ანზორ მელია საპროტესტო აქციაზე

ანზორ მელია: „ნიკა ვაჟკაცია და ყველაფერს გაუძლებს...“

66
(განახლებულია 22:01 23.02.2021)
რუსთაველის გამზირზე მიმდინარე აქციაზე ერთიანი ნაციონალური მოძრაობის ლიდერის, ნიკა მელიას დაპატიმრებას აპროტესტებენ

თბილისი, 23 თებერვალი - Sputnik. რუსთაველის გამზირზე მიმდინარე საპროტესტო აქციას ოპოზიციური პარტია „ერთიანი ნაციონალური მოძრაობის" თავმჯდომარის ნიკა მელიას მამა, ანზორ მელია შეუერთდა. ნიკა მელია დღეს დილით დააკავეს.

რუსთაველზე შეკრებილი მომიტინგეები ნიკა მელიას დაკავებას აპროტესტებენ და მის გათავისუფლებას ითხოვენ. 23 თებერვალს, დილით, შსს–ს სპეციალური დანიშნულების რაზმმა მთავარი ოპოზიციური პარტია „ერთიანი ნაციონალური მოძრაობის“ ლიდერი პარტიის ოფისში დააკავა.

„ნიკა ძალიან ვაჟკაცია და ის გაუძლებს ყველაფერს, ჯანმრთელობა მინდა ვუსურვო და ამ მთავრობას მინდა მივმართო, ვერაფერს ვერ გააკეთებთ, ხალხს ვერ დააჩოქებთ. საქართველოში მალე გათენდება", - განაცხადა ანზორ მელიამ.

ანზორ მელიას თქმით, მიუხედავად მძიმე დღეებისა და დღევანდელი დილისა, ის დღეს ბედნიერია, იმიტომ, რომ ამდენ მოსიყვარულე გულებს ხედავს მისი შვილის გვერდით.

„ეს წარმოუდგენელი იყო, იმიტომ რომ არ მოველოდი ასეთ ასაკში ამხელა სიყვარულის მოპოვებას“, - განაცხადა ანზორ მელიამ.

ნიკა მელიას დაკავების შემდეგ ოპოზიციონერმა ლიდერებმა მოქალაქეებს საპროტესტო აქციაზე მოსვლისკენ მოუწოდეს და სახალხო–განმათავისუფლებელი მოძრაობის დაწყების შესახებ განაცხადეს.

ოპოზიციონერი ლიდერები მოქალაქეებთან ერთად მთავრობის ადმინისტრაციასთან შეიკრიბნენ, მოგვიანებით კი ოპოზიციური  რუსთაველის გამზირზე, პარლამენტის შენობასთან გადაინაცვლეს. საქართველოს პარლამენტის შენობის წინ შეკრებილმა აქციის მონაწილეებმა რუსთაველის გამზირი გადაკეტეს და კარვები გაშალეს.

გავრცელებული ინფორმაციით, აქციის მონაწილეებს სამართალდამცველებმა კარვების გაშლაში ხელი არ შეუშალეს.

დღეს გამართულ აქციაზე ოპოზიციამ 26 თებერვალს ფართომასშტაბიანი საპროტესტო აქცია-მსვლელობაც დააანონსა. როგორც დღევანდელ აქციაზე „ნაცმოძრაობის“ ერთ-ერთმა ლიდერმა ხატია დეკანოიძემ განაცხადა, 26 თებერვალს აქცია 15:00 საათზე ფილარმონიიდან მსვლელობით დაიწყება.

რაც შეეხება დღევანდელ აქცია-მსვლელობას, ის უკვე დასრულდა და რუსთაველის გამზირზე ტრანსპორტის მოძრაობა აღდგა.

ნიკა მელია 2019 წლის 20 ივნისს მასობრივი არეულობების ორგანიზების საქმეში ფიგურირებს. მან უარი განაცხადა შეფარდებული გირაოს მეორედ გადახდაზე. პროკურატურამ გამოძიების პერიოდში მისი წინასწარი პატიმრობა მოითხოვა. სასამართლომ 17 თებერვალს პროკურატურის შუამდგომლობა დააკმაყოფილა. შსს–მ 18 თებერვალს მელიას დაკავება გადადო, რომლის მიზეზიც გიორგი გახარიას მიხრიდან თანამდებობის დატოვება გახდა.

66
კარვები პარლამენტის შენობასთან

სკანდალი აქციაზე კარვის გამო: რა ხდება რუსთაველზე?

77
პოლიცია ოპოზიციის აქციაზე მას შემდეგ გამოჩნდა, რაც აქტივისტებმა ბათუმიდან ჩამოტანილი კარავი გზის სავალ ნაწილზე დადგეს

თბილისი, 26 თებერვალი – Sputnik. პოლიციამ აქტივისტებს გონუვრული ვადა მისცა იმისთვის, რომ მათ პარლამენტის შენობასთან, გზის სავალ ნაწილზე გაშლილი კარავი აიღონ, იუწყება Sputnik–საქართველოს კორესპონდენტი მოვლენების ადგილიდან.

პოლიცია ადგილზე მხოლოდ მას შემდეგ გამოჩნდა, რაც აქტივისტებმა კარავი გზის სავალ ნაწილზე დადგეს.

ისინი ხელს ვერ შეგვიშლიან კარვის გაშლაში, რადგან აქ  ბევრი ხალხია, განაცხადა ერთ–ერთმა აქტივისტმა ნიკა ნარსიამ.

მან ასევე აღნიშნა, რომ კარავი პარლამენტის ტერიტორიაზე ბათუმიდან გადმოიტანა, სადაც საპროტესტო აქცია დღემდე მიმდინარეობდა.

ამ დროისთვის პარლამენტის შენობასთან რამდენიმე ასეული ადამიანი იმყოფება. ნაწილმა კარვები ტროტუარზე გაშალა და ახლა მუსიკას უსმენს.

77
ოპოზიციის აქცია

კარვების ქალაქი, პროტესტი კანცელარიასთან და კონცერტი: ოპოზიციის აქცია გრძელდება

34
ათასობით ადამიანი თბილისის ცენტრისკენ მსვლელობით გაემართა, შემდეგ კი აქცია პარლამენტის შენობასთან მოაწყო. ოპოზიციის ლიდერებმა აქ თავიანთი უახლოესი გეგმები გამოაცხადეს

თბილისი, 26 თებერვალი – Sputnik. საპროტესტო აქციის მონაწილეები მთავრობის კანცელარიისკენ მიემართებიან, ამავე დროს პარლამენტთან საკონცერტო სცენა და კარვების ქალაქი ეწყობა.

თბილისის ცენტრისკენ ათასობით ადამიანი მსვლელობით გაემართა, შემდეგ გაიმართა აქცია პარლამენტის შენობასთან. ოპოზიციის ლიდერებმა აქ უახლოესი ორი კვირის გეგმა გამოაცხადეს.

ოპოზიციის გეგმებშია პარლამენტისა და სამთავრობო კანცელარიის პიკეტირება, აქციები შსს–სთან და თბილისის საქალაქო სასამართლოსთან. ეს ყველაფერი ახალი მასშტაბური საპროტესტო აქციით დასრულდება.

ამ დროისთვის აქციის მონაწილეები მთავრობის კანცელარიისკენ ინაცვლებენ. იქ განაცხადებენ თავიან მოთხოვნებს პოლიტპატიმრების გათავისუფლებისა და ვადამდელი საპარლამენტო არჩევნების ჩატარების შესახებ, შემდეგ დაბრუნდებიან პარლამენტთან, სადაც საკონცერტო სცენის მოწყობა მიმდინარეობს.

პარლამენტის გვერდით დგამენ კარვებს, სადაც მომიტინგეები ღამის გატარებას აპირებენ.

34
თემები:
საქართველოს პოლიტიკური ცხოვრება
პატრული

სახელმწიფო ინსპექტორის სამსახურმა ზუგდიდში მომხდარ ფაქტთან დაკავშირებით გამოძიება დაიწყო

0
(განახლებულია 20:18 26.02.2021)
სავარაუდო დამნაშავემ, სამართალდამცველების მისამართით ცეცხლი გახსნა, რასაც პოლიციის მხრიდან საპასუხო სროლა მოყვა

 

თბილისი, 26 თებერვალი – Sputnik. ზუგდიდში დევნის ოპერაციის მიმდინარეობისას, შინაგან საქმეთა სამინისტროს თანამშრომლების მიერ იარაღის გამოყენებით განხორციელებული სამსახურებრივი უფლებამოსილების სავარაუდო გადამეტების ფაქტზე გამოძიება დაიწყო, ნათქვამია სახელმწიფო ინსპექტორის სამსახურის მიერ გავრცელებულ განცხადებაში.

ყაჩაღობის ფაქტი ზუგდიდში, რუსთაველის ქუჩაზე 26 თებერვალს, დღის პირველ ნახევარში მოხდა.

გავრცელებული ინფორმაციით, ცეცხლსასროლი იარაღით შეიარაღებული პირი ოქროს ბირჟაზე შეიჭრა და ერთ-ერთ გამყიდველს ოქროს ნივთები იარაღის მუქარით გასტაცა, რის შემდეგაც შემთხვევის ადგილიდან მიიმალა. სამართალდამცველებმა მომხდარი ფაქტიდან უმოკლეს დროში დაიწყეს ოპერატიული და საგამოძიებო ღონისძიებები. 

რუსთაველის ქუჩიდან მოშორებით, დანაშაულის სავარაუდო ჩამდენმა პირმა, მას შემდეგ, რაც სამართალდამცველები შენიშნა, მათი მიმართულებით ცეცხლი გახსნა, რასაც პოლიციის მხრიდან, „პოლიციის შესახებ“ საქართველოს კანონის თანახმად, უკიდურესი ღონისძიების სახით, საპასუხო სროლა მოჰყვა.

შემთხვევის ადგილზე თავდამსხმელი - 1996 წელს დაბადებული პირი პოლიციამ უგონო მდგომარეობაში ნახა, რის შემდეგაც სამართალდამცველებმა სასწრაფო სამედიცინო დახმარების ბრიგადა გამოიძახეს, თუმცა მამაკაცის გადარჩენა ვერ მოხერხდა.

უწყების ინფორმაციით, გამომძიებლების მიერ ამ ეტაპზე ტარდება პირველადი საგამოძიებო მოქმედებები. ამასთან, გარდაცვალების მიზეზის დადგენის მიზნით ჩატარდება შესაბამისი ექსპერტიზები.

უწყების ინფორმაციით, საქმეზე გამოძიება სამსახურებრივი უფლებამოსილების სავარაუდო გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ" ქვეპუნქტი მიმდინარეობს.

0
თემები:
შემთხვევები საქართველოში