„მინდა მთელმა საზოგადოებამ იცოდეს...“ - მელიამ სასამართლოს გადაწყვეტილება შეაფასა

© Sputnik / Vladimir Umikashviliნიკა მელია
ნიკა მელია - Sputnik საქართველო, 1920, 18.02.2021
გამოწერა
როგორც მელიას საქმის პროკურორმა აღნიშნა, სასამართლომ უკვე გასცა განკარგულება, შესაბამისმა ორგანომ გადაწყვეტილება გონივრულ ვადებში შეასრულოს

თბილისი, 17 თებერვალი – Sputnik. საქართველოში აღარ დარჩა ცალკეული პარტია, ახლა არსებობს არჩევანი ქართულ ეროვნულ მოძრაობასა და „ქართულ ოცნებას“ შორის, ასე გამოეხმაურა „ერთიანი ნაციონალური მოძრაობის“ ლიდერი ნიკა მელია სასამართლოს გადაწყვეტილებას მისთვის პატიმრობის შეფარდების თაობაზე.

თბილისის საქალაქო სასამართლომ ექვსსაათიანი განხილვის შემდეგ „ერთიანი ნაციონალური მოძრაობის“ თავმჯდომარეს, ნიკა მელიას აღკვეთის ღონისძიება შეუცვალა და პატიმრობა შეუფარდა. თავად მელიასთვის გადაწყვეტილება ცნობილი გახდა ოფისში, სადაც ის მხარდამჭერთა და წამყვანი ოპოზიციური პარტიების ლიდერების გარემოცვაში იმყოფება.

ნიკა მელია - Sputnik საქართველო, 1920, 17.02.2021
სასამართლომ ნიკა მელიას პატიმრობა შეუფარდა: რა მოხდება ამის შემდეგ

„გამარჯვება ერთი ხელის გაწვდენის მანძილზე არის. ამიტომ მინდა მთელმა საზოგადოებამ იცოდეს, წაშლილია ყოველგვარი პარტიული ატრიბუტიკა, პარტიული ნიშანი, პარტიული პოლიტიკა დასრულებულია, არ არსებობს პარტიული პოლიტიკა, ეროვნული მოძრაობის ინტერესები, ქართული ეროვნული მოძრაობა და მეორე მხარეს ოკუპანტის ინტერესები და ივანიშვილის წარმომადგენელები. ან ვდგავართ ერთ მხარს, ან ვდგავართ მეორე მხარეს“, - განაცხადა მელიამ.

მან შეკრებილებს მხარდაჭერისთვის მადლობა გადაუხადა.

„მინდა მხარდაჭერისთვის მადლობა გითხრათ ყველა კოლეგის სახელით. ძალიან დიდი სოლიდარობა ვიგრძენი უკანასკნელი დღეების განმავლობაში, რომელიც 41 წლის განმავლობაში არ მიგრძვნია“, - განაცხადა მელიამ.

მელია და მისი მხარდამჭერები „ნაციონალური მოძრაობის“ ოფისში არიან შეკრებილები. იქვე იმყოფებიან სხვა ოპოზიციური პარტიების ლიდერები, რომლებიც აცხადებენ, რომ ხელისუფლებას არ მისცემენ ნიკა მელიას დაპატიმრების საშუალებას.

თბილისის სასამართლო - Sputnik საქართველო, 1920, 17.02.2021
პროკურორი: ნიკა მელიას გონივრულ ვადებში დააკავებენ

როგორც მელიას საქმის პროკურორმა მიხეილ სადრაძემ განაცხადა, სასამართლომ უკვე გასცა განკარგულება გადაწყვეტილების გონივრულ ვადებში აღსრულების თაობაზე. თუმცა მელიას დაპატიმრება პროკურატურას არ ეხება, ეს შსს-ს პრეროგატივაა.

მედიამ გაავრცელა შსს-ს განსაკუთრებული დანიშნულების რაზმის ბაზაზე გადაღებული კადრები და განაცხადა, რომ მელიას დაპატიმრებისთვის მომზადება მიმდინარეობს. შსს-მ ეს ინფორმაცია უარყო და ბაზაზე მიმდინარე მოვლენებს რიგითი როტაცია უწოდა.

ყველა ახალი ამბავი
0