ირაკლი ღარიბაშვილი

პირველი ვიზიტი: სად გაემგზავრება ღარიბაშვილი პრემიერ–მინისტრის რანგში

56
(განახლებულია 16:16 22.02.2021)
საქართველოს პრემიერ–მინისტრობის კანდიდატი ირაკლი ღარიბაშვილი პირველ რიგში ბრიუსელსა და ბაქოს ეწვევა.

 

თბილისი, 22 თებერვალი – Sputnik. ირაკლი ღარიბაშვილი პრემიერ–მინისტრის რანგში ბრიუსელში მიმდინარე წლის მარტში გაემგზავრება, ამის შესახებ პოლიტიკოსმა პარლამენტში გამოსვლისას განაცხადა. 

ამ დროისთვის საკანონმდებლო ორგანოში ირაკლი ღარიბაშვილის ხელმძღვანელობით მთავრობის ახალი შემადგენლობის დამტკიცების საკითხს განიხილავენ. პარლამენტს აღნიშნული კანდიდატურა მმართველმა პარტია „ქართული ოცნება – დემოკრატიულმა საქართველომ“ წარუდგინა. ღარიბაშვილს პრემიერის პოსტი 2013–2015 წლებშიც ეკავა.

 „ბრიუსელში 15–17 მარტს დაგეგმილია მაღალი დონის შეხვედრები საქართველოს ევროკავშირთან ასოცირების შეთანხმების თაობაზე, სადაც საგარეო საქმეთა მინისტრ დავით ზალკალიანთან ერთად გავემგზავრები“, – განაცხადა გახარიამ.

2014 წელს საქართველომ ევროკავშირთან ხელი მოაწერა ასოცირების შეთანხმებას, რომლის განუყოფელი ნაწილია შეთანხმება ღრმა და ყოვლისმომცველი თავისუფალი ვაჭრობის ზონის შესახებ. მაშინ აღნიშნულ დოკუმენტს ხელი სწორედ ირაკლი ღარიბაშვილმა მოაწერა, რომელიც საქართველოს პრემიერ–მინისტრი იყო.

გარდა ამისა, ღარიბაშვილი ვიზიტს გეგმავს მეზობელ აზერბაიჯანშიც, რომელიც საქართველოს სტრატეგიული პარტნიორია.

 „აზერბაიჯანი ჩვენს მოძმე სახელმწიფოა, რომელსაც გონიერი მმართველი ჰყავს, რომელთანაც ძალიან კარგი ურთიერთობები მაქვს და ერთ–ერთი ჩემი პირველი  ვიზიტი, ალბათ, აზერბაიჯანში შედგება მას შემდეგ, რაც ეპიდვითარება ამის საშუალებას მოგვცემს“, – განაცხადა ღარიბაშვილმა. 

პოლიტიკოსის თქმით, აზერბაიჯანის პრეზიდენტ ილჰამ ალიევთან შეხვედრისას ერთ–ერთი მთავარი თემა დავით–გარეჯთან დაკავშირებით შექმნილი ვითარება იქნება.

საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული. ერთ-ერთ სადავო მონაკვეთზე მდებარეობს მეექვსე საუკუნის დავით–გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს.

გასულ წელს საქართველოს პროკურატურამ „უცხო ქვეყნისთვის საქართველოს ტერიტორიის ნაწილის გადაცემის“ მუხლით სისხლის სამართლის საქმე აღძრა, რომელიც სწორედ საზღვრის სადავო მონაკვეთს ეხება.

56
თემები:
მთავრობის ახალი შემადგენლობა: ვინ ჩაიბარებს მინისტრის პორტფელს
გაერთიანებული ოპოზიციის საპროტესტო აქცია. 26.02.2021

ოპოზიცია პარლამენტთან მშვიდობიან პროტესტს აანონსებს

61
ყველაფერი დაიწყება დილით მჯდომარე პროტესტით პარლამენტთან, დღისით კი ოპოზიციის წარმომადგენლები შენობის პიკეტირებას აანონსებენ

თბილისი, 27 თებერვალი – Sputnik. 2 მარტს საქართველოს პარლამენტის შენობის პიკეტირების მიზანს არ წარმოადგენს ძალადობის პროვოკაცია, განაცხადა ყველაზე მსხვილი ოპოზიციური პარტია „ერთიანი ნაციონალური მოძრაობის“ ერთ-ერთმა ლიდერმა, თინა ბოკუჩავამ.

ოპოზიციამ დააანონსა პარლამენტის შენობის პიკეტირება სამშაბათს, პლენარული სხდომის დღეს, რამაც ექსპერტებში სიტუაციის კიდევ უფრო მეტი დაძაბულობის პროვოცირების შიში გამოიწვია.

„აქცია მიზნად არ ისახავს ე.წ. დეპუტატების გადაადგილების თავისუფლების შეზღუდვას საფეხმავლო ნაწილზე. ისინი იძულებული გახდებიან, ჩვენი მშვიდობიანი პროტესტის ფონზე, გადმოსხდნენ საკუთარი ძვირად ღირებული მანქანებიდან, რადგან საავტომობილო გზაზე ვაპირებთ, გამოვხატოთ ჩვენი პროტესტი მშვიდობიანი გზით“, - განაცხადა ბოკუჩავამ.

მან აღნიშნა, რომ პიკეტის მიზანია აიძულონ დეპუტატებს ხალხის ხმა გაიგონონ.

გარდა ამისა, აქციაზე კიდევ ერთხელ გაჟღერდება ოპოზიციის მოთხოვნები: ვადამდელი არჩევნები და პოლიტპატიმართა გათავისუფლება.

ხოლო პარტია „ლელოს“ წარმომადგენელმა თაზო დათუნაშვილმა დააზუსტა, რომ პარლამენტთან ასევე იქნება მჯდომარე პროტესტი, რომელიც 09:00 საათზე დაიწყება.

საქართველოში პოლიტიკური კრიზისი „ერთიანი ნაციონალური მოძრაობის“ ლიდერის ნიკა მელიას დაპატიმრების შემდეგ გამწვავდა. ოპოზიცია გავიდა ქუჩებში და ორი კვირის განმავლობაში საპროტესტო აქციების გამართვას გეგმავს, რომლებიც, ლიდერების თქმით, მხოლოდ იმ შემთხვევაში გადაიდება, თუ მმართველ პარტიასთან „ქართული ოცნება - დემოკრატიული საქართველო“ მოლაპარაკების პროცესი განახლდება.

 

 

61
ოპოზიციის აქცია. 26/02/2021

რუსთაველის გამზირზე გზის გადაკეტვას კიდევ ერთი ოპოზიციური პარტია ემიჯნება

80
(განახლებულია 14:59 28.02.2021)
ოპოზიცია გეგმავს პარლამენტისა და მთავრობის კანცელარიის პიკეტირებას, ასევე აქციებს შსს-სთან და თბილისის საქალაქო სასამართლოსთან.

თბილისი, 27 თებერვალი - Sputnik. ოპოზიციური პარტია „სტრატეგია აღმაშენებელი“ რუსთაველის გამზირზე გზის სავალი ნაწილის კარვებით გადაკეტვის იდეას არ ეთანხმება და მიიჩნევს, რომ დისკომფორტი არა მოქალაქეებს, არამედ ხელისუფლებას უნდა შეექმნას.

ოპოზიცია ხელისუფლებას მოთხოვნების დასაკმაყოფილებლად ორკვირიან ვადას აძლევს >>

პარასკევს ახალგაზრდულმა ორგანიზაციამ „მოძრაობა საქართველოსთვის“ ხელისუფლებას მათი მოთხოვნების დასაკმაყოფილებლად ორკვირიანი ვადა მისცა, წინააღმდეგ შემთხვევაში აქტივისტები რუსთაველის გამზირის გადაკეტვას გეგმავენ. აქციის ორგანიზატორები ვადამდელ საპარლამენტო არჩევნებს, პოლიტიკური დევნის შეჩერებას, პოლიტპატიმრების გათავისუფლებასა და ცენტრალური საარჩევნო კომისიის ხელახალ დაკომპლექტებას ითხოვენ.

როგორც „სტრატეგია აღმაშენებლის" პოლიტიკური საბჭოს წევრმა, პაატა მანჯგალაძემ განაცხადა, არაძალადობრივი წინააღმდეგობის მთავარი იდეა არის ის, რომ ოპოზიციამ ხმა მიაწვდინოს და დისკომფორტი შეუქმნას ხელისუფლებას და არა ხალხს.

„ჩვენ მოძრაობის ლიდერებს დაველაპარაკებით და ჩვენს არგუმენტებს ვეტყვით. თუმცა, ჩვენ, „სტრატეგია აღმაშენებელი" არ ვემხრობით მოქალაქეებისთვის დისკომფორტის შექმნას. მათ შორის არც კარვების გადმოტანას სავალ ნაწილზე", - განაცხადა მანჯგალაძემ.

პარასკევს დედაქალაქში ოპოზიციურმა პარტიებმა ფართომასშტაბიანი საპროტესტო აქცია გამართეს, რომელსაც საქართველოს სხვადასხვა რეგიონიდან მათი მხარდამჭერებიც შეუერთდნენ. ოპოზიციამ ორი კვირის განმავლობაში თბილისში საპროტესტო აქციებისა და პიკეტების მოწყობა დააანონსა.

ოპოზიციურ პარტიაში მიაჩნიათ, რომ მიუხედავად დაანონსებული აქციების, ხელისუფლების მხრიდან დათმობების შემთხვევაში, აქციების განრიგი შესაძლოა შეიცვალოს.

„თუ ხელისუფლება წამოვა გარკვეულ დათმობებზე, თუ პოლიტპატიმრები გათავისუფლდება, თუ დავინახავთ, რომ ხელისუფლება ცდილობს სიტუაციის განმუხტვას, რა თქმა უნდა, შეიძლება, შევიდეს ცვლილებები ამ აქციების განრიგში, ეს არ არის რაღაც ქვაში გამოკვეთილი, ჩვენ ვართ საკმაოდ მოქნილები და საკმაოდ კონსტრუქციულად განწყობილები“, – განაცხადა ჩიხლაძემ.

რუსთაველის გამზირის გადაკეტვას გაემიჯნა პოლიტიკური გაერთიანება „ლელო საქართველოსთვისაც“. პარტიის ლიდერის, მამუკა ხაზარაძის განცხადებით, ისინი კატეგორიულად ემიჯნებიან ყველა იმ ქმედებას, რომელმაც შეიძლება ქვეყნის პარალიზება გამოიწვიოს.

რაც შეეხება დანარჩენ ოპოზიციურ სპექტრს, იმ შემთვევაში, თუ ხელსიუფლება არ შეასრულებს პროტესტის მონაწილეთა მოთხოვნებს, ქმედებები იქნება რაც შეიძლება მკაცრი, თუმცა კონსტიტუციისა და სამართლის ჩარჩოებში. ამის შესახებ „ლეიბორისტული პარტიის“ პოლიტიკურმა მდივანმა გიორგი გუგავამ განაცხადა.

პარლამენტის შენობასთან ამ დროისათვის 11 კარავია გაშლილი.

 

80
ნამახვანი ჰესის მშენებლობის წინააღმდეგ მორიგი საპროტესტო აქცია გაიმართა

ქუთაისის ცენტრში „ნამახვანი ჰესის“ მშენებლობის წინააღმდეგ საპროტესტო აქცია გაიმართა

0
იმ შემთხვევაში, თუ აქციის მონაწილეთა მოთხოვნები არ შესრულდება, ისინი პროტესტს რიონის ხეობაში მდგარ კარვებში გააგრძელებენ

თბილისი, 28 თებერვალი – Sputnik. ქუთაისის ცენტრალურ მოედანზე „ნამახვანი ჰესის“ მშენებლობის წინააღმდეგ მასშტაბური საპროტესტო აქცია გამართა. 

Акция протеста против строительства НамахваниГЭС 28 февраля 2021 года
© Sputnik / STRINGER
ნამახვანი ჰესის მშენებლობის წინააღმდეგ საპროტესტო აქცია ქუთაისში

აქციის მონაწილეებმა მოითხოვეს, რომ თურქულმა სამშენებლო კომპანია ENKA-მ რიონის ხეობა დატოვოს. ასევე ისინი მოთხოვენ, რომ გაუქმდეს ხეობაში ჰესის მშენებლობის ნებართვა და უცხოური კომპანიისთვის მიწის 99 წლით იჯარით გადაცემის შესახებ.

სოფლების ნამოხვანისა და ჟონეთის მოსახლეობის და არასამთავრობო ორგანიზაციების პროტესტი რიონზე ჰესის მშენებლობის წინააღმდეგ უკვე რამდენიმე თვეა გრძელდება. აქტივისტებმა  გარკვეული დროით სამშენებლო სამუშაოების შეჩერებასაც მიაღწიეს, თუმცა იანვარში სამუშაოები მაინც განახლდა.

პროტესტის 126 დღეს აქციის მონაწილეები ქუთაისის ცენტრალურ მოედანზე შეიკრიბნენ. დღეს მათ მოქალაქეები სხვადასხვა რეგიონებიდანაც შეუერთდნენ. ქუთაისის ცენტრალურ მოედანზე სამართალდამცველები არიან მობილიზებული.

აქციის ერთ-ერთი ორგანიზატორის, ვარლამ გოლეთიანის თქმით, დღევანდელი მიტინგი აპოლიტიკურია და ასახავს საზოგადოების რეაქციას მომხდართან დაკავშირებით.

„ჩვენ მიწას მშვიდობიანად დავიცავთ. ჩვენ, ქართველები, ემოციური ხალხი ვართ, მაგრამ ეს ყოველთვის არ არის გამართლებული. 21-ე საუკუნეში ემოციები გვერდზე უნდა გადავდოთ. აუცილებელია, რომ ხანგრძლივ საპროტესტო აქციაზე განვეწყოთ. ყველამ უნდა იცოდეს, რომ არ არსებობს ძალა, რომელიც შეგვაჩერებს“, - განაცხადა გოლეთიანმა.

Акция протеста против строительства НамахваниГЭС 28 февраля 2021 года
© Sputnik / STRINGER
ნამახვანი ჰესის მშენებლობის წინააღმდეგ საპროტესტო აქცია ქუთაისში

იმ შემთხვევაში, თუ აქციის მონაწილეთა მოთხოვნები არ შესრულდება, ისინი პროტესტს რიონის ხეობაში მდგარ კარვებში გააგრძელებენ, ქუთაისში კიდევ უდრო მასშტაბურ აქციაზე შეიკრიბებიან და ამით ქალაქის პარალიზებას მოახდენენ.

„ნამახვანი ჰესის“ წინააღმდეგ გამართულ საპროტესტო აქციასთან დაკავშირებით პოლიტიკურმა პარტიამ „ლელო საქართველოსთვის“ განცხადება გაავრცელა.

„ჩვენ ვემხრობით მხოლოდ ისეთი პროექტების განხორციელებას, რომელიც მინიმალურ ზიანს მიაყენებს ბუნებასა და ადგილობრივ მოსახლეობას. სამწუხაროდ, ნამახვანის ჰესის კასკადის არსებული პროექტი არ ტოვებს იმის შთაბეჭდილებას, რომ ის არის გამართული და არ წარმოშობს საფრთხეს როგორც ბუნებისთვის, ისე მოსახლეობისთვის, რაც ეფუძნება ნეიტრალური ექსპერტების შეფასებებს“, - აღნიშნულია პოლიტიკური პარტიის განცხადებაში, რომელიც დღეს გავრცელდა.

განცხადებაში ასევე აღნიშულია, რომ განსაკუთრებით საგულისხმოა მეწყრებისა და მიწის ეროზიის ზრდის რისკები. არსებობს მოსაზრებაც, რომ პროექტი არსებული სახით მნიშვნელოვნად შეცვლის მიკროკლიმატს და დააზიანებს უნიკალური „ტვიშის“ ვენახებს, რაც გარდა თავისი უნიკალურობისა, ადგილობრივი მოსახლეობის შემოსავლის ძირითადი წყაროა.

„აქედან გამომდინარე, „ლელო“ ხელისუფლებისგან მოითხოვს შეჩერდეს სამშენებლო სამუშაოები მანამ, სანამ ყველა ეს საკითხი არ იქნება განხილული ექსპერტებისა და მოსახლეობის ჩართულობით და არ იქნება მიღწეული კონსენსუსი“, - აღნიშნულია პარტიის განცხადებაში.

განცხადებაში ასევე ნათქვამია, რომ ყველა ჰესი უმაღლესი სტანდარტებით უნდა აშენდეს, ხოლო ადგილობრივი მოსახლეობა მათი თანამესაკუთრე უნდა გახდეს.

მდინარე რიონზე „ნამახვანის ჰესების კასკადის“ პროექტი გააერთიანებს ორ ჰესს - „ნამახვანს“ და „ტვიშს“, საერთო 433 მეგავატი დადგმული სიმძლავრით. პროექტის სავარაუდო ღირებულება 730 მილიონ დოლარს შეადგენს.

პროექტს განახორციელებს Clean Energy Georgia Group, რომელმაც შესაბამის ტენდერში გაიმარჯვა. ჰესის ასაშენებლად Clean Energy Georgia Group-მა, რომელიც ნორვეგიული ჯგუფ Clean Energy-ს შვილობილი კომპანიაა, თურქული სამშენებლო ჰოლდინგი ENKA Insaat ve Sanayi A.S მოიწვია.

ინვესტორის პოზიცია

კომპანია ENKA მიიჩნევს, რომ ჰესის მშენებლობის მოწინააღმდეგეებს მოსახლეობა შეცდომაში შეჰყავს, რამდენადაც ისინი უსაფუძვლოდ აცხადებენ, რომ „ნამახვანის კასკადი“ რიონის ხეობის მოსახლეობას და ბუნებას საფრთხეს უქმნის.

„კომპანიას არსებული ეტაპისთვის ყველა საჭირო ნებართვა გააჩნია, რომელიც გაცემულია შესაბამისი უწყებების მიერ, წარდგენილი კვლევების, საჯარო განხილვებისა და ყველა საჭირო დოკუმენტის საკმაოდ ხანგრძლივი და კომპლექსური შესწავლის საფუძველზე“, – ნათქვამია კომპანიის განცხადებაში

დოკუმენტში აღნიშნულია, რომ პროექტი ხორციელდება უსაფრთხოების უმაღლესი სტანდარტების გათვალისწინებით და სრულ

0