დაუტოვეთ მამაკაცს პირადი სივრცე

რა სჭირდებათ მამაკაცებს...

321
(განახლებულია 14:19 05.12.2016)
არის გარკვეული საჭიროებები, რასაც მამაკაცი დიდ მნიშვნელობას ანიჭებს. ზოგ ქალს ამის გაგონებაც არ უნდა, არამცთუ ამაზე ფიქრი. შედეგი კი ესაა - ან მამაკაცია ნერვული შეტევის ზღვარზე, ან ქალი - მარტოობის ზღვარზე.

პირველი — მარტოობა

პრინციპში, ასეთი მოთხოვნილება ყველა ადამიანს აქვს. მაგრამ, რატომღაც, სწორედ ქალები ხდებიან განმარტოების „ხელმყოფელები“. რა დაგემართა? შე საწყალო, მოდი, ეს პრობლემა ერთად გადავწყვიტოთ… ამ კითხვებში და დახმარების შეთავაზებაში ცუდი, თავისთავად, არაფერია, მაგრამ არის შემთხვევები, როდესაც მამაკაცს საკუთარ თავთან დარჩენის შესაძლებლობა უნდა მივცეთ. მათთვის ეს აუცილებელია!

ასეთი კაცები იოლად უყვარდებათ. ცოტათი დაბნეულ-დაკარგულია და ამიტომ იდუმალი და ამოუცნობი ტიპის შთაბეჭდილებას ტოვებს.
© Flickr / FL/ HomeSpot HQ
ასეთი კაცები იოლად უყვარდებათ. ცოტათი დაბნეულ-დაკარგულია და ამიტომ იდუმალი და ამოუცნობი ტიპის შთაბეჭდილებას ტოვებს.

მეორე — მეგობრებთან ყოფნა

მეგობრებთან ერთად საუბარი ავტომანქანებზე, რემონტსა თუ ქალებზე, გვერდით ჩავლილი ქალის მკერდის შეფასება და მოზარდივით ხითხითი; დათრობა და სისულელეებზე ლაპარაკი, „საძმოში“ ურთიერთობა — ეს ყველაფერი და კიდევ სხვა თითოეულ მამაკაცში სადღაც კუთხე-კუნჭულში აუცილებლად ცხოვრობს. ქალი, რომელიც ცდილობს, მამაკაცს ეს შესაძლებლობა მოუსპოს, იღებს ან ბუნტს, ან რისკს – დაკარგოს მეუღლე, მაგალითად, ინსულტისგან. იფიქრეთ ამაზე მანამ, სანამ იტყვით: „შენთვის მეგობრები ცოლზე უფრო მნიშვნელოვანია?!“

მესამე — იყოს ველური
ცივილიზაციამ მამაკაცს ძალიან ბევრი ვალდებულება და შეზღუდვა დაუწესა, სანაცვლოდ კი ძალზე ცოტა მისცა. ცივილიზაცია მამაკაცს მამაკაცურ ენერგიას ართმევს, ნერვებს „უწეწავს“, ზღუდავს. ცივილიზაცია მისთვის ბოროტი დედინაცვლის როლს ასრულებს.

მამაკაცი რომ ბედნიერი იყოს, ხანდახან მაინც უნდა ჰქონდეს შესაძლებლობა, იხეტიალოს მთებში, იცურაოს ტალღებში იალქნით, დაიჭიროს ტალღა… ქალებს ეს სიველურედ და საზიზღრობად მიაჩნიათ. მაგრამ ქალის ბუნება სხვაა. მამაკაცი უნდა გაუშვა, რომ ამოიგანგლოს ტალახში, გათბეს კოცონთან, მოკლედ, „გაველურდეს“ ცოტა ხნით მაინც… თუ არადა, მოიწყენს!

მეოთხე — ჰქონდეს საიდუმლო

რაც არ უნდა საშინლად ჟღერდეს ქალისთვის, მაგრამ მის მამაკაცს, დიდი ალბათობით, საიდუმლო აქვს. დედამიწის ზურგზე ადამიანი არ არსებობს, რომ რაიმეს არ მალავდეს, გამონაკლისი მხოლოდ სამ წლამდე ბავშვები და აბსოლუტურად ქმედუუნარო ადამიანები არიან. დანარჩენი ყველა რაღაცას გიმალავთ, ყველაზე ახლობელიც კი.

მამაკაცი ხანდახან მაინც უნდა ჰქონდეს შესაძლებლობა, იხეტიალოს მთებში, იცურაოს ტალღებში, დაიჭიროს ტალღა...
© Flickr / FL/ Hotlanta Voyeur
მამაკაცი ხანდახან მაინც უნდა ჰქონდეს შესაძლებლობა, იხეტიალოს მთებში, იცურაოს ტალღებში, დაიჭიროს ტალღა...

დაუტოვეთ მას პირადი სივრცის უფლება — ტელეფონი, ნოუთბუქი, დღიური. არ უნდა ეშინოდეს მათთვის თავისი საიდუმლოებების გამხელის. და ნუ მოიძიებთ ღრმად იქ, სადაც გამაფრთხილებელი წარწერაა: „აქ ნუ ეძებ“. თქვენი თავი წარმოიდგინეთ მის ადგილზე – რა დაუცველი იქნებით, თუ ვინმე თქვენ სულში აფათურებს ხელებს და მას საქვეყნოდ გამოამზეურებს.

მეხუთე — მოსწონდეს ქალებს

სანამ მამაკაცი ჯანმრთელია, ან, თუნდაც — ცოცხალი, მისი ერთ-ერთი მთავარი მოთხოვნილებაა საწინააღმდეგო სქესის ყურადღება. ამ დროს შეიძლება ბრაზობდეთ, ეჭვიანობისგან „ჭკუიდან გადადიოდეთ“, მაგრამ სანამ თქვენი მამაკაცი სუნთქავს, მის მკერდში გული ფეთქავს, მას მანამდე ექნება რეაქცია ლამაზ ქალზე.

ყველა მამაკაცს უყვარს მეგობრებთან ერთად საუბარი ავტომანქანებზე, გვერდით ჩავლილი ქალის მკერდის შეფასება, დათრობა და „საძმოში“ ურთიერთობა
© Flickr / FL/ David Lisbona
ყველა მამაკაცს უყვარს მეგობრებთან ერთად საუბარი ავტომანქანებზე, გვერდით ჩავლილი ქალის მკერდის შეფასება, დათრობა და „საძმოში“ ურთიერთობა

ნორმალურია სტრიპტიზ-ბარი, პორნოს ყურება, ან წამიერი შეხედვა ქალზე. თუ ამის გაკეთების საშუალებას ლეგიტიმურად არ მისცემთ, მაშინ ის ამას მაინც, მაგრამ საიდუმლოდ გააკეთებს.

321
დიეტა

დუკანის დიეტის საფრთხეები: ნუტრიციოლოგი საშიშ უკუჩვენებებსა და აკრძალვებს ასახელებს

66
(განახლებულია 20:11 16.07.2020)
ცნობილი ნუტრიციოლოგის თქმით, დუკანის დიეტის დაცვა, სხვა პრობლემებთან ერთად, ზოგ შემთხვევაში ჰორმონალურ მოშლასაც იწვევს.

თბილისი, 16 ივლისი — Sputnik. პიერ დუკანის პოპულარული დიეტა გარკვეულ შემთხვევებში საზიანოა ჯანმრთელობისთვის და შეუძლია სერიოზული პრობლემები შექმნას, აცხადებს დიეტოლოგების ეროვნული საზოგადოების წევრი, ნუტრიციოლოგი ოლგა დეკერი.

როგორც ცნობილია, დუკანის სისტემის საფუძველი — დიდი რაოდენობით ცილების შემცველი საკვების მიღება და ცხიმებისა და ნახშირწლების მინიმუმამდე დაყვანაა. ამასთან, დიეტა ითვალისწინებს დიდი რაოდენობით წყლის სმასა და რაციონიდან შაქრის სრულად გამორიცხვას.

დეკერის თქმით, დუკანის დიეტას უკუჩვენება აქვს თირკმელებისა თუ ღვიძლის დაავადებების, ასევე ნივთიერებათა ცვლის დარღვევის, პოდაგრის, ორსულობისა და ძუძუთი კვების დროს.  

„გადაჭარბებული ცილის გამო ორგანიზმში კეტონური სხეულები გამომუშავდება: ისინი თრგუნავს მადას და იწვევს დაღლილობის შეგრძნებას, წარმოქმნის უსიამოვნო სუნს პირის ღრუში და ასევე სხეულზე“, — განმარტავს ნუტრიციოლოგი.

მისი თქმით, მიკროელემენტებისა და ვიტამინების მკაფიოდ გამოხატული დეფიციტი პრობლემებს ქმნის არა მარტო გარეგნობის, არამედ ნერვული, გულ-სისხლძარღვთა და საჭმლის მომნელებელი სისტემების მიმართულებით.

  • „ამან კი შეიძლება ჰორმონალური მოშლა გამოიწვიოს“, — აფრთხილებს დუკანის დიეტის მოყვარულებს ექსპერტი.

გარდა ამისა, დეკერის თქმით, ცხიმების ნაკლებობამ შესაძლოა ადამიანს ნაღვლის ბუშტისა და გაუვალობის პრობლემაც შეუქმნას.

„ამგვარი დიეტის პირობებში ნელდება ნაწლავთა სისტემის მუშაობა და ხდება ორგანიზმის ინტოქსიკაცია“, — განმარტავს მედიკოსი.

სპეციფიკური შემთხვევა: სალა გახდომაში დაგეხმარებათ, თუ...>>

როგორც ნუტრიციოლოგი ამბობს, დუკანის დიეტას ასევე უკუჩვენება აქვს იმ ადამიანებისთვის, რომლებიც გონებრივი სამუშაოთი არიან დაკავებული, ვინაიდან მათი ტვინი ამ დროს ნახშირწყლების მწვავე დეფიციტს განიცდის.

 

66
თემები:
მსოფლიო და მეცნიერება
იზიკო გოგრიჭიანი მეუღლესთან ერთად

ნანატრი შვილიშვილი: რძალ-დედამთილის ემოციურმა ვიდეომ ინტერნეტ-სივრცე დაიპყრო

1272
(განახლებულია 19:28 16.07.2020)
იზიკო გოგრიჭიანი კერძო რეპეტიტორია, წლებია ბავშვებს ამზადებს. ამასთან ქმნის ხელნაკეთ ნივთებს, რაც თავდაპირველად ჰობი იყო, შემდეგ კი შემოსავლის წყაროდ იქცა.

იზიკოს და მისი დედამთილის ვიდეომ, სადაც მან დედამთილს ფეხმძიმობის ამბავი ამცნო, ინტერნეტ-სივრცე დაიპყრო. ემოციური ვიდეო ასი ათასობით ადამიანმა ნახა.

იზიკო, 27 წლის, რუსთავიდან:

- 18 წლიდან ვმუშაობ კერძო რეპეტოტორად და მყავს ჩემი მოსწავლეები, ვგიჟდები მათზე. პარალელურად მაქვს ჩემი სამყარო, ვაკეთებ ხელნაკეთ ნივთებს, აქსესუარებს და საკმაოდ წარმატებული გვერდიც მაქვს. ეს ჩემი განტვირთვის საშუალება იყო, მაგრამ სამი წლის წინ პატარა ბიზნესად ვაქციე. მყავს საოცარი მეგობრები, თუმცა ჩემი საქმიანობის გადამკიდე ხშირი კონტაქტი ვეღარ მაქვს, ძირითადად მეუღლესთან ერთად ვატარებ დროს, მოსწავლეებთან და ჩემს მომხმარებლებთან.

იზიკო გოგრიჭიანი
photo: courtesy of Iziko Gogrichiani
იზიკო გოგრიჭიანი

- თქვენი ოჯახის შესახებ მოგვიყევით, როგორ გაიცანით თქვენი მეუღლე, რამდენი ხანია, რაც დაოჯახდით?

- ვინც მე მიცნობს, იცნობს ჩემს მეუღლესაც. ერთ სკოლაში ვსწავლობდით და, რაც თავი მახსოვს, შეყვარებულები ვართ. 14 წლიდან ერთად ვართ. ფაქტიურად ბავშვობიდან ერთად ვიზრდებით. ოჯახის შექმნა არ ვიჩქარეთ. 10 წელი შეყვარებულები ვიყავით. ჩემი ინიციატივით შეფერხდა ჩვენი ოჯახის შექმნა და 10 წლის თავზე მივხვდით, რომ ახალი ეტაპი უნდა დაწყებულიყო ჩვენს ურთიერთობაში. ყველაფერი მონოტონურად მიდიოდა. 24 წლის ასაკში შევქმენით ოჯახი და ძალიან ბედნიერი ვარ, სწორი არჩევანი რომ გავაკეთე. პროფესიით მეხანძრე-მაშველია. მოგეხსენებათ, რთული პროფესიაა, სულ დაძაბული ვარ, თუმცა მეამაყება ხალხის სამსახურში რომ ვხედავ.

იზიკო გოგრიჭიანი მეუღლესთან ერთად
photo: courtesy of Iziko Gogrichiani
იზიკო გოგრიჭიანი მეუღლესთან ერთად

- თქვენმა ვიდეომ, თუ როგორ ახარეთ დედამთილს თქვენი ორსულობა, სოციალური ქსელი დაიპყრო. მოგვიყევით ეს ამბავი, როგორ და რატომ გაგიჩნდათ ასეთი იდეა?

- კი, ნამდვილად. ჩემი დედამთილის ვიდეო ჩემი მეუღლის ვიდეოზე ემოციური იყო და მიხვდებით ახლა რატომაც. ოჯახი რომ შევქმენით, თავიდანვე ვიცოდით, რომ შვილი ორი წელი მაინც არ უნდა გვყოლოდა. მინდოდა ფინანსურად მყარი ოჯახი გვქონოდა და არავის დასახმარებელი არ ვყოფილიყავით. მართლაც ნაყოფიერი იყო ეს 3 წელიწადი, საკუთარი ფინანსებით შევიძინეთ ბინა და დადგა საკითხი, რომ გვინდოდა ოჯახში ბავშვი. სიმართლე რომ გითხრათ, ეს სურვილი ჩემს მეუღლეს სულ ჰქონდა, მაგრამ ჩემს გადაწყვეტილებას პატივს სცემდა. 3 წელი გვისრულდებოდა ივნისში და უკვე შვილზე ფიქრიც დავიწყეთ. ჩემი დედამთილი პროფესიით ექთანია, პირველი მას გავანდე, რომ უკვე მზად ვიყავი ამ გადაწყვეტილებისთვის, მაგრამ თვეები ისე გადიოდა, რომ დადებითი პასუხი არ ჩანდა. ამიტომ დედამთილმაც მირჩია, რომ ექიმთან წავსულიყავით. ძალიან განვიცდიდით. ამდენი წელი არ მინდოდა და იქნებ მე რომ მოვინდომე, ვეღარ დავრჩენილიყავი ფეხმძიმედ. ეს ფიქრები არ მასვენებდა. ძალიან განვიცდიდი. ვფიქრობდი დაკარგულ სამ წელზე და თავს ვიდანაშაულებდი, უკვე ექიმის ძებნას ვიწყებდი, რომ ტესტმა ორი ხაზი აჩვენა. ამ დროს მეუღლე ცვლაში იყო (კიდევ კარგი, თორემ ვერ მოვითმენდი და მაშინვე ვეტყოდი). ვერ აღვწერ რა ბედნიერება იყო ჩემთვის, სრული შოკი. როცა დავწყნარდი, ზუსტად მაშინ მოვიქირე, რომ დედამთილისთვის ქილა გამეკეთებინა და ოჯახის წევრების სურვილები (რომელიც უკვე გამზადებული მქონდა საჩუქრად) გამომეყენებინა და ჩემი სიხარულიც ასე გამენდო. მისთვის სრულიად მოულოდნელი იყო, რადგან გვეგონა ექიმთან ვიზიტი და მკურნალობა დამჭირდებოდა. ქილაზე კი ვერც იეჭვებდა, რადგან დიდი ხანი მთხოვდა მისთვის ისეთი ქილა გამეკეთებინა, რასაც საიტზე ვყიდდი და ოჯახის წევრების წერილები ჩამეყარა. ასე რომ, მისთვისაც ეს ამბავი სრული შოკი და მოულოდნელობა იყო.

იზიკო გოგრიჭიანი მეუღლესთან ერთად
photo: courtesy of Iziko Gogrichiani
იზიკო გოგრიჭიანი მეუღლესთან ერთად

- ალბათ ემოციები კადრს მიღმაც გაგრძელდა და უფრო მძრაფრადაც. ამის შესახებ მოგვიყევით, როგორ შეხვდა ოჯახი თქვენს ამბავს?

- კი, რა თქმა უნდა მეუღლის და დედამთილის გარდა სხვებიც გავახარეთ. მათთვისაც მოულოდნელი იყო. არავინ გვაწუხებდა კითხვებით – „შვილს არ აპირებთ?“, რადგან ყველამ იცოდა ჩემი დამოკიდებულება ამ საკითხის მიმართ, უფრო სერიოზულად და დიდი პასუხისმგებლობით ვუყურებდი ყოველთვის...

იზიკო გოგრიჭიანი მეუღლესთან ერთად
photo: courtesy of Iziko Gogrichiani
იზიკო გოგრიჭიანი მეუღლესთან ერთად

- ახლა რამდენი თვის ხართ და თუ იცით ვის ელოდებით?

- ახლა სამი თვის ვარ და სულ რამდენიმე დღეში გავიგებთ სქესს. ერთი სული გვაქვს ვნახოთ ვინ არის, სახელებიც კი შერჩეული გვაქვს, გოგონას ნატალის ვარქმევთ, ბიჭს დამიანეს.

იზიკო გოგრიჭიანის ხელნაკეთი ნივთები
photo: courtesy of Iziko Gogrichiani
იზიკო გოგრიჭიანის ხელნაკეთი ნივთები

- თქვენ საქმიანობაზეც მინდა ვისაუბროთ. ხელნაკეთ ნივთებს ქმნით, როდის დაიწყეთ და რა ნივთებს ქმნით?

- ბავშვობიდან მიტაცებდა ხელნაკეთი ნივთების შექმნა, გადაკეთება. თავისუფალ დროს ასე ვისვენებდი, მაგრამ სამი წლის წინ პატარა ბიზნესად ვაქციე. ჩემი ნივთები უბრალო, მაგრამ დასამახსოვრებელია. საუკეთესო სუვენირია მეგობრის და საყვარელი ადამიანების გასახარებლად. ჩვილებისთვის საწოვარას სამაგრებსაც ვამზადებ და ერთი სული მაქვს გავიგო სქესი, რომ ჩემს შვილსაც გავუკეთო.

იზიკო გოგრიჭიანის ხელნაკეთი ნივთები
photo: courtesy of Iziko Gogrichiani
იზიკო გოგრიჭიანის ხელნაკეთი ნივთები

- ორსულობას ხელი ხომ არ შეუშლია საქმიანობაში?

- ისეთი საქმიანობაა, როცა მინდა შემიძლია შევისვენო, არავინ მაძალებს დათქმულ დროს ვიმუშაო. ასე რომ, საერთოდ არ მიშლის, პირიქით. ნივთების დარიგება მეუღლის მოვალეობაა. ის ხვდება კლიენტებს და კურიერის პროფესიასაც ითავსებს ჩემი საქმიანობისთვის.

 

1272
საქართველოს და ევროკავშირის დროშები

ევროკავშირის უსაფრთხო ქვეყნების სია განახლდა: დარჩა თუ არა საქართველო

0
ევროკავშირის საბჭო წევრ ქვეყნებს რეკომენდაციით მიმართავს, გახსნან საზღვრები 13 ქვეყანასთან, რომელთა შორის საქართველოც არის

თბილისი, 16 ივლისი – Sputnik. ევროკავშირის საბჭომ განაახლა უსაფრთხო ქვეყნების ჩამონათვალი, რომელშიც საქართველო ისევ შევიდა.

ევროკავშირის ახალ სიაში 15 ქვეყნის ნაცვლად უკვე 13 ქვეყანაა. ესენია: ალჟირი, ავსტრალია, კანადა, ჩინეთი, საქართველო, იაპონია, მაროკო, ახალი ზელანდია, რუანდა, სამხრეთ კორეა, ტაილანდი, ტუნისი და ურუგვაი. უსაფრთხო ქვეყნების ჩამონათვალს სერბეთი და მონტენეგრო გამოაკლდა.

უსაფრთხო ქვეყნების სიაში შედის ჩინეთიც, თუმცა ჩინეთთან მიმოსვლა მხოლოდ მას შემდეგ აღდგება, რაც ქვეყანა ევროკავშირს საზღვრებს თავად გაუხსნის.

აღნიშნული ცვლილებები, ისევე როგორც მთელი სია სარეკომენდაციო ხასიათისაა და ევროკავშირის წევრები ქვეყნები მათ საკუთარი შეხედულებისამებრ შეასრულებენ.

ევროკავშირმა საქართველო ევროკავშირის არაწევრი 15 ქვეყნის სიაში შეიყვანა, რომლებისთვისაც 1 ივლისიდან საზღვრები გახსნა. აღნიშნული სია 30 ივნისს დამტკიცდა, თუმცა ქვეყნებში ეპიდემიოლოგიური ვითარებიდან გამომდინარე პერიოდულად მისი განახლება ხდება.

საქართველოს მოქალაქეებისთვის საზღვრები გახსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ, მონტენეგრომ და სხვ. თავის მხრივ, საქართველომ ზოგიერთი ქვეყნის მოქალაქეებისთვის საზღვრები უპირობოდ გახსნა. ხუთი ქვეყნის – გერმანიის, საფრანგეთის, ლატვიის, ლიეტუვასა და ესტონეთის მოქალაქეებს საქართველოში ჩამოსვლა ყოველგვარი წინააღმდეგობის გარეშე შეუძლიათ.

8 ივლისს საქართველომ საზღვრები გახსნა ევროკავშირის რამდენიმე ქვეყანასთან, ეს ქვეყნებია: გერმანია, საფრანგეთ, ლატვია, ლიეტუვა და ესტონეთი.

 

0
თემები:
საქართველო - ევროკავშირის ურთიერთობები