ქართული ოპოზიცია

ოპოზიციონერმა დეპუტატებმა ქონებრივი დეკლარაციები შეავსეს

159
ოპოზიციონერი დეპუტატების უმრავლესობამ, რომლებიც სადეპუტატო მანდატების გაუქმებას მოითხოვენ, ქონწბრივი დეკლარაცია შეავსო. მათი თქმით, ეს ტექნიკური საკითხია და პოლიტიკას არ უკავშირდება

თბილისი, 15 თებერვალი – Sputnik. ოპოზიციონერმა დეპუტატებმა, რომლებიც დეკემბრიდან უფლებამოსილების გაუქმებას მოითხოვენ, ქონებრივი დეკლარაციები შეავსეს, იუწყება ტელეკომპანია „რუსთავი2“.

საქართველოში ქონებრივ დეკლარაციას წლის დასაწყისში ავსებს ყველა ჩინოვნიკი, დაწყებული პრემიერ-მინისტრით და დამთავრებული მერიის თანამშრომლებით, და პარლამენტის დეპუტატები მათ შორის. დეკლარაციის შეუვსებლობის შემთხვევაში, ჩინოვნიკს ჯარიმა ან სისხლის სამართლის სასჯელიც კი ელის.

პარლამენტში გასული 51 ოპოზიციონერი დეპუტატიდან ქონებრივი დეკლარაცია მხოლოდ 5-მა - თაკო ჩარკვიანმა, შალვა ნათელაშვილმა, თემურ ჯანაშიამ („ერთიანი ნაციონალური მოძრაობა“), ზურაბ ჯაფარიძემ და ვახო მეგრელიშვილმა არ შეავსო. როგორც აღმოჩნდა, მეგრელიშვილს დეკლარაციის შევსება დაავიწყდა.

ქონებრივი დეკლარაცია საჯარო გახადა პარტია „ლელოს", „სტრატეგია აღმაშენებლისა" და „ევროპული საქართველოს" სიით გასულმა ყველა დეპუტატმა. მათი განცხადებით, ისინი ანგარიშვალდებულად მიიჩნევენ თავს საზოგადოების წინაშე და დასამალი არაფერი აქვთ, ხოლო დეკლარაციის შევსება ტექნიკურ პროცედურას წარმოადგენს და არ უკავშირდება მანდატებზე უარის თქმის საკითხს.

თუმცა რამდენიმე დღის წინ ზოგიერთი ოპოზიციონერი დეპუტატები აცხადებდა, რომ დეკლარაციას არ შეავსებდა.

საჯარო სამართლის ბიუროს ვებგვერდზე ბოიკოტის რეჟიმში მყოფი დეპუტატების დეკლარაციები უკვე აისახა. დეკლარაციების შევსების ბოლო ვადა 10 თებერვალი იყო.

ოპოზიციონერი დეპუტატები ხელისუფლებას არჩევნების გაყალბებაში ადანაშაულებენ და გასული წლის დეკემბრიდან მანდატების გაუქმებას ითხოვენ. სამშაბათს პარლამენტმა ჩააგდო ოპოზიციისთვის მანდატების გაუქმების საკითხი და მისცა მათ დრო საგაზაფხულო სესიამდე, როდესაც ეს უკვე ავტომატურად მოხდება, რადგან დეპუტატები სხდომებს არ ესწრებიან.

თუმცა დეპუტატის სისხლის სამართლის პასუხისგებაში მიცემა შესაძლებელია მხოლოდ უფლებამოსილების გაუქმების შემდეგ.

159

მოძრაობამ „საქართველოსთვის“ ივანიშვილის რეზიდენციასთან საპროტესტო აქცია გამართა - ვიდეო

31
მოძრაობა „საქართველოსთვის“ აქტივისტებმა და ოპოზიციის წარმომადგენლებმა საპროტესტო მსვლელობა გამართეს პარლამენტთან მოწყობილი კარვების ქალაქიდან მილიარდერი ბიძინა ივანიშვილის რეზიდენციამდე

მომიტინგეების მთავარი მოთხოვნა რიგგარეშე საპარლამენტო არჩევნების ჩატარება, პოლიტპატიმრების გათავისუფლება და საარჩევნო სისტემის რეფორმაა.

დემონსტრანტების თქმით, ივანიშვილის პოლიტიკიდან წასვლა მხოლოდ ფორმალური ხასიათისაა, ის განაგრძობს ქვეყანაში პროცესების მართვას და მსვლელობით სწორედ ამასთან დაკავშირებით გამოხატეს პროტესტი.

 

31
არჩილ თალაკვაძე

დროებითი საგამოძიებო კომისიის შემადგენლობა ბიუროს დღეს წარედგინება

42
(განახლებულია 18:11 01.03.2021)
არჩევნებზე დარღვევების შესასწავლად შექმნილ პარლამენტის საგამოძიებო კომისიაში ოპოზიციის კვოტებს ფრიდონ ინჯია და დავით ზილფიმიანი დაიკავებენ.

თბილისი, 1 მარტი – Sputnik. 31 ოქტომბრის საპარლამენტო არჩევნების შემსწავლელი დროებითი საგამოძიებო კომისიის შემადგენლობა დღეს ბიუროს წარედგინება. 

2020 წლის 31 ოქტომბრის საპარლამენტო არჩევნების შემსწავლელი დროებითი საგამოძიებო კომისიის შექმნა ერთ-ერთი პირობა იყო, რომელიც მმართველმა პარტია „ქართული ოცნება – დემოკრატიულმა საქართველომ“ ოპოზიციას მისცა. უმრავლესობამ პირობა დადო – შეასრულოს ოპოზიციის მოთხოვნა და დანიშნოს ხელახალი საპარლამენტო არჩევნები, თუ ხმების დათვლაში ცდომილება თუნდაც 1%-ს შეადგენს. 

პარლამენტის რეგლამენტის თანახმად, დროებითი საგამოძიებო კომისიის პირველი სხდომა სამი დღის ვადაში გაიმართება, რომელზეც საგამოძიებო კომისიის თავმჯდომარეს და მდივანს აირჩევენ. ასევე დაამტკიცებენ კომისიის წესდებას.

საპარლამენტო არჩევნებთან დაკავშირებით შექმნილი დროებითი საგამოძიებო კომისია ოთხი წევრისგან იქნება დაკომპლექტებული, რომელშიც ოპოზიცია და უმრავლესობა ადგილებს თანაბრად გადაინაწილებენ – მმართველი გუნდიდან კომისიაში გივი მიქანაძე და ალუდა ღუდუშაური იქნებიან, „ევროპელ სოციალისტებს“ კი დავით ზილფიმიანი და ფრიდონ ინჯია წარმოადგენენ.

პარლამენტში მყოფი მეორე ოპოზიციური პარტია „მოქალაქეები“ კომისიის მუშაობაში მონაწილეობაზე უარს აცხადებს. დროებით საგამოძიებო კომისიას ასევე უნდობლობას უცხადებენ ბოიკოტის რეჟიმში მყოფი ოპოზიციური პარტიები.

კომისიაში ჩაერთვებიან არასამთავრობო ორგანიზაციები, რომლებიც დეპუტატებს დარღვევების შესახებ მათ ხელთ არსებულ მასალებს მიაწვდიან.

დროებითი საგამოძიებო კომისიის წევრთა რაოდენობა და კვოტები საპროცედურო საკითხთა და წესების კომიტეტმა განსაზღვრა.

17 თებერვლის პლენარულ სხდომაზე საქართველოს პარლამენტმა 78 ხმით არც ერთის წინააღმდეგ მიიღო დადგენილება „2020 წლის 31 ოქტომბრის საპარლამენტო არჩევნების შემსწავლელი საქართველოს პარლამენტის დროებითი საგამოძიებო კომისიის შექმნის შესახებ“. საგამოძიებო კომისიის უფლებამოსილების ვადა 3 თვით განისაზღვრა.

დადგენილების განმარტებითი ბარათის თანახმად, დროებითი საგამოძიებო კომისია სიღრმისეულად შეისწავლის 2020 წლის პარლამენტის არჩევნებს და საბოლოოდ გასცემს პასუხს, არსებობდა თუ არა ისეთი დარღვევები, რომლებმაც მნიშვნელოვანი გავლენა მოახდინეს ამომრჩეველთა ნების გამოხატვასა და არჩევნების საბოლოო შედეგებზე.

 

42
თემები:
საქართველოს პარლამენტი

თბილისში რკინიგზის სადგურზე ავზს ცეცხლი მოეკიდა - ვიდეო

0
(განახლებულია 19:50 01.03.2021)
თბილისი რკინიგზის სადგურზე მაზუთის ავზს ცეცხლის წაეკიდა. იხილეთ Sputnik საქართველოს ვიდეო შემთხვევის ადგილიდან

„საქართველოს რკინიგზას“ ისანი-სამგორის რაიონში მომხდარი ხანძრისგან მინიმალური ზარალი მიადგა. იქ ძველი ავზი აალდა, რომელშიც მაზუთის ნარჩენები იყო. მაგრამ ხანძრისგან წარმოქმნილი კვამლი იმდენად დიდი იყო, რომ ლამის ქალაქის ცენტრიდანაც კი ჩანდა.

შემთხვევის ადგილზე ოპერატიულად გამოცხადდა რამდენიმე სახანძრო-სამაშველო ბრიგადა და სპეცტექნიკა. ხანძარი სწრაფად ჩააქრეს. შემთხვევის შედეგად არავინ დაზარალებულა. აალების მიზეზები დგინდება. 

0