ისაა, რომ ეცადეთ, იშვიათად მოხვდეთ თვალში უფროსობას, ისინი, შესაძლოა, ზედმეტად მომთხოვნი იყვნენ. მთლიანობაში, კარგი დღეა ყველაფრის მოსაწესრიგებლად – საკუთარი გრძნობებიდან და აზრებიდან დაწყებული, სამუშაო საკითხებით დამთავრებული.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: ამ დღეს თქვენს ცხოვრებაში ადგილი არა აქვს სამ რამეს: „იქნებ“, ინტუიციასა და ბრმა იღბალს. სამივეს თქვენი სასტიკი იმედგაცრუება შეუძლია. ანუ, დღეს იმის იმედზე ყოფნა, რომ „იქნებ გამიმართლოს“, „გული მიგრძნობს“, არავითარ შემთხვევაში არ შეიძლება. თუ წარმატების მიღწევა გსურთ, თითოეული ნაბიჯი დეტალურად უნდა გათვალოთ და მხოლოდ ამის შემდეგ იმოქმედოთ. წინააღმდეგ შემთხვევაში სავალალო შედეგები შეიძლება მიიღოთ.

კურო: დღეს თქვენი ემოციები ძალიან ძლიერი, მაგრამ ამავე დროს – გაწონასწორებული იქნება. ასეთი მდგომარეობა მოგცემთ საშუალებას, რომ ფაქიზად იგრძნოთ და აღიქვათ ყველაფერი, რაც გარშემო ხდება. გარშემომყოფების განწყობა, მათი საქციელის მოტივები და ზოგიერთი აზრიც კი თქვენთვის განსაკუთრებული საიდუმლო იქნება. გამძაფრებული გამჭრიახობა ტელეპათიასაც კი გაემიჯნება. გამოიყენეთ ეს მდგომარეობა, რომ ყველაზე მნიშვნელოვანი ვითარების არსს ჩასწვდეთ.

ტყუპი: დღეს არ ენდოთ ირგვლივ მყოფ ადამიანებს. მათ ნებსით თუ უნებლიეთ შეიძლება დაგაღალატონ. ეს განსაკუთრებით უცნობებსა და შორეულ ნაცნობებს ეხება. თუ კარგად მიმოიხედავთ ირგვლივ, შესაძლოა, აღმოაჩინოთ, რომ ვიღაც განზრახ გვნებთ, ავრცელებს ჭორებს ან ინტრიგებს ხლართავს. არაა გამორიცხული, ვინმემ ქუჩაში გამოგლანძღოთ... მოკლედ, რამე მსგავსი რომ არ მოხდეს, ყურადღებით უნდა იყოთ და ეს სრულიად საკმარისი იქნება.

კირჩხიბი: დღეს ძალზე მომთხოვნი ხართ როგორც საკუთარი თავის, ისე სხვების მიმართ. სურვილი გაგიჩნდებათ, რომ ყველა და ყველაფერი აკონტროლოთ. გეგმიდან ნებისმიერი გადახვევა შეიძლება პირად შეურაცხყოფად აღიქვათ. ასეთი განწყობა, რომ იბუზღუნოთ და საყვედურები გამოთქვათ, გარშემომყოფების გარდა თქვენც შეგეხებათ, როდესაც რაღაც საკითხში უსუსურობას იგრძნობთ. დღემ რომ მეტი პოზიტიური ემოცია მოიტანოს, უნდა შეეგუოთ იმ ფაქტს, რომ ყველაფერი ჩვენს ძალისხმევაზე არაა დამოკიდებული და მით უმეტეს, სურვილებზე.

ლომი: შესანიშნავი დღეა იმისთვის, რომ ნებისმიერ საქმეში მხარდაჭერა მიიღოთ. ეს, პირველ რიგში, სიყვარულსა და ურთიერთობებს ეხება. თუ რომანტიკულ ნაცნობობას, საკუთარ გრძნობებში გამოტყდომას ან ერთობლივი ცხოვრების გეგმებზე აპირებთ საუბარს, ამაზე უკეთეს დროს ვერ იპოვით. ასევე კარგი დღეა შეთანხმებების დადებისთვის, ახალი ნაცნობობისა და საქმიანი კონტაქტებისთვის. დღეს დაწყებული თანამშრომლობა, მეგობრობა ან სიყვარული მომავალში წარმატებული იქნება.

ქალწული: დღეს წარმატების გასაღები სიფრთხილეა – დღე გაკერებული იქნება დაძაბულობით, რომელიც შეიძლება კონფლიქტში გადაიზარდოს. ახლობელ ადამიანებთან ურთიერთობებში მოსალოდნელია უთანხმოებები და ურთიერთობების გამორკვევა. არაა გამორიცხული ასევე დაძაბულობა კოლეგებთან დამოკიდებულებაში. აქედან გამომდინარე, თუ გინდათ, რომ ნაყოფიერი დღე გქონდეთ, სიმშვიდე უნდა შეინარჩუნოთ, მოთმინებით აღიჭურვოთ და არ აჰყვეთ პროვოკაციებს.

სასწორი: დღეს სიმტკიცის გამოცდის დღე გელოდებათ, მაგრამ კარგი სიახლე ისაა, რომ ამასთან დასაპირისპირებლად დიდი ძალა გაქვთ. დიდი ალბათობაა იმისა, რომ საკუთარი ინტერესების დაცვა მოგიწიოთ, მონაწილეობა მიიღოთ კამათსი ან, სულაც, გარშემომყოფების თავდასხმები მოიგერიოთ. ეს რომ არ მოხდეს, ასტროლოგები გირჩევენ, არ გაცხარდეთ, მშვიდად მოძებნოთ საჭირო არგუმენტები. თუ ემოციებს გასაქანს მისცემთ, მაშინ ნებისმიერი სიტუაციიდან შეიძლება მოძებნო გამოსავალი: კარი წარწერით „გასასვლელი“.

მორიელი: დღეს სასიამოვნო მოვლენებით, სიახლეებითა და სიურპრიზებით სავსე დღე გელოდებათ, მაგრამ პარადოქსი ისაა, რომ ამის სათანადოდ შეფასებას, დიდი ალბათობით, ვერ შეძლებთ. არ არის გამორიცხული, რომ, პირიქით, ყოველგვარი საფუძვლის გარეშე აპათია დაგეუფლოთ, უკმაყოფილო იყოთ. შესაძლოა, ამის მიზეზი ისაა, რომ ბოლო დროს თქვენს ცხოვრებაში ბევრი რამ მოხდა, ხოლო ემოციები „დაახშეთ“. ან, იქნებ, უბრალოდ, დაიღალეთ? სჯობს, პოზიტიურ განწყობაზე გადაერთოთ და სიხარულით შეხვდეთ ცხოვრების მიერ მომზადებულ საჩუქრებს.

მშვილდოსანი: დღეს თქვენში უსაზღვრო ორგანიზატორული უნარები გაიღვიძებს. ადამიანები და მათ შორის, ხელმძღვანელობა, საპასუხისმგებლო საქმეებს განდობენ. სახლშიც კი რამეს მოიფიქრებთ, რომ არავინ მოიწყინოს. ნუ შეხედავთ ეჭვით, თუ ვინმემ ქათინაური გითხრათ. უბრალოდ, დატკბით სასიამოვნო ყურადღებით. ისე კი, არ გაწყენდათ რამდენიმე გაკვეთილი იმის შესახებ, თუ როგორ უნდა მიიღოთ კომპლიმენტი. მაშ ასე, გაკვეთილი პირველი: უბრალოდ, გაიღიმეთ და თავი დაუკარით.

თხის რქა: დღეს არ ღირს გეგმების განხორციელებაზე ფიქრიც კი, განსაკუთრებით ისეთზე, რომელზეც ბევრი რამაა დამოკიდებული. წინააღმდეგ შემთხვევაში მზად იყავით, რომ ეს საქმე შუა გზაზე გაჩერდება, ან საერთოდ ჩავარდება. დღეს ნავსაყუდელს ცხოვრების კარგად ნაცობ ასპექტებში ნახავთ. თუ დღევანდელ გზას გაჰყვებით, ნელა, მაგრამ აუცილებლად მიაღწევთ დანიშნულების ადგილს. ასე რომ, არ ღირს აჩქარება და ყველაფრის წყალში გადაყრა.

მერწყული: დღეს რაღაცის გამოსწორების შანსი მოგეცემათ. საქმე შეიძლება ეხებოდეს დიდი ხნის წინ დაწყებულ პრობლემებს, ან მოულოდნელ მოვლენას, რომელიც სწორ კალაპოტში უნდა მიმართოთ. თუნდაც ყველაფერი თქვენ წინააღმდეგ წავიდეს, ვარსკვლავები ამბობენ, რომ მაინც შეძლებთ აქედან პლუსების პოვნასა და სარგებლის მიღებას. პესიმისტი თითოეულ შესაძლებლობაში საშიშროებას ხედავს, ხოლო ოპტიმისტი – თითოეულ საშიშროებაში – შესაძლებლობას.

თევზები: დღეს ფინანსებს უნდა მიხედოთ. ამ დღეს არ მოგაკლდებათ ლოგიკურად აზროვნების უნარი და ყურადღება, რისი წყალობითაც შეძლებთ ბიუჯეტის დაგეგმვას ან გათვლებში არსებული ხარვეზების გამოსწორებას. ანალიტიკური უნარი გიკარნახებთ, სად სჯობს ფულის ჩადება და როგორ უნდა გაზარდოთ შემოსავლები. გამოიყენეთ დღევანდელი დღე იმისთვის, რომ შესაძლებელია ფულთან დაკავშირებული ნებისმიერი გეგმის განხორციელება, თანაც – წარმატებით.

763
ჯანჯაფილი

როდის არის ჯანჯაფილი საზიანო: ექიმი გაფრთხილებთ

744
(განახლებულია 21:44 19.01.2021)
მიუხედავად უამრავი დადებითი თვისებისა, ირკვევა, რომ ჯანჯაფილის მიღება ზოგ შემთხვევაში კატეგორიულად დაუშვებელია.

თბილისი, 19 იანვარი — Sputnik. ჯანჯაფილი (იმბირი, კოჭა) ცნობილია მრავალი სასარგებლო თვისებით, თუმცა ზოგმა ადამიანმა ის არ უნდა გამოიყენოს, განუცხადა რადიო Sputnik-ს თერაპევტმა და დიეტოლოგმა მარია ჩერნიაევამ.

მისი თქმით, ჯანჯაფილი ძალიან სასარგებლო მცენარეა, ის შეიცავს ბევრ ვიტამინსა და სასარგებლო მიკროელემენტებს, არის ძლიერი ანტიოქსიდანტი, აქვს ანთების საწინააღმდეგო თვისებები, აჩქარებს მეტაბოლურ პროცესებს და ხელს უწყობს იმუნიტეტის შენარჩუნებას.

„ჯანჯაფილი შეგიძლიათ ნებისმიერი ფორმით მიიღოთ. ის საკმაოდ უნივერსალური პროდუქტია. მაგალითად, მშრალი სახით ჯანჯაფილი თვისებებს ხანგრძლივად ინარჩუნებს. შეგიძლიათ გამოიყენოთ ჯანჯაფილის ნედლი ფესვი, ჩამოხეხოთ, აურიოთ თაფლში, დაამატოთ ჩაიში, მოამზადოთ სხვადასხვა სასმელი, ნაყენი“, — აღნიშნავს დიეტოლოგი.

გარდა ამისა, აზიის ქვეყნებში ჯანჯაფილს უმატებენ წვნიანებსა და სანელებლებს და ასევე მიირთმევენ მარინადის სახითაც, რაც ასევე ძალიან სასარგებლოა, ვინაიდან აქვს ანტიბაქტერიული, ანტიპარაზიტული ეფექტი.

ექიმის თქმით, მიუხედავად უამრავი სიკეთისა და გადაჭარბების დოზის არარსებობისა, მაინც არ ღირს იმბირის კილოგრამობით მოხმარება. უკეთესია, თუ მას რაიმეზე დანამატის სახით მიიღებთ დღეში 80–100 გრამის ოდენობით.

მკურნალობა ხალხური მეთოდებით. ჯანჯაფილი>>

ამასთან, სპეციალისტი ხაზს უსვამს, რომ არსებობს შემთხვევები, როდესაც ჯანჯაფილი უკუჩვენებებს იწვევს.

„ჯანჯაფილს შეუძლია გააძლიეროს სისხლის გამათხელებელი პრეპარატების მოქმედება, ვინაიდან მას თავად აქვს სისხლის გამათხელებელი ეფექტი. გარდა ამისა, კოჭამ შეიძლება უარყოფითად იმოქმედოს ნაღვლის ბუშტის დაავადებების დროს, რადგან ნაღველდენა იზრდება. კუჭის ლორწოვანი გარსის ზოგი ანთებითი ცვლილების გამწვავების დროსაც უკეთესი იქნება, ეს პროდუქტი ბოროტად არ გამოიყენოთ“, — განმარტა ჩერნიაევამ.

 

744
თემები:
ექიმი გირჩევთ

ნამდვილი ზამთარი: როგორ გამოიყურება დათოვლილი ბაკურიანი - ფოტო

0
  • ბაკურიანში ნამდვილი ზამთარი დადგა. ახლა აქ დღისით -18 გრადუსი და თოვლია
  • გარეთ ყველაფერი გადათეთრებულია
  • ავტომობილები ასევე თოვლით დაიფარა
  • სხვენებზე კი უზარმაზარი ლოლოები კიდია
  • სახლიდან გასვლისას, ალბათ, ბევრი არჩევს დარჩენას და ცხელი ჩაის დალევას
  • საავტომობილო გზები დილიდან ცარიელია. მხოლოდ ძაღლებს არ ეშინიათ ყინვისა და უამინდობის
  • თუმცა გარეთ ყველაფერი ძალიან ლამაზია
  • თუმცა კომუნალური სამსახურების თანამშრომლებისთვის უამინდობა მორიგი გამოცდაა. ძლიერი თოვისას ავარიები საკმაოდ ხშირი მოვლენაა
  • ბუნება ზამთარში უჩვეულოდ გამოიყურება
  • ერთ ღამეში აქ საკმაოდ დიდი თოვლი მოვიდა
  • ხეები თოვლით შეიმოსა
  • გარშემო ყველაფერი ძალიან გალამაზდა
  • ეს ნამდვილი ზამთარია
  • დღისით გზებზე უკვე მანქანებიც გამოჩნდა. მძღოლები ავტომობილებს მთლიანად არ წმენდენ თოვლისგან - ალბათ საღამოს კვლავ თოვას ელოდებიან
საქართველოში ნამდვილი ზამთარი დადგა. როგორ გამოიყურება ბაკურიანი - იხილეთ Sputnik-საქართველოს ფოტოლენტაში

საქართველო არ განეკუთვნება ცივი კლიმატის მქონე ქვეყნების კატეგორიას, თუმცა ზამთარი აქაც საკმაოდ ცივია, განსაკუთრებით მაღალმთიან რეგიონებში. ბოლო დღეების განმავლობაში მთელ ქვეყანაში აცივდა, დაიწყო ყინვები, მთებში მოთოვა კიდეც.

0
  • ბაკურიანში ნამდვილი ზამთარი დადგა. ახლა აქ დღისით -18 გრადუსი და თოვლია
    © Sputnik / STRINGER

    ბაკურიანში ნამდვილი ზამთარი დადგა. ახლა აქ დღისით -18 გრადუსი და თოვლია

  • გარეთ ყველაფერი გადათეთრებულია
    © Sputnik / STRINGER

    გარეთ ყველაფერი გადათეთრებულია

  • ავტომობილები ასევე თოვლით დაიფარა
    © Sputnik / STRINGER

    ავტომობილები ასევე თოვლით დაიფარა

  • სხვენებზე კი უზარმაზარი ლოლოები კიდია
    © Sputnik / STRINGER

    სხვენებზე კი უზარმაზარი ლოლოები კიდია

  • სახლიდან გასვლისას, ალბათ, ბევრი არჩევს დარჩენას და ცხელი ჩაის დალევას
    © Sputnik / STRINGER

    სახლიდან გასვლისას, ალბათ, ბევრი არჩევს დარჩენას და ცხელი ჩაის დალევას

  • საავტომობილო გზები დილიდან ცარიელია. მხოლოდ ძაღლებს არ ეშინიათ ყინვისა და უამინდობის
    © Sputnik / STRINGER

    საავტომობილო გზები დილიდან ცარიელია. მხოლოდ ძაღლებს არ ეშინიათ ყინვისა და უამინდობის

  • თუმცა გარეთ ყველაფერი ძალიან ლამაზია
    © Sputnik / STRINGER

    თუმცა გარეთ ყველაფერი ძალიან ლამაზია

  • თუმცა კომუნალური სამსახურების თანამშრომლებისთვის უამინდობა მორიგი გამოცდაა. ძლიერი თოვისას ავარიები საკმაოდ ხშირი მოვლენაა
    © Sputnik / STRINGER

    თუმცა კომუნალური სამსახურების თანამშრომლებისთვის უამინდობა მორიგი გამოცდაა. ძლიერი თოვისას ავარიები საკმაოდ ხშირი მოვლენაა

  • ბუნება ზამთარში უჩვეულოდ გამოიყურება
    © Sputnik / STRINGER

    ბუნება ზამთარში უჩვეულოდ გამოიყურება

  • ერთ ღამეში აქ საკმაოდ დიდი თოვლი მოვიდა
    © Sputnik / STRINGER

    ერთ ღამეში აქ საკმაოდ დიდი თოვლი მოვიდა

  • ხეები თოვლით შეიმოსა
    © Sputnik / STRINGER

    ხეები თოვლით შეიმოსა

  • გარშემო ყველაფერი ძალიან გალამაზდა
    © Sputnik / STRINGER

    გარშემო ყველაფერი ძალიან გალამაზდა

  • ეს ნამდვილი ზამთარია
    © Sputnik / STRINGER

    ეს ნამდვილი ზამთარია

  • დღისით გზებზე უკვე მანქანებიც გამოჩნდა. მძღოლები ავტომობილებს მთლიანად არ წმენდენ თოვლისგან - ალბათ საღამოს კვლავ თოვას ელოდებიან
    © Sputnik / STRINGER

    დღისით გზებზე უკვე მანქანებიც გამოჩნდა. მძღოლები ავტომობილებს მთლიანად არ წმენდენ თოვლისგან - ალბათ საღამოს კვლავ თოვას ელოდებიან