მოიერიშე Су-25

საქართველო უახლოეს წლებში განახლებულ საავიაციო პარკს მიიღებს

50
(განახლებულია 01:01 22.02.2021)
ამ ეტაპზე თავდაცვის ძალებს გადაეცა ფრანგული წარმოების საჰაერო თვალთვალის რადარები, მობილური საკომანდო პუნქტი და საზენიტო-სარაკეტო კომპლექსები „მისტრალი-3“

თბილისი, 22 თებერვალი – Sputnik. 2021 წლის პრიორიტეტულ მიმართულებას წარმოადგენს საქართველოს საავიაციო ძალების მოდერნიზაციის პროცესის გაგრძელება, ამის შესახებ თავდაცვის მინისტრობის კანდიდატმა ჯუანშერ ბურჭულაძემ საპარლამენტო კომიტეტების გაერთიანებულ სხდომაზე განაცხადა.

ღარიბაშვილის მინისტრთა კაბინეტში მხოლოდ ორი ახალი სახეა: თავდაცვის მინისტრის თანამდებობაზე წარდგენილია მინისტრის ამჟამინდელი მოადგილე ჯუანშერ ბურჭულაძე, ხოლო რეგიონული განვითარებისა და ინფრასტრუქტურის მინისტრის პოზიციაზე - ირაკლი ქარსელაძე. ის შეცვლის მაია ცქიტიშვილს, რომელიც გიორგი გახარიას შემდეგ გადადგა.

ბურჭულაძის თქმით, მნიშვნელოვანია, მომდევნო წლებში ქვეყანამ სრულად აღდგენილი და რეაბილიტირებული საავიაციო პარკი მიიღოს, რაც საქართველოს თავდაცვის ძალების აღორძინების გრძელვადიანი ათწლიანი გეგმის ნაწილს წარმოადგენს.

„ძალიან მნიშვნელოვანი პრიორიტეტული მიმართულებაა საავიაციო ძალების მოდერნიზაციის პროცესის გაგრძელება, რომლის დასრულების შემდეგ მომდევნო წლებში მივიღებთ სრულად აღდგენილ და რეაბილიტირებულ საავიაციო პარკს. ამ თვალსაზრისით, აქტიურად ხორციელდება მოიერიშე თვითმფრინავების Су-25-ების, მოიერიშე შვეულმფრენების Ми-24-ებისა და ამერიკული UH-1-ების აღდგენა-მოდერნიზაცია“, – განაცხადა ჯუანშერ ბურჭულაძემ.

თავდაცვის მინისტრობის კანდიდატი თავის გამოსვლაში ასევე შეეხო საზენიტო კომპლექსების განახლება-მოდერნიზაციის საკითხს.

„ამ ეტაპზე, თავდაცვის ძალებს უკვე მიღებული აქვს ფრანგული წარმოების საჰაერო თვალთვალის რადარები, მობილური საკომანდო პუნქტი და „მისტრალი-3“ ტიპის რაკეტები საცეცხლე მანქანებით. ასევე, აქტიურად მიმდინარეობს მუშაობა ისრაელის სამხედრო ინდუსტრიის უმსხვილეს კომპანია Rafael-თან ხელმოწერილი შეთანხმების შესრულებაზე, რომელიც ითვალისწინებს წარმოებული ჰაერსაწინააღმდეგო სისტემების განახლებასა და მოდერნიზაციას“, – განაცხადა თავდაცვის მინისტრობის კანდიდატმა.

როგორც ადრე თავდაცვის ყოფილი მინისტრმა ირაკლი ღარიბაშვილმა განაცხადა, საქართველოს არმიის გადაიარაღება მანამდე გაგრძელდება, სანამ თითოეულ ჯარისკაცს სრულფასოვანი თანამედროვე შეიარაღება არ ექნება.

Raphael Advanced Defense Systems – ისრაელის თავდაცვის სამინისტროს უმსხვილესი საწარმო, რომელიც იარაღის, სამხედრო და თავდაცვითი ტექნიკის სრულყოფა-წარმოებით და შეიარაღების ექსპორტით არის დაკავებული.

50
საქართველოს პრეზიდენტის რეზიდენცია

„დიალოგი გაგრძელდება“: შეხვედრა ხელისუფლებასა და ოპოზიციას შორის დასრულდა

6
ოპოზიციას და ხელისუფლებას შორის ხანგრძლივი პაუზის შემდეგ გამართულ შეხვედრაზე შედგა ექვსპუნქტიანი ჩარჩო-ხელშეკრულება, რომელსაც შეხვედრის ყველა მონაწილემ მოაწერა ხელი

თბილისი, 1 მარტი - Sputnik. საქართველოს პრეზიდენტის სასახლეში დასრულდა ევროპული საბჭოს პრეზიდენტ შარლ მიშელის მიერ ორგანიზებული შეხვედრა ხელისუფლებასა და ოპოზიციას შორის.

შეხვედრაზე, რომელსაც მიშელის გარდა ესწრებოდა პრემიერი ირაკლი ღარიბაშვილი და ყველა ოპოზიციური პარტიის ლიდერი, შედგა ექვსპუქნტიანი ჩარჩო-დოკუმენტი, რომელსაც შეხვედრის მონაწილეებმა ხელი მოაწერეს.

ამ ექვს პუნტქს შორისაა ისეთი საკითხები, ვადამდელი არჩევნების ჩატარება, პოლიტპატმრების გათავისუფლება, მართლმსაჯულების რეფორმა. 

მიშელის თქმით, საქართველოს საკითხი რამდენიმე კვირაში განიხილება ევროპარლამენტში. მანამდე კი ხელისუფლებასა და ოპოზიციას შორის უნდა გაიმართოს შეხვედრა, რომელზეც, ღარიბაშვილის თქმით, ეროვნული კონსენსუსი უნდა შედგეს.

„ჩვენ უნდა გამოვნახოთ შესაძლებლობა, ისეთი ეროვნული, საერთო იდეა, რომელიც გაგვაერთიანებს, ჩვენს ხალხს, ერს გააერთიანებს, ესაა, რაც სჭირდება დღეს ჩვენს ქვეყანას ყველაზე მეტად, საერთო ეროვნული კონსენსუსი, საერთო ეროვნული თანხმობა“, – განაცხადა ირაკლი ღარიბაშვილმა.

პრემიერის თქმით, მხარეებმა შეაჯერეს პოზიციები. მისი თქმით, ხელისუფლების საბოლოო პოზიცია ჩამოყალიბდება მმართველი პარტიის პოლიტსაბჭოში გამართული კონსლუტაციების შემდეგ.

„ვიმსჯელეთ მთელ რიგ საკითხებზე, იმ განსხვავებებზე, რომელიც გვაქვს მამართველ პარტიას, ხელისუფლებას და ოპოზიციას. ბუნებრივია, გვაქვს პრინციპული პოზიციები გარკვეულ საკითხებზე, რომელზეც გვაქვს ჩვენი არგუმენტირებული მოსაზრება, ასევე მოვისმინეთ თითოეული წარმომადგენლისგან მათ მიერ დასმული კითხვები და გავეცი პასუხი. ჩვენ შევთანხმდით იმაზე, რომ დიალოგი გაგრძელდება. მექნება კონსულტაციები პარტიის პოლიტიკურ საბჭოსთან და ჩამოვყალიბდებით შემდეგ ნაბიჯებზე“, - განაცხადა ღარიბაშვილმა.

პრეზიდენტის სასახლეში შეიკრიბნენ ყველა ოპოზიციური პარტიის ლიდერები - „ერთიანი ნაციონალური მოძრაობის“ (აკაკი მინაშვილი, სალომე სამადაშვილი), „ევროპული საქართველოს“ (დავით ბაქრაძე, გიგა ბოკერია), „ლელო საქართველოსთვის“ (მამუკა ხაზარაძე), „პატრიოტთა ალიანსის“ (ირმა ინაშვილი), რესპუბლიკური პარტიის (ხათუნა სამნიძე), ლეიბორისტული პარტიის (შალვა ნათელაშვილი), „მოქალაქეების“ (ალეკო ელისაშვილი), „გირჩი - მეტი თავისუფლება“ (ზურაბ ჯაფარიძე).

ევროპული საბჭოს პრეზიდენტი შარლ მიშელი საქართველოში ოფიციალური ვიზიტით იმყოფება. 

პოლიტიკური კრიზისი საქართველოში „ნაციონალური მოძრაობის“ თავმჯდომარის, ნიკა მელიას დაკავების შემდეგ კიდევ უფრო გამწვავდა. ოპოზიცია ქუჩაში გამოვიდა და ორი კვირის განმავლობაში საპროტესტო აქციების გამართვას აპირებს. ოპოზიციის ლიდერების თქმით, აქციები მხოლოდ იმ შემთხვევაში გადაიდება, თუ განახლდება მოლაპარაკების პროცესი მმართველ პარტიასთან. მომიტინგეები პოლიტპატიმრების გათავისუფლებას და ვადამდელი არჩევნების ჩატარებას მოითხოვენ.

დასავლელი შუამავლების ორგანიზებით მოლაპარაკებათა რამდენიმე რაუნდი უკვე ჩატარდა, მაგრამ უშედეგოდ.

6
პრეზიდენტის რეზიდენცია ათონელზე

დაუგეგმავი შეხვედრა: ხელისუფლება და ოპოზიცია მოლაპარაკებებს მართავენ

40
ხელისუფლებისა და ოპოზიციის შეხვედრის ინიციატივით საქართველოში ვიზიტით მყოფი ევროსაბჭოს პრეზიდენტი შარლ მიშელი გამოვიდა

თბილისი, 1 მარტი - Sputnik. საქართველოს პრეზიდენტის სასახლეში საქართველოს ოპოზიციური პარტიების ლიდერები იკრიბებიან - რამდენიმე წუთში აქ პოლიტიკური კრიზისის მოსაგვარებლად ევროსაბჭოს პრეზიდენტის, შარლ მიშელის მონაწილეობით, მოლაპარაკება დაიწყება, იუწყება Sputnik-საქართველოს კორესპონდენტი.

დღევანდელ პრესკონფერენციაზე მიშელმა ქვეყანაში შექმნილი პოლიტიკური კრიზისის გადაჭრის მიზნით საქართველოს პრემიერ-მინისტრი ირაკლი ღარიბაშვილი და ოპოზიციის ლიდერები მოლაპარაკების მაგიდასთან მიიწვია, თანაც დაუყოვნებლივ.

პრეზიდენტის სასახლეში იკრიბებიან ყველა ოპოზიციური პარტიის ლიდერები - „ერთიანი ნაციონალური მოძრაობის“ (აკაკი მინაშვილი, სალომე სამადაშვილი), „ევროპული საქართველოს“ (დავით ბაქრაძე, გიგა ბოკერია), „ლელო საქართველოსთვის“ (მამუკა ხაზარაძე), „პატრიოტთა ალიანსის“ (ირმა ინაშვილი), რესპუბლიკური პარტიის (ხათუნა სამნიძე), ლეიბორისტული პარტიის (შალვა ნათელაშვილი), „მოქალაქეების“ (ალეკო ელისაშვილი).

ორბელიანის სასახლეში იმყოფებიან ასევე ხელისუფლების წარმომადგენლები - მათ შორის, პრემიერ-მინისტრი ირაკლი ღარიბაშვილი.

პოლიტიკური კრიზისი საქართველოში „ნაციონალური მოძრაობის“ თავმჯდომარის, ნიკა მელიას დაკავების შემდეგ კიდევ უფრო გამწვავდა. ოპოზიცია ქუჩაში გამოვიდა და ორი კვირის განმავლობაში საპროტესტო აქციების გამართვას აპირებს. ოპოზიციის ლიდერების თქმით, აქციები მხოლოდ იმ შემთხვევაში გადაიდება, თუ განახლდება მოლაპარაკების პროცესი მმართველ პარტიასთან. მომიტინგეები პოლიტპატიმრების გათავისუფლებას და ვადამდელი არჩევნების ჩატარებას მოითხოვენ.

დასავლელი შუამავლების ორგანიზებით მოლაპარაკებათა რამდენიმე რაუნდი უკვე ჩატარდა, მაგრამ უშედეგოდ.

40