პარლამენტი

არჩევნები, საჩივრები და კენჭისყრა - ვენეციის კომისიამ ქართული კანონპროექტი გააკრიტიკა

72
(განახლებულია 13:18 02.05.2021)
ვენეციის კომისია ადგილობრივი თვითმმართველობის ორგანოების არჩევნებზე ელექტრონული კენჭისყრის საკითხს ეჭვის თვალით უყურებს

თბილისი, 2 მაისი - Sputnik. ვენეციის კომისიამ ნეგატიურად შეაფასა დაგეგმილი ცვლილებები საქართველოს საარჩევნო კოდექსში თვითმმართველობის ორგანოების არჩევნების შესახებ და რამდენიმე რეკომენდაცია და გაფრთხილება წარმოადგინა.

საარჩევნო კოდექსში შესატანი ცვლილებების პროექტი მოამზადეს მმართველმა პარტიამ „ქართული ოცნება - დემოკრატიული საქართველო“ და ოპოზიციურმა პარტიებმა („მოქალაქეები“ და „ევროპელი სოციალისტები“). პროექტი ინიცირებულია თებერვალში.

მომავალი არჩევნები

მიუხედავად იმისა, რომ ვენეციის კომისიამ უარი თქვა 2021 წლის შემოდგომაზე ადგილობრივი თვითმმართველობების არჩევნებში უმრავლესობის დეპუტატების რაოდენობის შემცირების საკითხის შეფასებაზე, და აღნიშნა, რომ ამ ტიპის საარჩევნო სისტემა თითოეული სახელმწიფოს სუვერენული უფლებაა, მაგრამ საარჩევნო ოლქების ფორმირებასთან დაკავშირებით შენიშვნები მაინც გამოთქვა.

მისი აზრით, კანონპროექტის ავტორებმა კიდევ ერთხელ უნდა დაამუშაონ კანონპროექტი საარჩევნო ოლქების ამომრჩეველთა თანაბარი რაოდენობის დაყოფის პრინციპით, რათა უზრუნველყოფილი იყოს ამომრჩეველთა თანასწორობა.

ამასთან, მისი რეკომენდაციით, საარჩევნო ოლქების ფორმირება საზოგადოებასთან გამჭვირვალე კონსულტაციების ფონზე უნდა წარიმართოს.

წინასაარჩევნო აგიტაცია

იმავდროულად, ვენეციის კომისია მიესალმა წინასაარჩევნო კამპანიის დროს ადმინისტრაციული რესურსების გამოყენების შეზღუდვებს, მაგრამ გამოთქვა შეშფოთება, რომ წინასაარჩევნო შეხვედრებში მონაწილეობის აკრძალვის ფორმულირებამ შეიძლება ხელი შეუშალოს შეკრების თავისუფლების პრინციპს და მოუწოდა, ის უფრო კონკრეტული გახადონ.

ამავე დროს, ვენეციის კომისიამ გამოხატა უკმაყოფილება იმით, რომ კანონპროექტში არ არის ჩადებული საარჩევნო აგიტაციის დროს სამთავრობო რესურსების გამოყენების აკრძალვა.

„წინა არჩევნებში გამოვლენილი ძირითადი პრობლემები: ონლაინ საარჩევნო კამპანიები, რომლებიც საჯარო მოხელეების მიერ სამუშაო საათებში ხორციელდებოდა; სამთავრობო ვებგვერდების გამოყენება აგიტაციისთვის“, - ნათქვამია დასკვნაში.

კომისიის რეკომენდაციით, უნდა შემუშავდეს კანონმდებლობა ადმინისტრაციული რესურსის გამოყენების თავიდან ასაცილებლად და ამ სამართალდარღვევისთვის დისციპლინური სახდელი დაწესდეს.

კომისია ასევე უკმაყოფილო დარჩა არჩევნების დღეს საარჩევნო უბნიდან 100 მეტრის რადიუსში საარჩევნო აგიტაციის აკრძალვით და მას „ფრაგმენტული” უწოდა, რადგან ის პრობლემას ვერ გადაჭრის.

კომისიის განმარტებით, არჩევნების დღეს აგიტაცია უნდა აიკრძალოს როგორც კენჭისყრის დღემდე 24 საათით ადრე, ასევე კენჭისყრის დღეს ნებისმიერ ადგილას. გარდა ამისა, ცვლილებებმა უნდა უზრუნველყონ თავისუფალი ხმის მიცემა კონტროლისა და დაშინების გარეშე.

კენჭისყრის დღე

ვენეციის კომისია ეჭვის თვალით უყურებს ადგილობრივი თვითმმართველობის ორგანოების არჩევნებზე ელექტრონული კენჭისყრის საკითხსაც.

„სამართლებრივმა ჩარჩომ სათანადოდ უნდა დაარეგულიროს საარჩევნო პროცესში ხმის მისაცემად ნებისმიერი ახალი ტექნოლოგიის გამოყენება. ამასთან, კანონპროექტი არ შეიცავს რაიმე დებულებას ხმის მისაცემად ელექტრონული საშუალებების გამოყენების შესახებ და მხოლოდ იმას ითვალისწინებს, რომ ელექტრონული საშუალებების გამოყენების წესები უნდა განისაზღვროს ცესკოს დადგენილებით", - ნათქვამია დასკვნაში.

კომისიის რეკომენდაციით, კანონპროექტში უნდა განისაზღვროს ნორმატიული ბაზა ელექტრონული კენჭისყრისთვის და მიეთითოს როგორც დამკვირვებლებისა და კანდიდატებისთვის ტექნოლოგიებზე წვდომის მოცულობა, ასევე შემოწმების ეტაპები, სისტემის მომწოდებლებისა და სახელმწიფო მოხელეების პასუხისმგებლობა. ასევე, კომისიის განმარტებით, ცვლილებებში უნდა იყოს გაწერილი პასუხისმგებლობა დარღვევების გამო, მონაცემთა დაცვის უზრუნველყოფა, პროცესის ნებისმიერ ეტაპზე გასაჩივრების შესაძლებლობა.

„უკიდურესად მნიშვნელოვანია, რომ ელექტრონული საშუალებების ნებისმიერი ახალი გამოყენება საკმარისად იყოს დაგეგმილი და წინასწარ მომზადებული, ასევე ჩატარდეს ამომრჩეველთა ეფექტური ინფორმირება და ტრენინგები არჩევნების მართვის საკითხებზე“, - ნათქვამია დასკვნაში.

საჩივრები

ვენეციის კომისია უკმაყოფილოა კანონპროექტში გაწერილი გასაჩივრების პროცედურით - კენჭისყრის დღეს და არჩევნების შედეგების შეჯამებისას.

კომისიის აზრით, გასაჩივრების პროცედურა უნდა იყოს მარტივი და ფორმალობებისგან თავისუფალი. კომისიის რეკომენდაციით,  გასაჩივრების ვადები უნდა განისაზღვროს როგორც სათანადო ბალანსი - სამართლებრივი დაცვის მოთხოვნის უფლების დაცვასა და საარჩევნო დავების დროული და ეფექტური მოგვარების უზრუნველყოფას შორის.

ამავე დროს, კომისია კმაყოფილია სასამართლოებში საჩივრების განხილვის ვადების გაზრდით, მაგრამ აღნიშნა, რომ იგი სრულად არ შეესაბამება საერთაშორისო პრაქტიკას და შესთავაზა ყველა ვადის დამატებით გაზრდა.

72
ლევან ვასაძე

ლევან ვასაძე პოლიტიკაში მიდის

61
(განახლებულია 17:25 06.05.2021)
ბიზნესმენმა ლევან ვასაძემ პოლიტიკაში წასვლის გადაწყვეტილება მიიღო. ის აფუძნებს საზოგადოებრივ მოძრაობას, რომელსაც ერქმევა „ერთობა, რაობა, იმედი“.

თბილისი, 6 მაისი – Sputnik. ბიზნესმენი ლევან ვასაძე პოლიტიკაში მიდის. ბიზნესმენმა ამის შესახებ სასტუმრო „თბილისი მარიოტში“ გამართულ ბრიფინგზე განაცხადა.

როგორც ვასაძემ განმარტა, ის აფუძნებს საზოგადოებრივ მოძრაობას, რომელსაც ერქმევა „ერთობა, რაობა, იმედი“. მისი თქმით, საზოგადოებრივი მოძრაობა მომავალში, დიდი ალბათობით, პოლიტიკურ მოძრაობად გარდაიქმნება.

ლევან ვასაძემ გადაწყვეტილების მიზეზებზეც ისაუბრა და აღნიშნა, რომ ქვეყანას კრიზისიდან გამოყვანა სჭირდება.

„მივიღე ჩემთვის პირად ჭრილში ძალიან მძიმე გადაწყვეტილება, რომ დავემშვიდობო ჩემთვის საყვარელი კერძო პირის მდგომარეობას, გადავდგა ნაბიჯი, შემოვიდე და მონაწილეობა მივიღო ქვეყნის საზოგადოებრივ-პოლიტიკურ ცხოვრებაში. ჩემი გადაწყვეტილების ძირითად მიზეზაზად მოგვევლინა ის ფაქტი, რომ ქვეყანა შესულია პერმანენტული კრიზისის პირობებში როგორც პოლიტიკური, ეკონომიკური, ისე კულტურული, სოციალური, იდეოლოგიური თვალსაზრისით“, – განაცხადა ლევან ვასაძემ.

ამასთან, მისი თქმით, ახდა ყველა ის პროგნოზი, რომელიც საჯაროდ არაერთხელ გააკეთა ჯერ კიდევ შარშან, სანამ საპარლამენტო არჩევნები ჩატარდებოდა.

61
ღარიბაშვილი და ალიევი

რაზე ისაუბრეს ღარიბაშვილმა და ალიევმა ბაქოში

53
(განახლებულია 22:48 05.05.2021)
საქართველოს მთავრობის მეთაურმა აზერბაიჯანის პრეზიდენტს თბილი მიღებისთვის მადლობა გადაუხადა და თბილისში მოიწვია.

თბილისი, 5 მაისი — Sputnik. საქართველო–აზერბაიჯანის საზღვრის დემარკაციისა და დელიმიტაციის კომისია მუშაობას მალე განაახლებს, განაცხადა ჟურნალისტებთან საქართველოს პრემიერ-მინისტრმა ირაკლი ღარიბაშვილმა ბაქოში ოფიციალური ვიზიტის დასრულების შემდეგ. 

ერთდღიანი ვიზიტის ფარგლებში ღარიბაშვილმა შეხვედრები გამართა აზერბაიჯანის პრეზიდენტ ილჰამ ალიევთან, აზერბაიჯანელ კოლეგა ალი ასადოვთან და აზერბაიჯანის მილიმეჯლისის თავმჯდომარესთან საჰიბა გაფაროვასთან.

„ჩვენ ნაყოფიერი თანამშრომლობის მრავაწლიანი ისტორია გვაქვს. ჩვენ მოტივირებული ვართ, რომ უფრო მეტი პროექტი განვახორციელოთ ერთობლივად. შეხვედრაზე ასევე განვიხილეთ რეგიონში არსებული სიტუაცია, მათ შორის, უსაფრთხოების საკითხებიც. შევეხეთ პრაქტიკულად ყველა საკითხს, რომელიც ორ ქვეყანას შორის არსებობს, მათ შორის, განვიხილეთ დავით–გარეჯის საკითხიც და შევთანხმდით, რომ დიალოგი გაგრძელდება, დაჩქარდება და ძალიან მალე გადაწყდება ისე, როგორც ჩვენ ძმობას, მეგობრობას შეეფერება. ძალიან მალე კომისიები გააგრძელებენ მუშაობას და უფრო კონკრეტულად მოგვიანებით გახდება ცნობილი“, – განაცხადა ღარიბაშვილმა.

ღარიბაშვილის განმარტებით, აზერბაიჯანის პრემიერთან და სპიკერთან შეხვედრისას განიხილეს ეკონომიკური საკითხებიც. გადაწყდა, რომ მხარეები ინვესტიციების კუთხით მუშაობას გაააქტიურებენ, რაც ორივე ქვეყნისთვის პოსტპანდემიურ პერიოდში განსაკუთრებით მნიშვნელოვანია. 

შეხვედრის დასასრულს პრემიერმა აზერბაიჯანის პრეზიდენტს და მთავრობის სრულ შემადგენლობას თბილი მიღებისთვის მადლობა გადაუხადა. ღარიბაშვილმა ალიევისგან დაპირება მიიღო, რომ იგი თბილისს ეწვევა.

საქართველოსა და აზერბაიჯანს 440 კილომეტრის სიგრძის საერთო სახელმწიფო საზღვარი აქვთ, რომლის მესამედი ჯერჯერობით არ არის დელიმიტირებული. ერთ-ერთ სადავო მონაკვეთზე მდებარეობს მეექვსე საუკუნის დავით-გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს.

აზერბაიჯანი საქართველოს სტრატეგიული სავაჭრო პარტნიორია. 2021 წლის იანვარი–მარტში ქვეყნებს შორის ტვირთბრუნვამ დაახლოებით 250,3 მლნ აშშ დოლარი შეადგინა.

საქართველო და აზერბაიჯანი სტრატეგიული პარტნიორები არიან და აქტიურად თანამშრომლობენ როგორც ორმხრივ ფორმატში, ისე საერთაშორისო მნიშვნელობის პროექტების ფარგლებში – ბაქო-თბილისი-ყარსის სარკინიგზო მაგისტრალი, ბაქო-თბილისი-ჯეიჰანის ნავთობსადენი, სამხრეთის გაზის დერეფანი და ა.შ.

53
ბრაზილიის პოლიცია

რიოს მეტროში სპეცოპერაციისას 25 კაცი დაიღუპა: ვრცელდება ვიდეო

0
ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილები, ბავშვებსა და მოზარდებს ითრევდნენ დანაშაულებრივ საქმიანობაში

თბილისი, 6 მაისი - Sputnik. რიო−დე−ჟანეიროს მეტროში პოლიციასა და დამნაშავეებს შორის სროლისას 25 ადამიანი 25 ადამიანი დაიღუპა, იუწყება პორტალი G1.

სროლა ქალაქის ჩრდილოეთ ზონაში ნარკოტიკების უკანონო ბრუნვის წინააღმდეგ საპოლიციო სპეცოპერაციის დროს მოხდა.

​არსებული ცნობით, დაღუპულთა შორის ერთი სამართალდამცველია, დანარჩენები კი ნარკობიზნესში ეჭვმიტანილები. ვრცელდება ინფორმაცია, რომ პოლიციის ოფიცერს ტყვია თავში მოხვდა.

ინციდენტის შედეგად არიან დაშავებულებიც.

სამართალდამცველი ორგანოების განცხადებით, აღნიშნული ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილები, ბავშვებსა და მოზარდებს ითრევდნენ დანაშაულებრივ საქმიანობაში.

 

0
თემები:
საერთაშორისო პანორამა