თბილისი, 22 მარტი – Sputnik. საქართველოს თავდაცვის მინისტრმა ჯუანშერ ბურჭულაძემ ლიეტუვის რესპუბლიკის ელჩთან ანდრიუს კალინდრასთან გაცნობითი ხასიათის შეხვედრა გამართა, ნათქვამია საქართველოს თავდაცვის სამინისტროს მიერ გავრცელებულ განცხადებაში.
თავდაცვის მინისტრმა ლიეტუვას საქართველოს სუვერენიტეტის, ტერიტორიული მთლიანობისა და ევროატლანტიკურ სტრუქტურებში გაწევრიანების გზაზე მტკიცე მხარდაჭერისთვის მადლობა გადაუხადა.
შეხვედრაზე ორ ქვეყანას შორის თავდაცვის სფეროში ნაყოფიერი თანამშრომლობის საკითხებსა და ნატო–საქართველოს არსებითი პაკეტის (SNGP) წარმატებით განხორციელებაში ლიეტუვის როლზე იმსჯელეს.
მხარეებმა ასევე განიხილეს საქართველოსა და ლიეტუვას შორის სამხედრო სფეროში ორმხრივი თანამშრომლობის საკითხები. კერძოდ, ყურადღება გამახვილდა სამხედრო განათლებაზე, სტრატეგიულ კომუნიკაციებსა და კიბერუსაფრთხოების საკითხებზე.
საქართველოსა და ლიეტუვას შორის დიპლომატიური ურთიერთობები 1994 წლის 16 სექტემბერს დამყარდა. ქვეყნები თანამშრომლობენ ეკონომიკის, კულტურის, განათლების, სოფლის მეურნეობისა და ჯანდაცვის სფეროებში.
ქართულ ენაში 2018 წლის მაისში ოფიციალურად დამკვიდრდა ლიტვის ავთენტური დასახელება — ლიეტუვა (Lietuva), რაც წარმოადგენს სახელმწიფო ენის დეპარტამენტის მხრიდან საპასუხო ჟესტს იმაზე, რომ 3 მაისიდან ლიეტუვურ ენაში საქართველოს ავთენტური სახელწოდება დამკვიდრდა. ლიეტუვა გახდა პირველი ქვეყანა, რომელმაც საქართველოსთან მიმართებაში სახელწოდება „საქართველას" გამოიყენა.
