თერაპევტი ძაღლი

წააკითხეთ ბავშვებს წიგნები... ძაღლებისთვის და განიკურნებიან, ანუ ოთხფეხა ექიმები

164

ამ პუბლიკაციის მთავარი მიზანი ის არის, რომ შინ ბავშვთან ერთად ძაღლის ყოლის მოწინააღმდეგეებს ერთხელ კიდევ შევახსენოთ შემდეგი: შეხედულება, რომ პატარა ბავშვთან ძაღლის დაშვება არავითარ შემთხვევაში არ შეიძლება (რა დასამალია, ამაში ხშირად წარსულში ჩარჩენილი პედიატრებიც სცოდავენ), ფრიად და ფრიად მოძველებულია და თანაც აბსოლუტურად გაუმართლებელი.

ძაღლებს წიგნი პირველად 90–იან წლებში წაუკითხეს აშშ–ში, თუმცა მათი თერაპევტებად გამოყენება უფრო ადრე, ჯერ კიდევ მეორე მსოფლიო ომისას დაიწყეს. ამერიკელებმა თავდაპირველად დარღვეული ფსიქიკის მქონეებს დაუნიშნეს ცხოველები „ექიმებად“, მერე კი სხვადასხვა პათოლოგიების მკურნალობაც ანდეს.

დიახ, ძაღლებით მკურნალობა არა მხოლოდ ამერიკაში, ევროპაშიც ფართოდ გავრცელებული პრაქტიკაა. მაგალითად, ფინეთში ვერც კი ასწრებენ მკურნალი ძაღლების გაწვრთნას, იმდენად დიდია მათზე მოთხოვნა.

ბავშვები ძაღლებისთვის წიგნის კითხვის დაწყებიდან მოკლე ხანში უფრო თავდაჯერებულები და თამამები ხდებიან
ბავშვები ძაღლებისთვის წიგნის კითხვის დაწყებიდან მოკლე ხანში უფრო თავდაჯერებულები და თამამები ხდებიან

რუსეთში კი 2014 წელს პროექტი "КниГАВ" ჩაუშვეს. სპეციალისტების თქმით, ბავშვები ძაღლებისთვის წიგნის კითხვის დაწყებიდან ორ თვეში (სწორედ ამდენ ხანს გრძელდება კურსი) უფრო თავდაჯერებულები და თამამები ხდებიან, ეხსნებათ აუდიტორიის წინაშე ტექსტის წაკითხვის, სიტყვით გამოსვლის შიში. ძაღლი ხომ შენიშვნას არ მისცემს მათ, თუ რაიმე შეცდომა დაუშვეს კითხვისას?
ძაღლები ძალიან ეფექტურად ეხმარებიან პატარებს (და არა მხოლოდ მათ) სხვადასხვა ავადმყოფობისშემდგომი რეაბილიტაციის პერიოდში ფიზიკური ტკივილებისა თუ ფსიქოლოგიური პრობლემების დაძლევაში. მედიცინაში სპეციალური მიმართულებაც კი არსებობს, რომელსაც კანისთერაპია ჰქვია და ძაღლებით მკურნალობას ნიშნავს (canis — ლათინურად ძაღლი).

კანისთერაპია, ისევე როგორც ძაღლებისთვის წიგნის კითხვის მეთოდი, როგორც უკვე გითხარით, აშშ–ში ჩაისახა ჯერ კიდევ მეორე მსოფლიო ომის დროს. ექიმებმა შენიშნეს, რომ ის დაჭრილ–დასახიჩრებული ჯარისკაცები, რომლებიც ძაღლებზე ზრუნავდნენ, უფრო მალე იწყებდნენ გამოკეთებას, იმიტომ რომ ოთხფეხა მეგობრები მათ ოპტიმიზმს უღვივებდნენ და სტიმულსაც აძლევდნენ.

დაჭრილი ჯარისკაცები, რომლებიც ძაღლებზე ზრუნავენ, უფრო მალე იწყებენ გამოკეთებას
დაჭრილი ჯარისკაცები, რომლებიც ძაღლებზე ზრუნავენ, უფრო მალე იწყებენ გამოკეთებას

კანისთერაპია სხვადასხვაგვარი ფიზიკური, ფსიქოლოგიური და ემოციური პრობლემების აღმოსაფხვრელად გამოიყენება, რომლებსაც პატარებში იწვევს, მაგალითად, ენაბრგვილობა, ცერებრალური დამბლა, დაუნიზმი ან აუტიზმი.

ძალადობის მსხვერპლ ბავშვებს ფუმფულა თერაპევტები წარმატებით უბრუნებენ სიცოცხლის ხალისსა და ადამიანების მიმართ რწმენას, ხოლო ხანშიშესულებს, მით უმეტეს, მარტო დარჩენილებს, დარდის გაქარვებაში ეხმარებიან.

გაინტერესებთ, მაგალითად, რით და როგორ შეიძლება დაეხმაროს ძაღლი ცერებრალური დამბლით დაავადებულ პატარას? გიპასუხებთ: ასეთი დაავადების მქონე ბავშვებს, კუნთების მაღალი ტონუსის გამო, უჭირთ ხელისგულის გაშლა. პატარას ძალიან ბევრი და რეგულარული ვარჯიში სჭირდება იმისთვის, რომ ეს მოახერხოს, რაც ძალიან რთულია და არ მოსწონთ. მაგრამ როცა ცერებრალური დამბლით დაავადებული ბავშვი ძაღლს ეფერება, ამას ვარჯიშად არ მიიჩნევს და ხალისით და დიდხანს აკეთებს იმას, რაზეც სხვა შემთხვევაში თხოვნა და ძალდატანებაც კი დასჭირდებოდა. ამას ერთვის ისიც, რომ ცხოველის სხეულის სითბო კუნთებს უდუნებს.

ინსულტგადატანილებს რეაბილიტაციისთვის ერთ–ერთ ვარჯიშად ხელისგულით ბურთის 50–ჯერ მოჭერას უნიშნავენ — ერთ ჯერზე. ეს ასაკოვან ხალხს კი არა, ახალგაზრდებსაც უჭირთ და არ სიამოვნებთ,  დავალებას ბოლომდე ხშირად ვერ ასრულებენ, ამის საფუძველზე უძლურების შეგრძნება ეუფლებათ და ნერვიულობენ. აი, თუ ავადმყოფი ბურთს ერთი–ორჯერ „მოჭყლეტს“ ხელისგულში, მერე ძაღლს გადაუგდებს, ისიც უკან მიუცუნცულებს და ისევ განაგრძობს ვარჯიშს, ასე 50–ჯერ კი არა, მეტჯერაც გააკეთებს დავალებულს, თანაც, ხალისით.

ოთხფეხა ექიმები ნებისმიერ მედიკამენტებსა და თერაპიაზე ეფექტურად უმსუბუქებენ ტანჯვას კიბოთი დაავადებულებს
ოთხფეხა ექიმები ნებისმიერ მედიკამენტებსა და თერაპიაზე ეფექტურად უმსუბუქებენ ტანჯვას კიბოთი დაავადებულებს

კანისთერაპია ძალიან პოპულარულია მთელ მსოფლიოში. არის ქვეყნები, სადაც ონკოლოგიურ კლინიკებში თერაპევტ ძაღლებს აცხოვრებენ, რომლებიც დღისა და ღამის განმავლობაში თავისუფლად დადიან საავადმყოფოში, პალატებში შედიან და ავადმყოფებს ეთამაშებიან, ეფერებიან და ართობენ. დიახ, ოთხფეხა ექიმები ნებისმიერ მედიკამენტებსა და თერაპიაზე უკეთ და ეფექტურად უმსუბუქებენ ტანჯვას კიბოთი დაავადებულებს.

აღარას ვიტყვით ცნობილ ფაქტზე, რომ ძაღლებს წარმატებით იყენებენ მოზრდილებში ჰიპერტონიის, ინფარქტისა და ინფარქტისშემდგომი მდგომარეობის სამკურნალოდ, შაქრიანი დიაბეტის ან ეპილეფსიით დაავადების შემთხვევაში შეტევის წინასწარ ამოსაცნობად, ვინაიდან ამ პუბლიკაციის მთავარი მიზანი მაინც ის არის, რომ შინ ბავშვთან ერთად ძაღლის ყოლის მოწინააღმდეგეებს ერთხელ კიდევ შევახსენოთ შემდეგი: შეხედულება, რომ პატარა ბავშვთან ძაღლის დაშვება არავითარ შემთხვევაში არ შეიძლება (რა დასამალია, ამაში ხშირად წარსულში ჩარჩენილი პედიატრებიც სცოდავენ), ფრიად და ფრიად მოძველებულია და თანაც აბსოლუტურად გაუმართლებელი.

მოკლედ, პირიქით, დედებო, პირიქით!!!

164
ნახევარმთვარე

მთვარის კალენდარი: 19 სექტემბერი რისი გაკეთება შეიძლება და რისი არა

59
(განახლებულია 11:05 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

19 სექტემბერი, შაბათი. ამ დღეს სატურნი მართავს. მზარდი მთვარე სასწორის ნიშანშია.

ღამით მთვარე მორიელის ნიშანში გადავა (22:34 საათზე).

ვენერა ხელოვნებასთან და შემოქმედებასთან დაკავშირებულ საქმიანობას უწყობს ხელს, ასევე რომანტიკულ ურთიერთობებს, დასვენებას და კონტაქტებს.

იღბლიანი დღეა შეხვედრებისა და მოლაპარაკებებისთვის, როდესაც დიპლომატიურობაა საჭირო, თუმცა, მნიშვნელოვანი გადაწყვეტილებების მიღება არ ღირს. აჯობებს, თუ უკვე დაწყებულ საქმეებს დაამთავრებთ. ადამიანებს, ერთი მხრივ, სტაბილურობის გრძნობა უჩნდება, მეორე მხრივ კი – მერყეობის. სიმშვიდისა და ჰარმონიის დღეა, თუმცა, ურთიერთობებში ტაქტისა და დიპლომატიურობის შესახებ არ უნდა დაგვავიწყდეს.

მთვარე სასწორში ხელს უწყობს ჰარმონიულ ურთიერთობებს – ეს ჰარმონიული და წმინდა სიყვარულის დროა. ასეთ ურთიერთობებში ერთმანეთს ერწყმის  გულწრფელი გრძნობები და ურთიერთმოგება – ეს ჭეშმარიტი ქორწინების საფუძველია.

იუპიტერი რეტროგრადულ სვლას წყვეტს: ზოდიაქოს ხუთ ნიშანს დიდი წარმატებები ელოდება>>

იზრდება მეორე ნახევართან შეხვედრის შანსები. ამ დღეს დაწყებული სიყვარული, თუ ორივე პარტნიორი გაუფრთხილდება მას, დიდი ხანი გაგრძელდება.

რეკომენდებულია სიმტკიცის გამოჩენა, შეიძლება გარისკვა, აქტიურობა, კარგი დღეა მგზავრობისთვის.

არარეკომენდებულია ფინანსური საკითხების გადაწყვეტა, რადგან მოსალოდნელია დანაკარგები.

თმის შეჭრა, შეღებვა: კარგი დღეა სალონში სტუმრობისთვის. შეიძლება თმის როგორც შეჭრა, ისე შეღებვა. ასევე ხელსაყრელი დღეა მანიკურისთვის.

მებაღეობა: მთლიანობაში, ბაღში მუშაობისთვის ნეიტრალური დღეა. შეიძლება მცენარეების გადარგვა, პიკირება, ერთ და მრავალწლიანი ყვავილების დარგვა, მოსავლის აღება – ის კარგად შეინახება.

59
პეპელა

19 სექტემბერს დაბადებულები ზოდიაქო, დახასიათება, რჩევები

19
(განახლებულია 11:28 16.09.2020)
გაეცანით 19 სექტემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

13-23 სექტემბერი

13-23 სექტემბრის პერიოდი ქალწულის ნიშნის მესამე დეკადას განეკუთვნება.

მესამე დეკადას მერკური მართავს და ამ პერიოდში დაბადებულებს გონებამახვილობას, სამეცნიერო, კვლევითი საქმიანობის უნარებს ანიჭებს.

მნიშვნელოვანი წლებია: 16, 21, 24, 30, 31, 33, 41, 50.

ამ დეკადაში დაბადებულთა სიმბოლოა ყვავილი ასტრა.

13-23 სექტემბრის პერიოდში მშვიდი და გაწონასწორებული ხასიათის, მხიარული ადამიანები იბადებიან, გარშემომყოფებს სითბოსა და სიხარულს ანიჭებენ. არიან კომუნიკაბელური, კეთილმოსურნე. ჰყავთ მრავალი მეგობარი, გარშემომყოფები მათ პატივს სცემენ.

19 სექტემბერს დაბადებულები

19 სექტემბერს დაუმორჩილებელი, მაგრამ გულითადი ადამიანები იბადებიან. არიან ჭკვიანი, ორგანიზებული, ასევე ძალზე ამბიციური. შეუძლიათ, კარიერას ოჯახიცა და მეგობრებიც შესწირონ. არ უყვართ, როდესაც ვინმე მათი გეგმების განხორციელებაში უშლის ხელს. ცხოვრობენ დევიზით „მიზანი ამართლებს საშუალებას“.

ასტროლოგები, კორონავირუსი და შავი მთვარე: როდის დამთავრდება პანდემია>>

გარეგნულად თავდაჯერებული ადამიანების შთაბეჭდილებას ტოვებენ, თუმცა, ეს თავდაჯერებულობა უფრო დემონსტრაციული ხასიათისაა, მაგრამ იმას, რომ საკუთარ თავში, სხვა ადამიანებივით, ხშირად ეპარებათ ეჭვი, ძნელად თუ აღიარებენ.

19 სექტემბერს დაბადებულები არასტაბილური ადამიანები არიან. მათთან ურთიერთობა ადვილი არ არის. თვითონაც ხშირად ოცნებობენ ჰარმონიაზე. არიან არათანამიმდევრული. აქვთ კეთილშობილური მიზნები, დიდი გეგმები, მაგრამ მათი განხორციელების გადადება უყვართ. აქვთ სხვადასხვა კომპლექსი.

ამ დღეს დაბადებულებს სამსახურში უბრალო სპეციალისტებს ვერ უწოდებ. მათ აქვთ უნიკალური უნარი, გარშემო მკაფიოდ მოქმედი სისტემა ჩამოაყალიბონ; მათ გარშემო ყველაფერი თავის ადგილზეა, ყოველთვის და ყველაფერი მუშაობს, სისტემის ყველა ჭანჭიკი მოქმედებაშია.

როგორ დავეხმაროთ ზოდიაქოს ნიშნების პატარა წარმომადგენლებს სწავლაში>>

სამუშაო სფეროში არიან პედანტური, რაც საქმეზე კარგად აისახება. მათთვის ყველანაირი საქმის ნდობა შეიძლება – შედეგი უზადო იქნება.

ჯანმრთელობა

19 სექტემბერს დაბადებულები დიდ ყურადღებას უთმობენ გარეგნობას. ბევრ დროსა და ძალას ხარჯავენ ფიზიკური ფორმის შენარჩუნებაზე. მაგრამ მეტად აინტერესებთ გარეგნობა, ვიდრე შინაგანი მდგომარეობა. ჯანმრთელობის პრობლემები კი ასაკთან ერთად უჩნდებათ, ეს მათ გარეგნობაშიც ვლინდება, რაც ამ დღეს დაბადებულების ფსიქოლოგიურ მდგომარეობაზე აისახება.

რჩევა:

ცხოვრების განმავლობაში იცვლება ხასიათიცა და ცხოვრებისადმი დამოკიდებულებაც. არ გადააბიჯოთ ზღვარს, რომლის შემდეგ უკან დაბრუნებას ვეღარ შეძლებთ. არ უნდა დაკარგოთ თქვენი ძირითადი მახასიათებლები და თვისებები, ნუ გახდებით მატერიალურ ვითარებებზე დამოკიდებული. არ დაივიწყოთ თქვენი სულიერი ფასეულობანი. იყავით მეტად ლიოალური და ესპანსიური.

19
ცესკო

ცესკომ საპარლამენტო არჩევნებისთვის პირველი დამკვირვებლები დაარეგისტრირა

0
(განახლებულია 00:14 19.09.2020)
ამ დროისათვის საერთაშორისო დამკვირვებლის სტატუსით რეგისტრაცია ცესკოში ექვსმა ორგანიზაციამ გაიარა.

თბილისი, 19 სექტემბერი - Sputnik. ცენტრალურმა საარჩევნო კომისიამ 18 სექტემბრისთვის დაარეგისტრირა ექვსი საერთაშორისო და 49 ადგილობრივი ორგანიზაცია, რომლებიც არჩევნების მსვლელობას დააკვირდებიან, ნათქვამი ცესკოს ვებგვერდზე გამოქვეყნებულ მასალებში.

საქართველოში 31 ოქტომბერს საპარლამენტო არჩევნები გაიმართება. პარალელურად ამ დღეს ჩატარდება არჩევნები აჭარის უმაღლეს საბჭოში და რამდენიმე მუნიციპალიტეტში მერების და საკრებულოს დეპუტატების არჩევნები.

ამ ეტაპზე სადამკვირვებლო ორგანიზაციებს მხოლოდ განაცხადები შეაქვთ. ორგანიზაციების და დამკვირვებლების ზუსტი რაოდენობა ცნობილი არჩევნებამდე ერთი კვირით გახდება.

ადრე საქართველოს ხელისუფლებაში აცხადებდნენ, რომ კორონავირუსის პანდემიის და ჩაკეტილი საზღვრების მიუხედავად, ქვეყანაში საერთაშორისო დამკვირვებლების უპრეცედენტო რაოდენობა ჩამოვა.

ამ დროისათვის საერთაშორისო დამკვირვებლის სტატუსით რეგისტრაცია გაიარეს: „ადამიანის უფლებათა საერთაშორისო საზოგადოება" (ISHR), „საერთაშორისო რესპუბლიკური ინსტიტუტი" (IRI), „საერთაშორისო საქმეთა ეროვნულ-დემოკრატიული ინსტიტუტი" (NDI), „საარჩევნო სისტემების საერთაშორისო ფონდი" (IFES), „ინიციატივა დიალოგისა და დემოკრატიისთვის" (SILBA) და „ამერიკის შეერთებული შტატების საელჩო საქართველოში".

ვის სურს პარლამენტში მოხვედრა: ცესკომ პარტიების საბოლოო სია გამოაქვეყნა >>

დამკვირვებლები დააკვირდებიან საარჩევნო უბნების მომზადების პროცესს, ბიულეტენების ბეჭდვას, კენჭისყრასა და ხმების დათვლას. არჩევნების დასრულების შემდეგ ისინი გამოაქვეყნებენ თავიანთ დასკვნებს არჩევნებზე მომხდარ დარღვევებთან დაკავშირებით.

0
თემები:
საქართველოს საპარლამენტო არჩევნები 2020