ჟენევა

საქართველო-რუსეთის მოლაპარაკებების მორიგი რაუნდი ჟენევაში: სამი თვალსაზრისი

85
თანათავმჯდომარეებმა მოუწოდეს მხარეებს, გააძლიერონ ძალისხმევა ერთმანეთის მიმართ ნდობის განმტკიცების კუთხით და უზრუნველყონ კონსტრუქციული თანამშრომლობა საერთაშორისო ჰუმანიტარულ და უფლებადამცველ ორგანიზაციებთან

თბილისი, 27 მარტი – Sputnik. საქართველოს და რუსეთს შორის ჟენევის მოლაპარაკებების მორიგი, 52-ე რაუნდი შესამჩნევი გარღვევების გარეშე დასრულდა, მაგრამ მხარეები დიალოგის გაგრძელებას აპირებენ.

ჟენევის მოლაპარაკებების ფორმატი 2008 წლის აგვისტოს ომის შემდეგ შეიქმნა. შეხვედრებს ესწრებიან დელეგაციები საქართველოდან, რუსეთიდან, შეერთებული შტატებიდან, აფხაზეთის, სამხრეთ ოსეთის, ევროკავშირის, გაეროს და ეუთოს წარმომადგენლები. დღეისათვის ეს საქართველოსა და რუსეთს შორის პოლიტიკური დიალოგის ერთადერთი ფორმატია.

„უსაფრთხოების კუთხით სიტუაცია შეფასდა, როგორც შედარებით მშვიდი და სტაბილური. მონაწილეებმა განიხილეს რამდენიმე საკითხი, მათ შორის დაკავებების, უგზო-უკვლოდ დაკარგულთა, გადაადგილების თავისუფლების და გარკვეულ ადგილებში უსაფრთხოების ჩათვლით”, - ნათქვამია მოლაპარაკებების შედეგების მიხედვით თანათავმჯდომარეების შეფასებაში.

ამასთან თანათავმჯდომარეები აღნიშნავენ, რომ განსაკუთრებული ყურადღება გამახვილდა დღის წესრიგის საკვანძო საკითხზე, რომელიც ძალის გამოუყენებლობას და უსაფრთხოების საერთაშორისო ზომებს ეხება.

„მხარეებს შორის აღნიშნულ საკითხზე შედგა თვალსაზრისების გულახდილი და ღია გაცვლა-გამოცვლა“, - აღნიშნავენ ისინი.

აღინიშნა, რომ იძულებით გადაადგილებულ და დევნილ პირების შესახებ ძირითადი საკითხის განხილვა არ შედგა, რადგან მონაწილეთა ნაწილმა მოლაპარაკებები დატოვა.

„თანათავმჯდომარეებმა კვლავ მოუწოდეს მხარეებს, გააძლიერონ ძალისხმევა ერთმანეთის მიმართ ნდობის განმტკიცების კუთხით, განიხილონ ყოვლისმომცველი უსაფრთხოების ყველა ელემენტი და უზრუნველყონ კონსტრუქციული თანამშრომლობა საერთაშორისო ჰუმანიტარულ და უფლებადამცველ ორგანიზაციებთან“, - ნათქვამია განცხადებაში.

ხედვა საქართველოდან

საქართველოს საგარეო საქმეთა სამინისტროს ინფორმაციით, საქართველოს დელეგაციამ მოითხოვა სოხუმსა და ცხინვალში უკანონოდ დაკავებული საქართველოს ყველა მოქალაქის უპირობო გათავისუფლება.

გარდა ამისა, მნიშვნელოვანი ყურადღება დაეთმო საქართველოს აფხაზეთისა და ცხინვალის რეგიონების მზარდ მილიტარიზაციასა და რეგულარულ სამხედრო წვრთნებს, ასევე თავისუფალი გადაადგილების შეზღუდვის მძიმე ჰუმანიტარულ და სოციალურ-ეკონომიკურ შედეგებს.

„განსაკუთრებული აქცენტი გაკეთდა გალისა და ახალგორის რაიონების, ასევე კოდორის ხეობის მაცხოვრებლების უმძიმეს მდგომარეობაზე. აღინიშნა სამედიცინო ევაკუაციის შეფერხების შედეგად გამოწვეული ფატალური შედეგები“, - ნათქვამია განცხადებაში.

გარდა ამისა, საქართველოს დელეგაციამ ყურადღება გაამახვილა აფხაზეთისა და ცხინვალის რეგიონების დანარჩენი საქართველოსგან იზოლირებისა და რუსიფიკაციის გააქტიურებულ მცდელობებზე.

მოლაპარაკებებზე ყურადღება გამახვილდა აფხაზეთისა და სამხრეთ ოსეთის ტერიტორიაზე ევროკავშირის სადამკვირვებლო მისიის (EUMM) შესვლის საკითხზე. ასევე ვრცელი საუბარი შედგა სამშვიდობო მოლაპარაკებების ფორმატების ეფექტიანად გამოყენების, მათ შორის, ინციდენტების პრევენციისა და მათზე რეაგირების მექანიზმების (IPRMs) რეგულარულად და გამართულად ფუნქციონირების ჩათვლით.

„ამ კონტექსტში ხაზი გაესვა გალის IPRM-ის წინაპირობების გარეშე აღდგენისა და ერგნეთის მექანიზმის შეუფერხებლად მუშაობის აუცილებლობას“, - ნათქვამია განცხადებაში.

ამავე დროს ქართულმა მხარემ მეორე მხარე არაკონსტრუქციულობაში დაადანაშაულა.

„საქართველოს დელეგაციის მცდელობის მიუხედავად, მომხდარიყო აღნიშნული ჰუმანიტარული საკითხის პოლიტიზირების გარეშე განხილვა, რუსეთის ფედერაციამ და საოკუპაციო რეჟიმების წარმომადგენლებმა კვლავ სცადეს ამ ფუნდამენტური საკითხის პოლიტიკური მანიპულაციისთვის გამოყენება და დისკუსიის მსვლელობისას კვლავაც დატოვეს მოლაპარაკებების მაგიდა“, - ნათქვამია განცხადებაში.

ხედვა რუსეთიდან

რუსეთის საგარეო უწყების ინფორმაციით, მოლაპარაკებებზე დღის წესრიგის აქტუალურ თემებზე აზრთა საფუძვლიანი გაცვლა-გამოცვლა გაიმართა.

„რუსულმა, აფხაზურმა და სამხრეთ ოსურმა მხარეებმა აქცენტი გააკეთეს ძალისხმევის კონცენტრირებაზე ჟენევის დისკუსიების მთავარი ამოცანის გადასაჭრელად - სამხრეთ კავკასიაში მდგრადი და საიმედო უსაფრთხოების უზრუნველყოფაზე. რუსეთი და მისი მოკავშირეები იქიდან გამომდინარეობენ, რომ ამ სტრატეგიული მიზნის მიღწევა შეუძლებელია ერთი მხრივ, თბილისსა და მეორეს მხრივ სოხუმსა და ცხინვალს შორის ძალის არგამოყენების შესახებ იურიდიულად სავალდებულო შეთანხმების გარეშე. სწორედ ეს პრაქტიკული ღონისძიება შეიტანდა მნიშვნელოვან წვლილს სასაზღვრო ზონასა და მთლიანად რეგიონში სტაბილური და უსაფრთხო გარემოს შექმნის საქმეში", - ნათქვამია განცხადებაში.

ამასთან აღინიშნა, რომ რუსეთმა ყურადღება გაამახვილა იმ ანტირუსული რიტორიკის კონტრპროდუქტიულობაზე, რომელიც თბილისის მხრიდან გამუდმებით ისმის.

„რუსეთის, აფხაზეთისა და სამხრეთ ოსეთის დელეგაციებმა ყურადღება გაამახვილეს თბილისში მიმდინარე ანტირუსული რიტორიკის კონტრპროდუქტიულობაზე, სოხუმისა და ცხინვალის იზოლირების მცდელობებზე. ქართული მხარის მიერ არჩეული ხაზი არა მხოლოდ ხელს უშლის ჟენევის ფორმატში მოლაპარაკებებზე კონსტრუქციული ატმოსფეროს ფორმირებას, არამედ ბლოკავს მის საქმიანობას გარკვეულ მიმართულებებზე, პირველ რიგში ჰუმანიტარული ჯგუფის სრულფასოვან ფუნქციონირების მხრივ“, - ნათქვამია განცხადებაში.

ჟენევის საერთაშორისო დისკუსიების მონაწილეები შეთანხმდნენ, რომ მომდევნო შეხვედრა ჟენევაში 2021 წლის 29-30 ივნისს გაიმართება.

85
გიორგი გახარია

გახარიას პარტია - ივანიშვილის გეგმა „ბ“ თუ რეალური ოპოზიცია 

57
(განახლებულია 11:37 15.04.2021)
დღეს უკვე ნათელია, რომ ყოფილი პრემიერ-მინისტრი გიორგი გახარია, რომელსაც, ბოლო სოციოლოგიური კვლევებით, საკმაოდ კარგი რეიტინგი ჰქონდა, ნამდვილად და სერიოზულად აპირებს პარტიის შექმნას და ადგილობრივი თვითმმართველობის არჩევნებში მონაწილეობას.

პარლამენტში უკვე გაჩნდა 6 კაციანი ჯგუფი, რომელთაც არა მხოლოდ „ქართული ოცნება“, არამედ ის საპარლამენტო თანამდებობობიც დატოვეს, რომელიც უმრავლესობის ქვოტით ჰქონდათ მიღებული და ეს კომიტეტის თავმჯდომარეების პირველი მოადგილის ავტომობილითა და სხვა ამქვეყნიური სიკეთეებით სავსე პოსტებია. სავარაუდოდ, გახარიას ქვოტით პარლამენტში გაცილებით მეტი ადამიანი უნდა იყოს და თუ რომელიმეს კიდევ გაუჩნდა რაიმის მიმართ პროტესტის გრძნობა, ეს შემადგენლობა ერთ კარგ 7 კაციან ფრაქციასაც შექმნის, თუმცა ეს მაინც არ წყვეტს პარლამენტის ლეგიტიმურობის პრობლემას, სადაც მინიმუმ 113 დეპუტატის ყოფნა მაინცაა სასურველი.

და მაინც, რა მიზნები აქვს და როდის განაცხადებს ამის შესახებ გახარია? სავარაუდოდ, მაისის ბოლოს უკვე ცნობილი უნდა გახდეს მისი პარტიის სახელწოდება, მიზნები, ამოცანები და მიზნისაკენ სვლის გზები. რადგან ახლადშექმნილი პარტიისათვის 5-6 თვე ნამდვილად საჭიროა, რათა არჩევნებისთვის კარგად მოემზადოს.

როგორც ამბობენ, გახარიამ შესაძლოა, ზუგდიდში ან თბილისში გამოსცადოს საკუთარი რეიტინგი. როგორც ირკვევა, ზუგდიდში მას უეჭველ გამარჯვებას ჰპირდებიან, თბილისში კი შესაძლოა, უფრო გაუჭირდეს მაკო გომურისა და 20 ივნისის მოვლენების გამო. თავის მხრივ, ბევრი ხმა დადის იმის თაობაზე, რომ თბილისის მერის არჩევნებზე სერიოზული კონკურენციაა მოსალოდნელი და დიდი გრეჩიხიდან დაწყებული, პატარა პარტიებით დასრულებული, ყველა აპირებს ძალების მოსინჯვას.

ოპოზიციაში ჯერ კიდევ ფიქრობენ, დაუჯერონ თუ არა ყოფილ პრემიერს ოპოზიციური ზრახვები. თუმცა ამ შემთხვევაშიც კი სურთ, გახარიას პარტიამ ხმები მხოლოდ „ქართულ ოცნებას“ გაუყონ. ბევრს სჯერა, რომ გახარიას პარტია ივანიშვილის გეგმაა „ქართული ოცნების“ იმედგაცრუებული ნაწილისათვის და სწორედ მისი მეშვეობით გეგმავს ჯერ მესამე ძალის, შემდეგ კი კოალიციის შექმნას 2024 წელს.

„ჯერჯერობით ჩვენ გახარიასგან და მისი გარემოცვიდან რაიმე პოლიტიკური პოზიცია არაფერზე არ მოგვისმენია. ამიტომ, მე არ ვარ შეთქმულების თეორიების მომხრე, მაგრამ რა თქმა უნდა, იმ ვერსიას, რომ ეს ყველაფერი არის მცდელობა “ბ“ გუნდის გაკეთების ივანიშვილის გარშემო, საფუძველი აქვს. თუ ეს ასე არ არის გვაჩვენონ თავისი მოქმედებებით. თუ მთავრობის უნდობლობას, პოლიტპატიმრების გათავისუფლებას და ვადამდელ არჩევნებს უჭერენ მხარს, ძალიან კარგი. ამასთან, გიორგი გახარიამ კითხვებს პასუხი უნდა გასცეს. ჩრდილში ყოფნა და მოლოდინის რეჟიმის შექმნა არასერიოზულად გამოიყურება“,-  აცხადებს „ევროპული საქართველოს“ ლიდერი გიგა ბოკერია.

ხელისუფლებაში კი დარწმუნებულები არიან, რომ გახარიას რეალური შედეგის მიღწევა გაუჭირდება და მისი მაღალი რეიტინგი „ქართული ოცნების“ პრემიერ-მინისტრობით იყო გამოწვეული. ასეა თუ ისე, ქართულ პოლიტიკაში მალე საინტერესო სიახლეების მომსწრე გავხდებით. რა ნიშას აირჩევს გახარია, სულ მალე გამოჩნდება. ჯერჯერობით მხოლოდ იმის თქმა შეიძლება, რომ ის რადიკალიზაციის წინააღმდეგია და გუნდიც საკმაოდ მოძლიერებული ჰყავს სხვადასხვა პოზიციებზე.

57
ავტოკოლონა

ოპოზიცია რეგიონებში გასვლით შეხვედრებს იწყებს

21
(განახლებულია 11:56 15.04.2021)
მასშტაბური საპროტესტო აქციის სამზადისში ოპოზიციური პარტიების წარმომადგენლები ერთად მოივლიან რეგიონებს.

თბილისი, 15 აპრილი - Sputnik. ქართული ოპოზიციური სპექტრი რეგიონებში მოსახლეობასთან შეხვედრებს დღეიდან, 15 აპრილიდან იწყებს, იუწყება ტელეკომპანია „რუსთავი2“.

ოპოზიციის გარკვეული ნაწილი ამ დღეებში „ლელოს“ ოფისში  შეიკრიბა, რათა 15 მაისისთვის დაგეგმილ აქციასთან დაკავშირებით სამოქმედო გეგმა განეხილა. ოპოზიციის წარმომადგენლების განცხადებით, მიზანი მაისში დაგეგმილ საპროტესტო აქციაზე მოსახლეობის მობილიზებაა. 

პირველი რეგიონი, სადაც ოპოზიციის წარმომადგენლები მოსახლეობასთან შეხვედრებს გამართავს, კახეთია – დილიდან ოპოზიციონერი პოლიტიკოსები რესპუბლიკის მოედანზე იკრიბებიან. შეხვედრები დაგეგმილია როგორც თელავში, ისე მუნიციპალიტეტის სოფლებში.

„15 მაისი მიმდინარე პოლიტიკურ პროცესში უმნიშვნელოვანესი თარიღია, იმიტომ რომ ეს იქნება უამრავი, ათობით ათასი ადამიანისთვის შესაძლებლობა გამოხატოს თავისი პროტესტი, გამოხატოს თავისი ბრაზი. ჩვენი პირველი ნაბიჯი იქნება ის, რომ ჩვენ რეგიონებში მოსახლეობასთან შეხვედრები დავიწყოთ და მათ გავაცნოთ ჩვენი გეგმები, თუ როგორ აპირებს ოპოზიცია გააგრძელოს ბრძოლა რიგგარეშე არჩევნების, პოლიტპატიმრების გათავისუფლებისა და ქვეყანაში რეფორმების დაწყებისათვის“, - განაცხადა ოპოზიციის ერთ-ერთმა ლიდერმა გიგი უგულავამ

ოპოზიციურმა პარტიებმა  სამომავლო მოქმედების შესათანხმებლად სპეციალური შტაბი უკვე შექმნეს.  წინასწარი მონაცემებით, საპროტესტი აქციები უვადო იქნება, რომელზეც ოპოზიცია ძირითად მოთხოვნებს – ვადამდელი საპარლამენტო არჩევნები და პოლიტპატიმრების გათავისუფლება – კვლავ გააჟღერებს. 

საპარლამენტო არჩევნებიდან თითქმის ექვსი თვის შემდეგ ოპოზიციის ძირითადი ნაწილი კვლავ არ აღიარებს კენჭისყრის შედეგებს და ვადამდელ არჩევნებს მოითხოვს. მმართველი პარტია „ქართული ოცნება - დემოკრატიული საქართველო“ განიხილავს ამ საკითხს „წითელ ხაზად“, არჩევნების გაყალბების ბრალდებებს უსაფუძვლოს უწოდებს და ოპოზიციას მოლაპარაკებებზე ყურადღების სხვა საკითხებზე გამახვილებას სთავაზობს.
დასავლელი შუამავლები უკვე რამდენიმე თვის განმავლობაში ცდილობენ გავლენა მოახდინონ საქართველოში არსებულ სიტუაციაზე, მაგრამ ჯერჯერობით უშედეგოდ – პოლიტიკური კრიზისი სულ უფრო ღრმავდება.
მოლაპარაკების მორიგი რაუნდი მარტის ბოლოს გაიმართა, მაგრამ შედეგი ვერ გამოიღო. თბილისში კრიზისის მოგვარების მიზნით მეორედ იყო ჩამოსული ევროპული საბჭოს პრეზიდენტის სპეციალური წარმომადგენელი კრისტიან დანიელსონი, მაგრამ მისი წინადადებები მხარეებმა უარყვეს.

 

21
თემები:
საქართველოს პოლიტიკური ცხოვრება
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0