აქცია ქუთაისში

საპროტესტო აქციებზე დაკავებულ აქტივისტებს ჯარიმები დაეკისრა

168
(განახლებულია 19:06 14.02.2021)
შაბათს თბილისსა და ქუთაისში საპროტესტო აქციებზე წვრილმანი ხულიგნობისა და პოლიციისადმი დაუმორჩილებლობის ბრალდებით რამდენიმე აქტივისტი დააკავეს

თბილისი, 14 თებერვალი – Sputnik. თბილისში, მმართველი პარტია „ქართული ოცნება - დემოკრატიული საქართველოს“ ოფისთან გამართული საპროტესტო აქციის დროს დაკავებული „მოძრაობა საქართველოსთვის“  წევრები სასამართლომ ადმინისტრაციული წესით დააჯარიმა, იუწყება პირველი არხი.

კახა კვეკვესკირს სასამართლომ 1 100 ლარის გადახდა დაკისრა, ხოლო დათო დიღმელაშვილს - 1000 ლარის. ისინი წვრილმანი ხულიგნობისა და პოლიციისადმი დაუმორჩილებლობის ბრალდებით მმართველი პარტიის ოფისთან 13 თებერვალს დააკავეს.

„ასე სწრაფად გადაწყვეტილების მიღება მოსამართლის მიერ არ არის ახალი ამ ქვეყანაში. ამოპრინტა დადგენილება და გაიქცა. მე დამაჯარიმეს 1 100 ლარით. საერთოდ არანაირი მტკიცებულება სასამართლოს არა აქვს. ჩვენგან შუამდგომლობა არ მიიღეს. გაქცევის დროს მოსამართლემ წამოიძახა, რომ გასაჩივრების უფლება გაქვთო“, - განაცხადა „მოძრაობა საქართველოსთვის“ წევრმა, კახა კვეკვესკირმა.

დათო დიღმელაშვილის განცხადებით,  სასამართლოს მიერ მისთვის დაკისრებული ჯარიმა პოლიტიკურად მოტივირებულია.

„ჩემს შემთხვევაში იყო 1000-ლარიანი ჯარიმა. წინააღმდეგობის გაწევის მუხლი მქონდა. მიმაჩნია, რომ ეს ჯარიმა და პოლიციის მიერ ჩვენდამი დამოკიდებულება სუფთა პოლიტიკური ნიშნით ხდება. ვაპროტესტებთ ამ ხელისუფლების უზურპაციას და ვითხოვთ ვადამდელ არჩევნებს. ასეთი ადმინისტრაციული ღონისძიებებით გვსჯიან ჩვენ და ჩვენს მეგობრებს“, - განაცხადა დიღმელაშვილმა.

13 თებერვალს მმართველი პარტიის ოფისთან  ახალგაზრდული ორგანიზაციების - „შეცვალე“ და „მოძრაობა საქართველოსთვის“ რამდენიმე ათეულმა წარმომადგენელმა ოფისში მიმდინარე საპარლამენტო უმრავლესობის სხდომის პარალელურად საპროტესტო აქცია გამართა.

ისინი მივიდნენ „ოცნების“ ოფისთან, რათა კიდევ ერთხელ შეეხსენებინათ მმართველი პარტიისთვის გაყალბებული არჩევნების შესახებ და ოთხშაბათსა და ხუთშაბათს გამართული აქციების შემდეგ თავისი თანამოაზრეების დაკავება გაეპროტესტებინათ.

აქციის მონაწილეების განცხადებით, პოლიციამ მათი თანამოაზრეების დაკავებები მას შემდეგ დაიწყო, რაც მომიტინგეებმა „ქართული ოცნების“ წევრები, რომლებიც ოფისს პარკინგიდან ტოვებდნენ, შეძახილებით „მონებო“ გააცილეს.

გუშინ ასევე გაიმართა აქცია ქუთაისის მერიასთან. მცირერიცხოვან, თუმცა ხმაურიან აქციაზე პოლიციამ 6 პირი დააკავა. სასამართლომ ისინი დარბაზიდან გაათავისუფლა. სამ მათგან ადმინისტრაციული ჯარიმა დაეკისრა, სამის პროცესი კი გადაიდო.

ოპოზიციის, სამოქალაქო აქტივისტებისა და არასამთავრობო სექტორის საპროტესტო აქციები ბოლო დროს რეგულარულად მოვლენად იქცა. აქციებში, ძირითადად, რამდენიმე ათეული ადამიანი მონაწილეობს. ხანდახან უფრო ნაკლებიც, თუმცა პროტესტი ყოველთვის ხმაურიანია. დემონსტრანტები იყენებენ მეგაფონებს, დინამიკებს, სასტვენებს.

168
გაერთიანებული ოპოზიციის საპროტესტო აქცია. 26.02.2021

ოპოზიცია პარლამენტთან მშვიდობიან პროტესტს აანონსებს

47
ყველაფერი დაიწყება დილით მჯდომარე პროტესტით პარლამენტთან, დღისით კი ოპოზიციის წარმომადგენლები შენობის პიკეტირებას აანონსებენ

თბილისი, 27 თებერვალი – Sputnik. 2 მარტს საქართველოს პარლამენტის შენობის პიკეტირების მიზანს არ წარმოადგენს ძალადობის პროვოკაცია, განაცხადა ყველაზე მსხვილი ოპოზიციური პარტია „ერთიანი ნაციონალური მოძრაობის“ ერთ-ერთმა ლიდერმა, თინა ბოკუჩავამ.

ოპოზიციამ დააანონსა პარლამენტის შენობის პიკეტირება სამშაბათს, პლენარული სხდომის დღეს, რამაც ექსპერტებში სიტუაციის კიდევ უფრო მეტი დაძაბულობის პროვოცირების შიში გამოიწვია.

„აქცია მიზნად არ ისახავს ე.წ. დეპუტატების გადაადგილების თავისუფლების შეზღუდვას საფეხმავლო ნაწილზე. ისინი იძულებული გახდებიან, ჩვენი მშვიდობიანი პროტესტის ფონზე, გადმოსხდნენ საკუთარი ძვირად ღირებული მანქანებიდან, რადგან საავტომობილო გზაზე ვაპირებთ, გამოვხატოთ ჩვენი პროტესტი მშვიდობიანი გზით“, - განაცხადა ბოკუჩავამ.

მან აღნიშნა, რომ პიკეტის მიზანია აიძულონ დეპუტატებს ხალხის ხმა გაიგონონ.

გარდა ამისა, აქციაზე კიდევ ერთხელ გაჟღერდება ოპოზიციის მოთხოვნები: ვადამდელი არჩევნები და პოლიტპატიმართა გათავისუფლება.

ხოლო პარტია „ლელოს“ წარმომადგენელმა თაზო დათუნაშვილმა დააზუსტა, რომ პარლამენტთან ასევე იქნება მჯდომარე პროტესტი, რომელიც 09:00 საათზე დაიწყება.

საქართველოში პოლიტიკური კრიზისი „ერთიანი ნაციონალური მოძრაობის“ ლიდერის ნიკა მელიას დაპატიმრების შემდეგ გამწვავდა. ოპოზიცია გავიდა ქუჩებში და ორი კვირის განმავლობაში საპროტესტო აქციების გამართვას გეგმავს, რომლებიც, ლიდერების თქმით, მხოლოდ იმ შემთხვევაში გადაიდება, თუ მმართველ პარტიასთან „ქართული ოცნება - დემოკრატიული საქართველო“ მოლაპარაკების პროცესი განახლდება.

 

 

47
ოპოზიციის აქცია. 26/02/2021

რუსთაველის გამზირზე გზის გადაკეტვას კიდევ ერთი ოპოზიციური პარტია ემიჯნება

64
(განახლებულია 16:53 27.02.2021)
ოპოზიცია გეგმავს პარლამენტისა და მთავრობის კანცელარიის პიკეტირებას, ასევე აქციებს შსს-სთან და თბილისის საქალაქო სასამართლოსთან.

თბილისი, 27 თებერვალი - Sputnik. ოპოზიციური პარტია „სტრატეგია აღმაშენებელი“ რუსთაველის გამზირზე გზის სავალი ნაწილის კარვებით გადაკეტვის იდეას არ ეთანხმება და მიიჩნევს, რომ დისკომფორტი არა მოქალაქეებს, არამედ ხელისუფლებას უნდა შეექმნას.

ოპოზიცია ხელისუფლებას მოთხოვნების დასაკმაყოფილებლად ორკვირიან ვადას აძლევს >>

პარასკევს ახალგაზრდულმა ორგანიზაციამ „მოძრაობა საქართველოსთვის“ ხელისუფლებას მათი მოთხოვნების დასაკმაყოფილებლად ორკვირიანი ვადა მისცა, წინააღმდეგ შემთხვევაში აქტივისტები რუსთაველის გამზირის გადაკეტვას გეგმავენ. აქციის ორგანიზატორები ვადამდელ საპარლამენტო არჩევნებს, პოლიტიკური დევნის შეჩერებას, პოლიტპატიმრების გათავისუფლებასა და ცენტრალური საარჩევნო კომისიის ხელახალ დაკომპლექტებას ითხოვენ.

როგორც „სტრატეგია აღმაშენებლის" პოლიტიკური საბჭოს წევრმა, პაატა მანჯგალაძემ განაცხადა, არაძალადობრივი წინააღმდეგობის მთავარი იდეა არის ის, რომ ოპოზიციამ ხმა მიაწვდინოს და დისკომფორტი შეუქმნას ხელისუფლებას და არა ხალხს.

„ჩვენ მოძრაობის ლიდერებს დაველაპარაკებით და ჩვენს არგუმენტებს ვეტყვით. თუმცა, ჩვენ, „სტრატეგია აღმაშენებელი" არ ვემხრობით მოქალაქეებისთვის დისკომფორტის შექმნას. მათ შორის არც კარვების გადმოტანას სავალ ნაწილზე", - განაცხადა მანჯგალაძემ.

დედაქალაქში გუშინ ოპოზიციურმა პარტიებმა ფართომასშტაბიანი საპროტესტო აქცია გამართეს, რომელსაც საქართველოს სხვადასხვა რეგიონიდან მათი მხარდამჭერებიც შეუერთდნენ. ოპოზიციამ ორი კვირის განმავლობაში თბილისში საპროტესტო აქციებისა და პიკეტების მოწყობა დააანონსა.

ოპოზიციურ პარტიაში მიაჩნიათ, რომ მიუხედავად დაანონსებული აქციების, ხელისუფლების მხრიდან დათმობების შემთხვევაში, აქციების განრიგი შესაძლოა შეიცვალოს.

„თუ ხელისუფლება წამოვა გარკვეულ დათმობებზე, თუ პოლიტპატიმრები გათავისუფლდება, თუ დავინახავთ, რომ ხელისუფლება ცდილობს სიტუაციის განმუხტვას, რა თქმა უნდა, შეიძლება, შევიდეს ცვლილებები ამ აქციების განრიგში, ეს არ არის რაღაც ქვაში გამოკვეთილი, ჩვენ ვართ საკმაოდ მოქნილები და საკმაოდ კონსტრუქციულად განწყობილები“, – განაცხადა ჩიხლაძემ.

რუსთაველის გამზირის გადაკეტვას გაემიჯნა პოლიტიკური გაერთიანება „ლელო საქართველოსთვისაც“. პარტიის ლიდერის, მამუკა ხაზარაძის განცხადებით, ისინი კატეგორიულად ემიჯნებიან ყველა იმ ქმედებას, რომელმაც შეიძლება ქვეყნის პარალიზება გამოიწვიოს.

რაც შეეხება დანარჩენ ოპოზიციურ სპექტრს, იმ შემთვევაში, თუ ხელსიუფლება არ შეასრულებს პროტესტის მონაწილეთა მოთხოვნებს, ქმედებები იქნება რაც შეიძლება მკაცრი, თუმცა კონსტიტუციისა და სამართლის ჩარჩოებში. ამის შესახებ „ლეიბორისტული პარტიის“ პოლიტიკურმა მდივანმა გიორგი გუგავამ განაცხადა.

პარლამენტის შენობასთან ამ დროისათვის 11 კარავია გაშლილი.

 

64
ნანა ჩაჩუა

ნანა ჩაჩუა: თუკი წარსულს გამოცდილებად არ იტოვებ, მაშინ ის უბრალო თარიღებია

0
(განახლებულია 09:51 28.02.2021)
ნანა ჩაჩუა საუბრობს წარსულზე, ცხოვრებისგან მიღებულ გამოცდილებაზე, რომელიც აუცილებლად გასათვალისწინებელია.
ნანა ჩაჩუა: თუკი წარსულს გამოცდილებად არ იტოვებ, მაშინ ის უბრალო თარიღებია
„ეკლესიასტეში წერია: „ნურავინ იტყვის აწმყო წარსულს რად სჯობიაო, რადგან ამ სიტყვას სიბრძნე არ ახლავს“. მე ბევრჯერ მიფიქრია ამ ფრაზაზე. რატომ უნდა ვიფიქრო ამ ასაკის ადამიანმა, რომ ჩემი აწმყო ჯობია იმ წარსულს, როცა მე ოცის, ოცდაათის ან თუნდაც ორმოცი წლის რომ ვიყავი?! იმიტომ, რომ ჩემს ასაკში ოციცაა, ოცდააათიც, ორმოციც ანუ იმ წლებისგან დაგროვილი გამოცდილებაა“- ამბობს ნანა ჩაჩუა.

ნანა ჩაჩუა: „ჩემს ასაკს აქვს ყველა ის გამოცდილება, თუკი გამოცდილებად მაქვს დატოვებული, რაც აქამდე მქონდა, ყველა ის გამოცდილება ჩემს ასაკში თავსდება. თუმცა აქ ერთი რამაა საგულისხმო, რომ ინდივიდის დონეზე წარსული გამოცდილებად რჩება. თუკი არ რჩება გამოცდილება, მაშინ გამოდის, რომ შენ წარსულში არ გიცხოვრია.“

0