სალომე ზურაბიშვილი და მონაკოს პრინცი ალბერ მეორე

ზურაბიშვილმა მონაკოს პრინცი საქართველოში მოიწვია

33
(განახლებულია 15:01 11.06.2021)
მონაკოში ვიზიტის ფარგლებში საქართველოს პრეზიდენტი მონტე–კარლოს ღვინის სასახლეში ქართული ღვინის გამოფენას დაესწრო.

თბილისი, 11 ივნისი — Sputnik. საქართველოს პრეზიდენტმა სალომე ზურაბიშვილმა მონაკოს სამთავროში სამუშაო ვიზიტის ფარგლებში მონაკოს პრინც ალბერ მეორესთან შეხვედრა გამართა და ის საქართველოში მოიწვია. 

პრეზიდენტის პრეს-სამსახურის ინფორმაციით, შეხვედრაზე სახელმწიფო მეთაურებმა იმსჯელეს კორონავირუსის პანდემიის, ეკოლოგიისა და გარემოს დაცვის საკითხებზე.

განსახილველ საკითხებს შორის იყო ორ ქვეყანას შორის ტურიზმის განვითარებისა და ღვინის ტურიზმის პოპულარიზაციის თემები.

საქართველოს პრეზიდენტმა და მონაკოს სამთავროს პრონცმა ასევე განიხილეს მონაკოდან სომელიეების საქართველოში ჩამოყვანის საკითხი.

მონაკოს სამთავროში პრეზიდენტ ზურაბიშვილის ვიზიტი გრძელდება.

33
თემები:
საქართველოს პრეზიდენტი (184)
ნიკოლ ფაშინიანი

სომხეთის საპარლამენტი არჩევნებში ფაშინიანის პარტიამ გაიმარჯვა

26
(განახლებულია 10:00 21.06.2021)
ცენტრალური საარჩევნო კომისიის ინფორმაციით, საკუთარი არჩევანი 1.281.174–მა ადამიანმა (49,4%) გააკეთა.

თბილისი, 21 ივნისი — Sputnik. სომხეთში გამართულ ვადამდელ საპარლამენტო არჩევნებზე პრემიერის მოვალეობის შემსრულებლის, ნიკოლ ფაშინიანის პარტიამ „სამოქალაქო შეთანხმება“ გაიმარჯვა, იუწყება Sputnik–სომხეთი

ცესკოს მონაცემებით, 2.008 საარჩევნო უბანზე 1 მილიონ 281.911 ბიულეტენის დათვლის შედეგად, ფაშინიანის პარტიამ ხმების 53,92% (687 251) მიიღო, სომხეთის ექს–პრეზიდენტ რობერტ კოჩარიანის ბლოკმა „სომხეთი“ კი ხმების 21,04% (268 165). სომხეთის ყოფილი პრეზიდენტის სერჟ სარგსიანის ბლოკმა „პატივი მაქვს“ მიიღო ხმების 5,23% 66 633),  პარტიამ „აყვავებული სომხეთი“ - 3,96% (50416), ხოლო პარტიამ „რესპუბლიკა" -3,04% .

 

20 ივნისს სომხეთში არჩევნები 2008 საარჩევნო უბანზე გაიმართა. საარჩევნო სიებში 2.583.823 მოქალაქე იყო რეგისტრირებული – საკუთარი არჩევანი 1.281.174–მა ადამიანმა (49,4%) გააკეთა.

საპარლამენტო არჩევნებში მონაწილეობა მიიღო 21-მა პარტიამ და ოთხმა ბლოკმა.

 

26
ცესკო

„ნამახვანჰესთან“ დაკავშირებით რეფერენდუმი არ ჩატარდება ცესკოს განმარტება

26
(განახლებულია 09:01 21.06.2021)
განკარგულების თანახმად, რეფერენდუმის საკითხის დარეგისტრირებაზე უარის მიზეზი არასათანადო ფორმულირება გახდა

თბილისი, 21 ივნისი – Sputnik. ცენტრალურმა საარჩევნო კომისიამ საინიციატივო ჯგუფს უარი უთხრა „ნამახვანჰესის“ მშენებლობის თაობაზე სარეფერენდუმო საკითხის დარეგისტრირებაზე, ნათქვამია ცესკოს განკარგულებაში. 

საინიციატივო ჯგუფმა, რომლის შემადგენლობაშიც შედის პოლიტიკური მოძრაობა  „ერთობა, რაობა, იმედის“ ლიდერი ლევან ვასაძე და მისი თანამოაზრეები სოსო მანჯავიძე და ზაზა გოგალაძე, ცესკოს სარეფერენდუმო საკითხის „თანახმა ხართ თუ არა, რომ ნამახვანის ჰიდროელექტროსადგური აშენდეს საქართველოს მთავრობასა და კომპანია ENKA–ს შორის გაფორმებული ხელშეკრულებების პირობების თანახმად?“ დარეგისტრირების განცხადებით მიმართეს.

განკარგულების თანახმად, რეგისტრაციაზე უარის მიზეზი საკითხის გაურკვეველი ფორმულირება გახდა.

გარდა ამისა, განკარგულებაში აღნიშნულია, რომ საკითხი, რომელიც ზღუდავს ქონების განკარგვის თავისუფლებას, საქართველოს კონსტიტუციას ეწინააღმდეგება.

ცესკომ ასევე მიიჩნია, რომ რეფერენდუმის საკითხზე დადებითი პასუხი ზღუდავს მხარეთა შესაძლებლობას გააუქმონ ხელშეკრულება ან შეცვალონ მისი პირობები, რაც მხარეთა ინტერესებს ეწინააღმდეგება.

 

საქართველოს მთავრობამ „ნამახვანჰესის" პროექტის შემუშავების, მშენებლობის, მფლობელობისა და მისი კასკადის ექსპლუატაციის უფლება 2019 წელს ნორვეგიულ კომპანია Clean Energy Group-ს გადასცა, რომელმაც, თავის მხრივ, მშენებარე კომპანიად თურქული Enka მოიწვია. საინჟინრო ნაგებობა ერთბაშად ორი მუნიციპალიტეტის – ცაგერისა და წყალტუბოს ტერიტორიებს დაიკავებს.

„ნამახვანჰესი" კასკადი ორი ჰესისგან შედგება: ერთი კაშხლის ფართობია 1 კვადრატული კილომეტრი, მეორე კაშხლის ფართობი - 5,1 კვადრატული კილომეტრი. „ნამახვანჰესის" კასკადმა მდინარე რიონზე უნდა დააკავშიროს ორი ჰიდროელექტროსადგური – 333 მგვტ სიმძლავრის „ქვემო ნამახვანი" და 100 მგვტ სიმძლავრის „ზემო ნამახვანი". ამავე დროს, კაშხლისა და რაბის დახმარებით მოხდება წყლის დონის რეგულირება, რათა ხეობა არ დაიტბოროს.

პროექტის განხორციელებამ საქართველოს ყოველწლიურად მოხმარებული ელექტროენერგიის 15% უნდა მოუტანოს. კასკადის მშენებლობაში 830 მლნ დოლარის ინვესტიცია განხორციელდება.

რიონის ხეობაში ჰესის მშენებლობამ ადგილობრივი მოსახლეობის პროტესტი გამოიწვია, რომელიც დაახლოებით შვიდი თვეა გრძელდება.

26
თემები:
ვნებათაღელვა „ნამახვანჰესის“ მშენებლობასთან დაკავშირებით
მარიამ ხორგუაშვილი

„წონის კლებაში წავედი და მეშინია...“ - მარიამ ხორგუაშვილის აღიარება

0
(განახლებულია 11:12 21.06.2021)
მარიამ ხორგუაშვილი საზოგადოებამ რამდენიმე წლის წინ გაიცნო. ქართველი მოდელისა და ფეხბურთელი ლაშა კალანდაძის სილამაზემ ინტერნეტი მას შემდეგ „ააფეთქა", რაც სოციალურ ქსელში წყვილის ქორწილის ფოტოები გამოქვეყნდა.

მარიამი და ლაშა რამდენიმე წლის წინ დაშორდნენ. მოდელი ამ ინფორმაციას კატეგორიულად უარყოფდა, თუმცა ჭორები და შემდეგ ფაქტები სხვა რამეს მეტყველებდა. მშვენიერი მოდელის გარშემო მუდამ იყო საუბარი იმაზე, შეურიგდებოდა თუ არა ყოფილ მეუღლეს. სხვადასხვა წყაროები ირწმუნებოდნენ, რომ შერიგდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მოდელისა და ფეხბურთელის წყვილი – მარიამ ხორგუაშვილი და ლაშა კალანდაძე, რომელთა სილამაზემ მთელი საქართველო აალაპარაკა, რამდენიმეთვიანი დაშორების შემდეგ მართლაც შერიგდნენ. მარიამი ამბობდა, რომ შვიდთვიანი დაშორების შემდეგ შერიგება რთული არ ყოფილა, რადგან ამ პერიოდის განმავლობაში ორივე ბევრ რამეზე დაფიქრდა.

Посмотреть эту публикацию в Instagram

Публикация от Mariam Khorguashvili (@miss_mariamkh)

წყვილი საბოლოოდ მაინც დაშორდა და ახლა უმშვენიერეს მარიამს გვერდით ჰყავს ის ერთადერთი მამაკაცი, რომელიც ძალიან უყვარს. გოგონას რჩეული ვაკო გიგინეიშვილია. წყვილი ერთმანეთს უზომოდ უხდება. ხშირად მოგზაურობენ მსოფლიოს სხვადასხვა ქვეყნებში და „ინსტაგრამზე“ ერთად თუ ცალ-ცალკე გადაღებულ ულამაზეს ფოტოებს გვთავაზობენ. რამდენიმე კვირის წინ მარიამმა „ინსტაგრამის“ „სთორიზე“ ფოტოები და ვიდეოები გამოაქვეყნა, საიდანაც ირკვევა, რომ ვაკომ საკუთარ დაბადების დღეზე მარიამს ხელი სთხოვა და წყვილმა ერთგვარი ქორწილი მოაწყო, რომელსაც მათი მეგობრები ესწრებოდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მარიამს უსაყვარლესი შვილი ჰყავს, რომელსაც დემეტრე ჰქვია. მარიამის მეგობრები დემეტრეს დედას ძალიან ამსგავსებენ. ულამაზეს, სიყვარულით სავსე ახალგაზრდებს ძალიან ბევრი გულშემატკივარი ჰყავთ, რომლებიც მათ მიმართ კომპლიმენტებს არასდროს იშურებენ. ისინი ხშირად ამბობენ, რომ მარიამი და ვაკო გამორჩეული, ლამაზი და ძალიან გემოვნებიანი წყვილია.

აღმოჩდა, რომ მოდელს წონის პრობლემა აქვს. „ინსტაგრამის“ ხელმომწერებს მარიამმა გაუმხილა, რომ ბოლო პერიოდში წონას კარგავს და ამან შეაშინა, თუმცა აპირებს პრობლემას სერიოზულად მიუდგეს.

0
თემები:
ქართველი სელებრითები