ოპოზიციის აქცია

პიკეტები და აქციები: ოპოზიციამ უახლოესი პერიოდის მოქმედების გეგმა გამოაცხადა

64
(განახლებულია 20:01 26.02.2021)
პარლამენტის წინ აქციაზე რამდენიმე ათეული ათასი ადამიანი შეიკრიბა. ისინი ნიკა მელიას დაპატიმრებას აპროტესტებენ და ვადამდელ საპარლამენტო არჩევნებს მოითხოვენ.

თბილისი, 26 თებერვალი – Sputnik. ოპოზიცია ორი კვირის განმავლობაში თბილისში საპროტესტო აქციებისა და პიკეტების მოწყობას გეგმავს. ამის შესახებ „ერთიანი ნაციონალური მოძრაობის“ ერთ-ერთმა ლიდერმა ხატია დეკანოიძემ საპროტესტო აქციაზე განაცხადა.

თბილისში მიმდინარე აქციის გამო გარკვეულ ქუჩებზე გადაადგილება შეზღუდულია>>

საქართველოს პარლამენტის შენობის წინ, რუსთაველის გამზირზე რამდენიმე ათეული ათასი ადამიანი შეიკრიბა, რათა გააპროტესტონ „ერთიანი ნაციონალური მოძრაობის“ თავმჯდომარის ნიკა მელიას დაპატიმრება და კვლავ მოითხოვონ ვადამდელი არჩევნების ჩატარება.

ოპოზიციის აქციების უახლოესი ორი კვირის გეგმა ასეთია:

  • 1 მარტი – პარლამენტის პიკეტი
  • 5 მარტი – მთავრობის ადმინისტრაციის შენობის პიკეტი
  • 9 მარტი – აქცია შსს-სთან
  • 11 მარტი – აქცია თბილისის საქალაქო სასამართლოსთან
  • 13 მარტი – შემაჯამებელი დიდი საპროტესტო აქცია პარლამენტთან.

მომიტინგეები პარლამენტისკენ მსვლელობით ფილარმონიიდან გაემართნენ. მსვლელობას წინ ოპოზიციური პარტიების ლიდერები მიუძღვებოდნენ ბანერით ხელში, რომელზეც წერია „თავისუფლებისთვის“.

თავის მხრივ, სახელმწიფომ მიიღო უსაფრთხოების ზომები. კანცელარიისა და პარლამენტის ეზოებში მობილიზებული არიან სამართალდამცველები. პოლიციელები ასევე დაიცავენ წესრიგს აქციის ჩატარების ადგილზე.

ნიკა მელიამ უარი განაცხადა გირაოს გადახდაზე, რომელიც მას 2019 წელს თბილისში არეულობების საქმეზე შეუფარდეს, რადგან ეს უკანონობად მიაჩნია. თბილისის საქალაქო სასამართლომ მას პატიმრობა შეუფარდა.

ოპოზიციონერი ლიდერი სასამართლოს გადაწყვეტილებიდან მეექვს დღეს დააკავეს, რამაც დიდი საერთაშორისო რეზონანსი გამოიწვია. გუშინ პროკურატურამ განაცხადა, რომ ნიკა მელიას გაათავისუფლებს, თუ ის გირაოს თანხას გადაიხდის. მაგრამ მელია გირაოს გადახდას არ პირებს.

64
თემები:
 „ცხელი გაზაფხული“:  პოლიტიკური ვნებათაღელვა საქართველოში (27)
ავტოკოლონა

ოპოზიცია რეგიონებში გასვლით შეხვედრებს იწყებს

7
(განახლებულია 11:56 15.04.2021)
მასშტაბური საპროტესტო აქციის სამზადისში ოპოზიციური პარტიების წარმომადგენლები ერთად მოივლიან რეგიონებს.

თბილისი, 15 აპრილი - Sputnik. ქართული ოპოზიციური სპექტრი რეგიონებში მოსახლეობასთან შეხვედრებს დღეიდან, 15 აპრილიდან იწყებს, იუწყება ტელეკომპანია „რუსთავი2“.

ოპოზიციის გარკვეული ნაწილი ამ დღეებში „ლელოს“ ოფისში  შეიკრიბა, რათა 15 მაისისთვის დაგეგმილ აქციასთან დაკავშირებით სამოქმედო გეგმა განეხილა. ოპოზიციის წარმომადგენლების განცხადებით, მიზანი მაისში დაგეგმილ საპროტესტო აქციაზე მოსახლეობის მობილიზებაა. 

პირველი რეგიონი, სადაც ოპოზიციის წარმომადგენლები მოსახლეობასთან შეხვედრებს გამართავს, კახეთია – დილიდან ოპოზიციონერი პოლიტიკოსები რესპუბლიკის მოედანზე იკრიბებიან. შეხვედრები დაგეგმილია როგორც თელავში, ისე მუნიციპალიტეტის სოფლებში.

„15 მაისი მიმდინარე პოლიტიკურ პროცესში უმნიშვნელოვანესი თარიღია, იმიტომ რომ ეს იქნება უამრავი, ათობით ათასი ადამიანისთვის შესაძლებლობა გამოხატოს თავისი პროტესტი, გამოხატოს თავისი ბრაზი. ჩვენი პირველი ნაბიჯი იქნება ის, რომ ჩვენ რეგიონებში მოსახლეობასთან შეხვედრები დავიწყოთ და მათ გავაცნოთ ჩვენი გეგმები, თუ როგორ აპირებს ოპოზიცია გააგრძელოს ბრძოლა რიგგარეშე არჩევნების, პოლიტპატიმრების გათავისუფლებისა და ქვეყანაში რეფორმების დაწყებისათვის“, - განაცხადა ოპოზიციის ერთ-ერთმა ლიდერმა გიგი უგულავამ

ოპოზიციურმა პარტიებმა  სამომავლო მოქმედების შესათანხმებლად სპეციალური შტაბი უკვე შექმნეს.  წინასწარი მონაცემებით, საპროტესტი აქციები უვადო იქნება, რომელზეც ოპოზიცია ძირითად მოთხოვნებს – ვადამდელი საპარლამენტო არჩევნები და პოლიტპატიმრების გათავისუფლება – კვლავ გააჟღერებს. 

საპარლამენტო არჩევნებიდან თითქმის ექვსი თვის შემდეგ ოპოზიციის ძირითადი ნაწილი კვლავ არ აღიარებს კენჭისყრის შედეგებს და ვადამდელ არჩევნებს მოითხოვს. მმართველი პარტია „ქართული ოცნება - დემოკრატიული საქართველო“ განიხილავს ამ საკითხს „წითელ ხაზად“, არჩევნების გაყალბების ბრალდებებს უსაფუძვლოს უწოდებს და ოპოზიციას მოლაპარაკებებზე ყურადღების სხვა საკითხებზე გამახვილებას სთავაზობს.
დასავლელი შუამავლები უკვე რამდენიმე თვის განმავლობაში ცდილობენ გავლენა მოახდინონ საქართველოში არსებულ სიტუაციაზე, მაგრამ ჯერჯერობით უშედეგოდ – პოლიტიკური კრიზისი სულ უფრო ღრმავდება.
მოლაპარაკების მორიგი რაუნდი მარტის ბოლოს გაიმართა, მაგრამ შედეგი ვერ გამოიღო. თბილისში კრიზისის მოგვარების მიზნით მეორედ იყო ჩამოსული ევროპული საბჭოს პრეზიდენტის სპეციალური წარმომადგენელი კრისტიან დანიელსონი, მაგრამ მისი წინადადებები მხარეებმა უარყვეს.

 

7
თემები:
საქართველოს პოლიტიკური ცხოვრება
ქართველო სამხედროები

საქართველო ავღანეთიდან მშვიდობისმყოფელებს გამოიყვანს

17
(განახლებულია 10:15 15.04.2021)
ავღანეთიდან ნატოს სამშვიდობო მისიაში მონაწილე სამხედრო ძალების გამოყვანის პროცესი 1 მაისიდან გრაფიკის მიხედვით დაიწყება

 

თბილისი, 15 აპრილი – Sputnik. საქართველოს ავღანეთიდან სამშვიდობო კონტინგენტი, რომელიც ნატოს მისია „მტკიცე მხარდაჭერაში“ მონაწილეობს, გამოჰყავს.

როგორც საქართველოს თავდაცვის მინისტრის განცხადებაშია ნათქვამი, ამასთან დაკავშირებით ქართული მხარე ორმხრივ ფორმატში კონსულტაციებს აწარმოებს როგორც ნატოსთან, ისე თავის ძირითად სტრატეგიულ პარტნიორ აშშ–სთან. ქართული ქვედანაყოფის ავღანეთიდან გამოყვანა მათთან კოორდინაციით მოხდება. 

 „საქართველო ავღანეთში სამშვიდობო მისიაში  2004 წლიდანაა ჩართული და ალიანსის არაწევრ–ქვეყნებს შორის და ერთ სულ მოსახლეზე მისიაში გაგზავნილი სამხედრო მოსამსახურეების რაოდენობის მიხედვით უმსხვილესი კონტრიბუტორია. ეს ფაქტი მკაფიოდ ცხადყოფს თუ რა მნიშვნელობას ანიჭებს საქართველო ნატოს წევრი და პარტნიორი ქვეყნების მხარდამხარ გლობალური უსაფრთხოების განმტკიცებას. მთელი ამ წლების განმავლობაში, მშვიდობისა და სტაბილურობის დაცვას ათასობით თავდაცვის ძალების სამხედრო მოსამსახურე ემსახურებოდა, რომელთაგან 32 დაიღუპა და არაერთი დაიჭრა“, – ნათქვამია თავდაცვის უწყების განცხადებაში.

განცხადებაში ასევე აღნიშნულია, რომ 1999 წლიდან დაწყებული ქართველმა მშვიდობისმყოფელებმა  ნატოს, აშშ-ის და ევროკავშირის ეგიდით მიმდინარე მისიებში არაერთხელ დაამტკიცეს მაღალი პროფესიონალიზმი, თავდადება და საერთო ღირებულებების დაცვისადმი ერთგულება.

თავდაცვის სამინისტრო უდიდეს მადლიერებას გამოხატავს თითოეული სამხედრო მოსამსახურის მიმართ ავღანეთის მისიებში გაწეული სამსახურისთვის და განსაკუთრებულ პატივს მიაგებს დაღუპულთა ხსოვნას.

ავღანეთიდან სამხედრო ძალების გამოყვანის პროცესი, პარტნიორებთან კოორდინაციით, 1 მაისიდან დაიწყება.

ნატოს არასაომარი სამშვიდობო მისია „მტკიცე მხარდაჭერა" (Resolute Support) ავღანეთში 2015 წლის 1 იანვრიდან ამოქმედდა. ნატოსა და ავღანეთს შორის არსებული ორმხრივი შეთანხმების თანახმად, ქვეყანაში იმყოფება 13 ათასი სამხედრო მოსამსახურე, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოს მხრიდან მისიაში მონაწილეობს 870-ზე მეტი ჯარისკაცი. ისინი ბაგრამის საავიაციო ბაზაზე, ქაბულსა და მაზარ-ი-შარიფში არიან დისლოცირებული.


17
თემები:
საქართველოს თავდაცვა