ჰოროსკოპი

ინდივიდუალური დიეტა ზოდიაქოს ნიშნებისთვის

6971
(განახლებულია 15:29 04.01.2017)
თუ გჯერათ აღმოსავლური ჰოროსკოპისა და იმ დახასიათების, რომელსაც ის თითოეული ზოდიაქოს ნიშნისთვის წარმოგვიდგენს, მაშინ გაითვალისწინეთ ეს რეკომენდაციები, რომელიც მიგითითებთ, რომელი საკვები პროდუქტების მიღებაა თქვენთვის სასურველი და რომლის - არა.

გაგიკვირდებათ, მაგრამ ზოდიაქოს თითოეულ ნიშანს აქვს თავისი მახასიათებლები არა მხოლოდ ტემპერამენტისა და ხასიათის, არამედ ცალკეული ჯგუფის დაავადებებისადმი განწყობის, ცხოვრების უნარისა და სწორი კვების მიხედვითაც. თუ ჭარბი წონა გაწუხებთ და კილოგრამების მოშორება გადაწყვიტეთ, დარწმუნებული იყავით, რომ ეს რჩევები თითოეულ ნიშანს დაეხმარება.

ვერძი

ვერძები გემრიელი საკვების მოყვარული ხალხია, მაგრამ ეს ძალიან ხშირად მავნე პროდუქტების მიღებასაც მოიაზრებს. თუ ამ ნიშნით დაიბადეთ, ერიდეთ ზედმეტ, გზადაგზა და ღამით ჭამას. თქვენი ჯანმრთელობის გარანტი კალიუმის ფოსფატია (მარწყვი, თხილი, პომიდორი).

მავნე პროდუქტებია: მუქი ხორცი, ცხოველური ცხიმები, მარილიანი, ცხარე და შემწვარი საკვები, ასევე ტკბილეული.

რაციონში შეიტანეთ: ფაფები, რძის პროდუქტები, თევზი და ბოსტნეული (ჭარხალი, თალგამი, კომბოსტო). ყოველდღიურად მიიღეთ С ვიტამინი, რომელსაც შეიცავს ციტრუსი, ვაშლი, ბანანი და კომბოსტოს მწნილი. ყავის ნაცვლად მიიღეთ ასკილისა და კარკადეს ჩაი.

თქვენს ზოდიაქოს ნიშანს ყველაზე მეტად ერგება ფაფების, ან ნაკლები ნახშირწყლების მქონე პროდუქტების დიეტები. ასევე, არ დაგავიწყდეთ – თქვენთვის განტვირთვის დღე სამშაბათია.

ვერძი
ვერძი

კურო

კუროს, ისე, როგორც სხვა არც ერთ ნიშანს, ნივთიერებათა შენელებული ცვლის პროცესი აქვს. სწორედ ამიტომ კვებას კუროებმა დიდი ყურადღება უნდა მიაქციონ. ამასთან, ისინი გურმანები არიან, ისინი ხშირად ზედმეტ საკვებს იღებენ და ამიტომ წონაშიც იმატებენ. თქვენი ჯანმრთელობის რესურსია ნატრიუმის სულფატი (ხახვი, საქონლის ხორცი, შვრია და მარწყვი). სწორედ ეს პროდუქტები უწყობს ხელს ორგანიზმიდან ზედმეტი სითხის გამოდევნას.

მავნე პროდუქტებია: ფუნთუშეული და ტკბილეული, ცხიმიანი ხორცი და მაგარი ყავა.

რაციონში შეიტანეთ: რძე, არაჟანი, კეფირი, მცენარეული წარმოშობის პროდუქტები, თხილი, ზღვის პროდუქტები, ხილი (კომში, ფორთოხალი, გარგარი და ატამი). უარი თქვით მაგარ ჩაიზე და ის მოცვის ფოთლის ან გვირილის ლიმონიანი ნაყენით ჩაანაცვლეთ.

თუ გსურთ წონაში დაიკლოთ ისე, რომ ორგანიზმს ზიანი არ მიაყენოთ, აირჩიეთ ნაკლები ნახშირწყლების მქონე პროდუქტები და დაბალკალორიული დიეტები, თქვენი განტვირთვის დღე პარასკევია.

კურო
კურო

ტყუპი

ტყუპი ყველაზე გაორებული ზოდიაქოს ნიშანია. ისინი, ერთი მხრივ, დაუცველად და სუსტად გამოიყურებიან, მეორე მხრივ, შესაშური შინაგანი ძალა, სიჯიუტე და მყარი ჯანმრთელობა აქვთ. ერთადერთი ნაკლია ის, რომ სტრესს სათანადო წინააღმდეგობას ვერ უწევენ. მაღალი ნერვული აღგზნების დროს მათ შეუძლიათ უზომოდ დიდი რაოდენობით ტკბილეული და ალკოჰოლი მიიღონ.

თუ ტყუპის ნიშნით დაიბადეთ, უნდა გახსოვდეთ, რომ თქვენ რაციონში მუდამ უნდა იყოს კალიუმი და В ჯგუფის ვიტამინები (ყაბაყი, ბადრიჯანი, ლეღვი, კომბოსტო, კარტოფილი).

მავნე პროდუქტები: ტკბილეული, ცხიმიანი საკვები და მაგარი სასმელები.

რაციონში შეიტანეთ: ყველი, თხილი, კვერცხი, ზღვის პროდუქტები, უცხიმო ხორცი (დღეში მხოლოდ ერთხელ), პარკოსნები, მარცვლეული. თუ თაფლზე ალერგია არ გაქვთ, შაქარი აუცილებლად თაფლით ჩაანაცვლეთ.

თუ გსურთ, მუდამ ფორმაში იყოთ, გახსოვდეთ, რომ თქვენი ჯანმრთელობის საიდუმლო სილიციუმით (მინდვრის შვიტასა და ჭინჭრის ნახარშები), ასევე კალიუმის ქლორიდით (არაქისი, ზეთისხილი, ყურძენი, მსხალი, ყაბაყი) მდიდარი პროდუქტების მიღებაშია.

მკაცრი დაბალკალორიული დიეტები თქვენთვის არ შეიძლება, ხოლო ნახშირწყლების შემცველი პროდუქტების ამოღება სწორედ ისაა, რაც გჭირდებათ. განტვირთვის დღე აუცილებლად ხილის უნდა იყოს და ამისთვის საუკეთესო დღე ოთხშაბათია.

ტყუპები
ტყუპები

კირჩხიბი

კირჩხიბები ძლიერი, მიზანმიმართული პიროვნებები არიან და კარგი ჯანმრთელობით გამოირჩევიან. მათთვის ყველაზე სუსტი ადგილი საჭმლის მომნელებელი სისტემაა. თუ კიბორჩხალა ბრძანდებით, უნდა გახსოვდეთ, რომ წყალ-მარილოვანი ბალანსის დაცვისთვის საკმარისი რაოდენობით უნდა მიიღოთ პროდუქტები, რომლებიც შეიცავს კალციუმის ფტორიდს (ზღვის პროდუქტები, ჩაი, ზღვის თევზი).

მავნე პროდუქტებია: საკონდიტრო ნაწარმი, ნედლი ბოსტნეული, ხილი (უნდა შეზღუდოთ მიღება). პორცია უნდა იყოს ზომიერი და სადილის შემდეგ კანფეტისა და ჭიქა ღვინის დაყოლება საერთოდ არ ღირს.

რაციონში დაამატეთ: მარცვლეული, რძემჟავა და რძის პროდუქტები, ფრინველის ხორცი, უცხიმო თევზი. თქვენთვის კარგია ნიორი, რომელიც სელენიუმს შეიცავს, ეს კი თქვენი ორგანიზმისთვის სასიცოცხლოდ მნიშვნელოვანია. ყოველდღე ბოსტნეულის წვნიანი საჭმლის მონელების სისტემის მოწესრიგებაში დაგეხმარებათ.

თუ გსურთ, სწრაფად გახდეთ, თქვენთვის რეკომენდებულია კეფირის ან ხაჭოს დიეტა. ასევე მიაღწევთ სასურველ შედეგს ბოსტნეულის წვნიანების დახმარებით. ასევე, თქვენი განტვირთვის დღეა ორშაბათი, შემდეგ მთელი კვირა მსუბუქი და აქტიური გექნებათ.

კირჩხიბი
კირჩხიბი

ლომი

ცნობილია, რომ ლომებს გემრიელად და ბევრის ჭამა უყვართ. ამ ტემპერამენტიანი ადამიანების ცდუნება ადვილია სხვადასხვა გემრიელი ნუგბარით, ამიტომ ეს ხშირად ზედმეტი კილოგრამების დაგროვებას იწვევს. თქვენთვის ჯანმრთელობის წყაროა ფოსფორით მდიდარი პროდუქტები: შვრიის, წიწიბურასა და ხორბლის ბურღული, სოია და კაკაო, თევზი და კვერცხი.

მავნე პროდუქტებია: მძიმე ცხიმიანი საკვები, ნამცხვარი და ალკოჰოლი.

რაციონში დაამატეთ: უჯრედისითა და კალიუმით მდიდარი ციტრუსები, რძის პროდუქტები. აუცილებელია ძირთეთრა, ნიორი, ნიახური, ყაბაყი, კარტოფილი, ლეღვი და გარგარის ჩირი. მიაქციეთ ყურადღება საჭმლის მონელების პროცესს და არ ჭამოთ ძილის წინ.

რაც შეეხება დიეტას, შეარჩიეთ ციტრუსისა და ნაკლები ნახშირწყლების შემცველი პროდუქტების დიეტა. თქვენი განტვირთვის დღე კი კვირაა და ამ დღეს მხოლოდ ციტრუსი უნდა მიიღოთ.

ლომი
ლომი

ქალწული

ქალწული ზოდიაქოს განსაკუთრებული ნიშანია. ისინი, როგორც წესი, დღეგრძელნი არიან და ბავშვობიდან მომთხოვნი გურმანები ხდებიან, რომელთა გულის მოგება ამ მხრივ ძალზე ძნელია. სწორი კვება ქალწულის ერთ-ერთი მთავარი თვისებაა, მაგრამ მისი ნაკლი ისაა, რომ ის არარეგულარულად იკვებება. თუ ზოდიაქოს ნიშნით ქალწული ბრძანდებით, თქვენი ორგანიზმისთვის ყველაზე აუცილებელია რკინის ფოსფატისა და კალიუმის სულფატით მდიდარი პროდუქტები, როგორიცაა ვაშლი, ყაბაყი, ფეტვი, შვრია და წიწიბურა.

მავნე პროდუქტებია: კონსერვები, ტკბილეული და შებოლილი პროდუქტები. ალკოჰოლი კი საერთოდ დაივიწყეთ.

რაციონში შეიტანეთ: მაკარონი, ფაფები, ჩაშუშული ბოსტნეული და რძემჟავა პროდუქტები. ბოსტნეულიდან შეარჩიეთ ნიახური, გოგრა, სტაფილო და კომბოსტო. თქვენი ხილია ბროწეული, ყურძენი, გარგარი და ვაშლი.

თქვენთვის სწრაფად წონაში დაკლება არ შეიძლება. ერთადერთი, რისი უფლებაც თავს შეიძლება მისცეთ, დიეტურ სუპებზე დაფუძნებული დიეტებია. წონის თანდათანობით კორექციისთვის გამოიყენეთ დანაწევრებული კვების სისტემა, ან სცადეთ ვეგეტარიანელობა. ქალწულების განტვირთვის დღეა ოთხშაბათი.

ქალწული
ქალწული

სასწორი

სასწორები საკმაოდ კარგი ჯანმრთელობით გამოირჩევიან, მაგრამ მათი მთავარი პრობლემა მარილიანი საკვებისადმი მიდრეკილებაა. გაითვალისწინეთ, რომ ყოველგვარ ზედმეტად მლაშე, ნედლად შებოლილ პროდუქტებზე, მარგარინით გამომცხვარ პროდუქტებზე და დიდი რაოდენობით რძეზე უარის თქმა თქვენ ჯანმრთელობაზე დადებითად აისახება. თქვენი ჯანმრთელობის საწინდარია პროდუქტები ნატრიუმის ფოსფორმჟავის შემცველობით (ჭარხალი, სატაცური, ატამი, სიმინდი, ნუში).

მავნე პროდუქტებია: დამარილებული, შებოლილი, მარგარინით გამომცხვარი საკვები და რძე.

რაციონში შეიტანეთ: ფაფები, მაკარონი მცენარეული გარნირით, ზღვის პროდუქტები და ფრინველის ხორცი. უცვლელი მიკროელემენტები, რომლებიც ყოველი ჭამის დროს უნდა მიიღოთ, არის სპილენძი (კიტრი, ჭარხალი, შავი მოცხარი, მოცვი, მიდიები), მანგანუმი (ბოლოკი, გოგრა, გაუწმენდელი ბრინჯი), Е ვიტამინი (მცენარეული ცხიმი, ალაო); მთავარი კი ჭამის დროს სასიამოვნო გარემოა.

გახსოვდეთ, რომ თქვენთვის ნაკლები ნახშირწყლების მქონე პროდუქტებით დიეტის დაცვა არ შეიძლება. წონაში დაკლება შეგიძლიათ საზამთროს ან ბანანის დიეტებით. განტვირთვის დღეები აუცილებელია. ეს დღე თქვენთვის პარასკევია.

სასწორი
სასწორი

მორიელი

მორიელი ზოდიაქოს ყველაზე დაუმორჩილებელი ნიშანია. მორიელებისთვის კარგად არის ნაცნობი ვითარება, როდესაც მთელი დღე ჭამას ვერ ახერხებენ და საღამოს უზომოდ მიირთმევენ. ერთადერთი, რაც გჭირდებათ, კვების ასეთი რეჟიმის შეცვლა და საკუთარი ორგანიზმის კალციუმის სულფატით (მწვანე ხახვი, სატაცური, წიწმატი, შავი ქლიავი და ხურტკმელი) შევსებაა. ჭამის წინ აუცილებლად მიიღეთ 0,5 ჭიქა მინერალური წყალი სულფატით.

მავნე პროდუქტები: მწარე კერძები, ცომეული.

რაციონში შეიტანეთ: ზღვის პროდუქტები, თალგამი, ბოლოკი, ჭარხალი, კომბოსტო, ციტრუსები და ვაშლი. კარგი ეფექტი ექნება საკვებში დამატებულ სუნელებს: ვანილი, ჟენშენი, რეჰანი, ილი და სალბი. საკვები დღეში 5-6-ჯერ მიიღეთ.

უარი არ თქვათ განტვირთვის დღეებზე. ამისთვის სამშაბათი შეარჩიეთ.

მორიელი
მორიელი

მშვილდოსანი

მშვილდოსნები ენერგიული პიროვნებები არიან მტკიცე ცხოვრებისეული პოზიციით. მათ უყვართ გემრიელი საკვები, მაგრამ ცხიმი და ალკოჰოლი მათთვის საერთოდ არ შეიძლება. თუ მშვილდოსანი ხართ, თქვენი ჯანმრთელობის რესურსი მინერალურ მარილებშია, რომლებიც მინერალური წყლების სპეციალურ სახეობებში შედის.

მავნე პროდუქტებია: შებოლილი პროდუქტები და ღორის ხორცი, დამარილებული საკვები და ტკბილეული.

რაციონში შეიტანეთ: მცენარეული ზეთი, პარკოსნები, თევზის დელიკატესი, რძის პროდუქცია. რაციონში აუცილებელია პროდუქტები, რომლებიც კაჟს (სილიციუმი, კაჟბადი) შეიცავს: სატაცური, ჭინჭარი, მატიტელა, კიტრი. არ დაივიწყოთ მწვანილიც: ოხრახუში, რეჰანი, ქინძი, ძირთეთრა, პიტნა, ნიახური. რაციონი შეავსეთ ხილით: ატამი, მანგო, გარგარი და ვაშლი.

განტვირთვის დღე მოაწყვეთ ხუთშაბათობით. გახდომისთვის საუკეთესო ვარიანტებია დიეტები მწვანე ბარდითა და ფაფებით.

მშვილდოსანი
მშვილდოსანი

თხის რქა

თხის რქებმა არ უნდა დაივიწყონ, რომ მათი მთავარი ამოცანა ნივთიერებათა ცვლის მუდმივი სტიმულირებაა. ამის გაკეთება რთული არაა. საკმარისია, კერძის მომზადებისას სპეციალური მცენარეები და სუნელები გამოიყენოთ: პიტნა, ანისი, რეჰანი, ნიახური, მიხაკი, ოხრახუში და სალბი. თქვენს ორგანიზმს ფოსფატი და ფტორი ესაჭიროება, რაც შედის კვერცხის ნაჭუჭში, ზღვის თევზსა და ჩაიში.

მავნე პროდუქტებია: ტკბილეული, ისპანახი, ცხიმიანი კერძები და კონსერვები, არ შეიძლება ერთ თეფშში ნახშირწყლებისა და ცილების შერევა; გამორიცხეთ დესერტი ჭამის შემდეგ.

რაციონში შეიტანეთ: მარცვლოვანი პური, ხაჭო, მაკარონი, კეფირი, მოხარშული ბოსტნეული და უცხიმო ხორცი, ბადრიჯანი, სტაფილო. ხილიდან უპირატესობა მიანიჭეთ ალუბალს, მაყვალს, კომშს, ნესვს, მარწყვსა და ქლიავს. შაქარი ნატურალური თაფლით შეცვალეთ.

მკაცრი დიეტა არ დაიცვათ. წონის დაკლებისთვის გამოიყენეთ კეფირის, წიწიბურას, ვაშლის დიეტები. აუცილებლად ჩაიტარეთ ვიტამინოთერაპია. თქვენი განტვირთვის დღეა შაბათი.

თხის რქა
თხის რქა

მერწყული

მერწყულის უწყვეტი აქტიურობა რესურსების ხარისხიან და დროულ შევსებას მოითხოვს. ზოდიაქოს სხვა ნიშნებისგან განსხვავებით, მერწყული საკვების ცდუნებას ადვილად უძლებს. თუ მერწყულის ნიშნით დაიბადეთ, მიაქციეთ ყურადღება თქვენთვის აუცილებელ პროდუქტებს: ლობიოს, არაქისს, კაკაოს, სოიასა და წიწიბურას ბურღულს. სწორედ ამ პროდუქტებშია თქვენთვის აუცილებელი მაგნიუმის ფოსფატი.

მავნე პროდუქტებია: ტორტი, ფუნთუშეული, შებოლილი პროდუქტები.

რაციონში შეიტანეთ: წიწიბურა, ბოსტნეულის წვნიანი, ხილი (კომში, ქლიავი, ბროწეული, ვაშლი), ბოსტნეული (ისპანახი, ბადრიჯანი, ლობიო, ყაბაყი, ჭარხალი), თევზი და თეთრი ხორცი. ყოველდღიურად უნდა მიიღოთ რძემჟავა პროდუქტები. ყოველი კვება მსუბუქი ბოსტნეულის სალათით (მცენარეული ზეთით) უნდა დაიწყოთ.

ერთდღიანი შიმშილობისთვის შაბათი შეარჩიეთ; რაც შეეხება დიეტას, თქვენი არჩევანია დაბალკალორიული და ნაკლებნახშირწყლებიანი ვარიანტები.

მერწყული
მერწყული

 

თევზები

თევზები სხვადასხვა დაავადების მიმართ განსაკუთრებით მგრძნობიარე არიან. ამას რომ თავი აარიდოთ, მნიშვნელოვანია მარტივი წესების დაცვა. თქვენთვის არასასურველია ზედმეტი, ცივი და მშრალი საკვების მიღება, ორგანიზმის სითხით გადატვირთვა. დაამატეთ რაციონში მეტი წიწიბურა, ასკილი და კომში და ძალისა და ენერგიის მოზღვავებას იგრძნობთ.

მავნე პროდუქტებია: ცხიმები, შაქარი, ცხარე და მწარე სოუსები.

რაციონში შეიტანეთ: ზაფხულის ბოსტნეულისგან მომზადებული სალათები, ფაფები (ქერის, ბრინჯის, წიწიბურის), ზღვის პროდუქტები, ბროწეული, ყურძენი, ნიგოზი და მზესუმზირა. აუცილებლად იკვებეთ ერთსა და იმავე დროს. ჭამამდე ნახევარი საათით ადრე მიიღეთ ნახევარი ჭიქა მინერალური წყალი.

თქვენი განტვირთვის დღეა ხუთშაბათი. გახდომისთვის შეარჩიეთ მხოლოდ დაბალკალორიული მონოდიეტები, მაგალითად, ყურძნის ან ბანანის.

თევზები
თევზები

 

6971
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

19
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

19
მთების პეიზაჟი

9 აგვისტოს დაბადებულები ზოდიაქო, დახასიათება, რჩევები

22
(განახლებულია 10:25 06.08.2020)
გაეცანით 9 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

3-12 აგვისტო

3-12 აგვისტოს პერიოდი ლომის ნიშნის მეორე დეკადას განეკუთვნება.

ამ დეკადას იუპიტერი მართავს. ის ამ პერიოდში დაბადებულებს ჯანსაღ აზრსა და გონიერებას ანიჭებს. ამ ადამიანებს უყვართ მხიარულება და გართობა, ვერ წარმოუდგენიათ საკუთარი ცხოვრება საზოგადოების გარეშე.
მნიშვნელოვანი წლებია 19, 36, 40, 57, 76.

მათი სიმბოლოა მზესუმზირა.

ამ პერიოდში დაბადებულები ასხივებენ ნათელ, მზიან და მსუბუქ ენერგეტიკას. ამბიციები არ ჩრდილავს მათ გონებას, წარმატებებით ზედმეტი ქება-დიდების გარეშე ხარობენ, არ ახასიათებთ „ვარსკვლავური“ დაავადება. ოპტიმისტური განწყობა ეხმარება, რომ მიზნისკენ მსუბუქად იარონ.

9 აგვისტოს დაბადებულები

9 აგვისტოს ბედნიერი ადამიანები იბადებიან; მათ წინაშე უდიდესი შესაძლებლობებია გაშლილი, არიან ნიჭიერი, წარმატება ნებისმიერ ჩანაფიქრსა და საქმეში სდევთ თან. მათ მეტი თავდაჯერებულობა ესაჭიროებათ, უნდა განავითარონ სითამამე და სიმტკიცე, რთულ სიტუაციებში სიმტკიცე და ურყეობა უნდა გამოამჟღავნონ. თუ ამ თვისებებს შეიძენენ, ეს მათი წარმატებული ცხოვრების გარანტი იქნება, ხოლო ხასიათის სისუსტეები მათ ბედნიერ ცხოვრებას ხელს შეუშლის.

9 აგვისტოს დაბადებულები საიმედო საყრდენი არიან იმ ადამიანებისთვის, ვინც მათზეა დამოკიდებული. არიან შესანიშნავი გუნდური მოთამაშეები, შეუძლიათ მიმართულების მიცემა ნებისმიერი ჯგუფისთვის, რომლის ნაწილიც თვითონ არიან. მიუხედავად ლიდერის აშკარად გამოკვეთილი თვისებებისა, ამას ყოველთვის არ იყენებენ ცხოვრებაში და ამით თავიანთ გუნდს აზარალებენ.

9 აგვისტოს დაბადებულებს ბრძოლა სისხლში აქვთ გამჯდარი. ისინი ადვილად წვდებიან ადამიანების ფსიქოლოგიას, ყოველთვის იციან, რა აღელვებთ გარშემომყოფებს. მათ თავისუფლად შეიძლება ვუწოდოთ ადამიანის ხასიათის სფეროს სპეციალისტები. იციან ადამიანებთან ინდივიდუალური ურთიერთობების ხერხები. მათ მიმართავენ რჩევებისა და რეკომენდაციებისთვის; ამ ადამიანების მოსაზრებებს, როგორც წესი, წონა აქვს.

მათი გონება მუდმივად იდეებითაა დაკავებული და ეს იდეები, ჩვეულებრივ, ცხოვრებისგან მაქსიმალური სარგებლის მიღებას უკავშირდება. ხანდახან მათი რჩევები საზღვარს გადადის იმ თვალსაზრისით, რომ მოითხოვენ დაჟინებით მათ შესრულებას, სრულ კონტროლსა და დომინირებას სხვის მოსაზრებებზე. აქვთ სხვებზე ძლიერი ზეგავლენის უნარი, მაგრამ, ამავე დროს, თავიანთი მეურვეობის ქვეშ მყოფებზე პასუხისმგებლობასაც იღებენ. ეს პასუხისმგებლობა ნებისმიერ სფეროში ვლინდება - ფინანსები, განათლება, ჩვეულებები, დასვენება.

ამ დღეს დაბადებულებისთვის წარუმატებლობა იშვიათ გამონაკლისს წარმოადგენს. მათი უმეტესობა კარგი მშობელი და ახლო მეგობარია. ისინი ქორწინებაში მთლიანად იხარჯებიან, თავიანთ გრძნობებს ბოლომდე გასცემენ. თუმცა, საკუთარი აზრების სხვებზე მოხვევის თვისება ხშირად აქაც იჩენს ხოლმე თავს. ამ შემთხვევებში მათ ახლო მეგობარი სჭირდებათ, რომელიც სწორ გზას მიუთითებს.

ჯანმრთელობა

9 აგვისტოს დაბადებულებს, ზოგადად, კარგი ჯანმრთელობა აქვთ, მაგრამ არ უვლიან თავს და არ ითვალისწინებენ ექიმებისა თუ ახლობლების რჩევებს კვებასთან, დასვენებასთან თუ ფიზიკურ აქტიურობასთან დაკავშირებით. მათ გვერდით სჭირდებათ ახლობლები, რომლებიც მუდმივად შეახსენებენ მათ ცხოვრების ჯანსაღი წესის შესახებ.

რჩევა:

თქვენი აზრი ყოველთვის ჭეშმარიტება ვერ იქნება. თქვენი ოპტიმალური ვარიანტი სხვების წარმოდგენას აუცილებელი გადაწყვეტილების შესახებ შეიძლება არ შეესატყვისებოდეს. დაუფიქრდით სიტყვებს, ნუ ატკენთ გულს სხვა ადამიანებს, გააკონტროლეთ თქვენი გამონათქვამები.

22