გიორგი გახარია

გახდება თუ არა გახარია პრობლემა: „ქართულ ოცნებაში“ ექს–პრემიერის მაღალი რეიტინგი შეაფასეს

90
(განახლებულია 14:22 07.04.2021)
მმართველ პარტიაში არ გამორიცხავენ, რომ ყოფილი პრემიერის მაღალი რეიტინგი მისი „ქართულ ოცნებასთან“ კავშირით არის განპირობებული

თბილისი, 7 აპრილი – Sputnik. საქართველოს ყოფილი პრემიერ–მინისტრი გიორგი გახარია ყოველთვის მაღალი რეიტინგით სარგებლობდა, განაცხადა მმართველი პარტია „ქართული ოცნების“ თავმჯდომარე ირაკლი კობახიძემ IRI–ს კვლევის შედეგების კომენტარისას.

აშშ–ის საერთაშორისო რესპუბლიკური ინსტიტუტის (IRI) მიერ ჩატარებულ საზოგადოებრივი აზრის კვლევაში პოპულარული ადამიანების რეიტინგში გახარიამ მეორე ადგილი დაიკავა – მის მიმართ სიმპათიითაა განწყობილი მოსახლეობის 65%. პირველ ადგილზეა სრულიად საქართველოს კათოლიკოს–პატრიარქი 89%–ით, ხოლო მესამეზეა თბილისის მერი კახა კალაძე 54%–ით.

„როდესაც კვლევა ტარდებოდა, გიორგი გახარია „ქართული ოცნების“ ერთ-ერთი ლიდერი და „ქართული ოცნების“ პრემიერ-მინისტრი იყო. ბუნებრივია, ასეთ დროს პარტიის რეიტინგი ეხმარება პერსონალურ რეიტინგს. გიორგი გახარიას, როგორც პრემიერ-მინისტრს მაღალი რეიტინგი ჰქონდა, რაც კიდევ ერთხელ დაადასტურა IRI-ის კვლევამ“, – განაცხადა კობახიძემ Palitra News–ის ეთერში.

IRI–ს კვლევა  2–26 თებერვალს ჩატარდა, ხოლო გახარია თანამდებობიდან 18 თებერვალს გადადგა.

გამოკითხვის შედეგებით, პოლიტიკურ პარტიათა შორის „ქართული ოცნება“ პირველ ადგილზეა – მისთვის მხარდასაჭერად ქვეყნის მოახლეობის 35%–ია მზად.

კობახიძე არ გამორიცხავს, რომ გახარიას ინდივიდუალური რეიტინგი უფრო დაბალი შეიძლება იყოს იქიდან გამომდინარე, რომ პარტიის რეიტინგი პერსონალურ რეიტინგს განსაზღვრავს.

„თუმცა დაველოდოთ მომდევნო კვლევებს, ის აჩვენებს ყველაფერს. დღეს არც არის ეს საკითხი აქტუალური, რადგან გიორგი გახარია პოლიტიკურ პროცესებში დღეს არავითარი ფორმით არ არის ჩართული“, – აღნიშნა მან.

წამყვანის კითხვაზე, ვის შეუქმნის პრობლემებს გახარიას პოლიტიკური გეგმები – ოპოზიციას თუ ხელისუფლებას, კობახიძემ განაცხადა, რომ „ქართული ოცნება“ არანაირ პრობლემას არ ელოდება.

გახარია პოლიტიკაში ბრუნდება - საქართველოში „მესამე ძალა“ გამოჩნდება?>>

საზოგადოებისთვის გახარიას პრემიერის პოსტიდან გადადგომა დიდი მოულოდნელობა იყო. გადადგომის მიზეზად მან „ნაცმოძრაობის“ ლიდერის ნიკა მელიას დაპატიმრების საკითხზე მმართველ პარტიასთან უთანხმოება დაასახელა. მარტის ბოლოს გახარიამ განაცხადა, რომ პოლიტიკიდან წასვლას არ აპირებს და თავის გეგმებზე უახლოეს მომავალში ისაუბრებს.

90
თემები:
საქართველოს პოლიტიკური ცხოვრება (358)
აფგან მუხთარლი

რა უამბო ქართველ გამომძიებლებს აზერბაიჯანელმა ჟურნალისტმა: მუხთარლის გატაცების საქმე

73
ჟურნალისტმა მიაწოდა გამოძიებას სრული ინფორმაცია პირებზე, რომლებიც სპეცოპერაციაში აზერბაიჯანული მხრიდან მონაწილეობდნენ

თბილისი, 11 აპრილი – Sputnik. აზერბაიჯანულმა ჟურნალისტმა აფგან მუხთარლიმ უამბო ქართული მედიის წარმომადგენლებს გენერალურ პროკურატურაში გამოკითხვის შესახებ, რომელიც 2017 წელს თბილისში მის გატაცებას უკავშირდებოდა.

მუხთარლი თბილისის ცენტრში 2017 წლის მაისში გაიტაცეს. საქმეს გენერალური პროკურატურა იძიებს.

„საგამოძიებო ორგანოების მხრიდან დასმული ძირითადი კითხვები ეხებოდა ჩემს გატაცებას: რამდენი ადამიანი მონაწილეობდა მასში, რამდენ ხანს ვიყავით გზაში და ა.შ. მე მივაწოდე გამოძიებას სრული ინფორმაცია პირებზე, რომლებიც სპეცოპერაციაში აზერბაიჯანული მხრიდან მონაწილეობდნენ. რაც შეეხება მათ, ვინც ჩართული იყო ქართული მხრიდან, სახელებს ვერ დავასახელებ, მხოლოდ უწყებებს, რომლებიც მონაწილეობდნენ ჩემს გატაცებაში - ესაა საქართველოს შინაგან საქმეთა სამინისტროს კრიმინალური პოლიცია და სასაზღვრო სამსახური“, - განაცხადა მუხთარლიმ.

ამასთან, მან თავის საქმეს პოლიტიკური უწოდა და აღნიშნა, რომ სამართლიანი გამოძიების იმედი არ აქვს.

მუხთარლი თბილისიდან 2017 წლის მაისის ბოლოს გაუჩინარდა. მოგვიანებით გაირკვა, რომ ის ბაქოში პატიმრობაში იმყოფებოდა, ბრალად ედებოდა საზღვრის უკანონო გადაკვეთა, ფულის კონტრაბანდა და პოლიციის თანამშრომლისთვის წინააღმდეგობის გაწევა. 2018 წლის იანვარში აზერბაიჯანულმა სასამართლომ მას 6 წლით თავისუფლების აღკვეთა მიუსაჯა.

თავად მუხთარლი გატაცებაში ქართველ ძალოვანებს ადანაშაულებს. საქართველოს ხელისუფლება 2017 წელს კატეგორიულად უარყოფდა საქმესთან კავშირს, მაგრამ გატაცების შემდეგ თანამდებობიდან მოხსნეს შსს-ს სასაზღვრო პოლიციის უფროსი დათო ნიკოლეიშვილი და სახელმწიფო უსაფრთხოების სამსახურის კონტრდაზვერვის დეპარტამენტის დირექტორი ოთარ კუპრეიშვილი.

მას შემდეგ, რაც ოჯახმა განაცხადა, რომ მუხთარლი მოიტაცეს, ფული ჩაუდეს და ფარულად გაიყვანეს აზერბაიჯანში, საქართველოს შსს-მ აღძრა სისხლის სამართლის საქმე თავისუფლების უკანონოდ აღკვეთის მუხლით.

მუხთარლი 2020 წლის მარტში გათავისუფლდა და ბაქოდან მაშინვე გერმანიაში გაფრინდა. 2020 წლის ოქტომბრის შემდეგ რამდენჯერმე სცადა თბილისში ჩამოსვლა გამოძიებისთვის ჩვენების მისაცემად, თუმცა, მისი თქმით, პრობლემებს საქართველოს ხელისუფლება უქმნიდა.

მუხთარლის საქმეზე გამოძიება საქართველოს სისხლის სამართლის კოდექსის 143-ე მუხლის პირველი ნაწილით მიმდინარეობს, რაც თავისუფლების უკანონოდ აღკვეთას გულისხმობს და ორიდან ოთხ წლამდე პატიმრობით ისჯება.

73
პროტესტი კომენდანტის საათის წინააღმდეგ

ბიზნეს-სექტორის წარმომადგენლებმა თბილისის ცენტრში საპროტესტო აქცია გამართეს

116
აქციას ინციდენტის გარეშე არ ჩაუვლია - მომიტინგეებსა და პოლიციას შორის კარვების დადგმის გამო მცირე შეხლა-შემოხლა მოხდა

თბილისი, 10 აპრილი - Sputnik. ბიზნეს-სექტორის წარმომადგენლები გავიდნენ ქუჩაში, რათა ღამის საათებში გადაადგილებაზე მოქმრედი აკრძალვა გააპროტესტონ.

საქართველოში „კომენდანტის საათი“ 21:00 საათიდან 05:00 საათამდე მოქმედებს და 2020 წლის ნოემბრიდან ეპიდსიტუაციის გაუარესების შემდეგ დაწესდა. მისი დარღვევა 2 ათას ლარიან ჯარიმას იწვევს.

აქციაზე მივიდნენ გასართობი ცენტრების, ტუროპერაორების ხელმძღვანელები და სასტუმროების მფლობელები.

მათი თქმით, ღამის საათებში გადაადგილებაზე აკრძალვა სერიოზულად უშლით ხელს მუშაობაში და შემოსავლის მიღებაში.

აქციას ინციდენტის გარეშე არ ჩაუვლია. როდესაც აქციის მონაწილეებმა მთავრობის ადმინისტრაციასთან კარვების დადგმა სცადეს, პოლიციამ მათ ხელი შეუშალა, რის გამოც აქციის მონაწილეებსა და პოლიციას შორის მცირე შეხლა-შემოხლა მოხდა.

116

ხერთვისის უძველესი ციხესიმარგე - ვიდეო

0
ხერთვისის ციხის კომპლექსი, ისტორიკოსების მონაცემებით, X-XI საუკუნეებს განეკუთვნება, ხოლო ჟამთააღმწერელი ლეონტი მროველის გადმოცემით - ჩვენს ერამდე IV საუკუნეს

დღეს მიიჩნევა, რომ საქართველოს ეს ფეოდალური პერიოდის ერთ-ერთი უძველესი და კარგად შემონახული ციხეა. ინტერესი ამ ადგილისადმი უფრო და უფრო იზრდება.

ციხესიმაგრე აგებულია მდინარე ფარავნისა და მდინარე მტკვრის შეერთების ადგილთან, ვარძიის სამონასტრო კომპლექსიდან 15 კილომეტრში. ხერთვისი და ვარძია იუნესკოს მსოფლიო მემკვიდრეობის ობიექტთა სიაში შეტანის კანდიდატები არიან.

0