კარლ ჰარცელი და კრისტიან დანიელსონი

გადამწყვეტი მოლაპარაკებები: დანიელსონმა კომპრომისული დოკუმენტი მოამზადა

81
(განახლებულია 19:34 30.03.2021)
ორივე მხარე – მმართველი პარტია და ოპოზიცია აცხადებს, რომ შეთანხმებისთვის განწყობილი არიან, თუმცა მოლაპარაკებების კონკრეტული შედეგების კომენტარისგან თავს იკავებენ.

თბილისი, 30 მარტი – Sputnik. ევროპული საბჭოს პრეზიდენტის სპეციალური წარმომადგენლის კრისტიან დანიელსონის შუამავლობით მმართველ პარტიასა და ოპოზიციას შორის მოლაპარაკებების მორიგი რაუნდი დღეს უნდა გაიმართოს.

ქვეყნის პოლიტიკური კრიზისიდან გამოსვლასა და პოლიტიკურ მხარეებს შორის შეთანხმების მიღწევაში დახმარება – შვედი დიპლომატის მხრიდან მეორე მცდელობაა. ორშაბათს დანიელსონმა შეხვედრები გამართა როგორც „ქართული ოცნებისა“ და ოპოზიციის ლიდერებთან, ისე ქვეყნის პრეზიდენტთან და პრემიერ-მინისტრთან. 

საქართველოში ევროკავშირის წარმომადგენლობის ოფისში უკვე დილიდან იმყოფებიან საქართველოში ევროკავშირის ელჩი კარლ ჰარცელი და აშშ-ის ელჩი კელი დეგნანი. გუშინ შვედმა დიპლომატმა მოლაპარაკებების ყველა მხარეს მიმართა – ყველაფერი გააკეთონ იმისთვის, „რომ საქართველომ გაიმარჯვოს“. როგორც დანიელსონმა განაცხადა, იგი მოლაპარაკებების პერიოდში გეგმავს დოკუმენტის წარმოდგენას, რომელიც მხარეებს მთავარი მიზნების მიღწევაში დაეხმარება. მისი თქმით, თუ შეთანხმება მიიღწევა, ყველა მოგებული დარჩება, თუმცა, მთავარი გამარჯვებული ქართველი ხალხი იქნება.

„კონკრეტულად რომელი დოკუმენტი იქნება წარმოდგენილი, ამაზე საუბარი ნაადრევია, რადგანაც „პროექტის“ შეთანხმების პროცესში შეიძლება გარკვეული კომპრომისის მიღწევა გახდეს შესაძლებელი. ჯერ ნაადრევია კონკრეტულ გადაწყვეტილებაზე საუბარი. სამწუხაროდ, არ ველოდები, რომ ყველა პარტია კომპრომისისთვის მზად იქნება. თუ ევროპული მედიაციის მიზანი ქვეყანაში ინსტიტუციების გაძლიერება და საპარლამენტო ცხოვრების გაგრძელებაა, პარტიების მიზანი სხვაა – ამ მიმართულებით არ განვითარდეს პროცესები“, – განაცხადა საპარლამენტო უმრავლესობის დეპუტატმა ირაკლი ქადაგიშვილმა.

ვინც დოკუმენტს ხელს არ მოაწერს და ქვეყნის სასიკეთოდ ნაბიჯს არ გადადგამს, იგი თავისი პარტიის ინტერესების ტყვე გახდება, განაცხადა ვიცე-სპიკერმა, ოპოზიციური პარტია „მოქალაქეების“ დეპუტატმა ლევან იოსელიანმა. 

„ვფიქრობ, აუცილებლად გამოჩნდებიან პოლიტიკური პარტიები, რომლებიც დოკუმენტს ხელს მოაწერენ. ამიტომაც ველოდები, რომ თუ ყველას არა, მათ ნაწილს მაინც ვიხილავთ პარლამენტში. იმედი მაქვს, რომ დოკუმენტს „ქართული ოცნებაც“ ხელს მოაწერს“, – აღნიშნა იოსელიანმა.

ოპოზიციური პარტია „ერთიანი ნაციონალური მოძრაობის“ ერთ-ერთი ლიდერის სალომე სამადაშვილის თქმით, კრიზისი ისე უნდა დასრულდეს, რომ საქართველოს დემოკრატიის მომავალმა გაიმარჯვოს.

„დღეს საინტერესო დღეა და საინტერესოა, ჩვენ სად აღმოვჩნდებით. ჩვენს პარტიაში ისეთი განწყობაა, რომ ყველაფერი უნდა გაკეთდეს შეთანხმების მიღწევისთვის. მაგრამ შეთანხმების ვარიანტი ამის შესაძლებლობას რამდენად მოგვცემს, ვნახოთ... ალბათ დღევანდელი დღის არასასურველი შედეგი შეიძლება გახდეს გაყოფილი ოპოზიცია“, – განაცხადა სამადაშვილმა.

„შედით პარლამენტში“ – მოძრაობა „წინსვლის“ აქტივისტებმა ოპოზიციას მიმართეს>>>

დასავლელი შუამავლები უკვე რამდენიმე თვის განმავლობაში ცდილობენ გავლენა მოახდინონ საქართველოში არსებულ სიტუაციაზე, მაგრამ ჯერჯერობით უშედეგოდ – პოლიტიკური კრიზისი სულ უფრო ღრმავდება.

საქართველოში კრიზისი დაიწყო 2020 წლის 31 ოქტომბერს გამართული საპარლამენტო არჩევნების შემდეგ და თითქმის ხუთი თვის განმავლობაში გრძელდება. პარლამენტის სხდომებში სამოცი ოპოზიციონერი დეპუტატიდან მხოლოდ ექვსი მონაწილეობს, დანარჩენები უარს აცხადებენ არჩევნების შედეგების აღიარებაზე და მოითხოვენ ვადამდელ არჩევნებს, რაც კატეგორიულად მიუღებელია მმართველი პარტიისთვის.

81
თემები:
საქართველოს პოლიტიკური ცხოვრება (373)
ისრაელის და საქართველოს დროშები

ისრაელში საქართველოს მოქალაქეებისთვის დასაქმების კვოტა, შესაძლოა, გაიზარდოს

33
(განახლებულია 14:25 19.04.2021)
ისრაელში ლეგალურად დასაქმების მსურველი საქართველოს მოქალაქეების სპეციალურ ვებ-გვერდზე რეგისტრაციის პროცესი 12 აპრილს დაიწყო.

 

თბილისი, 19 აპრილი – Sputnik. ისრაელში ლეგალურად დასაქმების მსურველი საქართველოს მოქალაქეებისთვის  გათვალისწინებული კვოტა, შესაძლოა, გაიზარდოს, განაცხადა საქართველოში ისრაელის ელჩმა რან გიდორმა ჟურნალისტებთან.

აპრილის დასაწყისში ისრაელის სახელმწიფოსა და საქართველოს მთავრობას შორის დადებული შეთანხმების თანახმად, საქართველოს ათასამდე მოქალაქე ისრაელის სახელმწიფოში ხანგრძლივი მოვლის დაწესებულებებში დამხმარე მუშაკის პოზიციაზე დასაქმებას შეძლებს. 

ისრაელში ლეგალურად დასაქმების მსურველი საქართველოს მოქალაქეების  რეგისტრაცია შრომითი მიგრაციის სპეციალურ პორტალზე http://workabroad.moh.gov.ge/  12 აპრილს დაიწყო და 24 საათში 760 მოქალაქე დარეგისტრირდა. რეგისტრაციის პროცესი მთელი წლის განმავლობაში გაგრძელდება.  

„ჩვენ დავიწყეთ კვოტირება საქართველოს ათასი მოქალაქით. ვიმედოვნებთ, რომ თუ ეს მიზანი წარმატებით და შეუფერხებლად იქნება მიღწეული, შესაძლოა, განვიხილოთ კვოტის გაზრდის საკითხი. ეს არის მთელი რიგი პროექტები და სწორედ ამიტომ, მნიშვნელოვანია მისი ლიმიტირებული კვოტით დაწყება“, – განაცხადა რან გიდორმა.

საქართველოს ჯანდაცვის სამინისტროს ინფორმაციით, ისრაელში სამუშაოს ხანგრძლივობა იქნება 6 სამუშაო დღე კვირაში, თვის დარიცხული ხელფასი კვირაში 42-საათიანი სამუშაო გრაფიკით კი 5300 შეკელი.

ისრაელში ჩასული დასაქმებულები მიიღებენ ვიზას, რომელიც ძალაში ერთი წლის განმავლობაში იქნება და რომლის მოქმედების ვადის გაგრძელება შესაძლებელია მაქსიმუმ 63 თვემდე. 

დასაქმების მსურველი უნდა აკმაყოფილებდეს შემდეგ კრიტერიუმებს: უნდა იყოს 25-დან 45 წლამდე ასაკის, საშუალო განათლების, უნდა ჰქონდეს სახელმწიფოს მიერ აღიარებული სახლის პირობებში გასაწევი სამედიცინო დახმარება/მოვლის ტრენინგის გავლის დამადასტურებელი დიპლომი/სერტიფიკატი ან ექთნის/ექთნის თანაშემწის დიპლომი. ამასთან, საკომუნიკაციო დონეზე უნდა ფლობდეს ინგლისურ ან რუსულ ენას.

გარდა ამისა, დასაქმების მსურველი უნდა იყოს ფიზიკურად და ფსიქიკურად ჯანმრთელი, ნასამართლეობის არმქონე, არ უნდა ჰქონდეს ისრაელში მუშაობის და არალეგალურად ცხოვრების ისტორია, მისი ოჯახის წევრები არ უნდა ცხოვრობდნენ ან მუშაობდნენ ისრაელში.

ამასთან, კანდიდატმა უნდა განაცხადოს თანხმობა, რომ ისრაელში შესვლამდე გაივლის COVID-19-ის ტესტს საქართველოში და ასევე თანახმა უნდა იყოს ისრაელში ჩასვლის შემდეგ COVID-19-ის ვაქცინაციაზე, რომელიც აუცილებელია ხანგრძლივი მოვლის დაწესებულებაში სამუშაოდ ისრაელის ჯანდაცვის სამინისტროს მოქმედი რეგულაციების შესაბამისად.

33
ქართული ოცნება

„ქართული ოცნება“ მზადაა, განიხილოს ევროკავშირის მიერ წარდგენილი ახალი დოკუმენტი

53
(განახლებულია 14:26 19.04.2021)
ახალ დოკუმენტში დაზუსტებულია ორი ძირითადი შეუთანხმებელი პუნქტი, რომელიც ეხება პოლიტიზებულ მართლმსაჯულებას და ვადამდელ არჩევნებს.

თბილისი, 19 აპრილი - Sputnik. მმართველო პარტია „ქართული ოცნება–დემოკრატიული საქართველო“ მზადაა, ევროპული საბჭოს პრეზიდენტ შარლ მიშელის მედიაციით მომზადებული დოკუმენტის განახლებული ვერსიაც განიხილოს, ნათქვამია პარტიის მიერ გავრცელებულ განცხადებაში.

გუშინ ევროპული საბჭოს პრეზიდენტმა შარლ მიშელმა საქართველოს ხელისუფლებასა და ოპოზიციას  ახალი, ხუთპუნქტიანი შეთანხმება შესთავაზა. შეთანხმება  მისი წარმომადგენლის, კრისტიან დანიელსონის მიერ 31 მარტს წარდგენილ დოკუმენტში აზუსტებს ორ ძირითად შეუთანხმებელ პუნქტს - პოლიტიზებულ მართლმსაჯულებასა და ვადამდელ არჩევნებს. 

დოკუმენტის მიხედვით, ვადამდელი საპარლამენტო არჩევნები დაინიშნება 2022 წელს იმ შემთხვევაში, თუ 2021 წლის ოქტომბრის ადგილობრივი თვითმმართველობის არჩევნებში „ქართული ოცნება“  მიიღებს  პროპორციული ხმების 43% -ზე ნაკლებს. მანამდე, 16 აპრილს „ქართულმა ოცნებამ“ თავისი ინიციატივით განაცხადა, რომ თუ თვითმართველობის არჩევნებში 40%-ს ვერ აიღებდა, არჩევნების ჩატარებაზე ოპოზოციის მოთხოვნას დათანხმდებოდა. 

როგორც მმართველი პარტიის მიერ გავრცელებულ განცხადებაშია აღნიშული, „ქართული ოცნება“ არის გადაწყვეტილების მიმღები ძალა და ისინი ყურადღებით ეკიდებიან  პარტნიორების რჩევებსა და წინადადებას შეთანხმების მისაღწევად.

„მზად ვართ გუნდთან დავიწყოთ განხილვა ნდობის 40-პროცენტიანი მაჩვენებლის გაზრდაზე, რომელიც კონსტიტუციით და საარჩევნო კანონმდებლობით გახლდათ იგივე ოპოზიციის მხარდაჭერით განსაზღვრული, 2020 წლის 8 მარტის შეთანხმების თანახმად“, – ნათქვამია განცხადებაში.

თუმცა, პარტიაში განმარტავენ, განახლებული დოკუმენტის ხელმოწერის შემდეგ, მათი მხრიდან პირობები მეტად აღარ დაკორექტირდება.

„იმის გათვალისწინებით, რომ ჩვენ ხელი მოვაწერეთ ევროკავშირის ეგიდით წარდგენილ პირველ დოკუმენტსაც და მზადყოფნას ვაფიქსირებთ განახლებული დოკუმენტის განხილვაზეც – განახლებული დოკუმენტის ხელმოწერის შემდეგ, ჩვენი მხრიდან პირობების მეტი კორექტირება აღარ მოხდება და ჩვენ არ დავეთანხმებით რაიმე შინაარსობრივ დამატებას. ჩვენი მხრიდან პირობებზე მოლაპარაკება ამით დასრულებულია და მოვუწოდებთ ოპოზიციას პასუხისმგებლიანი ნაბიჯებისკენ“, – ნათქვამია განცხადებაში.

მმართველი პარტია მიიჩნევს, რომ პარტიებს შორის შეთანხმებაში გიორგი რურუას გათავისუფლების საკითხის ასახვა არის მართლმსაჯულებაში პოლიტიკური ჩარევის უხეში მაგალითი.

„ჩვენ ვითვალისწინებთ არსებულ რეალობას და ჩვენი პარტნიორების დამოკიდებულებას, სწორედ ამიტომ, არ დავაფიქსირებთ ჩვენს კრიტიკულ პოზიციას, თუ საქართველოს პრეზიდენტი მას შეიწყალებს“, - ნათქვამია განცხადებაში. 

„ქართული ოცნების“ პოზოციით, გადაწყვეტილება პატიმრებთან დაკავშირებით, რომელთა გათავისუფლებას ითხოვს ოპოზიცია, ეფუძნება იმ აუცილებელ პირობას, რომ მომავალში გამოირიცხება ნებისმიერ სისხლისსამართლებრივ საქმეში პოლიტიკური ჩარევა.

მმართველი გუნდის განცხადებაში ასევე საუბარია ხაზარაძე-ჯაფარიძის და ნიკა გვარამიას წინააღმდეგ აღძრულ სისხლის სამართლის საქმეებზე.  „ქართული ოცნების“ განმარტებით, აღნიშნული საქმეების შეფასება უნდა მოხდეს სამართლის სფეროში საერთაშორისო ექსპერტების ჩართულობით.

„ერთ შემთხვევაში პირებმა, რომელთა მიმართაც მიმდინარეობს სამართალწარმოება, გამოძიების დაწყების შემდეგ შექმნეს პოლიტიკური პარტია და თავი შეაფარეს პოლიტიკურ სტატუსს, ხოლო ნიკა გვარამიამ კი დააფუძნა ტელევიზია და ჟურნალისტური საქმიანობით ცდილობს იმუნიტეტის მოპოვებას. ამ საქმეების შეფასება უნდა მოხდეს მხოლოდ სამართლებრივი სტანდარტებით, რათა გამოირიცხოს აღნიშნული საქმეების პოლიტიკური გადაწყვეტის შესაძლებლობა“, – ნათქვამია განცხადებაში.

შარლ მიშელის მიერ შემოთავაზებული ახალი დოკუმენტის მიხედვით, „ქართული ოცნების“ 2021 წლის 16 აპრილის შეთავაზების შესაბამისად, ვადამდელი საპარლამენტო არჩევნები დაინიშნება 2022 წელს იმ შემთხვევაში, თუ 2021 წლის ოქტომბრის ადგილობრივი თვითმმართველობის არჩევნებში „ქართული ოცნება“  მიიღებს  პროპორციული ხმების 43%–ზე ნაკლებს.

რას მოაწერა ხელი „ქართულმა ოცნებამ“? ოპოზიციასთან შეთანხმების დეტალები>>>

ასევე, აღნიშნული დოკუმენტის მიხედვით, შეთანხმების გაფორმებიდან ერთ კვირაში მხარეებმა პოლიტიზებულად აღქმული ორი საქმე უნდა განიხილონ.  კერძოდ, პარლამენტში წარმოდგენილი მხარე მოახდენს ამნისტიის შესახებ კანონის ინიცირებას 2019 წლის 19-21 ივნისის საპროტესტო აქციებით გამოწვეული ყველა დარღვევისა და მსჯავრდებულისთვის. ასევე,  პარლამენტმა პოლიტიზებული მართლმსაჯულების აღქმის პრობლემა კანონმდებლობის საშუალებით უნდა გადაწყვიტოს და საჭიროების შემთხვევაში შეიტანოს ცვლილებები რეგლამენტში.

16 აპრილს მმართველმა პარტიამ საჯაროდ ცალმხრივად მოაწერა ხელი დოკუმენტს პოლიტიკური კრიზისის გადასაჭრელად, რომელიც ხელისუფლებას და ოპოზიციაც ევროპული საბჭოს პრეზიდენტის წარმომადგენელმა კრისტიან დანიელსონმა შესთავაზა. დოკუმენტი ითვალისწინებს სისტემური საარჩევნო რეფორმების გატარებას, ცვლილებებს მართლმსაჯულების სფეროში, ასევე პარლამენტში უფლებამოსილებების გადანაწილებას.

53
თემები:
საქართველოს პოლიტიკური ცხოვრება (373)
გელათი

სააგენტო გელათის ტერიტორიაზე აღმოჩენილ ობიექტებთან დაკავშირებით განცხადებას ავრცელებს

0
(განახლებულია 15:11 19.04.2021)
კულტურული მემკვიდრეობის დაცვის სააგენტო სამონასტრო კომპლექსის ტერიტორიაზე აღმოჩენილი არტეფაქტების შენახვისას გულგრილობაში დაადანაშაულეს

თბილისი, 19 აპრილი — Sputnik. საქართველოს კულტურული მემკვიდრეობის დაცვის ეროვნულმა სააგენტომ სიცრუე უწოდა გავრცელებულ ინფორმაციას, თითქოსდა გელათის სამონასტრო კომპლექსის ტერიტორიაზე არქეოლოგიური კვლევისას აღმოჩენილი არტეფაქტების მუზეუმში გადატანა დაფინანსების უქონლობის გამო ვერ მოხერხდა.

გუშინ რამდენიმე მედია–საშუალებამ გაავრცელა ინფორმაცია, თითქოსდა  სამონასტრო კომპლექსის ტერიტორიაზე 2019 წელს ჩატარებული არქეოლოგიური გათხრებისას აღმოჩენილი ისტორიული ობიექტები სათანადო წესით არ შეინახეს. ჟურნალისტების განმარტებით, გელათის მონასტრის ეზოში არქეოლოგიური გათხრების შედეგად აღმოჩენილი ისტორიული არტეფაქტების მუზეუმში გადასატანად სახსრები ვერ გამოინახა და მათ ბრეზენტი გადააფარეს. 

წმინდა გიორგის ტაძრის მიმდებარედ ჩატარებული გათხრებისას ანტიკური ხანის, ადრეული შუასაუკუნეების, დავით აღმაშენებლის ეპოქისა და გვიანი შუასაუკუნეების არქიტექტურული ნაგებობები და არტეფაქტები დაფიქსირდა.  ეს არის ახალი წელთაღრიცხვის II-III საუკუნეების  დროინდელი ქვევრსამარხი, ადრეული შუასაუკუნეების (დაახლ: IX-X ს.ს.) მოზრდილი ქვებითა და დუღაბით ნაშენი დიდი ზომის სწორკუთხა ნაგებობა, რომელიც დავით აღმაშენებლის ეპოქაში სამეურნეო დანიშნულებით გადაკეთდა და განახლდა.

სააგენტოში აცხადებენ, რომ ინფორმაცია იმის შესახებ, თითქოსდა სათანადო წესით ობიექტების კონსერვაცია უსახსრობის გამო ვერ მოხერხდა, სინამდვილეს არ შეესაბამება.

 „პროცესი მოცემული ობიექტის შენარჩუნებისა და შემდგომი შესწავლის მიზნით განხორციელდა. კერძოდ, გელათის სამონასტრო კომპლექსის ტერიტორიის ჩრდილოეთით 2019 წელს არქეოლოგიური კვლევისას გამოვლენილი ობიექტების სამეცნიერო შესწავლასთან ერთად, ნაგებობები აღირიცხა და ფოტოგრაფიულად დაფიქსირდა. აღმოჩენილი არტეფაქტები და კერამიკული მასალა კი ქუთაისის ისტორიულ-არქიტექტურულ მუზეუმ-ნაკრძალის სამუზეუმო ფონდებში 2019 წელსვე განთავსდა“, – ნათქვამია განცხადებაში.

გარდა ამისა, ორგანიზაციაში აღნიშნავენ, რომ არქეოლოგიური კვლევისას აღმოჩენილი ნაგებობები, დროებით ქვიშისა და მიწის ფენით, საერთაშორისოდ მიღებული საკონსერვაციო მეთოდოლოგიით რეკულტივირდა. ამასთან, სააგენტოს განმარტებით, ამავდროულად, განათხარი არეალი ჰიდროლოგიურად გარკვეულ რისკს უქმნიდა წმინდა

0
თემები:
ქართული კულტურული მემკვიდრეობის ძეგლები