გიორგი გახარია

გახარიას გუნდში მატებაა: „ქართული ოცნება" შვიდმა დეპუტატმა დატოვა

254
(განახლებულია 22:14 14.07.2021)
გიორგი გახარიას ახლად დაფუძნებულმა პარტიამ ქვეყნის რიგ რაიონებში – ზუგდიდში, გორში, ფოთში, ბათუმსა და მცხეთაში უკვე ხუთი ოფისი გახსნა და მისთვის პირველი არჩევნებისთვის მზადება დაიწყო.

თბილისი, 14 ივლისი — Sputnik. ხაშურის საკრებულოს შვიდმა დეპუტატმა მმართველი პარტია „ქართული ოცნება - დემოკრატიული საქართველოს" რიგები დატოვა და ექს-პრემიერ გიორგი გახარიას პარტიას "საქართველოსთვის" შეუერთდა, ნათქვამია პარტიის პრეს-სამსახურის მიერ გავრცელებულ განცხადებაში.

მმართველი პარტიის დატოვების თაობაზე განცხადება გააკეთეს ფრაქცია „ქართული ოცნება - დემოკრატიული საქართველოს" თავმჯდომარემ ვაჟა ხარშილაძემ, ფრაქცია „ქართული ოცნება - მრეწველების" თავმჯდომარემ ჯონდო კაპანაძემ და მისმა მოადგილემ ემზარ მურჯიკნელმა. „ქართული ოცნების" რიგები ასევე დატოვეს ირინე გელაშვილმა, მამუკა წიქარიშვილმა, ზვიად ტეფნაძემ და ანა ხარებავამ. ოთხივე მათგანს საკრებულოს კომისიის თავმჯდომარის პოსტი ეკავა.

„არსებული სიტუაციიდან გამომდინარე, რადგან „ქართული ოცნება", ხელისუფლება დაშორდა იმ პრინციპებსა და მიზნებს, რომლისთვისაც ჩვენ 2012 წელს ვიბრძოლეთ, ვტოვებთ უმრავლესობის რიგებს და ვაგრძელებთ ბრძოლას არათუ ვინმეს წინააღმდეგ, არამედ ჩვენი ქვეყნის უკეთესი მომავლისთვის. ჩვენ ბრძოლას ვაგრძელებთ ბატონ გიორგი გახარიას გუნდთან ერთად", – განაცხადეს დღეს გამართულ ბრიფინგზე ხაშურის საკრებულოს დეპუტატებმა.

გახარიამ პარტია ივნისის დასაწყისში დააფუძნა. ბოლო გამოკითხვების თანახმად, ამჟამად მის პარტიას მესამე ადგილი უკავია მმართველი „ქართული ოცნებისა" და ოპოზიციური „ნაციონალური მოძრაობის" შემდეგ.

ადგილობრივი თვითმმართველობის არჩევნები საქართველოში ოქტომბერში ჩატარდება. „ქართული ოცნებისთვის" ეს ძალზე მნიშვნელოვანი არჩევნებია. თუ ის ამომრჩეველთა პროპორციული ხმების 43%-ზე ნაკლებს მიიღებს, მაშინ ქვეყანაში ვადამდელი საპარლამენტო არჩევნები უნდა დაინიშნოს.

254
თემები:
საქართველოს პოლიტიკური ცხოვრება (470)
ირმა ინაშვილი

პუტინისადმი ღია წერილის შემდეგ: ირმა ინაშვილი მზადაა, მოსკოვში წავიდეს

40
(განახლებულია 22:25 03.08.2021)
ირმა ინაშვილის პარტიაში დარწმუნებულები არიან, რომ იმ გზით მიდიან, რომელიც ქართველ ხალხს კეთილდღეობას მოუტანს

თბილისი, 3 აგვისტო – Sputnik. ოპოზიციური პარტია „საქართველოს პატრიოტთა ალიანსის“ ლიდერი  ირმა ინაშვილი მზადაა, გაემგზავროს მოსკოვში, რათა შეხვედრები  გამართოს იმ წერილის თაობაზე, რომელიც რუსეთის პრეზიდენტ ვლადიმირ პუტინს გაუგზავნა.

მანამდე ირმა ინაშვილმა საკუთარ Facebook-გვერდზე პუტინისადმი ღია წერილის ტექსტი გამოაქვეყნა. წერილის ძირითადი მესიჯი — ეს საქართველოს მოსახლეობის იმ ნაწილის აზრის გამოხატვაა, რომელიც რუსეთთან ღია დიალოგისა და კეთილმეზობლობისთვის არის განწყობილი.

„დიახ, მივმართეთ ღია წერილით რუსეთის ფედერაციის პრეზიდენტს; დიახ, მზად ვართ, იყოს დიალოგი ჩვენ დონეზე და ამ წერილს ხელს აწერს ძალიან გავლენიანი ხალხი, რომელიც პოლიტიკაში მუდმივად დომინირებდა, სიტყვა ეთქმოდა მთელი ბოლო 30 წლის განმავლობაში. აქ არიან დეპუტატები, გენერლები და ყველა ამ ხელისმომწერს გადასარევად ესმის და გვესმის მშვიდობის ფასი; ვისაც ნანახი აქვს ომი, მშვიდობის ფასი ესმის და აცნობიერებს“, — თქვა ინაშვილმა.

ამასთან მან აღნიშნა, რომ მზადაა, პირადად გაემგზავროს მოსკოვში დიალოგისთვის.

„დიახ, ჩავალ, შევხვდები დეპუტატებს და არა მარტო დეპუტატებს, თუ იქნება ასეთი მზაობა მეორე მხრიდან. მე ასევე შევხვდები სხვადასხვა პოლიტიკური თანამდებობის პირებს იმისთვის, რომ ჩემი ქვეყნის ინტერესი დავიცვა. ჩვენ მივდივართ იმ გზით, რომელიც ჩვენს ქვეყანას სიკეთეს მოუტანს“, – აღნიშნა ინაშვილმა.

„პატრიოტთა ალიანსის“ ლიდერის თქმით, თუ საქართველოსა და რუსეთს შორის ნდობა არ აღდგა, „ისე ვერ მოვიხვეჭთ მშვიდობას ჩვენი ქვეყნისთვის“.

  • „ეს არის ჩვენი პოზიცია, ამაზე ვსაუბრობთ მთელი ოთხი წლის განმავლობაში და ამისთვის ბრძოლას გავაგრძელებთ“, – განაცხადა ირმა ინაშვილმა.

„საქართველოს პატრიოტთა ალიანსი“ 2012 წლის დეკემბერში შეიქმნა. 2014 წელს პარტიის ლიდერმა ირმა ინაშვილმა თბილისის მერის არჩევნებზე მეოთხე შედეგი აჩვენა (4,72%). 2016 წლის საპარლამენტო არჩევნებზე პარტიამ 5,01% აიღო და პარლამენტში მოხვდა, ხოლო 2020 წლის არჩევნებზე მან 3,14% მიიღო. მიუხედავად შედეგისა, პარტიის ლიდერებმა პარლამენტში შესვლაზე უარი განაცხადეს, რადგან არჩევნებს გაყალბებულად მიიჩნევენ, თუმცა პარტიული სიის ოთხი დეპუტატი, რომლებმაც „ალიანსი“ დატოვეს, პარლამენტში შევიდნენ და პოლიტიკური ჯგუფი „ევროპელი სოციალისტები“ ჩამოაყალიბეს.

40
საქართველოს დროშები საპროტესტო აქციაზე

გამოკითხვა არჩევნების წინ: პოლიტიკოსთა მოსაზრებები მკვეთრად განსხვავდება

38
ახალი გამოკითხვის თანახმად, მმართველი პარტია „ქართული ოცნება“ და ოპოზიციური პარტია „ნაცმოძრაობა“ მხარდამჭერებს კარგავენ

თბილისი, 3 აგვისტო — Sputnik. საერთაშორისო რესპუბლიკური ინსტიტუტის (IRI) მიერ საზოგადოებრივი აზრის გამოკითხვის შედეგებთან დაკავშირებით, რომელიც არჩევნებამდე სამი თვით ადრე ჩატარდა, ქართველი პოლიტიკოსების მოსაზრებები მკვეთრად განსხვავდება. 

გამოკითხის ერთ-ერთი ძირითადი ნაწილი პოლიტიკური პარტიების რეიტინგი იყო, რომლებიც მნიშვნელოვნად შეიცვალა IRI-ის მიერ თებერვალში ჩატარებული კვლევის შემდეგ.

პარტია თებერვლის რეიტინგი ივნისის რეიტინგი ცვლილება
ქართული ოცნება — დემოკრატიული საქართველო 

35%

 28%  -7%

ერთიანი ნაციონალური მოძრაობა

18% 15%
 
-3%

გიორგი გახარია — საქართველოსთვის

პარტია შექმნილია ივნისში  9%
 
-

ლეიბორისტული პარტია

2%

3%  +1%

გირჩი — მეტი თავისუფლება

2%

3%  +1

სტრატეგია აღმაშენებელი

 3%

 2%  -1%

ლელო საქართველოსთვის

1%
 
2%  +1%

საქართველოს პატრიოტთა ალიანსი

2% 2% 0

მოქალაქეები

2% 2% 0

ერი — ლევან ვასაძე

პარტია შეიქმნა მაისში 2% 0

ევროპული საქართველო

3% 1% -2%

ახალი გამოკითხვის თანახმად, მიუხედავად შენარჩუნებული პირველი პოზიციისა, მომხრეებს კარგავენ მმართველი პარტია „ქართული ოცნება“ და ოპოზიციური პარტია „ერთიანი ნაციონალური მოძრაობა“. ექს-პრემიერ გიორგი გახარიას მიერ ივნისში ჩამოყალიბებულმა პარტიამ კი ერთ თვეზე ნაკლებში მიიღო დიდი მხარდაჭერა და, შეავიწროვა რა ოპოზიციური სპექტრი, მესამე ადგილზე აღმოჩნდა.

რას ფიქრობენ პარტიები

„ქართული ოცნება“ არ ენდობა გამოკითხვის შედეგებს.

  • „ჩვენ პატივს ვცემთ IRI-სა და NDI-ს, მაგრამ ადგილზე ჩატარებული გამოკითხვები დიდ ეჭვებს იწვევს, ვინაიდან ორგანიზაციებს, რომლებიც საველე სამუშაოებს ატარებენ, მართავს და აკონტროლებს „ნაცმოძრაობა“, — განაცხადა პრემიერ-მინისტრმა და „ქართული ოცნების“ ერთ-ერთმა ლიდერმა ირაკლი ღარიბაშვილმა.

ამასთან ღარიბაშვილმა აღნიშნა, რომ მთავარი კვლევა კენჭისყრის დღე იქნება.

რაც შეეხება „ნაცმოძრაობას“, პარტია გამოკითხვის შედეგებს ენდობა.

  • „ჩვენთვის ეს გამოკითხვა იმის მაჩვენებელია, რომ „ქართული ოცნების“ რეიტინგი ეცემა და ჩვენ შეგვიძლია გავიმარჯვოთ, ვინაიდან მისი რეიტინგი კიდევ მეტად დაეცემა“, — განაცხადა პარტიის წარმომადგენელმა ზაალ უდუმაშვილმა.

გიორგი გახარიას პარტიაში გამოკითხვის შედეგებს მნიშვნელობას არ ანიჭებენ.

  • „ჩემთვის ყველაზე მნიშვნელოვანი კვლევა — ეს მოქალაქეებთან შეხვედრებია. უკვე ერთი თვეა, სოფლებში დავდივართ და ჩემთვის ამას უფრო აქვს მნიშვნელობა, ვიდრე ნებისმიერი ორგანიზაციის კვლევას“, — აღნიშნა გახარიამ.

ექსპერტის მოსაზრება

როგორც პოლიტიკის ექსპერტი გია ხუხაშვილი მიიჩნევს, კვლევა რეალურ სურათს ასახავს, კერძოდ კი იმას, რომ მოსახლეობა დაიღალა „ნაცმოძრაობისა“ და „ქართული  ოცნების“ დაპირისპირებით.

„გამოკითხვამ აჩვენა, რომ მოსახლეობას ახალი პოლიტიკური ძალა სჭირდება, მას არ მოსწონს არც „ქართული ოცნება“, არც „ნაცმოძრაობა“ და გახარია მიმზიდველ ალტერნატივად იქცა.ამომრჩევლებს გახარია მოსწონთ, ვინაიდან ის არ შედის პირდაპირ ბრძოლაში და არ მონაწილეობს გამუდმებულ ლანძღვაში, რაც ახლა მიმდინარეობს პარტიებს შორის. და მათ ფონზე რესპექტაბელურად გამოიყურება“, — მიაჩნია ხუხაშვილს.

საქართველოში არჩევნები 2 ოქტომბერსაა დანიშნული. ქვეყნის მოსახლეობა ადგილობრივი თვითმმართველობის ორგანოების დეპუტატებსა და მერებს აირჩევს.

38
თემები:
ადგილობრივი თვითმმართველობის არჩევნები
ხავსმოდებული ხე

დღის ასტროპროგნოზი ზოდიაქოს ნიშნებისთვის: 4 აგვისტო

0
(განახლებულია 20:59 03.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 4 აგვისტოა, ოთხშაბათი. კლებადი მთვარე ტყუპის ნიშანშია. ამ დღეს პლანეტა მერკური მფარველობს.

პოზიტივისა და წარმატებების დღეა. ყველაფერი გამოგვივა. შეგვიძლია რთულ საქმეებთან შეჭიდება, ყურადღება უნდა მივაქციოთ წვრილმანებს – ისინი დღეს მნიშვნელოვან როლს ასრულებს. მთვარე ტყუპში საუბრებისკენ გვიბიძგებს. რუტინული და მოსაწყენი საქმეების გაკეთება გაგვიჭირდება, ამიტომ აჯობებს, თუ მათ სამომავლოდ გადავდებთ.

დღის ასტროპროგნოზი ზოდიაქოს ნიშნებისთვის: 3 აგვისტო>>

ვერძი: დროა, რამე ახალი დაიწყოთ, მათ შორის მოლაპარაკებები, დეტალების განხილვა. კარგი იქნება, თუ გეგმებს მიჰყვებით – ასე ბევრი მიზნის მიღწევას შეძლებთ. შეძლებთ ცდუნებებისგან დაცვას და ზოგიერთ რამეზე უარის თქმას. არ იღელვოთ – მათ აუცილებლად ჩაანაცვლებთ ახალი შესაძლებლობებით, რომლებზეც ვერც კი იოცნებებდით.

კურო: არის რისკი, რომ საკმაოდ დიდი თანხა დახარჯოთ. ეცადეთ, „მადა“ მოთოკოთ და არ შეიძინოთ ის, რაც მნიშვნელოვან სარგებელს არ მოგიტანთ. მოუსმინეთ როგორც ახლობლებს, ისე უცნობებს – მათ დღეს საკმაოდ ეფექტური რჩევის მოცემა შეუძლიათ. ასევე კარგი დროა ოცნებისკენ ნაბიჯის გადადგმისთვის, გეგმების განხორციელებისთვის – ყველაფერი გამოგივათ.

ტყუპი: სარგებელს მოგიტანთ რაღაც დეტალების განხილვა, წვრილმანებზე ყურადღების გამახვილება – ახლა ისინი უზარმაზარ როლს თამაშობს. ასევე უარი არ თქვათ საკუთარ იდეებსა და გეგმებზე – ისინი მალე რეალობად იქცევა და ან კარგ თანხას მოგიტანთ, ან ჰარმონიასა და კომფორტს. ასე რომ, წინ, ოცნებებისკენ. გაითვალისწინეთ, სტრესმა კალაპოტიდან არ უნდა ამოგაგდოთ, ამიტომ ხშირად დაისვენეთ.

კირჩხიბი: ეცადეთ, კეთილსინდისიერად იმუშაოთ და წარმატება არ დააყოვნებს. მოინდომეთ, რომ ყველა საქმე იდეალურად შეასრულოთ, შემოქმედებითად იაზროვნეთ, მოაწესრიგეთ საქმეები. ურთიერთობებში ეცადეთ თანამოსაუბრის ემოციური განწყობა იგრძნოთ და ნაკლებად იკამათეთ. საღამო კი ოჯახთან ერთად გაატარეთ – ეს დაგეხმარებათ „გადატვირთვაში“ და მომდევნო დღეებში სამუშაოსთვის განწყობაში.

ლომი: ხშირად მოუსმინეთ კოლეგებსა და ახლობლებს – დღეს მათ, შესაძლოა, ეფექტური რჩევა მოგცენ. თქვენც არ გაჩუმდეთ – განიხილეთ თქვენი პროექტებიმ აზრები ადამიანებთან, რომ მოისმინოთ მათი კომენტარები და შემდეგ თქვენს გეგმებში კორექტივები შეიტანოთ. მაგრამ ეს სამუშაოსგან თავისუფალ დროს გააკეთეთ. მუშაობის დროს კი აჩქარება არ ივარგებს – მოსალოდნელია შეცდომების დაშვება.

ქალწული: კარგი იქნება, თუ სიკეთეს გამოიჩენთ და გაჭირვებულებს დაეხმარებით – ეს თქვენს კარმას განამტკიცებს და განწყობას აამაღლებს. თუ გსურთ, რომ პრობლემებს სწრაფად გაუმკლავდეთ, „ჩართეთ“ კრეატივი – ეს ნამდვილად დაგეხმარებათ. სამუშაო ბევრი გექნებათ, ამიტომ ეცადეთ, ენერგია შეინარჩუნოთ. ამავე არ ღირს დაძაბვა – გაუფრთხილდით ორგანიზმს.

სასწორი: მზად ხართ, საკუთარი ოცნებები რეალობად აქციოთ, მაგრამ ამას შეიძლება ბედი შეეწინააღმდეგოთ. ეცადეთ, თქვენი გაიტანოთ და სამყაროს გამოწვევებს დაუპირისპირდეთ. მოემზადეთ იმისთვის, რომ გადაწყვეტილებების სწრაფად მიღება მოგიწევთ, მოქმედება – ელვისებურად. თუ არ დააყოვნებთ, ყველაფერი გამოგივათ. ასევე მოგეცემათ შანსი, რომ წარსულის შეცდომები გამოასწოროთ.

მორიელი: მოემზადეთ მუხლჩაუხრელი შრომისთვის და პრობლემების ელვისებურად გადაწყვეტისთვის. კარგია, თუ მოვლენების ცენტრში აღმოჩნდებით, ეკონტაქტებით საჭირო ადამიანებს – ამან კარიერულ კიბეზე შესაძლოა წინ წაგწიოთ. აუცილებლად ეურთიერთეთ კოლეგებს – მათ საჭირო რჩევების მოცემა შეუძლიათ. გარდა ამისა, ვარსკვლავები სახლის საფუძვლიან მოწესრიგებას გირჩევენ – არის შანსი, იპოვოთ ის, რაც დიდი ხნის წინ დაკარგეთ.

მშვილდოსანი: ბედმა ერთდროულად რამდენიმე შანსი მოგიმზადათ – ეცადეთ, გამოთვალოთ ისინი და გამოიყენოთ. მაგრამ ეს დაყოვენბის გარეშე, სწრაფად უნდა გააკეთოთ, თორემ ამ შესაძლებლობებს თავისი „ვარგისიანობის ვადა“ აქვს. ასევე კარგი იქნება, თუ ძველი გეგმის შესრულებას შეუდგებით. დღეს იღბალი და წარმატება ფეხდაფეხ დაგყვებათ, ამიტომ არ შეუშინდეთ გარისკვას. ასევე გაილამაზეთ დღე საყიდლებით.

თხის რქა: აქტიურობა და ინიციატივის გამოჩენა შესანიშნავ შესაძლებლობებსა და წინადადებებს გააჩენს. არ იორჭოფოთ და დათანხმდით – მომავალში ისინი წარმატებებს აუცილებლად მოგიტანთ. არ ღირს დროის უქმად დაკარგვა, ამიტომ უარი თქავით არაფრის მომტან საუბრებსა და გართობაზე. ყურადღება გადაიტანეთ სამუშაოზე. დღეს ბევრი რამის გაკეთება შეგიძლიათ.

მერწყული: ირგვლივ ქაოსი და ორომტრიალია და ყველაფერში გიჭირთ გარკვევა. ეცადეთ, არ აჰყვეთ ახლობლების მანიპულაციებს და სიმშვიდე ეძებეთ. კარგი იქნება, თუ მოახერხებთ განმარტოებას და პირად საქმეებსა და სამუშაოს მიხედავთ. ურთიერთობები სარგებელს მხოლოდ საქმიან საკითხებზე მოგიტანთ. მშვენივრადაა ყველაფერი პირად ფრონტზე – ურთიერთობები გამტკიცდება და შეიძლება ახალ საფეხურზეც გადავიდეს.

თევზები: დროა, თქვენი გეგმები ოჯახთან განიხილოთ. შესაძლოა, ახლობელმა ადამიანებმა სუსტ ადგილებზე მიგითითონ და ამით თქვენს მომავალზე იმოქმედონ. საჭიროა შესაძლებლობების დანახვა და მათი გამოყენება, თუნდაც ისინი ერთი შეხედვით არც ისე პერსპექტიული მოჩანდეს. თუ უსიამოვნებები შეგხვდათ, მათი კოლექტიურად გადაწყვეტა აჯობებს – გაუზიარეთ თქვენი პრობლემები ახლობლებს – ისინი კარგ რჩევას მოგცემენ.

0