ნიკა მელია

სკანდალი ნიკა მელიას ირგვლივ გრძელდება: ოპოზიციის და ხელისუფლების თვალსაზრისი

118
მელიას ბრალად ედება 2019 წლის 20 ივნისის ღამეს ჯგუფური ძალადობის ხელმძღვანელობა და ორგანიზება, როდესაც ოპოზიციის და სამოქალაქო საზოგადოების საპროტესტო აქციის მონაწილეებმა პარლამენტში შეჭრა სცადეს.

თბილისი, 14 თებერვალი – Sputnik. მთავარი ოპოზიციური პარტია „ერთიანი ნაციონალური მოძრაობის“ ლიდერი, ნიკა მელია გირაოს გადახდაზე უარს აცხადებს და გენერალურმა პროკურატურამ პარლამენტს მიმართა თხოვნით, რათა პოლიტიკოსის დაპატიმრების შესაძლებლობა მისცეს, რამაც ოპოზიციის აღშფოთება გამოიწვია.

ნიკა მელიას ბრალად ედება 2019 წლის 20-21 ივნისის საპროტესტო აქციების დროს ჯგუფური ძალადობის ორგანიზება, ხელმძღვანელობა და მასში მონაწილეობა, რა დროსაც ოპოზიციის და სამოქალაქო საზოგადოების საპროტესტო აქციის მონაწილეებმა პარლამენტში შეჭრა სცადეს. მელიას ბრალი 2019 წლის ივნისში წარედგინა, თუმცა სასამართლოს გადაწყვეტილება დღემდე არ მიუღია.

ახლა კი მელია კვლავ აღმოჩნდა სადეპუტატო უფლებამოსილების მოხსნის საფრთხის წინაშე, რის შემდეგ ის აღმოჩნდება სასამართლოში, რომელიც მის შემდგომ ბედს გადაწყვეტს. პროკურატურა განაჩენის გამოტანამდე სასამართლოს მისთვის პატიმრობის შეფარდების შუამდგომლობით მიმართავს.

ოპოზიცია აღშფოთებულია იმის გამო, რომ მელია შესაძლოა სასამართლოში აღმოჩნდეს.

„მელიას საქმე ნათელი დასტურია, თუ რა მეთოდებით იბრძვის „ქართული ოცნება“ ძალაუფლების შესანარჩუნებლად, თუ რამხელა საფრთხეს წარმოადგენს ის საქართველოს დემოკრატიული მომავლისთვის. ნიკა მელიას დაპატიმრება ან დაპატიმრების მომზადების მედია პროცესის შექმნა, ისედაც რადიკალიზებული პოლიტიკური გარემოს მეტად პოლარიზების შესაძლებლობას აჩენს, რაც მხოლოდ და მხოლოდ პროვოკაციად შეიძლება შეფასდეს“, - ნათქვამია ოპოზიციის ერთობლივ განცხადებაში, რომელსაც  ხელს 20 პარტიის წარმომადგენელი აწერს.

„ქართულ ოცნებაში“ კი მელიას ქმედებებს პროვოკაციურს უწოდებენ.

„ამ გადაწყვეტილებას ჩვენ მივიღებთ სხდომაზე, როდესაც დადგება დღის წესრიგში და ყველა ერთად იხილავთ, რომ ჩვენ ამ გადაწყვეტილებას მივიღებთ სახელმწიფოს და მართლმსაჯულების ინტერესებიდან გამომდინარე. სასამართლოს გადასაწყვეტია, იმუნიტეტის მოხსნის შემთხვევაში, დააკავებს თუ რაიმე სხვა სანქციით დაუმძიმებს წინასწარი აღკვეთის მდგომარეობას ნიკა მელიას“, - განაცხადა საპარლამენტო უმრავლესობის ერთ-ერთმა ლიდერმა ბექა დავითულიანმა.

პირველად პარლამენტმა მელიას სადეპუტატო ხელშეუხებლობა 2019 წლის ივნისში მოუხსნა – პროკურატურის შუამდგომლობის საფუძველზე, ივლისში კი მელიას დეპუტატის მანდატი ვადაზე ადრე შეუჩერეს.

თბილისის საქალაქო სასამართლომ არ დააკმაყოფილა პროკურატურის შუამდგომლობა მელიას სასჯელაღსრულების დაწესებულებაში მოთავსების შესახებ და აღკვეთის ღონისძიების სახით 30 ათასი ლარის ოდენობით გირაოს გადახდა და ელექტრონული სამაჯურის ტარება დააკისრა. მას ასევე საჯაროდ გამოსვა აეკრძალა.

მელია გასული წლის ოქტომბერში აქტიურად მონაწილეობდა წინასაარჩევნო კამპანიაში, 2020 წლის ნოემბერში კი, საპარლამენტო არჩევნების შემდეგ მან ერთ-ერთი მიტინგზე საჯაროდ მოიხსნა ელექტრონული სამაჯური და გადააგდო. ამის შემდეგ მას სამაჯურის ტარების ვალდებულება მოუხსნეს და გირაოს თანხა 40 ათას ლარამდე გაუზარდეს.

118

მოძრაობამ „საქართველოსთვის“ ივანიშვილის რეზიდენციასთან საპროტესტო აქცია გამართა - ვიდეო

29
მოძრაობა „საქართველოსთვის“ აქტივისტებმა და ოპოზიციის წარმომადგენლებმა საპროტესტო მსვლელობა გამართეს პარლამენტთან მოწყობილი კარვების ქალაქიდან მილიარდერი ბიძინა ივანიშვილის რეზიდენციამდე

მომიტინგეების მთავარი მოთხოვნა რიგგარეშე საპარლამენტო არჩევნების ჩატარება, პოლიტპატიმრების გათავისუფლება და საარჩევნო სისტემის რეფორმაა.

დემონსტრანტების თქმით, ივანიშვილის პოლიტიკიდან წასვლა მხოლოდ ფორმალური ხასიათისაა, ის განაგრძობს ქვეყანაში პროცესების მართვას და მსვლელობით სწორედ ამასთან დაკავშირებით გამოხატეს პროტესტი.

 

29
არჩილ თალაკვაძე

დროებითი საგამოძიებო კომისიის შემადგენლობა ბიუროს დღეს წარედგინება

41
(განახლებულია 18:11 01.03.2021)
არჩევნებზე დარღვევების შესასწავლად შექმნილ პარლამენტის საგამოძიებო კომისიაში ოპოზიციის კვოტებს ფრიდონ ინჯია და დავით ზილფიმიანი დაიკავებენ.

თბილისი, 1 მარტი – Sputnik. 31 ოქტომბრის საპარლამენტო არჩევნების შემსწავლელი დროებითი საგამოძიებო კომისიის შემადგენლობა დღეს ბიუროს წარედგინება. 

2020 წლის 31 ოქტომბრის საპარლამენტო არჩევნების შემსწავლელი დროებითი საგამოძიებო კომისიის შექმნა ერთ-ერთი პირობა იყო, რომელიც მმართველმა პარტია „ქართული ოცნება – დემოკრატიულმა საქართველომ“ ოპოზიციას მისცა. უმრავლესობამ პირობა დადო – შეასრულოს ოპოზიციის მოთხოვნა და დანიშნოს ხელახალი საპარლამენტო არჩევნები, თუ ხმების დათვლაში ცდომილება თუნდაც 1%-ს შეადგენს. 

პარლამენტის რეგლამენტის თანახმად, დროებითი საგამოძიებო კომისიის პირველი სხდომა სამი დღის ვადაში გაიმართება, რომელზეც საგამოძიებო კომისიის თავმჯდომარეს და მდივანს აირჩევენ. ასევე დაამტკიცებენ კომისიის წესდებას.

საპარლამენტო არჩევნებთან დაკავშირებით შექმნილი დროებითი საგამოძიებო კომისია ოთხი წევრისგან იქნება დაკომპლექტებული, რომელშიც ოპოზიცია და უმრავლესობა ადგილებს თანაბრად გადაინაწილებენ – მმართველი გუნდიდან კომისიაში გივი მიქანაძე და ალუდა ღუდუშაური იქნებიან, „ევროპელ სოციალისტებს“ კი დავით ზილფიმიანი და ფრიდონ ინჯია წარმოადგენენ.

პარლამენტში მყოფი მეორე ოპოზიციური პარტია „მოქალაქეები“ კომისიის მუშაობაში მონაწილეობაზე უარს აცხადებს. დროებით საგამოძიებო კომისიას ასევე უნდობლობას უცხადებენ ბოიკოტის რეჟიმში მყოფი ოპოზიციური პარტიები.

კომისიაში ჩაერთვებიან არასამთავრობო ორგანიზაციები, რომლებიც დეპუტატებს დარღვევების შესახებ მათ ხელთ არსებულ მასალებს მიაწვდიან.

დროებითი საგამოძიებო კომისიის წევრთა რაოდენობა და კვოტები საპროცედურო საკითხთა და წესების კომიტეტმა განსაზღვრა.

17 თებერვლის პლენარულ სხდომაზე საქართველოს პარლამენტმა 78 ხმით არც ერთის წინააღმდეგ მიიღო დადგენილება „2020 წლის 31 ოქტომბრის საპარლამენტო არჩევნების შემსწავლელი საქართველოს პარლამენტის დროებითი საგამოძიებო კომისიის შექმნის შესახებ“. საგამოძიებო კომისიის უფლებამოსილების ვადა 3 თვით განისაზღვრა.

დადგენილების განმარტებითი ბარათის თანახმად, დროებითი საგამოძიებო კომისია სიღრმისეულად შეისწავლის 2020 წლის პარლამენტის არჩევნებს და საბოლოოდ გასცემს პასუხს, არსებობდა თუ არა ისეთი დარღვევები, რომლებმაც მნიშვნელოვანი გავლენა მოახდინეს ამომრჩეველთა ნების გამოხატვასა და არჩევნების საბოლოო შედეგებზე.

 

41
თემები:
საქართველოს პარლამენტი
ლევან გორგაძე

ტოჩინოშინი დაქვეითდა - ქართველი სუმოისტი მარტის ბაშოზე მე-7 მაეგაშირა იქნება

0
ტოჩინოშინისთვის მარტის სუპერტურნირი მის კარიერაში რიგით 90-ე ბაშო იქნება. ბაშო ტოკიოში გაიმართება და მას მაყურებელიც დაესწრება.

თბილისი, 1 მარტი - Sputnik. ქართველი სუმოისტი ლევან გორგაძე, იგივე ტოჩინოშინი, დაქვეითდა, ამას იაპონიის სუმოს ასოციაციის მარტის რეიტინგი ცხადყოფს.

ქართველმა სუმოისტმა წლის პირველი ბაშო უარყოფითი ბალანსით (4-11) დაასრულა, რაც განახლებულ რეიტინგზეც აისახა. ტოჩინოშინი აღმოსავლეთის მე-4 მაეგაშირას სტატუსს ატარებდა, ახლა კი ის აღმოსავლეთის მე-7 მაეგაშირაა.

მარტის ბაშოზე იოკუძუნას სტატუსით ორი სუმოისტი, ჰაკუჰო და კაკურიო იასპარეზებენ. ოძეკის რანგში შოდაი, ასანოიამა და ტაკაკეიშო გამოვლენ, ხოლო ტერუნოფუჯი და ტაკანოშო სეკივაკეს რანგში იქნებიან.

ტოჩინოშინი პროფესიულ სუმოში 2006 წლიდან გამოდის. უმაღლეს, მაკუუჩი დივიზიონში მისი დებიუტი 2008 წელს შედგა. რაც შეეხება მიღწევებს, ქართველ სუმოისტს იმპერატორის თასი ერთხელ აქვს მოგებული. ლევან გორგაძე კარიერის განმავლობაში შვიდჯერ იყო ოძეკის რანგში წარდგენილი. ქართველისთვის მარტის სუპერტურნირი 90-ე ბაშო იქნება.

მარტის (ჰარუ) ბაშო მსოფლიოში გავრცელებული პანდემიის გამო ტოკიოში 14-28 მარტს გაიმართება. ჩვეულებრივ ჰარუ ბაშოს იაპონიის ქალაქი ოსაკა მასპინძლობს ხოლმე.

0