ტურისტები დედაქალაქში

პოლარიზაცია და უსიამოვნო სიურპრიზი: რა აჩვენა IRI-ს გამოკითხვამ საქართველოში

81
(განახლებულია 23:28 06.04.2021)
საქართველოს მოსახლეობის უმრავლესობა პარლამენტის მუშაობის ბოიკოტირების წინააღმდეგია - ქართველმა პოლიტიკოსებმა IRI-ს კვლევის შედეგები შეაჯამეს

თბილისი, 6 აპრილი – Sputnik. საქართველოს ხელისუფლების წარმომადგენლებისა და ოპოზიციის თვალსაზრისები აშშ-ის საერთაშორისო რესპუბლიკური ინსტიტუტის (IRI) მიერ საქართველოში ჩატარებული ახალი კვლევის შედეგებთან დაკავშირებით გაიყო.

გამოკითხვის შედეგების თანახმად, რესპონდენტების უმრავლესობა (60%) მიუღებლად მიიჩნევს ბოიკოტს ოპოზიციური პარტიების მხრიდან, რომლებიც არ ცნობენ არჩევნების შედეგებს და უარს ამბობენ პარლამენტში მუშაობაზე.

რაც შეეხება ოპოზიციის მოთხოვნას ვადამდელ საპარლამენტო არჩევნების ჩატარებასთან დაკავშირებით, აქ რესპონდენტთა ხმები თანაბრად გადანაწილდა - 45% ემხრობა,  ამდენივე რაოდენობა წინააღმდეგია.

რას ფიქრობენ ოპოზიციაში

IRI– ს გამოკითხვის შედეგებმა აჩვენა, რომ ქართული საზოგადოება ძალზე პოლარიზებულია, განაცხადა ყოფილი მმართველი პარტიის „ერთიანი ნაციონალური მოძრაობის“ ერთ-ერთმა ლიდერმა სალომე სამადაშვილმა.

„ცხადია, საზოგადოებას ურჩევნია, ოპოზიცია წარმოდგენილი იყოს პარლამენტში, მაგრამ ამავე დროს ცხადია, რომ საზოგადოებრივი აზრი არის ძალიან აშკარად გაყოფილი. შეიძლება ითქვას, ჩვენი ამომრჩევლის ნახევარს სურს, ქვეყანაში ჩატარდეს ვადამდელი არჩვენები. ეს კიდევ ერთხელ აჩვენებს, რომ პოლარიზება საზოგადოებაში არის საკმაოდ მაღალი, რაც ადასტურებს, რომ ჩვენი წინადადება, ჩავატაროთ პლებისციტი და საზოგადოებრივმა გამოკითხვამ გადაწყვიტოს, ჩატარდეს თუ არა ქვეყანაში ვადამდელი არჩევნები, ეს იქნება ყველაზე სწორი გამოსავალი“, – განაცხადა სალომე სამადაშვილმა.

საქართველოს პარლამენტის ყოფილი სპიკერის, პარტია „ერთიანი საქართველოს“ ლიდერის ნინო ბურჯანაძის განცხადებით, ოპოზიცია გააგრძელებს ბრძოლას ქვეყანაში ვადამდელი საპარლამენტო არჩევნების მისაღწევად.

„საკმარისზე მეტი მომხრე ჰყავს ვადამდელი არჩევნების ჩატარების იდეას. იმ გეგმით, რა გეგმაც აქვს ოპოზიციას რეგიონებში, რაიონებში, ქალაქებში გასვლით, კიდევ უფრო მეტი გახდება ამ ადამიანების რიცხვი. ასე რომ, დარწმუნებული ვარ, ეს ძალიან მალე გამოჩნდება და ჩვენ მივაღწევთ ვადამდელ არჩევნებს, ეს არის კრიზისის განმუხტვის ერთადერთი გზა“, – აღნიშნა ნინო ბურჯანაძემ.

ოპოზიციური პარტია „ლელოს" წევრი საბა ბუაძე ბუნებრივად მიიჩნევს იმას, რომ მოქალაქეებს არ მოსწონთ ბოიკოტი. უფრო მეტიც, ბოიკოტი არ მოსწონს არც პოლიტიკურ პარტიებს, მაგრამ ეს არის ყველაზე ეფექტური საშუალება „ქართულ ოცნებაზე" ზეწოლის მოსახდენად, აღნიშნა მან.

„ამ ბოიკოტმა მოიტანა ის შედეგი, რომ ჩვენ ახლა ვართ მედიაციის პროცესში ევროკავშირის ჩართულობით. მნიშვნელოვანია, გავითვალისწინოთ შედეგი და არა ახლა არსებული მოცემულობა, ვინაიდან რასაკვირველია ბოიკოტი როგორც ცალკეული ფაქტი არ არის მოსაწონი და მისასალმებელი ვითარება. ჩვენ გვირჩევნია, საპარლამენტო კედლებში გაგრძელდეს პოლიტიკური პროცესი, თუმცა ამას დღეს ხელს უშლის ხელისულება, ხელისუფლების სიჯიუტე ახალ არჩევნებთან და პოლიტიკურ დევნასთან მიმართებაში“, – აღნიშნა საბა ბუაძემ.

უსიამოვნო სიურპრიზი

საზოგადოებრივი აზრის გამოკითხვის შედეგები უსიამოვნო მოულოდნელობა აღმოჩნდა ოპოზიციისთვის, განაცხადა „ქართული ოცნების“ დეპუტატმა გიორგი ამილახვარმა.

მისი თქმით, მმართველი ძალა მზადაა მოლაპარაკებებისთვის გაცხადებულ საკითხებზე და ამ საკითხებთან დაკავშირებული შეთანხმების ხელმოსაწერად. თუმცა, მისი თქმით, არსებობს ოპოზიციური ჯგუფის გარკვეული ნაწილი, რომელთანაც „ქართული ოცნება“ გააგრძელებს ინდივიდუალური მოლაპარაკებების პროცესს - ერთი ერთზე. მას იმედი აქვს, რომ მოლაპარაკებები წარმატებით დასრულდება.

გამოკითხვა აშკარად აჩვენებს ამომრჩეველთა სურვილს, რათა პარტიებმა, რომლებსაც მათ ხმა მისცეს, იმუშაონ პარლამენტში, განაცხადა საპარლამენტო უმრავლესობის წევრმა ირაკლი ქადაგიშვილმა.

„ამომრჩეველს არანაირი კონკრეტული სურვილი არ გააჩნია რაიმე სახის რიგგარეშე არჩევნების, მათთვის ბოიკოტი მიუღებელია და ამ კვლევებიდანაც ჩანს, რომ ამომრჩეველს სხვა პრობლემები აწუხებს“, - განაცხადა ქადაგიშვილმა.

თავის მხრივ, დეპუტატმა საპარლამენტო უმრავლესობიდან, შალვა პაპუაშვილმა ოპოზიციური პარტიების წარმომადგენლებს მოუწოდა ჩაერთონ საკანონმდებლო ორგანოს მუშაობაში.

მისი თქმით, მოქალაქეთა აბსოლუტური უმრავლესობა ემხრობა ოპოზიციის პარლამენტში შესვლას. ასევე საინტერესოა ის მონაცემები, რომ ბოიკოტის მომხრეებს შორის თითქმის ნახევარმა არ იცის, რისთვის არის საჭირო ეს ბოიკოტი.

დღეისათვის პარლამენტის სხდომებზე ოპოზიციურ ფრთას წარმოადგენენ პარტია „მოქალაქეები“ და პარტია „ევროპელი სოციალისტები“, რომელიც შედგება პარტია „პატრიოტთა ალიანსის“ ყოფილი წარმომადგენლებისაგან, რომელმაც უკვე დატოვა საქართველოს პარლამენტი.

მოლაპარაკებების დაწყების სურვილი გამოთქვეს ოპოზიციური პარტია „ახალი პოლიტიკური ცენტრი - გირჩის“ წარმომადგენლებმაც, რომლებიც სხვა ოპოზიციონერი კოლეგებისგან განსხვავებით, ბოლო დრომდე ნეიტრალურ პოზიციას იკავებდნენ და არ აპირებდნენ საპარლამენტო მანდატების დათმობას. ისინი ასევე არ უერთდებიან ოპოზიციის მიერ დაანონსებულ საპროტესტო აქციებს.

თუ პარტია „ახალი პოლიტიკური ცენტრი - გირჩი" შევა პარლამენტში, საკანონმდებლო ორგანოში დეპუტატების რაოდენობა სამით გაიზრდება და 99-ს მიაღწევს, საიდანაც 9 - ოპოზიციონერია.

დანარჩენმა პარტიებმა, 2020 წლის შემოდგომაზე გამართული არჩევნების შემდეგ, უარი თქვეს მათი ლეგიტიმურობის აღიარებაზე და პარლამენტის მუშაობაში მონაწილეობას არ იღებენ.

81
არჩილ თალაკვაძე

დუბლი ორი: „ქართული ოცნება“ ოპოზიციასთან შეთანხმების ახალ ვარიანტს ხელს მოაწერს

6
საქართველოს ხელისუფლება მორიგ შემხვედრ ნაბიჯს დგამს და შეთანხმების ახალი პირობებზე ხელმოსაწერად მზადყოფნას გამოთქვამს

 

თბილისი, 19 აპრილი – Sputnik.  მმართველი პარტია „ქართული ოცნება – დემოკრატიული საქართველო“ ხელს მოაწერა ოპოზიციასთან შეთანხმების განახლებულ ვარიანტს, განაცხადა პარლამენტის სპოკერმა არჩილ თალაკვაძემ ორშაბათს გამართულ ბრიფინგზე.

 „გუნდში გვქონდა მსჯელობა და ევროკავშირის მიერ შემოთავაზებული დოკუმენტის ხელმოწერაზე პრინციპული მზადყოფნა გვაქვს“, – განაცხადა თალაკვაძემ.

ამასთან, მან აღნიშნა, რომ ხელისუფლება ამ ნაბიჯზე იმ შემთხვევაში წავა, თუ საერთაშორისო პარტნიორები კიდევ ერთხელ მკაფიოდ დააფიქსირებენ, რომ 2020 წლის საპარლამენტო არჩევნები ჩატარდა სამართლიანობისა და დემოკრატიის პრინციპების დაცვით, როგორც ეს ეუთო/ოდირის დასკვნაშია აღნიშნული.

6
ისრაელის და საქართველოს დროშები

ისრაელში საქართველოს მოქალაქეებისთვის დასაქმების კვოტა, შესაძლოა, გაიზარდოს

41
(განახლებულია 14:25 19.04.2021)
ისრაელში ლეგალურად დასაქმების მსურველი საქართველოს მოქალაქეების სპეციალურ ვებ-გვერდზე რეგისტრაციის პროცესი 12 აპრილს დაიწყო.

 

თბილისი, 19 აპრილი – Sputnik. ისრაელში ლეგალურად დასაქმების მსურველი საქართველოს მოქალაქეებისთვის  გათვალისწინებული კვოტა, შესაძლოა, გაიზარდოს, განაცხადა საქართველოში ისრაელის ელჩმა რან გიდორმა ჟურნალისტებთან.

აპრილის დასაწყისში ისრაელის სახელმწიფოსა და საქართველოს მთავრობას შორის დადებული შეთანხმების თანახმად, საქართველოს ათასამდე მოქალაქე ისრაელის სახელმწიფოში ხანგრძლივი მოვლის დაწესებულებებში დამხმარე მუშაკის პოზიციაზე დასაქმებას შეძლებს. 

ისრაელში ლეგალურად დასაქმების მსურველი საქართველოს მოქალაქეების  რეგისტრაცია შრომითი მიგრაციის სპეციალურ პორტალზე http://workabroad.moh.gov.ge/  12 აპრილს დაიწყო და 24 საათში 760 მოქალაქე დარეგისტრირდა. რეგისტრაციის პროცესი მთელი წლის განმავლობაში გაგრძელდება.  

„ჩვენ დავიწყეთ კვოტირება საქართველოს ათასი მოქალაქით. ვიმედოვნებთ, რომ თუ ეს მიზანი წარმატებით და შეუფერხებლად იქნება მიღწეული, შესაძლოა, განვიხილოთ კვოტის გაზრდის საკითხი. ეს არის მთელი რიგი პროექტები და სწორედ ამიტომ, მნიშვნელოვანია მისი ლიმიტირებული კვოტით დაწყება“, – განაცხადა რან გიდორმა.

საქართველოს ჯანდაცვის სამინისტროს ინფორმაციით, ისრაელში სამუშაოს ხანგრძლივობა იქნება 6 სამუშაო დღე კვირაში, თვის დარიცხული ხელფასი კვირაში 42-საათიანი სამუშაო გრაფიკით კი 5300 შეკელი.

ისრაელში ჩასული დასაქმებულები მიიღებენ ვიზას, რომელიც ძალაში ერთი წლის განმავლობაში იქნება და რომლის მოქმედების ვადის გაგრძელება შესაძლებელია მაქსიმუმ 63 თვემდე. 

დასაქმების მსურველი უნდა აკმაყოფილებდეს შემდეგ კრიტერიუმებს: უნდა იყოს 25-დან 45 წლამდე ასაკის, საშუალო განათლების, უნდა ჰქონდეს სახელმწიფოს მიერ აღიარებული სახლის პირობებში გასაწევი სამედიცინო დახმარება/მოვლის ტრენინგის გავლის დამადასტურებელი დიპლომი/სერტიფიკატი ან ექთნის/ექთნის თანაშემწის დიპლომი. ამასთან, საკომუნიკაციო დონეზე უნდა ფლობდეს ინგლისურ ან რუსულ ენას.

გარდა ამისა, დასაქმების მსურველი უნდა იყოს ფიზიკურად და ფსიქიკურად ჯანმრთელი, ნასამართლეობის არმქონე, არ უნდა ჰქონდეს ისრაელში მუშაობის და არალეგალურად ცხოვრების ისტორია, მისი ოჯახის წევრები არ უნდა ცხოვრობდნენ ან მუშაობდნენ ისრაელში.

ამასთან, კანდიდატმა უნდა განაცხადოს თანხმობა, რომ ისრაელში შესვლამდე გაივლის COVID-19-ის ტესტს საქართველოში და ასევე თანახმა უნდა იყოს ისრაელში ჩასვლის შემდეგ COVID-19-ის ვაქცინაციაზე, რომელიც აუცილებელია ხანგრძლივი მოვლის დაწესებულებაში სამუშაოდ ისრაელის ჯანდაცვის სამინისტროს მოქმედი რეგულაციების შესაბამისად.

41
რომი

იტალია ქვეყანაში ჩამსვლელებისთვის ახალ რეგულაციას აწესებს

0
(განახლებულია 15:38 19.04.2021)
საქართველოს საელჩო იტალიაში აფრთხილებს თანამოქალაქეებს, რომ იტალიაში ჩასვლისთვის ათდღიანი კარანტინის გავლაა საჭირო.

თბილისი, 19 აპრილი - Sputnik. იტალიამ COVID-19 -ის პერიოდში ქვეყანაში შესვლის წესები შეცვალა, იუწყება საქართველოს საელჩო იტალიაში.

უცხოელებმა, მათ შორის საქართველოს მოქალაქეებმა, იტალიის ტერიტორიაზე შესასვლელად 48 საათის განმავლობაში ჩატარებულ PCR ან ანტიგენურ სავალდებულო ტესტირების შედეგები უნდა იქონიონ თან.

ტესტირების პასუხები მათ თვითმფრინავში ჩასხდომის მომენტში უნდა წარუდგინონ გადამზიდავს ან შესაბამისი კონტროლის განხორციელებაზე უფლებამოსილ პირებს, აღნიშნულია საელჩოს მიერ გავრცელებულ ინფორმაციაში.

გარადა ამისა, პირები, რომლებიც იტალიის ტერიტორიაზე საქართველოდან შედიან, ექვემდებარებიან 10–დღიან სავალდებულო თვითიზოლაციას აქამდე არსებული 14–დღიანი თვითზიოლაციის ნაცვლად, ხოლო ამ პერიოდის დასრულების შემდეგ კი PCR ან ანტიგენური ტესტირება უნდა ჩაიტარონ.

საელჩოს ცნობით, საქართველოდან ჩასული ვიზიტორები ასევე  ვალდებულნი არიან შეავსონ ელექტრონული ანკეტა.

წესების სრული ტექსტის გაცნობა შესაძლებელია ამ ბმულზე.

ეს ცვლილებები ეხება იმ ქვეყნებს, რომლებსაც იტალიის ჯანდაცვის სამინისტრო მიაკუთვნებს C, D, E კატეგორიებს ქვეყანაში არსებული ეპიდსიტუაციის შესაბამისად.

თვითონ იტალიაში კოვიდ–საფრთხის მიხედვით რეგიონებს „ფერების" მიხედვით ყოფენ კატეგორიებად: თეთრი, ყვითელი, ნარინჯისფერი, წითელი. ქვეყანაში ასევე მოქმედებს ე.წ. კომენდანტის საათი.

იტალიაში დღე–ღამეში კორონავირუსის საშუალოდ 12 ათასი შემთხვევა ვლინდება.

შეზღუდვების ეტაპობრივი მოხსნა ქვეყანაში 26 აპრილიდან უნდა დაიწყოს.

0
თემები:
COVID-19-ის პანდემია მსოფლიოში