აქცია თბილისის ცენტრში

მასშტაბური აქციები: ქართული ოპოზიცია ახალი საპროტესტო ტალღისთვის ემზადება

797
(განახლებულია 23:29 15.02.2021)
ქართული ოპოზიციური პარტიების წარმომადგენლები ორ მასშტაბურ საპროტესტო აქციას აანონსებენ. აქციები თებერვლის და მარტის ბოლოს გაიმართება

თბილისი, 15 თებერვალი - Sputnik. ოპოზიცია 25 თებერვალსა და 31 მარტს ფართომასშტაბიანი საპროტესტო აქციების ჩატარებას გეგმავს.

ამის შესახებ ითქვა ოპოზიციური პარტიების ლიდერების შეხვედრის შემდეგ, რომელიც ორშაბათს საქართველოს ლეიბორისტული პარტიის ოფისში გაიმართა.

„ქართულ ოცნებას“ არ ესმის ჩვეულებრივი საუბარი, აბსოლუტურ იგნორირებას ახდენს იმ პრობლემებისა, რაც ქვეყანაშია. ამიტომ მივიღეთ გადაწყვეტილება, რომ დავგეგმოთ ფართომასშტაბიანი აქცია-მსვლელობა“, - განუცხადა ჟურნალისტებს პარლამენტის ყოფილმა სპიკერმა, ოპოზიციური პარტია „დემოკრატიული მოძრაობის“ ლიდერმა ნინო ბურჯანაძემ.

შეხვედრას ესწრებოდა ასევე „ერთიანი ნაციონალური მოძრაობის“ ლიდერი ნიკა მელია, რომლისთვისაც პარლამენტი დეპუტატის იმუნიტეტის მოხსნას გეგმავს.

მელიას ბრალი ედება 2019 წლის 20 ივნისის ღამით ჯგუფური ძალადობის ხელმძღვანელობასა და ორგანიზებაში, როდესაც ოპოზიციისა და სამოქალაქო საზოგადოების საპროტესტო აქციის მონაწილეებმა პარლამენტში შეჭრა სცადეს. ბრალი მელიას 2019 წლის ივნისშივე წაუყენეს, თუმცა სასამართლოს განაჩენი არ გამოუტანია.

ცნობილია, რომ იმუნიტეტის მოხსნის შემდეგ პროკურატურა მის მიმართ სასამართლოს საბოლოო გადაწყვეტილების გამოტანამდე პატიმრობას მოითხოვს.

„გამორიცხულია, „ქართულმა ოცნებამ“ მოახერხოს ჩემი დაჭერა, არა იმიტომ, რომ მაგარი ვარ და ოპოზიციაა მაგარი, უბრალოდ საფუძველი არ არსებობს“, - განუცხადა მელიამ ჟურნალისტებს.

იმ შემთხვევაში, თუ მელია გისოსებს მიღმა აღმოჩნდება, ეს მნიშვნელოვან გავლენას მოახდენს ოპოზიციის შემდგომ გეგმებზე.

„თუ ხელისუფლება გამოიყენებს ძალას, მას მოუწევს ფიზიკურად ძალიან ბევრი ადამიანის დაპატიმრება, ვიდრე ამ უგუნურ საწადელს მიაღწევს. წინააღმდეგობა იქნება სრული და პროპორციული. მოვა სპეცრაზმი, დამარტყამს, დავარტყამ, რადგან  ხელისუფლება გავიდა კანონის ფარგლებიდან“, - განაცხადა „ევროპული საქართველოს“ ლიდერმა გიგი უგულავამ.

საქართველოში აღკვეთის ღონისძიების შეცვლის შესახებ გადაწყვეტილებას სასამართლო ბრალდების მხარის შუამდგომლობის საფუძველზე იღებს. მაგრამ ამ შემთხვევაში მელიასთვის პატიმრობის შეფარდების შესახებ შუამდგომლობით სასამართლოს მიმართვამდე პროკურატურამ პარლამენტის ნებართვა უნდა მიიღოს.

პარლამენტი ნებართვას კომიტეტებზე განხილვის შემდეგ პლენარულ სხდომაზე გასცემს და ეს პროცედურა არ გულისხმობს მელიასთვის სადეპუტატო უფლებამოსილების ავტომატურად შეწყვეტას.

„ნიკა ჩემი უმცროსი მეგობარია. ის უსამართლობას ებრძვის პრინციპულად, ვაჟკაცურად. შესაბამისად, ყველა იმ ქმედებაში, რაც იქნება საჭირო, რომ ხელისუფლებამ უსამართლოდ არ დაჩაგროს ქვეყნის მოქალაქე, ოპოზიციური პარტიის ლიდერი, მე და ჩემი თანაპარტიელები ვიქნებით ნიკა მელიას გვერდით“, - აღნიშნა ბურჯანაძემ.

„ჩვენ მზად ვართ, ყველანაირად დავიცვათ ნიკა მელია, რადგან ნიკა მელიას სახით დღეს იდევნება ქართველი ხალხის საპროტესტო მუხტი“, - განაცხადა „ლეიბორისტული პარტიის“ ლიდერმა შალვა ნათელაშვილმა.

თუ პარლამენტი მელიას თაობაზე პროკურატურის მიმართვას დააკმაყოფილებს, ეს უკვე მეორე შემთხვევა იქნება, როდესაც საკანონმდებლო ორგანო მსგავს გადაწყვეტილებას იღებს ერთსა და იმავე საქმეზე – 2019 წლის 20 ივნისის ღამეს „ჯგუფური ძალადობის ხელმძღვანელობა და მასში მონაწილეობა“.

პირველად პარლამენტმა მელიას სადეპუტატო ხელშეუხებლობა 2019 წლის ივნისში მოუხსნა – პროკურატურის შუამდგომლობის საფუძველზე, ივლისში კი მელიას დეპუტატის მანდატი ვადაზე ადრე შეუჩერეს.

2019 წლის 27 ივნისს გამართულ სხდომაზე თბილისის საქალაქო სასამართლომ არ დააკმაყოფილა პროკურატურის შუამდგომლობა მელიას სასჯელაღსრულების დაწესებულებაში მოთავსების შესახებ და აღკვეთის ღონისძიების სახით 30 ათასი ლარის ოდენობით გირაოს გადახდა და ელექტრონული სამაჯურის ტარება დააკისრა. მას ასევე საჯაროდ გამოსვლა აეკრძალა. მაშინ ის ამ წესებს დაემორჩილა, მათ შორის, გირაოს თანხაც გადაიხადა.

მელია გასული წლის ოქტომბერში აქტიურად მონაწილეობდა წინასაარჩევნო კამპანიაში, 2020 წლის ნოემბერში კი, საპარლამენტო არჩევნების შემდეგ მან ერთ-ერთ მიტინგზე საჯაროდ მოიხსნა ელექტრონული სამაჯური და გადააგდო. ამის შემდეგ მას სამაჯურის ტარების ვალდებულება მოუხსნეს და გირაოს თანხა – 40 ათასი ლარი თავიდან დააკისრეს.

797
შარლ მიშელი

ევროპული საბჭოს პრეზიდენტი თბილისს ესტუმრა

39
მოლაპარაკებათა თემებს შორის იქნება ორმხრივი ურთიერთობები ევროკავშირთან, ბრძოლა კორონავირუსთან, ასევე „აღმოსავლეთ პარტნიორობის“ მომავალი.

თბილისი, 28 თებერვალი – Sputnik. ევროპული საბჭოს პრეზიდენტი შარლ მიშელი საქართველოს ეწვია.

მიშელის თვითმფრინავი თბილისის საერთაშორისო აეროპორტში დაეშვა. აეროპორტში მას დახვდნენ საქართველოს საგარეო საქმეთა მინისტრი დავით ზალკალიანი და საქართველოში ევროკავშირის ელჩი კარლ ჰარცელი.

ვიზიტის ფარგლებში ევროპული საბჭოს პრეზიდენტი გამართავს შეხვედრებს პრეზიდენტ სალომე ზურაბიშვილს, პრემიერ-მინისტრ ირაკლი ღარიბაშვილს და პარლამენტის სპიკერს არჩილ თალაკვაძეს. შარლ მიშელი ასევე პოლიტიკური პარტიების წარმომადგენლებს შეხვდება.

როგორც საქართველოს პრეზიდენტის პრესსამსახურში განმარტეს, ევროპული საბჭოს ხელმძღვანელის და ზურაბიშვილის მოლაპარაკებები გაიმართება ორშაბათს, 1 მარტს. შეხვედრის შემდეგ ისინი ერთობლივ პრესკონფერენციას გამართავენ.

მოლაპარაკებათა თემებს შორის იქნება ორმხრივი ურთიერთობები ევროკავშირთან, ბრძოლა კორონავირუსთან, ასევე „აღმოსავლეთ პარტნიორობის“ მომავალი.

შარლ მიშელი ქვეყანას 2 მარტს დატოვებს.

საქართველოში ვიზიტამდე შარლ მიშელი მოლდოვაში იმყოფებოდა. თბილისიდან ის უკრაინაში გაემგზავრება.

 

39
კარვები პარლამენტის შენობის წინ

რუსთაველის გამზირზე კარვების ქალაქი ფართოვდება

80
(განახლებულია 23:53 28.02.2021)
ორშაბათს, 1 მარტს, ოპოზიციის წარმომადგენლები გამართავენ მიტინგს მმართველი პარტია „ქართული ოცნების“ დამფუძნებლის, მილიარდერ ბიძინა ივანიშვილის სახლთან

თბილისი, 28 თებერვალი - Sputnik. თბილისში, პარლამენტის შენობის წინ ოპოზიციის წარმომადგენლებმა კიდევ ერთი, მე-15 კარავი დადგეს.

კარვის დადგმის დროს აქციის მონაწილეებსა და პოლიციას შორის მცირე შელაპარაკება მოხდა. მაგრამ ამჯერად საქმე დაკავებამდე არ მისულა და სიტუაცია განიმუხტა. ოპოზიციის წარმომადგენლებმა კარავი დადგეს, პოლიციამ კი მიმდებარე ტერიტორია დატოვა.

აქციის მონაწილეების თქმით, ორშაბათს, 1 მარტს, ისინი გამართავენ მიტინგს მმართველი პარტია „ქართული ოცნება - დემოკრატიული საქართველოს“ დამფუძნებლის, მილიარდერ ბიძინა ივანიშვილის სახლთან. აქცია 12:00 საათზე დაიწყება. სამშაბათს, 2 მარტს, პლენარული სხდომის დღეს ოპოზიციამ პარლამენტის შენობის პიკეტირება დააანონსა.

მომიტინგეები პოლიტპატიმრების გათავისუფლებას და ვადამდელი არჩევნების ჩატარებას მოითხოვენ. წინააღმდეგ შემთხვევაში ისინი კარვებში დარჩენას აპირებენ და მასშტაბურ აქციებს აანონსებენ.

საქართველოში პოლიტიკური კრიზისი „ერთიანი ნაციონალური მოძრაობის“ ლიდერის, ნიკა მელიას დაპატიმრების შემდეგ გამწვავდა. ოპოზიცია გავიდა ქუჩებში და ორი კვირის განმავლობაში აპირებს საპროტესტო აქციების გამართვას. ლიდერების თქმით, აქციები მხოლოდ იმ შემთხვევაში გადაიდება, თუ მმართველ პარტიასთან მოლაპარეკებები განახლდება.

80
აყვავებული რტო

ზოდიაქოს ხუთი რჩეული ნიშანი ვის გაუმართლებს ამ გაზაფხულზე

0
(განახლებულია 13:28 28.02.2021)
2021 წლის გაზაფხული ძალზე მრავალფეროვანი და მნიშვნელოვანი იქნება. გაუმართლებს ზოდიაქოს ყველა ნიშანს, მაგრამ განსაკუთრებით ვერძებს, ტყუპებსა და კიდევ სამ ნიშანს

მარტი და აპრილი 2021 წლის ყველაზე ხელსაყრელი თვეებია იმის წყალობით, რომ 27 აპრილამდე არც ერთი პლანეტა არ იქნება რეტროგრადული. იდეალური დროა მოქმედებებისთვის. მთავარია, სამყაროსთვის მადლობის თქმა არ დაგავიწყდეთ.

ზოდიაქოს ნიშნები, რომლებიც დიდებისა და პოპულარობისთვის დაიბადნენ>>

ვერძი

ვერძები – ადამიანები, რომლებიც ყოველთვის ზედაპირზე ხართ, მოქმედებთ მაშინაც, როდესაც სხვები ფარ–ხმალს ყრიან. თქვენი გაასმაგებული ენერგია და ნებისყოფა საოცარ შედეგებს მოიტანს. ესაა არა მხოლოდ იღბლიანობის დრო, არამედ ტოტალური ცვლილებების დროც. მთავარია, განზე არ გადგეთ და იმოქმედოთ, ეადოთ, კომფორტის ზონიდან გახვიდეთ. ესაა შესანიშნავი პერიოდი ცხოვრების ყველა სფეროში – თქვენთვის ყველა კარი გახსნილია.

ტყუპი

ქარიზმისა და მომხიბვლელობის წყალობით ბევრი რამის მიღწევა შეგიძლიათ. მარტსა და აპრილში ნამდვილად იქნებით წარმატებული ადამიანები, რადგან ჩარჩოებში ვერავინ და ვერაფერი მოგაქცევთ. ირგვლივ ყველა იგრძნობს თქვენი ხასიათის ძალასა მეგობრულ დამოკიდებულებას. ყველაზე მეტი იღბალი სასიყვარულო სფეროში გელოდებათ. თუმცა, გამონაკლისი არც სამუშაო და ფინანსებია. მთავარი, რაც უნდა გახსოვდეთ – ნებისმიერი ყინულის გალღობა სიკეთეს შეუძლია.

ლომი

გაზაფხულის იღბლიან ნიშანთა შორის თქვენც ხართ. ნამდვილი ტრიუმფი გელოდებათ. ეს პერიოდი ბედნიერებისა და იღბლის მომტანია. ექსპერტები აცხადებენ, რომ ბოლო ორიოდე წლის განმავლობაში მიღწეულ წარმატებებს შორის ყველაზე დიდი წარმატებები სწორედ ახლა გელოდებათ. რაც მთავარია, ამისთვის რამის მსხვერპლად გაღება არ დაგჭირდებათ. გელოდებათ საპასუხო სიყვარული, მნიშვნელოვან ადამიანებთან შეხვედრა, კარიერული წინსვლა და სხვ.

ზოდიაქოს ნიშნები, რომლებიც მიზნებს თავიანთი მომხიბვლელობით აღწევენ>>

ქალწული

მიწის სტიქიის წარმომადგენლებს შორის თქვენ ყველაზე იღბლიანი იქნებით ამ გაზაფხულზე. თქვენს ცხოვრებაში ახალი გზა იხსნება. დიდი ალბათობით, მიიღებთ საინტერესო წინადადებებს სამსახურთან დაკავშირებით. უარის თქმა ზოგიერთზე გაგიჭირდებათ, მაგრამ საჭიროა, რომ ობიექტურობა შეი8ნარჩუნოთ და სიფრთხილე გამოიჩინოთ. ძალზე ხელსაყრელი დროა ძვირად ღირებული ნივთების შესაძენად. ასტროლოგები გირჩევენ, დაფიქრებით გაანაწილოთ თქვენი ფინანსები. ზოგადად, კარგი თვეა შრომისმოყვარე ქალწულებისთვის, ხოლო ავანტიურა და რისკი კარგს არაფერს მოიტანს.

მერწყული

ამ გზაფხულზე ვარსკვლავები და პლანეტები არაჩვეულებრივი ინტუიციით დაგასაჩუქრებენ, რაც ყველაზე მწვავე პრობლემებისა და გაუგებრობების მოგვარებაში დაგეხმარებათ. მარტი და აპრილი დიდი გამარჯვებების თვეები იქნება როგორც სასიყვარულო, ისე ფინანსურ ასპარეზზე. შეძლებთ ცხოვრების გამრავალფეროვნებას, ახალი მოტივაციის შეძენას, ცნობიერების „გადატვირთვას“. უსიამოვნებები მალე გაივლის და თქვენს სულში კვალს არ დატოვებს. შესაძლოაშეხვდეთ ადამიანებს, რომლებიც თვალს აგიხელენ ცხოვრების მნიშვნელოვან ასპექტებზე.

0