პარლამენტის დეპუტატები

რისი იმედი შეიძლება ჰქონდეს „ნაციონალურ მოძრაობას“ პარლამენტში

54
(განახლებულია 20:53 31.05.2021)
„ნაცმოძრაობის“ დეპუტატები პარლამენტში შეძლებენ მონაწილეობას დებატებსა და კანონპროექტების განხილვაში, მაგრამ არ ექნებათ კვოტები კომიტეტებში, სამუშაო ჯგუფებსა და დელეგაციებში.

თბილისი, 31 მაისი – Sputnik. „ერთიანი ნაციონალური მოძრაობა“ შეძლებს საპარლამენტო დებატებში მონაწილეობას, მაგრამ ვერ შეძლებს სამუშაო ჯგუფებში მონაწილეობის მიღებას, სანამ შარლ მიშელის შეთანხმებას არ მოაწერს ხელს. ამის შესახებ „ქართული ოცნების“ თავმჯდომარემ ირაკლი კობახიძემ პარტიის ოფისში გამართულ ბრიფინგზე განაცხადა.

შვიდთვიანი ბოიკოტისა და ფიქრის შემდეგ „ერთიანმა ნაციონალურმა მოძრაობამ“ პარლამენტში შესვლის გადაწყვეტილება მიიღო. ამასთან პარტია უარს აცხადებს ხელი მოაწეროს აპრილის შეთანხმებას პოლიტიკური კრიზისიდან გამოსვლის შესახებ, რომელიც ევროპული საბჭოს პრეზიდენტმა შარლ მიშელმა წარმოადგინა. პარლამენტში შესვლის გადაწყვეტილებას წინ უძღოდა პარტიის ლიდერების ჩასვლა ქვეყნის რეგიონებში და კონსულტაციები ყოფილ პრეზიდენტ მიხეილ სააკაშვილთან კიევში.

ირაკლი კობახიძის განცხადებით, „ნაციონალური მოძრაობის“ გადაწყვეტილება პარლამენტში შესვლასთან დაკავშირებით არის „მათი მარცხის საბოლოო გაფორმება“. ის მიიჩნევს, რომ ამ ოპოზიციური პარტიის გამოჩენას პარლამენტში საკანონმდებლო ორგანოსთვის არანაირი ღირებულება არა აქვს.

„თუ „ნაციონალური მოძრაობა“ მიშელის დოკუმენტს გონივრულ ვადაში არ მოაწერს ხელს, ისინი მონაწილეობას ვერ მიიღებენ ვერც ერთი სამუშაო ჯგუფის მუშაობაში, რომელიც მიშელის დოკუმენტით გათვალისწინებული გადაწყვეტილებების მოსამზადებლად არის შექმნილი ან მომავალში შეიქმნება. გარდა ამისა, ისინი ვერ ისარგებლებენ ვერც ერთი პრივილეგიით, რომელსაც ეს დოკუმენტი ოპოზიციური პარტიებისთვის ითვალისწინებს“, – განაცხადა კობახიძემ.

მან აღნიშნა, რომ შარლ მიშელის დოკუმენტზე ხელმოწერაზე უარით „ნაცმოძრაობა“ ადასტურებს, რომ კანონი ამნისტიის შესახებ, რომელიც საპარლამენტო უმრავლესობის მიერ არის ინიცირებული, მთლიანად შეესატყვისება ამ დოკუმენტს.

პოლიტიკოსის თქმით, „ნაციონალურმა მოძრაობამ“ თავისი არც ერთი დაპირება არ შეასრულა.

„ამ პარტიამ ვერც ერთი თავისი პირობა ვერ შეასრულა. „ვერ დამიჭერთ“, „არ გამოვალ“ და „არ შევალ“ დასრულდა დაჭერით, გამოსვლით და შესვლით“, – განაცხადა კობახიძემ.

გარდა ამისა, კობახიძის თქმით, მიშელის დოკუმენტზე ხელმოწერაზე უარის თქმა ნიშნავს, რომ „ნაციონალური მოძრაობა“ კვლავ არ აღიარებს და პატივს არ სცემს სახელმწიფო ინსტიტუტებსა და საერთაშორისო პარტნიორებს.

შარლ მიშელმა საქართველოს პოლიტიკურ ძალებს მიმდინარე წლის აპრილში შესთავაზა კრიზისიდან გამოსვლის დოკუმენტი, რომელიც 2020 წლის საპარლამენტო არჩევნების შემდეგ, ოპოზიციური პარტიების მხრიდან მისი შედეგების აღიარებაზე უარით გამწვავდა. შეთანხმება მისაღები აღმოჩნდა მმართველი პარტიისთვის, ასევე ოპოზიციური პარტიების ნაწილისთვის. მათ ხელი მოაწერეს დოკუმენტს, შეწყვიტეს ბოიკოტი და საპარლამენტო საქმიანობას შეუდგნენ.

„ერთიანი ნაციონალური მოძრაობის“ ხელმძღვანელობამ გუშინ პარლამენტში შესვლის შესახებ გადაწყვეტილება მიიღო, პარტიის დეპუტაცია 33 ადამიანისგან შედგება.

54
თემები:
საქართველოს პარლამენტი (313)
ირაკლი ღარიბაშვილი

ირაკლი ღარიბაშვილი პარლამენტს ანგარიშს 25 ივნისს ჩააბარებს

5
ღარიბაშვილისთვის ეს იქნება პირველი ანგარიში საქართველოს პრემიერ-მინისტრის რანგში 2015 წელს მისი გადადგომიდან თითქმის ექვსი წლის შემდეგ.

თბილისი, 16 ივნისი - Sputnik. პრემიერ-მინისტრი ირაკლი ღარიბაშვილი მთავრობის მიერ შესრულებული სამუშაოს შესახებ წლიურ ანგარიშს პარლამენტს მომდევნო კვირაში, 25 ივნისს წარუდგენს.

პარლამენტის რეგლამენტის თანახმად, მთავრობის მეთაურის ანგარიშის მოსმენით პარლამენტი საგაზაფხულო სესიის ფარგლებში მუშაობას დაასრულებს.

პრემიერ მინისტრის 154-გვერდიანი ანგარიში უკვე გამოქვეყნდა პარლამენტის ვებგვერდზე და მისი დაახლოებით ნახევარი საგარეო პოლიტიკასა და თავდაცვას ეძღვნება. ანგარიშში ასევე ყურადღება ეთმობა კორონავირუსის პანდემიასთან ბრძოლას, ჯანდაცვის, ეკონომიკის, განათლებისა და სოფლის მეურნეობის საკითხებს.

ანგარიშის წარდგენის შემდეგ ღარიბაშვილს დეპუტატების შეკითხვებზე პასუხის გაცემა მოუწევს. პარლამენტის 150 წევრიდან მმართველ პარტია „ქართულ ოცნებას" 84 ადგილი აქვს, დანარჩენი ოპოზიციურმა პარტიებმა გადაინაწილეს.

ღარიბაშვილისთვის ეს იქნება პირველი ანგარიში საქართველოს პრემიერ-მინისტრის რანგში თითქმის ექვსი წლის შემდეგ. 2015 წელს საქართველოს პრემიერ-მინისტრის თანამდებობიდან გადადგომის შემდეგ, 2021 წლის თებერვალში მან კვლავ მოიპოვა პარლამენტის ნდობა და ამ პოსტზე გადამდგარი გიორგი გახარია შეცვალა.

ახლა გახარიას პარტიის წევრებს, ისევე როგორც ოპოზიციური სპექტრის სხვა წარმომადგენლებს, შესაძლებლობა ექნებათ ღარიბაშვილისგან მოისმინონ პასუხები მათთვის საინტერესო კითხვებზე.

5
გიორგი ვაშაძე

20-21 ივნისის მოვლენების დროს დაშავებულებმა შეიძლება კომპენსაცია მიიღონ

29
(განახლებულია 16:59 16.06.2021)
გიორგი ვაშაძის განმარტებით, კანონპროექტს მომავალ კვირაში დაარეგისტრირებენ, მანამდე კი აღნიშნულ საკითხთან დაკავშირებით დაზარალებულთა პოზიციებს დაელოდებიან.

თბილისი, 16 ივნისი — Sputnik. ოპოზიციური პარტია „სტრატეგია აღმაშენებელი" პარლამენტში კანონპროექტის ინიცირებას გეგმავს, რომელიც 2019 წლის 20-21 ივნისის ღამეს დაზარალებულთათვის კომპენსაციის გაცემას ითვალისწინებს.

20 ივნისს ანტისამთავრობო აქცია არეულობაში გადაიზარდა. გამოძიების ვერსიით, საპროტესტო აქციის მონაწილეები პარლამენტში შეჭრას შეეცადნენ. შტურმის თავიდან აცილების მიზნით პოლიციამ შეკრებილთა დასაშლელად ცრემლსადენი გაზი და რეზინის ტყვიები გამოიყენა. არეულობის დროს დაშავდა 240 ადამიანი, მათ შორის 80 პოლიციელი, 40-მდე ჟურნალისტი, ორმა ადამიანმა თვალი დაკარგა.

„ვინც მსუბუქი დაზიანება მიიღო, მათ სახელმწიფოსგან ერთჯერადი კომპენსაცია უნდა მიიღონ, ხოლო ვინც მძიმე დაზიანება მიიღო, მათ ერთჯერად კომპენსაციასთან ერთად უნდა აუნაზღაურდეთ მკურნალობის ხარჯები და მთელი ცხოვრების მანძილზე საპენსიო უზრუნველყოფა დაენიშნოთ", – განაცხადა პარტიის ლიდერმა გიორგი ვაშაძემ.

დეპუტატის თქმით, აუცილებელი არაა დაშავებულებს ოფიციალურად ჰქონდეთ მინიჭებული დაზარალებულის სტატუსი.

„დაშავებულთა სია არსებობს, ვიდეოკადრებიც მოიპოვება", – განაცხადა ვაშაძემ.

კანონპროექტის დასამტკიცებლად ოპოზიციას მმართველი პარტიის მხარდაჭერა სჭირდება. თანახმა იქნება თუ არა „ქართული ოცნება" საკანონმდებლო ინიციატივას დაუჭიროს მხარი, ცნობილი მას შემდეგ გახდება, რაც კანონპროექტს საკომიტეტო მოსმენებზე გაიტანენ.

საპროტესტო აქციის დაშლის თემა საქართველოში კვლავ აქტუალური მას შემდეგ გახდა, რაც პარლამენტი „ამნისტიის შესახებ" კანონპროექტის განხილვას შეუდგა, რომელიც ამ აქციის მონაწილეებსა და პოლიციელებს ეხება. 20-21 ივნისის მოვლენებზე აღძრული სისხლის სამართლის საქმის ერთ-ერთი ფიგურანტი ოპოზიციური პარტია "ერთიანი ნაციონალური მოძრაობის" თავმჯდომარე ნიკა მელიაა.

29
თემები:
საქართველოს პარლამენტი (313)
ფოტო კონკურსიდან

სტენინის სახელობის ფოტოკონკურსმა 2021 წლის შორტ-ლისტი გამოაქვეყნა

0
(განახლებულია 21:53 16.06.2021)
გამარჯვებულების გამოსავლენად კონკურსის ჟიურიმ 70 ქვეყნიდან წარდგენილი დაახლოებით 4,5 ათასი ნამუშევარი დაათვალიერა

თბილისი, 16 ივნისი – Sputnik. ანდრეი სტენინის ხსოვნისადმი მიძღვნილი ახალგაზრდა ფოტორეპორტიორების კონკურსის ჟიურიმ (https://stenincontest.ru), რომელიც მსოფლიოს ტიტულოვანი ფოტოგრაფებისა და ფოტოექსპერტებისგან შედგება, 2021 წლის ლაურეატები გამოაცხადა.

გამარჯვებულების გამოსავლენად ჟიურიმ დაახლოებით 4,5 ათასი ნამუშევარი დაათვალიერა. ლაურეატების შორტ-ლისტი კონკურსის რუსულ (http://stenincontest.ru) და ინგლისურ (http://stenincontest.com) საიტებზე გამოქვეყნდა.

შორტ-ლისტში 17 ქვეყნის წარმომადგენლები არიან შესული. მათ შორის: ჩინეთის, დიდი ბრიტანეთის, გერმანიის, ესპანეთის, საბერძნეთი, ეგვიპტის, ინდოეთის, თურქეთისა და სხვ. (http://stenincontest.ru). შორტ-ლისტში პირველად მოხვდნენ ახალგაზრდა ფოტოგრაფები ინდონეზიიდან, მექსიკიდან და კანადიდან.

2021 წლის კონკურსის ლაურეატების ნამუშევრების თემები ასახავს მოვლენათა ლენტას, რომლებმაც მსოფლიოს ახალი ამბების ტრაფიკები „ააფეთქა“ გასულ წელს. მთავ თემებს შორისაა: მაისის საპროტესტო აქციები მინეაპოლისში, ეკოლოგიური კატასტროფა, რომელიც აფრიკასა და აზიაში კალიების უდიდეს შემოსევას მოჰყვა, COVID-19-ის პანდემია, რომელმაც მილიონობით ადამიანის სიცოცხლე შეიწირა მთელ მსოფლიოში.

ანდრეი სტენინის სახელობის კონკურსის კურატორმა, Россия сегодня-ს ვიზუალური პროექტების სამსახურის ხელმძღვანელმა ოქსანა ოლეინიკმა, 2021 წლის ფოტოების თავისებირებების შეფასებისას განაცხადა:

„გასული წელი, რომლის მოვლენები აისახა კიდეც ჩვენი ლაურეატების ნამუშევრებში, რთული იყო. ამითაც განისაზღვრება ჟიურის მიერ შერჩეული ფოტოების უმეტესობის ნერვი და დრამატულობა. კონკურსის მონაწილეები უბრალოდ კი არ აფიქსირებენ პრობლემას, არამედ მათ სურთ, რომ ფოტოგრაფიის მეშვეობით მნახველი საუბარში გამოიწვიონ, ერთად გააცნობიერონ პრობლემა და ერთად მონახონ მისი გადაჭრის გზები. და ჩვენი აზრით, ახალგაზრდა ფოტოგრაფებს ეს ბრწყინვალედ გამოსდით“.

ვინ მიიღებს ანდრეი სტენინის სახელობის კონკურსის მთავარ ჯილდოს - გრან-პრის, და ასევე როგორ განაწილდება საპრიზო ადგილები კონკურსის ნომინაციაში, სექტემბერში გახდება ცნობილი და შედეგები გამოქვეყნდება საიტებზე - stenincontest.ru და stenincontest.com.

კონკურსის გეგმებში ასევე შედის გამარჯვებულების ტრადიციული როუდ-შოუს დაწყება მსოფლიოს ქალაქებში წლის ბოლომდე.

კონკურსის შესახებ

ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო Россия сегодня-ს ორგანიზებით იუნესკოს საკითხთა რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა, ნიჭიერი, საზრიანი და ყველაფერ ახლისადმი გახსნილი ფოტოგრაფებისთვის, სადაც ისინი საზოგადოებას ყურადღებას ამახვილებინებენ ადამიანებსა და მათ გარშემო მიმდინარე მოვლენებზე.

2021 წელს კონკურსის გენერალური საინფორმაციო პარტნიორები არიან: საინფორმაციო და ახალი ამბების პორტალი Вести.Ru, სახელმწიფო ტელეარხი Россия-Культура. კონკურსის საერთაშორისო საინფორმაციო პარტნიორები არიან: საინფორმაციო სააგენტო და რადიო Sputnik, საინფორმაციო სააგენტო Askanews, მედიაჰოლდინგი Independent Media, საინფორმაციო სააგენტო Notimex, ახალი ამბების სააგენტო ANA, ტელეარხი და პორტალი RT, Shanghai United Media Group (SUMG), გაზეთების — China Daily და The Paper-ის, ასევე მედიაქსელ Al Mayadeen-ის ინტერნეტ-პორტალები, საინფორმაციო სააგენტო Prensa Latina, საინფორმაციო სააგენტო News1, ინტერნეტ-პორტალი DBW, ახალი ამბების პორტალი Brasil247.

დარგობრივი პარტნიორების სტატუსში კონკურსს მხარს უჭერენ: ჟურნალი National Geographic რუსეთი, პორტალები Russian Photo და Photo-study.ru, ფოტოსკოლა Академия фотографии, საინფორმაციო პორტალი YOung JOurnalists, ჟურნალი Fotoargenta, ფოტოჟურნალისტიკის კლუბი „ნიუ დელი“, ჟურნალები Enfoque Visual და LF Magazine, საერთაშორისო პარტნიორია ფესტივალი PhotON.

0