ირაკლი კობახიძე

„ქართული ოცნება“ ახალი პრემიერის კანდიდატურას უახლოეს დღეებში დაასახელებს

80
(განახლებულია 20:31 18.02.2021)
მმართველი პარტიის პოლიტსაბჭოს სხდომა, რომელზეც მთავრობის მეთაურის კანდიდატურის თაობაზე კონსულტაციები გაიმართება, პარასკევს ჩაინიშნა.

თბილისი, 18 თებერვალი – Sputnik. მმართველი პარტია „ქართული ოცნება – დემოკრატიული საქართველო“ საქართველოს პრემიერ-მინისტრის კანდიდატურას პარასკევს დაასახელებს, განაცხადა პარტიის თავმჯდომარემ ირაკლი კობახიძემ ბრიფინგზე.

პრემიერ-მინისტრმა გიორგი გახარიამ დღეს გამართულ სპეციალურ ბრიფინგზე თანამდებობის დატოვების შესახებ განცხადება გააკეთა, რის მიზეზადაც ქვეყანაში არსებული პოლიტიკურ ვითარებასთან დაკავშირებით მმართველ გუნდში აზრთა სხვადასხვაობა დაასახელა.

პრემიერ-მინისტრის გადადგომასთან ერთად გადადგება მთელი მთავრობა – ყველა მინისტრი ამ დროისათვის მოვალეობის შემსრულებელია. ახლა პარლამენტს ორი კვირის ვადა ეძლევა, რომ ახალ პრემიერსა და მის მიერ წარმოდგენილ მინისტრთა კაბინეტს ნდობა გამოუცხადოს. 

„მთავრობის ფორმირება დაიწყება და დასრულდება კანონით გათვალისწინებულ ვადებში... სავარაუდოდ, ხვალისთვის შეიკრიბება პოლიტსაბჭო და პრემიერ-მინისტრობის კანდიდატი დასახელდება“, – განაცხადა კობახიძემ.

პრემიერისა და მინისტრთა კაბინეტის შემადგენლობას წარადგენს პარტია, რომელმაც არჩევნებზე ყველაზე მეტი ხმა მიიღო, ანუ „ქართული ოცნება“. ნდობის მოსაპოვებლად მთავრობას პარლამენტის მინიმუმ 76 დეპუტატის ხმა სჭირდება. თუ პრემიერის კანდიდატურა ხმების საკმარის რაოდენობას ორი მცდელობით ვერ მოიპოვებს, პრეზიდენტს პარლამენტის დათხოვნისა და ახალი არჩევნების დანიშვნის უფლება აქვს.

ქართულ მასმედიაში ჯერ კიდევ წინა კვირაში გაჩნდა ინფორმაცია პრემიერ გახარიას შესაძლო გადადგომის შესახებ. მის შემცვლელად კი მმართველი პარტიის თავმჯდომარე ირაკლი კობახიძე დასახელდა. მაშინ გახარიამ გავრცელებული ხმები უარყო.

გიორგი გახარიამ პრემიერ-მინისტრის პოსტი 2019 წლის სექტემბერში დაიკავა.

80
თემები:
გიორგი გახარიამ პრემიერ–მინისტრის პოსტი დატოვა (13)
შარლ მიშელი

ევროპული საბჭოს პრეზიდენტი თბილისს ესტუმრა

40
მოლაპარაკებათა თემებს შორის იქნება ორმხრივი ურთიერთობები ევროკავშირთან, ბრძოლა კორონავირუსთან, ასევე „აღმოსავლეთ პარტნიორობის“ მომავალი.

თბილისი, 28 თებერვალი – Sputnik. ევროპული საბჭოს პრეზიდენტი შარლ მიშელი საქართველოს ეწვია.

მიშელის თვითმფრინავი თბილისის საერთაშორისო აეროპორტში დაეშვა. აეროპორტში მას დახვდნენ საქართველოს საგარეო საქმეთა მინისტრი დავით ზალკალიანი და საქართველოში ევროკავშირის ელჩი კარლ ჰარცელი.

ვიზიტის ფარგლებში ევროპული საბჭოს პრეზიდენტი გამართავს შეხვედრებს პრეზიდენტ სალომე ზურაბიშვილს, პრემიერ-მინისტრ ირაკლი ღარიბაშვილს და პარლამენტის სპიკერს არჩილ თალაკვაძეს. შარლ მიშელი ასევე პოლიტიკური პარტიების წარმომადგენლებს შეხვდება.

როგორც საქართველოს პრეზიდენტის პრესსამსახურში განმარტეს, ევროპული საბჭოს ხელმძღვანელის და ზურაბიშვილის მოლაპარაკებები გაიმართება ორშაბათს, 1 მარტს. შეხვედრის შემდეგ ისინი ერთობლივ პრესკონფერენციას გამართავენ.

მოლაპარაკებათა თემებს შორის იქნება ორმხრივი ურთიერთობები ევროკავშირთან, ბრძოლა კორონავირუსთან, ასევე „აღმოსავლეთ პარტნიორობის“ მომავალი.

შარლ მიშელი ქვეყანას 2 მარტს დატოვებს.

საქართველოში ვიზიტამდე შარლ მიშელი მოლდოვაში იმყოფებოდა. თბილისიდან ის უკრაინაში გაემგზავრება.

 

40
კარვები პარლამენტის შენობის წინ

რუსთაველის გამზირზე კარვების ქალაქი ფართოვდება

82
(განახლებულია 23:53 28.02.2021)
ორშაბათს, 1 მარტს, ოპოზიციის წარმომადგენლები გამართავენ მიტინგს მმართველი პარტია „ქართული ოცნების“ დამფუძნებლის, მილიარდერ ბიძინა ივანიშვილის სახლთან

თბილისი, 28 თებერვალი - Sputnik. თბილისში, პარლამენტის შენობის წინ ოპოზიციის წარმომადგენლებმა კიდევ ერთი, მე-15 კარავი დადგეს.

კარვის დადგმის დროს აქციის მონაწილეებსა და პოლიციას შორის მცირე შელაპარაკება მოხდა. მაგრამ ამჯერად საქმე დაკავებამდე არ მისულა და სიტუაცია განიმუხტა. ოპოზიციის წარმომადგენლებმა კარავი დადგეს, პოლიციამ კი მიმდებარე ტერიტორია დატოვა.

აქციის მონაწილეების თქმით, ორშაბათს, 1 მარტს, ისინი გამართავენ მიტინგს მმართველი პარტია „ქართული ოცნება - დემოკრატიული საქართველოს“ დამფუძნებლის, მილიარდერ ბიძინა ივანიშვილის სახლთან. აქცია 12:00 საათზე დაიწყება. სამშაბათს, 2 მარტს, პლენარული სხდომის დღეს ოპოზიციამ პარლამენტის შენობის პიკეტირება დააანონსა.

მომიტინგეები პოლიტპატიმრების გათავისუფლებას და ვადამდელი არჩევნების ჩატარებას მოითხოვენ. წინააღმდეგ შემთხვევაში ისინი კარვებში დარჩენას აპირებენ და მასშტაბურ აქციებს აანონსებენ.

საქართველოში პოლიტიკური კრიზისი „ერთიანი ნაციონალური მოძრაობის“ ლიდერის, ნიკა მელიას დაპატიმრების შემდეგ გამწვავდა. ოპოზიცია გავიდა ქუჩებში და ორი კვირის განმავლობაში აპირებს საპროტესტო აქციების გამართვას. ლიდერების თქმით, აქციები მხოლოდ იმ შემთხვევაში გადაიდება, თუ მმართველ პარტიასთან მოლაპარეკებები განახლდება.

82
აყვავებული რტო

ზოდიაქოს ხუთი რჩეული ნიშანი ვის გაუმართლებს ამ გაზაფხულზე

0
(განახლებულია 13:28 28.02.2021)
2021 წლის გაზაფხული ძალზე მრავალფეროვანი და მნიშვნელოვანი იქნება. გაუმართლებს ზოდიაქოს ყველა ნიშანს, მაგრამ განსაკუთრებით ვერძებს, ტყუპებსა და კიდევ სამ ნიშანს

მარტი და აპრილი 2021 წლის ყველაზე ხელსაყრელი თვეებია იმის წყალობით, რომ 27 აპრილამდე არც ერთი პლანეტა არ იქნება რეტროგრადული. იდეალური დროა მოქმედებებისთვის. მთავარია, სამყაროსთვის მადლობის თქმა არ დაგავიწყდეთ.

ზოდიაქოს ნიშნები, რომლებიც დიდებისა და პოპულარობისთვის დაიბადნენ>>

ვერძი

ვერძები – ადამიანები, რომლებიც ყოველთვის ზედაპირზე ხართ, მოქმედებთ მაშინაც, როდესაც სხვები ფარ–ხმალს ყრიან. თქვენი გაასმაგებული ენერგია და ნებისყოფა საოცარ შედეგებს მოიტანს. ესაა არა მხოლოდ იღბლიანობის დრო, არამედ ტოტალური ცვლილებების დროც. მთავარია, განზე არ გადგეთ და იმოქმედოთ, ეადოთ, კომფორტის ზონიდან გახვიდეთ. ესაა შესანიშნავი პერიოდი ცხოვრების ყველა სფეროში – თქვენთვის ყველა კარი გახსნილია.

ტყუპი

ქარიზმისა და მომხიბვლელობის წყალობით ბევრი რამის მიღწევა შეგიძლიათ. მარტსა და აპრილში ნამდვილად იქნებით წარმატებული ადამიანები, რადგან ჩარჩოებში ვერავინ და ვერაფერი მოგაქცევთ. ირგვლივ ყველა იგრძნობს თქვენი ხასიათის ძალასა მეგობრულ დამოკიდებულებას. ყველაზე მეტი იღბალი სასიყვარულო სფეროში გელოდებათ. თუმცა, გამონაკლისი არც სამუშაო და ფინანსებია. მთავარი, რაც უნდა გახსოვდეთ – ნებისმიერი ყინულის გალღობა სიკეთეს შეუძლია.

ლომი

გაზაფხულის იღბლიან ნიშანთა შორის თქვენც ხართ. ნამდვილი ტრიუმფი გელოდებათ. ეს პერიოდი ბედნიერებისა და იღბლის მომტანია. ექსპერტები აცხადებენ, რომ ბოლო ორიოდე წლის განმავლობაში მიღწეულ წარმატებებს შორის ყველაზე დიდი წარმატებები სწორედ ახლა გელოდებათ. რაც მთავარია, ამისთვის რამის მსხვერპლად გაღება არ დაგჭირდებათ. გელოდებათ საპასუხო სიყვარული, მნიშვნელოვან ადამიანებთან შეხვედრა, კარიერული წინსვლა და სხვ.

ზოდიაქოს ნიშნები, რომლებიც მიზნებს თავიანთი მომხიბვლელობით აღწევენ>>

ქალწული

მიწის სტიქიის წარმომადგენლებს შორის თქვენ ყველაზე იღბლიანი იქნებით ამ გაზაფხულზე. თქვენს ცხოვრებაში ახალი გზა იხსნება. დიდი ალბათობით, მიიღებთ საინტერესო წინადადებებს სამსახურთან დაკავშირებით. უარის თქმა ზოგიერთზე გაგიჭირდებათ, მაგრამ საჭიროა, რომ ობიექტურობა შეი8ნარჩუნოთ და სიფრთხილე გამოიჩინოთ. ძალზე ხელსაყრელი დროა ძვირად ღირებული ნივთების შესაძენად. ასტროლოგები გირჩევენ, დაფიქრებით გაანაწილოთ თქვენი ფინანსები. ზოგადად, კარგი თვეა შრომისმოყვარე ქალწულებისთვის, ხოლო ავანტიურა და რისკი კარგს არაფერს მოიტანს.

მერწყული

ამ გზაფხულზე ვარსკვლავები და პლანეტები არაჩვეულებრივი ინტუიციით დაგასაჩუქრებენ, რაც ყველაზე მწვავე პრობლემებისა და გაუგებრობების მოგვარებაში დაგეხმარებათ. მარტი და აპრილი დიდი გამარჯვებების თვეები იქნება როგორც სასიყვარულო, ისე ფინანსურ ასპარეზზე. შეძლებთ ცხოვრების გამრავალფეროვნებას, ახალი მოტივაციის შეძენას, ცნობიერების „გადატვირთვას“. უსიამოვნებები მალე გაივლის და თქვენს სულში კვალს არ დატოვებს. შესაძლოაშეხვდეთ ადამიანებს, რომლებიც თვალს აგიხელენ ცხოვრების მნიშვნელოვან ასპექტებზე.

0