ხელისუფლებისა და ოპოზიციის მოლაპარაკებები

მმართველი პარტიის და ოპოზიციის წარმომადგენლებმა შარლ მიშელის დოკუმენტს ხელი მოაწერეს

101
(განახლებულია 02:35 20.04.2021)
ხელმოწერილი დოკუმენტის მიხედვით, ვადამდელი საპარლამენტო არჩევნები დაინიშნება 2022 წელს იმ შემთხვევაში, თუ 2021 წლის ოქტომბრის ადგილობრივი თვითმმართველობის არჩევნებში „ქართული ოცნება“ მიიღებს პროპორციული ხმების 43%-ზე ნაკლებს.

თბილისი, 19 აპრილი – Sputnik. საქართველოს პრეზიდენტის რეზიდენციაში მმართველი პარტიის და ოპოზიციის წარმომადგენლებმა ევროპული საბჭოს პრეზიდენტ შარლ მიშელის მიერ პარტიებისთვის წარდგენილ დოკუმენტზე – „საქართველოს წინსვლის გზა“ ხელი მოაწერეს.

ორბელიანის სასახლეში იმყოფებიან ოპოზიციის ლიდერები შემდეგი პოლიტიკური პარტიებიდან: „ქართული ოცნება“ (არჩილ თალაკვაძე, შალვა პაპუაშვილი), „სტრატეგია აღმაშენებელი“ (გიორგი ვაშაძე), „ლელო“ (მამუკა ხაზარაძე, ბადრი ჯაფარიძე), „გირჩი“ (ვახტანგ მეგრელიშვილი), „გირჩი - მეტი თავისუფლება“ (ზურაბ ჯაფარიძე), „მოქალაქეები“ (ალეკო ელისაშვილი), „რესპუბლიკური პარტია“ (ხათუნა სამნიძე). ხელმოწერის ცერემონიაში ასევე მონაწილეობდნენ დავით ბაქრაძე და სალომე სამადაშვილი, როგორც დამოუკიდებელი დეპუტატები. 

შარლ მიშელის დოკუმენტს ხელი ყველა მათგანმა მოაწერა. მათ მადლობა გადაუხადეს ევროპელ შუამავლებს ქვეყანაში პოლიტიკური კრიზისის დასაძლევად გაწეული ძალისხმევისთვის.

მათ უმასპინძლეს საქართველოს პრეზიდენტმა სალომე ზურაბიშვილმა, ევროკავშირის ელჩმა საქართველოში კარლ ჰარცელმა და აშშ-ის ელჩმა კელი დეგნანმა. 

ცერემონიას ვიდეოკონფერენციის ფორმატში ესწრებოდა თავად პრეზიდენტი შარლ მიშელი.

საბოლოო ჯამში, შარლ მიშელის დოკუმენტს ხელი არ მოაწერეს მთავარმა ოპოზიციურმა პარტიამ „ერთიანმა ნაციონალურმა მოძრაობამ“ და „ევროპულმა საქართველომ“. აღსანიშნავია, რომ კელი დეგნანმა განაცხადა, რომ დოკუმენტი არის ღია და ცალკეულ პოლიტიკოსებს მისი ხელმოწერა შემდგომშიც შეუძლიათ.

შარლ მიშელის მიერ შემოთავაზებული ახალი დოკუმენტის მიხედვით, „ქართული ოცნების“ 2021 წლის 16 აპრილის შეთავაზების შესაბამისად, ვადამდელი საპარლამენტო არჩევნები დაინიშნება 2022 წელს იმ შემთხვევაში, თუ 2021 წლის ოქტომბრის ადგილობრივი თვითმმართველობის არჩევნებში „ქართული ოცნება“ მიიღებს პროპორციული ხმების 43%-ზე ნაკლებს.

ასევე, აღნიშნული დოკუმენტის მიხედვით, შეთანხმების გაფორმებიდან ერთ კვირაში მხარეებმა უნდა განიხილონ პოლიტიზებულად აღქმული ორი საქმე, რომელიც ეხება „ერთიანი ნაციონალური მოძრაობის“ თავმჯდომარე ნიკა მელიას და ოპოზიციური ტელეარხ „მთავარის“ თანამფლობელს, გიორგი რურუას. კერძოდ, პარლამენტში წარმოდგენილი მხარე მოახდენს ამნისტიის შესახებ კანონის ინიცირებას 2019 წლის 19-21 ივნისის საპროტესტო აქციებით გამოწვეული ყველა დარღვევისა და მსჯავრდებულისთვის. ასევე,  პარლამენტმა პოლიტიზებული მართლმსაჯულების აღქმის პრობლემა კანონმდებლობის საშუალებით უნდა გადაწყვიტოს და საჭიროების შემთხვევაში შეიტანოს ცვლილებები რეგლამენტში.

ევროპული საბჭოს პრეზიდენტმა, შარლ მიშელმა პოლიტიკურ პარტიებს ახალი დოკუმენტი 18 აპრილს წარუდგინა.

101
სალომე ზურაბიშვილი

პრეზიდენტი: საარჩევნო რეფორმა ქვეყნის დემოკრატიული განვითარებისკენ მნიშვნელოვანი ნაბიჯია

14
(განახლებულია 11:46 18.05.2021)
სალომე ზურაბიშვილის განცხადებით, საარჩევნო სისტემასთან დაკავშირებით მხარეებს შორის შეთანხმებული საკითხები ვენეციის კომისიას უახლოეს დღეებში უნდა გადაეგზავნოს

 

თბილისი, 18 მაისი — Sputnik. საქართველოს პრეზიდენტი სალომე ზურაბიშვილი მიესალმება საარჩევნო სისტემასთან დაკავშირებით მმართველი პარტია „ქართული ოცნებისა“ და ოპოზიციის პოზიციების დაახლოებას.

ორშაბათს გამართული მორიგი სამუშაო შეხვედრის შედეგად ოპოზიციამ და მმართველმა პარტიამ შეძლო საარჩევნო სისტემასთან დაკავშირებით ბევრ საკითხზე კომპრომისის მიღწევა. ევროპული საბჭოს პრეზიდენტ შარლ მიშელის მიერ მომზადებული შეთანხმების დოკუმენტის თანახმად, მხარეებმა საქართველოს საარჩევნო კოდექსი ისე უნდა შეცვალონ, რომ მასში ვენეციის კომისიისა და OSCE/ODIHR-ის ყველა რეკომენდაცია აისახოს.

„მისასალმებელია ოპოზიციისა და მმართველი პარტიის მიერ საარჩევნო რეფორმასთან დაკავშირებით 19 აპრილის შეთანხმებით გათვალისწინებულ საკითხებზე შეჯერება და ამ შეჯერებული დოკუმენტის უახლოეს დღეებში ვენეციის კომისიაში გაგზავნა“, – დაწერა ზურაბიშვილმა საკუთარ Facebook-გვერდზე.

პრეზიდენტის თქმით,  მნიშვნელოვანია აღნიშნული  შეთანხმების ყველა პუნქტის დროული შესრულება. „საარჩევნო რეფორმა იქნება წინ გადადგმული ნაბიჯი ქვეყნის მომავალი დემოკრატიული განვითარებისთვის“, დასძინა ზურაბიშვილმა.

პრეზიდენტმა აქტიური მონაწილეობა მიიღო ქვეყანაში პოლიტიკური კრიზისის გადაჭრაში. მან არაერთი შეხვედრა გამართა საერთაშორისო შუამავლებთან, პრეზიდენტის სასახლე კი მხარეებს შორის მოლაპარაკებების ადგილი გახდა. სწორედ ორბელიანის სასახლეში მოაწერეს ხელი 19 აპრილს მმართველი პარტიისა და ოპოზიციის წარმომადგენლებმა შარლ მიშელის მიერ შემუშავებულ  კომპრომისულ დოკუმენტს „საქართველოს წინსვლის გზა“ ხელი.

გარდა ამისა, პრეზიდენტმა ხელი მოაწერა შეწყალების აქტს, რომლის საფუძველზეც საპატიმრო დატოვა ოპოზიციური ტელეკომპანია „მთავარი არხის“ თანადამფუძნებელმა გიორგი რურუამ. ზურაბიშვილი დათანხმდა ოპოზიციის მოთხოვნა შეესრულებინა იმ პირობით, რომ მხარეები ქვეყნის პოლიტიკური კრიზისიდან გამოსვლის თაობაზე შეთანხმებას ხელს მოაწერდნენ.

რაც შეეხება საარჩევნო კოდექსს, მაისის დასაწყისში ვენეციის კომისიამ და OSCE/ODIHR-მა გამოაქვეყნეს დასკვნა საქართველოს საარჩევნო კოდექსში მომზადებულ ცვლილებებთან დაკავშირებით და უარყოფითად შეაფასეს ცესკოს წევრთა შერჩევის პრინციპი და დამკვირვებლებისადმი მოთხოვნები.

ვენეციის კომისიამ და OSCE/ODIHR-მა კანონპროექტში არსებულ ხარვეზებზე უამრავი შენიშვნა გამოთქვეს. შენიშვნების ძირითადი ნაწილი საარჩევნო კომისიების დაკომპლექტების პროცესს ეხებოდა.
ერთ-ერთი მთავარი შენიშვნა ეხება პარტიების პროპორციულ წარმომადგენლობას საარჩევნო კომისიებში. ვენეციის კომისიის თვალსაზრისით, არსებული მოდელი ვერ აღმოფხვრის მმართველი პარტიის დომინირების საკითხს საარჩევნო კომისიებში.

ასევე უკმაყოფილება გამოიწვია ცვლილებებში გაწერილმა ცესკოს თავმჯდომარის დანიშვნის პროცესმაც. ცვლილებების თანახმად, საქართველოს პრეზიდენტი აღარ დაეკითხება სამოქალაქო საზოგადოებას კანდიდატის არჩევისას, რაც, კომისიის თვალსაზრისით, მიზანშეწონილი არაა საზოგადოებაში ცესკოს მიუკერძოებლობისა და დამოუკიდებლობისადმი დაბალი ნდობის ფონზე.

14
თემები:
საქართველოს პრეზიდენტი
ხელისუფლებისა და ოპოზიციის მოლაპარაკებები ევროკავშირის შუამავლობით

საქართველოს ხელისუფლების და ოპოზიციის პოზიციები საარჩევნო სისტემაზე დაახლოვდა

30
(განახლებულია 00:12 18.05.2021)
მხარეებმა შეათანხმეს, რომ ცესკოს ეყოლება ორი თავმჯდომარე - პროფესიული ნიშნით არჩეული და ოპოზიციური პარტიების მიერ დასახელებული.

თბილისი, 17 მაისი – Sputnik. ოპოზიციამ და მმართველმა პარტიამ მიაღწიეს კომპრომისს საარჩევნო სისტემასთან დაკავშირებული საკითხების დიდ ნაწილზე, განაცხადა ოპოზიციური პარტია „ერთიანი ნაციონალური მოძრაობის“ ყოფილმა ლიდერმა, დეპუტატმა სალომე სამადაშვილმა.

საქართველოს პარლამენტში ორშაბათს საარჩევნო სისტემის რეფორმაზე იმსჯელეს. მორიგ სამუშაო შეხვედრაში მონაწილეობდნენ როგორც მმართველი პარტია „ქართული ოცნება - დემოკრატიული საქართველოს“ ლიდერები, ისე იმ ოპოზიციური პარტიების წარმომადგენლები, რომლებმაც ხელი მოაწერეს ევროპული საბჭოს პრეზიდენტის კომპრომისულ შეთანხმებას. შედეგად, მხარეებმა შეთანხმებულად ისე უნდა შეცვალონ საქართველოს საარჩევნო კოდექსი, რომ მასში ვენეციის კომისიისა და OSCE/ODIHR-ის ყველა რეკომენდაცია აისახოს.

„საკითხების უდიდეს ნაწილზე მივაღწიეთ შეთანხმებას, თუმცა რჩება კონკრეტული საკითხები, სადაც გავუცვალეთ ერთმანეთს ჩვენი შეხედულებები და ვნახოთ, საბოლოოდ როგორ ჩამოყალიბდება პოზიცია. ეს ნიშნავს იმას, რომ ჩვენ უკვე ხვალ დილით მივაწვდით ჩვენს ხედვას ჩვენ საერთაშორისო პარტნიორებს, როგორ ვაფასებთ დღეს არსებულ ვითარებას, რამდენად ვხედავთ შანსს, რომ კონსენსუსის გზით იყოს მიღებული შესაბამისი ცვლილებები და ამის შემდეგ დაიწყება უკვე კონსულტაციები როგორც ვენეციის კომისიასთან, ასევე სხვა საერთაშორისო პარტნიორებთან“, - განაცხადა სამადაშვილმა.

მისი თქმით, საკითხები, რომლებზეც ჯერ არ არის ჩამოყალიბებული საერთო ხედვა, კერძოდ კი საარჩევნო ადმინისტრაციის სრული რეორგანიზაცია, რასაც შარლ მიშელის დოკუმენტი გულისხმობს, კანონპროექტის მეორე მოსმენისას შეიძლება შეთანხმდეს.

შეხვედრით კმაყოფილია პარტია „ლელოს“ ერთ-ერთი ლიდერი ბადრი ჯაფარიძეც.

„დღეს ჩვენ ვნახეთ, რომ „ქართულმა ოცნებამ" გადმოდგა რიგი შემხვედრი ნაბიჯები იმ ცვლილებებთან დაკავშირებით, რომელსაც ჩვენ, როგორც ოპოზიციური პარტიები, ვაყენებდით, ეს პოზიტიური განვითარებაა. ვფიქრობ, ეს დოკუმენტი ძალიან მნიშვნელოვანი ნაბიჯია წინ. ჩვენ ვაგრძელებთ განხილვას, იქნება პარლამენტში პირველი, მეორე მოსმენა, ცვლილების შეტანის საშუალება იქნება. ახლა ეს დოკუმენტი ვენეციის კომისიაში იგზავნება, განსხვავება გვრჩება რიგ საკითხებში, მაგალითად ცენტრალურ საარჩევნო ადმინისტრაციაზე“, - განუცხადა ჟურნალისტებს ჯაფარიძემ.

პარლამენტის უმრავლესობის დეპუტატის, შალვა პაპუაშვილის ინფორმაციით, ცესკოს თავმჯდომარეს ეყოლება ორი მოადგილე – პროფესიული ნიშნით არჩეული და ოპოზიციური პარტიების მიერ დასახელებული.

როგორც პაპუაშვილმა აღნიშნა, თუ ცესკოს თავმჯდომარე საკუთარ უფლებამოსილებას ვერ შეასრულებს, ამას ოპოზიციური პარტიების მიერ დასახელებული თავმჯდომარე შეასრულებს.

„საბოლოო ჯამში, ამ პაკეტით ვიღებთ ერთი მხრივ ამბიციურ საარჩევნო რეფორმას იმ გაგებით, რაც იყო 19 აპრილის შეთანხმებაში და დამატებით ის საკითხები შევათანხმეთ, რაც საარჩევნო გარემოს გააუმჯობესებს. ეს არის უფრო მეტი, ვიდრე შეთანხმებული იყო 19 აპრილს. მიგვაჩნია, რომ მოადგილის საკითხი სამართლებრივად სწორი არ არის, მაგრამ შეთანხმება შეთანხმებაა“, - განაცხადა პაპუაშვილმა.

მაისის დასაწყისში ვენეციის კომისიამ და OSCE/ODIHR-მა გამოაქვეყნეს დასკვნა საქართველოს საარჩევნო კოდექსში მომზადებულ ცვლილებებთან დაკავშირებით და უარყოფითად შეაფასეს ცესკოს წევრთა შერჩევის პრინციპი და დამკვირვებლებისადმი მოთხოვნები.

ვენეციის კომისიამ და OSCE/ODIHR-მა ამჟამად მოამზადეს სრული ანგარიში ცვლილებებზე და კანონპროექტში არსებულ ხარვეზებზე უამრავი შენიშვნა გამოთქვეს. შენიშვნების ძირითადი ნაწილი საარჩევნო კომისიების დაკომპლექტების პროცესს ეხებოდა.

ერთ-ერთი მთავარი შენიშვნა ეხება პარტიების პროპორციულ წარმომადგენლობას საარჩევნო კომისიებში. ვენეციის კომისიის თვალსაზრისით, არსებული მოდელი ვერ აღმოფხვრის მმართველი პარტიის დომინირების საკითხს საარჩევნო კომისიებში.

ასევე უკმაყოფილება გამოიწვია ცვლილებებში გაწერილმა ცესკოს თავმჯდომარის დანიშვნის პროცესმაც. ცვლილებების თანახმად, საქართველოს პრეზიდენტი აღარ დაეკითხება სამოქალაქო საზოგადოებას კანდიდატის არჩევისას, რაც, კომისიის თვალსაზრისით, მიზანშეწონილი არაა საზოგადოებაში ცესკოს მიუკერძოებლობისა და დამოუკიდებლობისადმი დაბალი ნდობის ფონზე.

30
ილონ მასკი

მილიარდერთა სიაში ცვლილებებია: ილონ მასკმა მესამე ადგილზე გადაინაცვლა

0
(განახლებულია 13:14 18.05.2021)
ორშაბათს Tesla-ს აქციების ღირებულება  2,2%–ით – 576,83 დოლარამდე დაეცა. მაისის დასაწყისიდან აქციების ღირებულება დაახლოებით 18,7%–ით შემცირდა.

თბილისი, 18 მაისი ― Sputnik. კომპანია SpaceX-ისა და Tesla-ს დამფუძნებელმა ილონ მასკმა მსოფლიოს უმდიდრესი ადამიანების სიაში პოზიციები  Louis Vuitton Moët Hennessy –ს პრეზიდენტ ბერნარდ არნოს დაუთმო და მესამე ადგილზე გადაინაცვლა, Bloomberg Billionaires Index–ის (BBI) მონაცემებს სააგენტო „ბლუმბერგი“ ავრცელებს.

BBI–ის მონაცემებით, ამერიკელმა ბიზნესმენმა ბოლო დღეებში 3,16 მლრდ დოლარი დაკარგა და ამ დროისთვის მისი ქონება 160,6 მლრდ დოლარად არის შეფასებული.  არნოს ქონება 285 მილიონით გაიზარდა და 161,2 მლრდ დოლარი შეადგინა.

 

მსოფლიოს უმდიდრეს ადამიანთა ჩამონათვალში პირველ პოზიციას კვლავ Amazon–ის დამფუძნებელი ჯეფ ბეზოსი ინარჩუნებს. მისი ქონება 2,41 მლრდ დოლარით გაიზარდა და 190 მლრდ–ს მიაღწია.

ამასთან აღსანიშნავია, რომ Forbes Real-Time–ის რეიტინგშიც მასკი 146,5 მლრდ დოლარით (ქონება შემცირდა 2,6 მილიარდით) მესამე ადგილზეა, არნოს კაპიტალი 182,6 მლრდ დოლარს (შემცირდა 1,2 მილიარდით) შეადგენს, ბეზოსის სიმდიდრე კი 189,5 მლრდ დოლარით (გაიზარდა 2,4 მილიარდით) ფასდება.

 

0
თემები:
მსოფლიო დღეს