ნიკა მელია

ადვოკატებმა ნიკა მელიასთვის პატიმრობის შეფარდების შესახებ გადაწყვეტილება გაასაჩივრეს

113
თბილისის საქალაქო სასამართლომ ნიკა მელიას 20-21 ივნისის საქმეზე აღკვეთის ღონისძიება პატიმრობით შეუცვალა

თბილისი, 20 თებერვალი – Sputnik. მთავარი ოპოზიციური პარტია „ერთიანი ნაციონალური მოძრაობის“ ლიდერის, ნიკა მელიას მიმართ აღკვეთის ღონისძიების სახით პატიმრობის შეფარდების გადაწყვეტილება გასაჩივრებულია, განაცხადა მისმა ადვოკატმა დიმიტრი საძაგლიშვილმა.

ნიკა მელია: ვაპირებ პოლიტიკურ აქტივობებში მონაწილეობას >>

17 თებერვალს თბილისის საქალაქო სასამართლომ მელიას 2019 წლის 20–21 ივნისის საქმესთან დაკავშირებით დაუსწრებლად პატიმრობა შეუფარდა. ეს მას შემდეგ მოხდა, რაც მელიამ უარი განაცხადა გირაოს გადახდაზე, რომელიც მას აღკვეთის ალტერნატიულ ღონისძიებად შეეფარდა. მელია არ დაუკავებიათ, 18 თებერვალს მისმა მხარდამჭერებმა პოლიციას სასამართლოს გადაწყვეტილების აღსრულების საშუალება არ მისცეს.

„მოსამართლე ჩახნაშვილმა სარეზოლუციო ნაწილში მიუთითა, რომ ეს განჩინება ცალკე არ საჩივრდება. ვფიქრობთ, რომ ეს განმარტება არის არაკონსტიტუციური. ამიტომ, გუშინ ჩვენ წარვადგინეთ საჩივარი სააპელაციო სასამართლოში“, - განაცხადა საძაგლიშვილმა.

ადვოკატმა აღნიშნა, რომ როდესაც ადამიანს პატიმრობას უფარდებენ, გადაწყვეტილება უნდა გასაჩივრდეს.

„საერთაშორისო სამართლებრივი პრინციპია ორინსტანციური პრინციპი, რაც გულისხმობს, რომ ნებისმიერი საკითხი სულ მცირე ორი ინსტანციის სასამართლომ უნდა განიხილოს და უნდა არსებობდეს მისი გასაჩივრების შესაძლებლობა“, - განმარტა საძაგლიშვილმა.

მან მიმართა სააპელაციო სასამართლოს, თუკი ის მიიჩნევს, რომ სისხლის სამართლის საპროცესო კოდექსი არ იძლევა შესაძლებლობას ამ გადაწყვეტილების გასაჩივრებისთვის, მაშინ გამოიყენოს კონსტიტუცია, როგორც უზენაესი სამართლებრივი აქტი.

ადვოკატებმა ასევე შეიტანეს შუამდგომლობა სააპელაციო სასამართლოში, წარდგინებით მიმართოს თავად სააპელაციო სასამართლომ საკონსტიტუციო სასამართლოს, რათა გადამოწმდეს სისხლის სამართლის საპროცესო კოდექსის შესაბამისი ნორმების ნორმატიული შინაარსი.

ადრე საძაგლიშვილმა განაცხადა, რომ სასამართლოს გადაწყვეტილების გასაჩივრების საფუძველია გახდა მელიას დაპატიმრების გადადების შესახებ გადაწყვეტილება, რომელიც შსს-მ პრემიერ-მინისტრის გადადგომასთან დაკავშირებით მიიღო.

მისი თქმით, შსს-ს ეს გადაწყვეტილება კიდევ ერთხელ ამტკიცებს, რომ პატიმრობის შეფარდება არ შეესაბამება აღკვეთის ღონისძიების მიზნებს ბრალდებულის შეზღუდვასთან დაკავშირებით, რადგან მელიას ქვეყნის დატოვება და საქმის მოწმეებზე ზეწოლის მოხდენა არ უცდია.

113
კარვები პარლამენტის შენობასთან

სკანდალი აქციაზე კარვის გამო: რა ხდება რუსთაველზე?

77
პოლიცია ოპოზიციის აქციაზე მას შემდეგ გამოჩნდა, რაც აქტივისტებმა ბათუმიდან ჩამოტანილი კარავი გზის სავალ ნაწილზე დადგეს

თბილისი, 26 თებერვალი – Sputnik. პოლიციამ აქტივისტებს გონუვრული ვადა მისცა იმისთვის, რომ მათ პარლამენტის შენობასთან, გზის სავალ ნაწილზე გაშლილი კარავი აიღონ, იუწყება Sputnik–საქართველოს კორესპონდენტი მოვლენების ადგილიდან.

პოლიცია ადგილზე მხოლოდ მას შემდეგ გამოჩნდა, რაც აქტივისტებმა კარავი გზის სავალ ნაწილზე დადგეს.

ისინი ხელს ვერ შეგვიშლიან კარვის გაშლაში, რადგან აქ  ბევრი ხალხია, განაცხადა ერთ–ერთმა აქტივისტმა ნიკა ნარსიამ.

მან ასევე აღნიშნა, რომ კარავი პარლამენტის ტერიტორიაზე ბათუმიდან გადმოიტანა, სადაც საპროტესტო აქცია დღემდე მიმდინარეობდა.

ამ დროისთვის პარლამენტის შენობასთან რამდენიმე ასეული ადამიანი იმყოფება. ნაწილმა კარვები ტროტუარზე გაშალა და ახლა მუსიკას უსმენს.

77
ოპოზიციის აქცია

კარვების ქალაქი, პროტესტი კანცელარიასთან და კონცერტი: ოპოზიციის აქცია გრძელდება

34
ათასობით ადამიანი თბილისის ცენტრისკენ მსვლელობით გაემართა, შემდეგ კი აქცია პარლამენტის შენობასთან მოაწყო. ოპოზიციის ლიდერებმა აქ თავიანთი უახლოესი გეგმები გამოაცხადეს

თბილისი, 26 თებერვალი – Sputnik. საპროტესტო აქციის მონაწილეები მთავრობის კანცელარიისკენ მიემართებიან, ამავე დროს პარლამენტთან საკონცერტო სცენა და კარვების ქალაქი ეწყობა.

თბილისის ცენტრისკენ ათასობით ადამიანი მსვლელობით გაემართა, შემდეგ გაიმართა აქცია პარლამენტის შენობასთან. ოპოზიციის ლიდერებმა აქ უახლოესი ორი კვირის გეგმა გამოაცხადეს.

ოპოზიციის გეგმებშია პარლამენტისა და სამთავრობო კანცელარიის პიკეტირება, აქციები შსს–სთან და თბილისის საქალაქო სასამართლოსთან. ეს ყველაფერი ახალი მასშტაბური საპროტესტო აქციით დასრულდება.

ამ დროისთვის აქციის მონაწილეები მთავრობის კანცელარიისკენ ინაცვლებენ. იქ განაცხადებენ თავიან მოთხოვნებს პოლიტპატიმრების გათავისუფლებისა და ვადამდელი საპარლამენტო არჩევნების ჩატარების შესახებ, შემდეგ დაბრუნდებიან პარლამენტთან, სადაც საკონცერტო სცენის მოწყობა მიმდინარეობს.

პარლამენტის გვერდით დგამენ კარვებს, სადაც მომიტინგეები ღამის გატარებას აპირებენ.

34
თემები:
საქართველოს პოლიტიკური ცხოვრება
პატრული

სახელმწიფო ინსპექტორის სამსახურმა ზუგდიდში მომხდარ ფაქტთან დაკავშირებით გამოძიება დაიწყო

0
(განახლებულია 20:18 26.02.2021)
სავარაუდო დამნაშავემ, სამართალდამცველების მისამართით ცეცხლი გახსნა, რასაც პოლიციის მხრიდან საპასუხო სროლა მოყვა

 

თბილისი, 26 თებერვალი – Sputnik. ზუგდიდში დევნის ოპერაციის მიმდინარეობისას, შინაგან საქმეთა სამინისტროს თანამშრომლების მიერ იარაღის გამოყენებით განხორციელებული სამსახურებრივი უფლებამოსილების სავარაუდო გადამეტების ფაქტზე გამოძიება დაიწყო, ნათქვამია სახელმწიფო ინსპექტორის სამსახურის მიერ გავრცელებულ განცხადებაში.

ყაჩაღობის ფაქტი ზუგდიდში, რუსთაველის ქუჩაზე 26 თებერვალს, დღის პირველ ნახევარში მოხდა.

გავრცელებული ინფორმაციით, ცეცხლსასროლი იარაღით შეიარაღებული პირი ოქროს ბირჟაზე შეიჭრა და ერთ-ერთ გამყიდველს ოქროს ნივთები იარაღის მუქარით გასტაცა, რის შემდეგაც შემთხვევის ადგილიდან მიიმალა. სამართალდამცველებმა მომხდარი ფაქტიდან უმოკლეს დროში დაიწყეს ოპერატიული და საგამოძიებო ღონისძიებები. 

რუსთაველის ქუჩიდან მოშორებით, დანაშაულის სავარაუდო ჩამდენმა პირმა, მას შემდეგ, რაც სამართალდამცველები შენიშნა, მათი მიმართულებით ცეცხლი გახსნა, რასაც პოლიციის მხრიდან, „პოლიციის შესახებ“ საქართველოს კანონის თანახმად, უკიდურესი ღონისძიების სახით, საპასუხო სროლა მოჰყვა.

შემთხვევის ადგილზე თავდამსხმელი - 1996 წელს დაბადებული პირი პოლიციამ უგონო მდგომარეობაში ნახა, რის შემდეგაც სამართალდამცველებმა სასწრაფო სამედიცინო დახმარების ბრიგადა გამოიძახეს, თუმცა მამაკაცის გადარჩენა ვერ მოხერხდა.

უწყების ინფორმაციით, გამომძიებლების მიერ ამ ეტაპზე ტარდება პირველადი საგამოძიებო მოქმედებები. ამასთან, გარდაცვალების მიზეზის დადგენის მიზნით ჩატარდება შესაბამისი ექსპერტიზები.

უწყების ინფორმაციით, საქმეზე გამოძიება სამსახურებრივი უფლებამოსილების სავარაუდო გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ" ქვეპუნქტი მიმდინარეობს.

0
თემები:
შემთხვევები საქართველოში