საპროტესტო აქცია ვლადიმირ პოზნერის ჩამოსვლის წინააღმდეგ

საქართველოში ვლადიმირ პოზნერს დაბადების დღე საპროტესტო აქციით „მიულოცეს“

68
აქციის მონაწილეები მოითხოვენ, რომ პოზნერმა საქართველო დატოვოს, მათ კვერცხები დაუშინეს სასტუმროს, რომელშიც ის გაჩერდა და პოლიციის კორდონის გარღვევა სცადეს

თბილისი, 1 აპრილი – Sputnik. ცნობილი რუსი ტელეწამყვანის, ვლადიმირ პოზნერის დაბადების დღეს, რომლის აღნიშვნაც მან საქართველოში გადაწყვიტა, ჩაშლის საფრთხე ემუქრება - მას საპროტესტო აქციით დახვდნენ.

ვლადიმირ პოზნერს 1 აპრილს 87 წელი უსრულდება, მასთან ერთად თბილისში დაახლოებით 50 მეგობარი და კოლეგა ჩამოვიდა.

Акция протеста сторонников Нацдвижения против приезда Владимира Познера
© Sputnik / STRINGER
საპროტესტო აქცია ვლადიმირ პოზნერის ჩამოსვლის წინააღმდეგ

საზეიმო ბანკეტამდე თბილისში რესტორან „ვინოტელთში“ ვახშამი იმართებოდა. რესტორანთან შეიკრიბნენ სამოქალაქო აქტივისტები, რომლებიც მიუღებლად მიიჩნევენ პოზნერის მიერ ადრე გაკეთებულ კომენტარებს აფხაზეთთან დაკავშირებით.

აქციის მონაწილეებმა საბოლოოდ ჩაშალეს ვახშამი. მათ შრომის ინსპექციას აცნობეს იმის შესახებ, რომ რესტორანმა, პოზნერმა და მისმა სტუმრებმა საქართველოში მოქმედი „კომენდანტის საათი“ დაარღვიეს - 21:00 საათის შემდეგ 05:00 საათამდე გარეთ გასვლა აკრძალულია, ხოლო რესტორნებს ამ საათებში მუშაობა ეკრძალება.

რესტორანი დააჯარიმეს 10 ათასი ლარით, ხოლო დააჯარიმებენ თუ არა ვახშმის მონაწილეებს, ჯერჯერობით უცნობია. პოზნერი და მისი სტუმრები პოლიციის კორდონის გავლით მიიყვანეს ავტობუსებამდე, რომლებმაც ისინი სასტუმრომდე „რუმს ჰოტელამდე“ მიიყვანა, სადაც ისინი დაბინავდნენ.

Акция протеста сторонников Нацдвижения против приезда Владимира Познера
© Sputnik / STRINGER
საპროტესტო აქცია ვლადიმირ პოზნერის ჩამოსვლის წინააღმდეგ

აქციის მონაწილეთა ნაწილმა გადაინაცვლა ამ სასტუმროსთან და მოითხოვს, რომ პოზნერმა საქართველო დატოვოს. მათ სასტუმროს შენობას კვერცხები დაუშინეს და პოლიციის კორდონის გარღვევა სცადეს.

კამპანია ვლადიმირ პოზნერის წინააღმდეგ სოციალურ ქსელებში მის ჩამოსვლამდე დაიწყო. პირველმა ხმაური ატეხა პოლიტიკური მოძრაობა „დროას“ დამფუძნებელმა ელენე ხოშტარიამ, რომელმაც მოუწოდა ხელისუფლებას არ შემოუშვას ის ქვეყანაში, რადგან მან „თავისი გამონათქვამებით საქართველოს ტერიტორიული მთლიანობა ეჭვქვეშ დააყენა“.

Акция протеста сторонников Нацдвижения против приезда Владимира Познера
© Sputnik / STRINGER
საპროტესტო აქცია ვლადიმირ პოზნერის ჩამოსვლის წინააღმდეგ

თავად ვლადიმირ პოზნერს ჯერ კომენტარი არ გაუკეთებია აქციებთან დაკავშირებით, რომლებიც თბილისში მის ჩამოსვლას უკავშირდება.

ჩამოსვლისას მან აეროპორტში განუცხადა ჟურნალისტებს, რომ აფხაზეთის საკითხთან დაკავშირებით კომენტარს არ გააკეთებს.

„მე უკვე მესამე წელიწადია დაბადების დღეს თბილისში აღვნიშნავ. მე აქ ჩამოვედი არა პოლიტიკაზე სასაუბროდ, არამედ დაბადების დღის აღსანიშნავად“, - განუცხადა პოზნერმა ჟურნალისტებს.

ჯერჯერობით უცნობია, რა გეგმები აქვს პოზნერს ხუთშაბათისთვის, როდესაც საზეიმო ბანკეტი იგეგმებოდა.

68
თემები:
როგორ ჩაიშალა პოზნერის დაბადების დღე საქართველოში (13)
სალომე ზურაბიშვილი

პრეზიდენტი მზადაა გიორგი რურუა გარკვეული პირობებით შეიწყალოს

24
გიორგი რურუას პატიმრობიდან გათავისუფლება ერთ-ერთი მოთხოვნა იყო, რასაც ხელისუფლებას პარლამენტში შესვლის წინაპირობად ოპოზიცია უყენებდა.

თბილისი, 19 აპრილი – Sputnik. საქართველოს პრეზიდენტი სალომე ზურაბიშვილი მზადაა შეიწყალოს ოპოზიციური ტელეკომპანია „მთავარი არხის“ დამფუძლებელი გიორგი რურუა, შესაბამისი განცხადება პრეზიდენტმა ორბელიანების სასახლეში გამართულ ბრიფინგზე გააკეთა.

„ჩემი გადაწყვეტილება განხორციელდება მხოლოდ მაშინ, როდესაც პარტიები ხელს მოაწერენ შარლ მიშელის მიერ წარმოდგენილ საბოლოო დოკუმენტს და შევლენ პარლამენტში და მეორე მხრივ, ევროკავშირისა და აშშ-ს წარმომადგენლები გამოაცხადებენ, რომ შეთანხმება შედგა. ამ განცხადებიდანვე 1 კვირის ვადაში ხელს მოვაწერ შეწყალების აქტს“, - განაცხადა პრეზიდენტმა.

გიორგი რურუას პატიმრობიდან გათავისუფლება ერთ-ერთი მოთხოვნა იყო, რასაც ხელისუფლებას პარლამენტში შესვლის წინაპირობად ოპოზიცია უყენებდა.

მასალა მომზადების პროცესშია

 

24
გირჩი

„გირჩმა“ შარლ მიშელის შემოთავაზებულ ახალ წინადადებას ხელი მოაწერა

10
(განახლებულია 15:49 19.04.2021)
ახალ დოკუმენტში დაზუსტებულია ორი ძირითადი შეუთანხმებელი პუნქტი, რომელიც ეხება პოლიტიზებულ მართლმსაჯულებას და ვადამდელ არჩევნებს.

 

თბილისი, 19 აპრილი - Sputnik. ოპოზიციური პარტია „ახალი პოლიტიკური ცენტრი – გირჩის“ ლიდერებმა ვახტანგ მეგრელიშვილმა, ალექსანდრე რაქვიაშვილმა და იაგო ხვიჩიამ ევროპული საბჭოს პრეზიდენტ შარლ მიშელის შემოთავაზებულ ახალ დოკუმენტს ხელი პირდაპირ ეთერში მოაწერეს. 

მანამდე კი  „გირჩის“ დეპუტაცია პარლამენტში შევიდა – ისინი მონაწილეობას არ მიიღებენ საკანონმდებლო საქმიანობაში, თუმცა, ისარგებლებენ საქართველოს პარლამენტის წევრის პრივილეგიებით. კერძოდ, ისინი არ გეგმავენ ხელფასის და არც პარტიული დაფინანსების მიღებას ბიუჯეტიდან, არ დაესწრებიან და არ მიიღებენ მონაწილეობას საპარლამენტო სესიებისა და საკომიტეტო სხდომების მუშაობაში და არ განახორციელებენ არც ერთ პროცედურულ საქმიანობას, რაც პარლამენტის რეგლამენტით არის გათვალისწინებული. თუმცა, ისარგებლებენ დეპუტატის იმუნიტეტით და იარაღის ტარების უფლებით.

პარტიის ერთ–ერთი ლიდერის იაგო ხვიჩიას განმარტებით, ისინი საპარლამენტო საქმიანობაში მონაწილეობას იმ შემთხვევაში მიიღებენ, თუ  ხელისუფლება მოაწერს ხელს შარლ მიშელის მიერ წარმოდგენილ ახალ დოკუმენტს, ან „გირჩის“ შვიდი საკითხიდან ერთი მაინც დაკმაყოფილდება. „გირჩის“ მოთხოვნებს შორისაა: ყველა შემდგომი საპარლამენტო არჩევნები ჩატარდეს სრულად პროპორციული სისტემით და ბუნებრივი ბარიერით. პარტია, რომელიც ცნობილია თავისი არაორდინარული გადაწყვეტილებებით, ასევე მოითხოვს მარიხუანის სრულ ლეგალიზაციას და მულტისავალუტო რეჟიმის დაშვებას ქვეყანაში.

გუშინ ევროპული საბჭოს პრეზიდენტმა შარლ მიშელმა საქართველოს ხელისუფლებასა და ოპოზიციას  ახალი, ხუთპუნქტიანი შეთანხმება შესთავაზა. შეთანხმება  მისი წარმომადგენლის, კრისტიან დანიელსონის მიერ 31 მარტს წარდგენილ დოკუმენტში აზუსტებს ორ ძირითად შეუთანხმებელ პუნქტს - პოლიტიზებულ მართლმსაჯულებასა და ვადამდელ არჩევნებს. 

 

როგორც მეგრელიშვილმა განაცხადა, თითოეულმა ადამიანმა თავად უნდა გადაწყვიტოს, ემხრობა თუ არა  შეთანხმებას და ქვეყნის პოლიტიკური კრიზისიდან გამოსვლას.

„ჩვენმა დასავლელმა მეგობრებმა თავიანთი წინადადება ინდივიდუალურ პასუხისმგებლობაზე დაიყვანეს. მოდით, ჩვენ  სხვებს მაგალითი მივცეთ იმისა, რომ ეს შესაძლებელია - მოვაწეროთ ხელი ამ ფორმალურ დოკუმენტს“, - განაცხადა მეგრელიშვილმა.

შარლ მიშელის მიერ შემოთავაზებული ახალი დოკუმენტის მიხედვით, „ქართული ოცნების“ 2021 წლის 16 აპრილის შეთავაზების შესაბამისად, ვადამდელი საპარლამენტო არჩევნები დაინიშნება 2022 წელს იმ შემთხვევაში, თუ 2021 წლის ოქტომბრის ადგილობრივი თვითმმართველობის არჩევნებში „ქართული ოცნება“  მიიღებს  პროპორციული ხმების 43% -ზე ნაკლებს.

რა შემთხვევაში მოაწერს „გირჩი“ ხელს დანიელსონის დოკუმენტს>>>

ასევე, აღნიშნული დოკუმენტის მიხედვით, შეთანხმების გაფორმებიდან ერთ კვირაში მხარეებმა პოლიტიზებულად აღქმული ორი საქმე უნდა განიხილონ.  კერძოდ, პარლამენტში წარმოდგენილი მხარე მოახდენს ამნისტიის შესახებ კანონის ინიცირებას 2019 წლის 19-21 ივნისის საპროტესტო აქციებით გამოწვეული ყველა დარღვევისა და მსჯავრდებულისთვის. ასევე,  პარლამენტმა პოლიტიზებული მართლმსაჯულების აღქმის პრობლემა კანონმდებლობის საშუალებით უნდა გადაწყვიტოს და საჭიროების შემთხვევაში შეიტანოს ცვლილებები რეგლამენტში.

16 აპრილს მმართველმა პარტიამ საჯაროდ ცალმხრივად მოაწერა ხელი დოკუმენტს პოლიტიკური კრიზისის გადასაჭრელად, რომელიც ხელისუფლებას და ოპოზიციაც ევროპული საბჭოს პრეზიდენტის წარმომადგენელმა კრისტიან დანიელსონმა შესთავაზა. დოკუმენტი ითვალისწინებს სისტემური საარჩევნო რეფორმების გატარებას, ცვლილებებს მართლმსაჯულების სფეროში, ასევე პარლამენტში უფლებამოსილებების გადანაწილებას.

ამ დროისთვის გავრცელებული ინფორმაციით, ევროკავშირისა და აშშ-ის მედიაციით შემოთავაზებულ დოკუმენტზე ხელმოწერის მზადყოფნა გამოთქვა მმართველმა პარტია „ქართული ოცნება–დემოკრატიულმა საქართველომ“ და ოპოზიციურმა პარტიამ „ლელო საქართველოსთვის".

10
თემები:
საქართველოს პოლიტიკური ცხოვრება
ინდიელი მშვილდ-ისრით

გრძელი თმა - მეექვსე გრძნობის წყარო: გასაჯაროვებული სამხედრო დოკუმენტაცია

0
სამხედრო მიზნებით დაქირავებულმა ინდიელმა მზვერავებმა თმის შეჭრის შემდეგ მეექვსე გრძნობა და ინტუიცია დაკარგეს, ისინი ვეღარ „გრძნობდნენ“ მტერს, რაც ადრე საერთოდ არ უჭირდათ

თბილისი, 19 აპრილი — Sputnik. თმები — ეს ნერვული სისტემის გაგრძელებაა და ის შეიძლება გარეგან ნერვებად, მაღალგანვითარებულ „ანტენებადაც“ კი განვიხილოთ, რომელიც უზარმაზარ და უმნიშვნელოვანეს ინფორმაციას აწვდის ტვინს, ლიმბიკურ სისტემასა და ასევე ნეოკორტექსს, წერს გამოცემა Enlightened Consciousness-ი სტატიაში, რომელშიც კლინიკა VA Medical Hospital-ის ლიცენზირებული ფსიქოლოგის ისტორიაა მოთხრობილი.

როგორც ირკვევა, ფსიქოლოგი ვიეტნამის ომის მონაწილე ვეტერანებთან მუშაობდა, რომლებსაც პოსტტრავმატული აშლილობა ჰქონდათ. ერთ დღეს კლინიკას მისთვის გადაუცია დოკუმენტაცია, რომლის წაკითხვის შემდეგაც კონსერვატული შეხედულებების ექიმს რადიკალურად შეუცვლია გარეგნობა და უარი უთქვამს არა მხოლოდ თმის, არამედ წვერის გაკრეჭვაზეც. სამედიცინო ცენტრს არაფერი ჰქონია საწინააღმდეგო. უფრო მეტიც, კლინიკის სხვა ექიმებისთვისაც მიუცია უფლება, ეტარებინათ გრძელი თმა-წვერი.

რა დოკუმენტებზეა საუბარი?

ეს იყო აშშ-ის მთავრობის მიერ დაფინანსებული უსერიოზულესი კვლევა, რომელსაც საფუძვლად ვიეტნამის ომის დროს მომხდარი საინტერესო შემთხვევა დაედო საფუძვლად.

როგორც ირკვევა, აშშ-ის სამხედრო უწყებას ქვეყნის მასშტაბით რეკრუტერები დაუგზავნია, რომლებსაც ნიჭიერი მზვერავ-კვალმაძიებლები უნდა მოეძებნათ ამერიკელ ინდიელებს შორის. მოთხოვნები ძალიან მაღალი იყო — კვალმაძიებლებს ლამის ზებუნებრივი უნარები უნდა ჰქონოდათ.

რეკრუტერებმა მართლაც შეძლეს რამდენიმე შესაფერისი ადამიანის მოძებნა, რომლებთანაც სასწრაფოდ გააფორმეს საჭირო ხელშეკრულებები და სამსახურში ჩარიცხეს.

და აქ მოხდა უცნაური და აუხსნელი რამ: ყველა მზვერავ-კვალმაძიებელმა, როგორც კი ისინი სამხედრო სამსახურში მიიღეს, პირწმინდად დაკარგა ყველა ის უნარი, რომლის გამოც დაიქირავეს და რომელიც უმაღლესი ხელმძღვანელობისთვის უნდა ეჩვენებინათ. შესაბამისად უწყებამ გადაწყვიტა, დაექირავებინა სპეციალისტები, რომლებიც მომხდარს რაიმე ახსნას მოუძებნიდნენ.

და მართლაც, გარკვეული პერიოდის შემდეგ სწავლულები მივიდნენ დასკვნამდე, რომ ყველაფერში „დამნაშავე“ იყო თმა, რომელიც სამხედრო სამსახურში ჩარიცხვისთანავე მოკლედ შეკრიჭეს ინდიელ მზვერავებს.

დაქირავებულები გამოტყდნენ, რომ თმის შეჭრის შემდეგ მეექვსე გრძნობა და ინტუიცია დაუქვეითდათ და ვეღარ „გრძნობდნენ“ მტერს, ვეღარ „კითხულობდნენ“ უფაქიზეს ექსტრასენსორულ ინფორმაციას, რაც ადრე საერთოდ არ უჭირდათ.

ამის შემდეგ ტესტირების ინსტიტუტმა ახალი ინდიელები მოიძია და არცერთ მათგანს აღარ შეჭრეს თმა. მეცნიერებმა ახალი ჯგუფი ძალიან ბევრ სფეროში გამოცადა, მაგალითად, მტრის „შეგრძნობის“ კუთხით.

ინდიელი
ინდიელი კვალმაძიებელი

ერთ-ერთი სტანდარტიზირებული ტესტი და მისი შედეგი ასე გამოიყურებოდა: რეკრუტ ინდიელებს — მოკლე და გრძელთმიანებს, რომლებსაც ტყეში ეძინათ, უცნობი მხრიდან და უცნობ დროს უახლოვდებოდა „მტერი“. გრძელთმიანი მზვერავები ყველა ჯერზე ძილშივე გრძნობდნენ მოახლოებულ საფრთხეს და ადგილს მტრის მოახლოებამდე ბევრად ადრე ტოვებდნენ.

გარდა ამისა, მკვლევარებმა ერთ-ერთ გრძელთმიან რეკრუტზე ჩატარებული ტესტის საფუძველზე აღმოაჩინეს, რომ ის ინტუიციურად გრძნობდა, როდის დაიწყებდა მოწინააღმდეგე შეტევას და შესაბამისად, წარმატებით იგერიებდა მას. მაგრამ თმების შეჭრის შემდეგ ინდიელმა იგივე ტესტი და სხვა ბევრიც ჩააფლავა, რომლებსაც მანამდე შესანიშნავად გადიოდა.

შესაბამისად, დარგის სპეციალისტებმა დაადგინეს, რომ სხეულის ყველა ნაწილს, მათ შორის, თმებს, თავისი „მისია“ აქვს და როცა ადამიანს უწყდება კავშირი რომელიმე მათგანთან, ის კარგავს ამ ნაწილით მინიჭებულ ძალას.

0
თემები:
იცით თუ არა, რომ...