ავტომსვლელობა ნიკა მელიას მხარდასაჭერად

„თავისუფლება მელიას!“ - ოპოზიციამ ავტომსვლელობა გამართა

80
(განახლებულია 18:47 24.02.2021)
ოპოზიციონერმა აქტივისტებმა სოლიდარობა გამოუცხადეს „ნაცმოძრაობის“ ლიდერს, რომელიც წინასწარ პატიმრობაში იმყოფება

თბილისი, 24 თებერვალი  — Sputnik. ქართულმა ოპოზიციამ თბილისიდან რუსთავამდე საპროტესტო ავტომსვლელობა მოაწყო - აქტივისტებმა ოპოზიციური პარტია „ერთიანი ნაციონალური მოძრაობის“ ლიდერის, ნიკა მელიას გათავისუფლება მოითხოვეს, ადგილიდან იუწყება Sputnik-საქართველოს კორესპონდენტი.

Автопробег оппозиции из столицы Грузии в Рустави в поддержку Ники Мелия
© Sputnik / Vladimir Umikashvili
ავტომსვლელობა ნიკა მელიას მხარდასაჭერად

დასავლეთმა მელიას დაკავება დაგმო – თბილისს პასუხი არ დაუყოვნებია >>

აქტივისტების ავტოკოლონამ გაიარა რესპუბლიკის მოედნიდან რუსთავის ციხემდე, სადაც მელია წინასწარ პატიმრობას იხდის. დანიშნულების ადგილზე მისვლის შემდეგ მელიას მხარდამჭერებმა საპროტესტო აქცია გამართეს. ადგილზე იმყოფებოდნენ გიგი უგულავა („ევროპული საქართველო“), ხატია დეკანოიძე, ზაალ უდუმაშვილი („ენმ“) და სხვ.

Гиги Угулава. Акция оппозиции в Рустави у здания тюрьмы в поддержку Ники Мелия
© Sputnik / Vladimir Umikashvili
გიგი უგულავა რუსთავში საპროტესტო აქციაზე

„გამოვხატავთ ჩვენს მხარდაჭერას და სოლიდარობას ჩვენი მეგობრის მიმართ, ოპოზიციის გამორჩეული ლიდერის, ნიკა მელიას მიმართ, რომელიც დღეს სრულიად უკანონოდ იმყოფება ამ შენობაში, მაგრამ როგორც ხვალინდელი დღის მჯერა, ისე მჯერა, რომ ძალიან მალე ის გამოვა ამ შენობიდან და კვლავ ჩადგება იმ ფერხულში, რომელსაც ჰქვია ბრძოლა ჩვენი ქვეყნის გადარჩენისთვის", - განაცხადა უდუმაშვილმა.

გიგი უგულავა აცხადებს, რომ მათი იქ მისვლა არის გზავნილი, რომ მეგობრებს მარტო არ ტოვებენ.

„ეს არის გზავნილი, რომ ჩვენ ჩვენს მეგობრებს არ ვტოვებთ მარტო. ეს არის გამამხნევებელი შეძახილი. ამ კორპუსში უზით ყველა პოლიტპატიმარი, ნახევრად ამისთვის არის ეს ციხე მოგონილი", - განაცხადა გიგი უგულავამ.

სასჯელაღსრულების N12 დაწესებულებასთან ნიკა მელიას მხარდამჭერებმა ჰიმნი შეასრულეს.

საქართველოში ყველაზე მსხვილი ოპოზიციური პარტია „ერთიანი ნაციონალური მოძრაობის“ თავმჯდომარე პარტიის ცენტრალურ ოფისში სამშაბათს, დილით დააკავეს. რამდენიმე საათის შემდეგ ოპოზიციამ ქუჩის საპროტესტო აქციების დაწყება დააანონსა. ოპოზიციური პარტიების გეგმებშია პარასკევს ფართომასშტაბიანი აქცია–მსვლელობის გამართვა.

Акция оппозиции в Рустави у здания тюрьмы в поддержку Ники Мелия
© Sputnik / Vladimir Umikashvili
საპროტესტო აქცია ნიკა მელიას მხარდასაჭერად

მელიას დაკავებამ საერთაშორისო საზოგადოებაში დიდი რეზონანსი გამოიწვია. პრაქტიკულად ყველა საერთაშორისო ორგანიზაციამ და დასავლელმა პარტნიორებმა მხარეებს დიალოგისკენ მოუწოდეს. მოლაპარაკებების მაგიდასთან შეხვედრა შესთავაზა ოპოზიციას პრემიერ–მინისტრმა ირაკლი ღარიბაშვილმაც, რომელმაც პარლამენტში სამთავრობო პროგრამის წარდგენისას კრიტიკის ქარცეცხლში გაატარა ოპოზიცია.

ნიკა მელია 2019 წლის 20–21 ივნისს მასობრივი არეულობების ორგანიზების საქმეში ფიგურირებს. მან უარი განაცხადა შეფარდებული გირაოს მეორედ გადახდაზე. პროკურატურამ გამოძიების პერიოდში მისი წინასწარი პატიმრობა მოითხოვა. სასამართლომ 17 თებერვალს პროკურატურის შუამდგომლობა დააკმაყოფილა.

მელიამ ხელისუფლებას ბრალი დასდო პოლიტიკური პროცესებისგან მისი იზოლირების მცდელობაში და სასამართლოს გადაწყვეტილებას ფაქტობრივად დაუმორჩილებლობა გამოუცხადა.

80
თემები:
 „ცხელი გაზაფხული“:  პოლიტიკური ვნებათაღელვა საქართველოში (27)
ქართველო სამხედროები

საქართველო ავღანეთიდან მშვიდობისმყოფელებს გამოიყვანს

15
(განახლებულია 10:15 15.04.2021)
ავღანეთიდან ნატოს სამშვიდობო მისიაში მონაწილე სამხედრო ძალების გამოყვანის პროცესი 1 მაისიდან გრაფიკის მიხედვით დაიწყება

 

თბილისი, 15 აპრილი – Sputnik. საქართველოს ავღანეთიდან სამშვიდობო კონტინგენტი, რომელიც ნატოს მისია „მტკიცე მხარდაჭერაში“ მონაწილეობს, გამოჰყავს.

როგორც საქართველოს თავდაცვის მინისტრის განცხადებაშია ნათქვამი, ამასთან დაკავშირებით ქართული მხარე ორმხრივ ფორმატში კონსულტაციებს აწარმოებს როგორც ნატოსთან, ისე თავის ძირითად სტრატეგიულ პარტნიორ აშშ–სთან. ქართული ქვედანაყოფის ავღანეთიდან გამოყვანა მათთან კოორდინაციით მოხდება. 

 „საქართველო ავღანეთში სამშვიდობო მისიაში  2004 წლიდანაა ჩართული და ალიანსის არაწევრ–ქვეყნებს შორის და ერთ სულ მოსახლეზე მისიაში გაგზავნილი სამხედრო მოსამსახურეების რაოდენობის მიხედვით უმსხვილესი კონტრიბუტორია. ეს ფაქტი მკაფიოდ ცხადყოფს თუ რა მნიშვნელობას ანიჭებს საქართველო ნატოს წევრი და პარტნიორი ქვეყნების მხარდამხარ გლობალური უსაფრთხოების განმტკიცებას. მთელი ამ წლების განმავლობაში, მშვიდობისა და სტაბილურობის დაცვას ათასობით თავდაცვის ძალების სამხედრო მოსამსახურე ემსახურებოდა, რომელთაგან 32 დაიღუპა და არაერთი დაიჭრა“, – ნათქვამია თავდაცვის უწყების განცხადებაში.

განცხადებაში ასევე აღნიშნულია, რომ 1999 წლიდან დაწყებული ქართველმა მშვიდობისმყოფელებმა  ნატოს, აშშ-ის და ევროკავშირის ეგიდით მიმდინარე მისიებში არაერთხელ დაამტკიცეს მაღალი პროფესიონალიზმი, თავდადება და საერთო ღირებულებების დაცვისადმი ერთგულება.

თავდაცვის სამინისტრო უდიდეს მადლიერებას გამოხატავს თითოეული სამხედრო მოსამსახურის მიმართ ავღანეთის მისიებში გაწეული სამსახურისთვის და განსაკუთრებულ პატივს მიაგებს დაღუპულთა ხსოვნას.

ავღანეთიდან სამხედრო ძალების გამოყვანის პროცესი, პარტნიორებთან კოორდინაციით, 1 მაისიდან დაიწყება.

ნატოს არასაომარი სამშვიდობო მისია „მტკიცე მხარდაჭერა" (Resolute Support) ავღანეთში 2015 წლის 1 იანვრიდან ამოქმედდა. ნატოსა და ავღანეთს შორის არსებული ორმხრივი შეთანხმების თანახმად, ქვეყანაში იმყოფება 13 ათასი სამხედრო მოსამსახურე, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოს მხრიდან მისიაში მონაწილეობს 870-ზე მეტი ჯარისკაცი. ისინი ბაგრამის საავიაციო ბაზაზე, ქაბულსა და მაზარ-ი-შარიფში არიან დისლოცირებული.


15
თემები:
საქართველოს თავდაცვა
ირაკლი კობახიძე

სამწუხაროდ, არასწორი: კობახიძე „განდგომილი“ დეპუტატების შესახებ

19
(განახლებულია 11:37 15.04.2021)
გუშინ, მმართველი პარტიის რიგები ექვსმა დეპუტატმა დატოვა, შესაბამისად, „ქართულ ოცნებას“ პარლამენტში 84 წევრი დარჩა.

 

თბილისი, 15 აპრილი – Sputnik. მმართველი პარტია „ქართული ოცნება–დემოკრატიული საქართველოს“ თავმჯდომარე ირაკლი კობახიძე ექვსი დეპუტატის მიერ საპარლამენტო უმრავლესობის დატოვებას ეხმაურება და ყოფილი თანაპარტიელების მხრიდან გადადგმულ ნაბიჯს არასწორს უწოდებს. 

გუშინ, მმართველი პარტია „ქართული ოცნება – დემოკრატიული საქართველოს“ რიგები ექვსმა დეპუტატმა – გიორგი ხოჯევანიშვილმა, ბექა ლილუაშვილმა, ანა ბუჩუკურმა, ალექსანდრე მოწერელიამ, მიხეილ დაუშვილმა და შალვა კერესელიძემ – დატოვა. მათი განმარტებით, ისინი ყოფილი პრემიერ–მინისტრ გიორგი გახარიას გუნდში გადადიან და საკანონმდებლო ორგანოში საქმიანობას დამოუკიდებელი დეპუტატის რანგში გააგრძელებენ. 

„სამწუხაროა, რაც ჩვენ ვნახეთ. ეს არ იყო სწორი მოქმედება ბევრი მიზეზის, მათ შორის იმის გამო, რომ მანამდე არავითარი საუბარი, კონსულტაცია ამასთან დაკავშირებით არ ყოფილა. როდესაც არასწორად იწყებ პოლიტიკურ პროცესში ნაბიჯების გადადგმას, ეს პროცესი არასწორადაც გაგრძელდება. ასეთი დასაწყისით წარმატებული ვერავინ იქნება“, - განაცხადა კობახიძემ. 

 

გახარიამ პრემიერის პოსტის დატოვების შესახებ განცხადება 18 თებერვალს გააკეთა, რაც ყველასთვის, პირველ რიგში კი საკუთარი გუნდისთვის დიდი მოულოდნელობა იყო. ექს-პრემიერმა მიზეზად თავის გუნდთან – „ქართულ ოცნებასთან“ „ერთიანი ნაციონალური მოძრაობის“ თავმჯდომარის ნიკა მელიას დაპატიმრების საკითხზე უთანხმოება დაასახელა. მარტის ბოლოს ექს-პრემიერმა ერთთვიანი დუმილი დაარღვია და განაცხადა, რომ არ აპირებს პოლიტიკიდან წასვლას და მისი სამომავლო გეგმების შესახებ ცნობილი მალე გახდება.

საქართველოს ერთ-ერთი ყველაზე რეიტინგული პოლიტიკოსი მმართველი პარტია „ქართული ოცნება – დემოკრატიული საქართველოს“ დამფუძნებლის ბიძინა ივანიშვილის ფავორიტად და მინისტრთა კაბინეტში ყველაზე გავლენიან ფიგურად ითვლებოდა.

გახარიას მთავრობის მეთაურის პოსტი 2019 წლის სექტემბრიდან 2021 წლის 18 თებერვლამდე ეკავა.

აშშ-ის საერთაშორისო რესპუბლიკური ინსტიტუტის (IRI) მიერ ჩატარებულ საზოგადოებრივი აზრის ბოლო კვლევაში (2–26 თებერვალი) პოპულარული ადამიანების რეიტინგში გახარიამ მეორე ადგილი დაიკავა – მის მიმართ სიმპათიითაა განწყობილი მოსახლეობის 65%. პირველ ადგილზეა სრულიად საქართველოს კათოლიკოს–პატრიარქი 89%-ით, ხოლო მესამეზეა თბილისის მერი კახა კალაძე 54%-ით.

 

19
თემები:
საქართველოს პოლიტიკური ცხოვრება
ვაკის პარკი

ხმალაძე: ვაკის პარკში სასტუმრო არ აშენდება

0
(განახლებულია 10:39 15.04.2021)
დედაქალაქის მერიისთვის მიუღებელია ვაკის პარკში სასტუმროს აშენება, ამიტომ ინვესტორს მსგავსი ობიექტების არარეკრეაციულ ზონაში აგებას სთავაზობენ.

 

თბილისი, 15 აპრილი – Sputnik. ვაკის პარკის ტერიტორიაზე სასტუმროს მშენებლობას არ დავუშვებთ, განაცხადა თბილისის ვიცე-მერმა ირაკლი ხმალაძემ ტელეკომპანია „იმედის“ ეთერში. 

სკანდალი სასტუმრო „ბუდაპეშტის“ ირგვლივ მერამდენე წელია გრძელდება. ინვესტორმა გიორგი ზაქაიძემ ვაკის პარკში სასტუმროს აშენების უფლება დიდი ხნის წინ მოიპოვა, თუმცა, მშენებლობის დაწყება რამდენჯერმე გადავადდა.

ხმალაძის განცხადებით,  ვაკის პარკის ტერიტორიაზე სასტუმროს მშენებლობის გადაწყვეტილება თბილისის ყოფილი მერის გიგი უგულავას დანაშაულებრივი გადაწყვეტილება იყო. ინვესტორს კახა კალაძის უწყებამ ორი ალტერნატიული ვარიანტი შესთავაზა – სასტუმროს აშენება სხვა ტერიტორიაზე ან ამ ტერიტორიის მერიისთვის მიყიდვა. თუმცა, მხარეებს შორის შეთანხმების მიღწევა ამ დრომდე ვერ მოხერხდა.

„სასტუმროს მშენებლობაზე ნებართვა 2013 წელს გამონაკლისის წესითაა გაცემული, დღეს ეს მიწის ნაკვეთი 20 მილიონ ლარადაა შეფასებული. მუნიციპალიტეტს უჭირს ამ ოდენობის კომპენსაციის გადახდა, ამიტომაც ვეცდებით ადგილმონაცვლეობის თაობაზე შეთანხმებას მივაღწიოთ... მიუხედავად ყველაფრისა, ჩვენ კიდევ ერთხელ ვაცხადებთ, რომ პარკის ტერიტორიაზე სასტუმროს მშენებლობა არ განხორციელდება“, – განაცხადა ხმალაძემ.

მისი თქმით, საუბარია 2,8 ათას კვადრატულ მიწის ნაკვეთზე, რომელიც აუდიტორულმა კომპანიამ 20 მლნ ლარად შეაფასა.

 „ბუდაპეშტის“ რთული ბედი

„მწვანე“ აქტივისტები არაერთი წელი იცავდნენ ვაკის პარკს. გარემოსდამცველებმა სასამართლოსაც მიმართეს მას შემდეგ, რაც 2013 წელს მერიამ 8-9-სართულიანი სასტუმროს მშენებლობაზე უვადო ნებართვა გასცა. იმ დროს მერიას მიხეილ სააკაშვილის გუნდის წევრი გიგი უგულავა ხელმძღვანელობდა.

ვაკის პარკი იკეტება: რას გეგმავს მერია>>>

რაც შეეხება სასამართლოს, სამივე ინსტანციამ მიიჩნია, რომ მერია თავის დროზე კანონის დაცვით მოქმედებდა და ამიტომაც მხარი ინვესტორს დაუჭირეს.

ვიდრე საქმე სასამართლოებში იხილებოდა, მშენებლობა შეჩერებული იყო, მაგრამ როგორც კი უზენაესმა სასამართლომ გადაწყვეტილება გამოიტანა, საკითხი კვლავ აქტუალური გახდა და თბილისის მერიამ სწრაფად მოქმედება დაიწყო. თბილისის მერმა კახა კალაძემ პირობა დადო, რომ ვაკის პარკში სასტუმროს მშენებლობას არ დაუშვებს.

2019 წლის 25 იანვრიდან დღემდე კომპანიამ და თბილისის მერიამ ურთიერთშეთანხმებას ვერ მიაღწიეს.

0
თემები:
თბილისის მერია