ნაცმოძრაობის ოფისი

მელიას დაკავება „ქართულ ოცნებას“ წერტილს დაუსვამს ოპოზიციის ლიდერების განცხადებები

51
(განახლებულია 19:30 23.02.2021)
„Sputnik-საქართველომ“ თავი მოუყარა ოპოზიციური პარტიების წარმომადგენლების კომენტარებს დღის მთავარ მოვლენაზე – ქვეყნის მთავარი ოპოზიციური პარტიის ლიდერის ნიკა მელიას დაკავების ფაქტზე.

თბილისი, 23 თებერვალი – Sputnik. პრემიერ-მინისტრის თანამდებობაზე ირაკლი ღარიბაშვილის დანიშვნისთანავე საქართველოს ყველაზე მსხვილი ოპოზიციური პარტია „ერთიანი ნაციონალური მოძრაობის“ ლიდერის ნიკა მელიას დაკავების ფაქტს მისი თანამოაზრეები აფასებენ. 

როგორც ოპოზიციაში აღნიშნავენ, დღევანდელი მოვლენები საქართველოს პროდასავლურ განვითარებას საფრთხის ქვეშ აყენებს. 

Зураб Джапаридзе в офисе Единого нацдвижения 17 февраля 2021 года
© Sputnik / Vladimir Umikashvili
ზურაბ ჯაფარიძე "ნაცმოძრაობის" ოფისში

პარტია „გირჩი - მეტი თავისუფლების“ ლიდერი ზურაბ ჯაფარიძე მიიჩნევს, რომ დღეს, დილით განვითარებული მოვლენების წყალობით დიდი ხნით გადაიდო ევროკავშირსა და ნატოში საქართველოს გაწევრიანების პერსპექტივა.

„საქართველოს განვითარებას და ცივილიზებული, თავისუფალი სამყაროსკენ მისწრაფებას, რომელსაც ჩვენ ნატოსა და ევროკავშირს ვუწოდებთ, წერტილი დაესვა. ეს ნაბიჯი გადაიდგა, ყველაფერი დანარჩენი – ტექნიკური საკითხია. არავინ არც ნატოში და არც ევროკავშირში არ მიიღებს ქვეყანას, სადაც ყველაზე მსხვილი ოპოზიციური პარტიის ლიდერს აკავებენ“, – განაცხადა ზურაბ ჯაფარიძემ. 

Гиги Угулава. Масштабная акция протеста оппозиции в воскресенье 8 ноября 2020 перед зданием парламента Грузии
© Sputnik / Vladimir Umikashvili
ოპოზიციის ლიდერი გიგი უგულავა

„ევროპული საქართველოს“ ერთ-ერთი ლიდერის გიგი უგულავას თქმით, დღეს ივანიშვილმა საკუთარ თავს „წერტილი დაუსვა“.

„მე პირადად, როგორც ბევრი სხვა ადამიანი, ვპირდები ივანიშვილს, რომ დღევანდელი დღე მისთვის წყალგამყოფი გახდება. დღეს მან საკუთარ თავს წერტილი დაუსვა, მას უკვე აღარ შეუძლია ამ ქვეყანაში ცხოვრება, ამ ქვეყანაში მისი ადგილი არ არის“, – აღნიშნა უგულავამ.

პარტიის „ლელო საქართველოსთვის“ ლიდერმა მამუკა ხაზარაძემ ნიკა მელიას დაკავებას ქვეყნის დემოკრატიული ინსტიტუტებისთვის საფრთხე უწოდა. 

Мамука Хазарадзе. Оппозиция подписывает меморандум об отказе от депутатских мандатов 11 декабря 2020 года
© Sputnik / STRINGER
ოპოაიციური პარტია "ლელო საქართველოსთვის" ლიდერი მამუკა ხაზარაძე

„საუბარია არა მელიას, არამედ დემოკრატიული ინსტიტუტების თავისუფლებაზეც. ამ ქვეყანაში ერთი ადამიანის მმართველობა უნდა დასრულდეს. დემოკრატიისა და კანონის გარეშე ამ ქვეყანაში ჩვენს შვილებს მომავალი არ აქვს. ხალხო, იბრძოლეთ შვილებისთვის!“ – განაცხადა ხაზარაძემ.

მისი თქმით, ქვეყნის მომავლისთვის აუცილებელია რიგგარეშე არჩევნების ან პლებისციტის ჩატარება.

პოლიტიკოს ელენე ხოშტარიას აზრით, დღევანდელი მოვლენები ბიძინა ივანიშვილის მხრიდან ქართული საზოგადოებისთვის, თავისი მოქალაქეებისთვის კიდევ ერთი სერიოზული გამოწვევაა. მისი სიტყვებით, საზოგადოება პროტესტის გამოსახატად დღეს მთავრობის კანცელარიის შენობასთან უნდა შეიკრიბოს. 

Элене Хоштария. Акция-перформанс у здания парламента в связи с судебным процессом вокруг председателя Единого нацдвижения Ники Мелия - 16 февраля 2021 года
© Sputnik / Alexander Imedashvili
ოპოზიციის ერთ–ერთი ლიდერი ელენე ხოშტარია აქციაზე

„ადამიანები ძალიან დიდხანს ითხოვდნენ სასწრაფო დახმარებას, მაგრამ პასუხი არ იყო. ეს იყო სისასტიკე, რომელიც ბიძინა ივანიშვილმა ღარიბაშვილის ხელით დაგვანახა. ჩვენი პოზიცია უცვლელია: ჩვენ ვართ ერთიანი, მშვიდობიანი, პრინციპული და ვაგრძელებთ დაუმორჩილებლობას. დღეს კანცელარიასთან 15:00 საათზე ველოდებით ყველას, ყველა იმ მოქალაქეს, რომლებიც აფასებენ თავისუფლებისთვის ბრძოლას, რომელსაც ბიძინა ივანიშვილი თავს ესხმის“, – აღნიშნა ხოშტარიამ.

საქართველოს ყველაზე მსხვილი ოპოზიციური პარტია „ერთიანი ნაციონალური მოძრაობის“ ლიდერი ნიკა მელია სამშაბათს, დილით სპეცოპერაციის შედეგად დააკავეს. მელია ფიგურირებს 2019 წლის 20–21 ივნისის ღამით მასობრივი არეულობის ორგანიზების საქმეში. მან უარი განაცხადა გირაოს გადახდაზე. პროკურატურამ მისი დაკავება მოითხოვა. 17 თებერვალს სასამართლომ პროკურატურის შუამდგომლობა დააკმაყოფილა.

51
აქცია მთავრობის ადმინისტრაციასთან

ოპოზიცია საპროტესტო აქციისთვის ემზადება

14
(განახლებულია 12:38 26.02.2021)
ხელისუფლებამ უსაფრთხოების ზომები უკვე მიიღო. კანცელარიისა და პარლამენტის ეზოებში პოლიციის თანამშრომლები არიან მობილიზებული

თბილისი, 26 თებერვალი – Sputnik. ოპოზიციური პარტიების წარმომადგენლებმა დაიწყეს მზადება მასშტაბური საპროტესტო აქციისთვის ლოზუნგით „თავისუფლებისთვის“ – დაიძრნენ კოლონები რეგიონებიდან, პარლამენტის შენობასთან სცენა მონტაჟდება.

აქციის მონაწილეები ფილარმონიიდან პარლამენტის შენობისკენ მსვლელობით გაემართებიან, შემდეგ პარლამენტთან ძირითადი მიტინგი გაიმართება, ხოლო შემდეგ აქციის მონაწილეები სახელმწიფო კანცელარიასთან გადაინაცვლებენ და პროტესტს იქ დაასრულებენ.

აქციაზე რეგიონების წარმომადგენლებს ელოდებიან. ავტომობილების კოლონების ნაწილი უკვე გამოემართა თბილისისკენ, ხოლო ნაწილი წამოსასვლელად ემზადება. აქციისთვის ემზადებიან ასევე თბილისის ცენტრის სხვადასხვა ნაწილში და შემდეგ ძირითად მსვლელობას შეუიერთდებიან.

ამავდროულად, სახელმწიფომ უკვე მიიღო უსაფრთხოების ზომები. კანცელარიისა და პარლამენტის ეზოებში მობილიზებული არიან სამართალდამცველები. პოლიციელები ასევე დაიცავენ წესრიგს აქციის ჩატარების ადგილზე.

პროტესტის მიზეზი 23 თებერვალს „ერთიანი ნაციონალური მოძრაობის“ ლიდერის ნიკა მელიას დაკავებაა. აქციაზე ისინი მოითხოვენ მელიასა და სხვა პოლიტპატიმრების გათავისუფლებას და ასევე ვადამდელი საპარლამენტო არჩევნების ჩატარებას.

მელიამ უარი განაცხადა გირაოს გადახდაზე, რომელიც მას თბილისში არეულობების საქმეზე შეუფარდეს, რადგან ეს უკანონობად მიაჩნია. თბილისის საქალაქო სასამართლომ მას აპტიმრობა შეუფარდა.

ოპოზიციონერი ლიდერი სასამართლოს გადაწყვეტილებიდან მეექვს დღეს დააკავეს, რამაც დიდი საერთაშორისო რეზონანსი გამოიწვია. აქციის წინ გენერალურმა პროკურატურამ განაცხადა, რომ მელიას გაათავისუფლებს, თუ ის გირაოს თანხას გადაიხდის. მელია კი გირაოს გადახდას არა პირებს.

14
თემები:
საქართველოს პოლიტიკური ცხოვრება
ხატია დეკანოიძე

გადაიხდის თუ არა გირაოს ნიკა მელია - დეკანოიძე პროკურატურის განცხადებას ეხმაურება

91
(განახლებულია 20:58 25.02.2021)
პროკურატურა მზად არის, რომ გირაოს გადახდის შემთხვევაში ნიკა მელიას სასამართლოსთან პატიმრობის გირაოთი შეცვლის თაობაზე უშუამდგომლოს.

თბილისი, 25 თებერვალი - Sputnik. ოპოზიციური პარტია „ერთიანი ნაციონალური მოძრაობის“ წევრი ხატია დეკანოიძე გენერალური პროკურატურის განცხადებას ნიკა მელიას საქმესთან დაკავშირებით აბსურდულს უწოდებს და აცხადებს, რომ მელიას გადაწყვეტილება გირაოს გადაუხდელობასთან დაკავშირებით არ იცვლება, იუწყება „პირველი არხი“.

„ნიკა მელიას გადაწყვეტილება იგივე რჩება... ნიკა არის ძალიან მხნედ, ძალიან კარგად“, - განაცხადა დეკანოიძემ.

დღეს გენერალურ პროკურატურაში გააკეთეს განცხადება, რომ უწყება მზად არის მიმართოს თბილისის საქალაქო სასამართლოს შუამდგომლობით ნიკა მელიას მიმართ გამოყენებული აღკვეთის ღონისძიების - პატიმრობის გირაოთი შეცვლის თაობაზე, თუ ის 2020 წლის ნოემბერში მისთვის დაკისრებულ 40 ათასიან გირაოს გადაიხდის.

უწყებაში გაკეთებული განცხადების პასუხად ხატია დეკანოიძე აცხადებს, რომ აღნიშნული გადაწყვეტილება მთლიანად ემსახურება პოლიტიკურ მართლმსაჯულებას, ხოლო მელიასთვის გირაოს დაკისრება უსამართლო ოყო.

„პროკურატურის ეს შეშინებული განცხადება ემსახურებოდა მხოლოდ და მხოლოდ იმას, მათ როგორმე მიაღწიონ სასურველ მიზანს, რომ ნიკა მელიამ გადაიხადოს გირაო და მხოლოდ ამ უსამართლობაში თანამონაწილეობით მიიღოს თავისუფლება.

შსს-ს სპეციალური დანიშნულების რაზმმა მთავარი ოპოზიციური პარტია „ერთიანი ნაციონალური მოძრაობის“ ლიდერი ნიკა მელია პარტიის ოფისში 23 თებერვალს დააკავა. 17 თებერვალს თბილისის საქალაქო სასამართლომ მელიას 2019 წლის 20–21 ივნისის საქმესთან დაკავშირებით დაუსწრებლად პატიმრობა შეუფარდა. ეს მას შემდეგ მოხდა, რაც მელიამ უარი განაცხადა გირაოს გადახდაზე, რომელიც მას აღკვეთის ალტერნატიულ ღონისძიებად შეეფარდა.

მელიას დაკავებამ საერთაშორისო რეზონანსი გამოიწვია და ქვეყანაში პოლიტიკური კრიზისი კიდევ უფრო გააღრმავა და გაამწვავა. ოპოზიციის მომხრეები პარასკევს 26 თებერვალს თბილისში მასშტაბურ აქციას გეგმავენ, სადაც ოპოზიცია თავის მოთხოვნებს გააჟღერებს, მათ შორის ნიკა მელიას გათავისუფლებას მოითხოვს.

91
კომპიუტერთან

ვირტუალური ხელოვნება: საქართველოში იწყება ახალი პროექტი „პირველი არხი სცენა“

0
(განახლებულია 12:39 26.02.2021)
პროექტი გააერთიანებს ყველა საინტერესო მოვლენასა და ადამიანს კინოს, თეატრის, მუსიკის, სახვითი ხელოვნების, ქორეოგრაფიისა და ხელოვნების სხვა სფეროებიდან

თბილისი, 26 დეკემბერი – Sputnik. საქართველოს საზოგადოებრივი მაუწყებელი იწყებს ახალ პროექტს „პირველი არხი – სცენა“, რომელიც ერთ ციფრულ პლატფორმაზე ხელოვნების სხვადასხვა სფეროს გააერთიანებს.

როგორც პირველი არხის განცხადებაშია აღნიშნული, პანდემიის გამო ხელოვნების  სფეროს თვითგამოხატვის ხელმისაწვდომი ფორმებით სარგებლობის შესაძლებლობა აღარ აქვს, ამიტომ საზოგადოებრივი მაუწყებელი მათ ახალ ონლაინ–ალტერნატივას სთავაზობს.

პირველი არხი – სცენა“ – ესაა ვირტუალური სივრცე, რომელიც ნებისმიერ მსურველს აძლევს საშუალებას, მოისმინოს კონცერტი ქართველი შემსრულებლების შესრულებით, ნახოს ქართული ფილმები, თეატრალური დადგმები, ცნობილი ქართველი ფოტოგრაფების გამოფენები და ნამუშევრები. გარდა ამისა, პორტალზე იქნება სხვადასხვა კონცერტის პირდაპირ ტრანსლაციაზე დასწრების შესაძლებლობა ვირტუალური ბილეთის საშუალებით, ასევე დაინტერესებულ პირებს აქვთ თანხის გადარიცხვის შესაძლებლობა, რათა დაეხმარონ ხელოვნების სფეროების წარმომადგენლებს.

ორგანიზატორებმა უკვე დააანონსეს პროექტის პირველი ცოცხალი კონცერტი, ესაა „ჯაზის საღამო“, რომელიც 28 თებერვალს გაიმართება და მასში მონაწილეობას მიიღებენ JANNGO, ნინი ნუცუბიძე, ანა დოი, ბექა გოჩიაშვილი, ლევან დეისაძე და ზაზა ცერცვაძე.

0
თემები:
საქართველო და კულტურა