ვინ შევა არჩევნებზე დარღვევების შემსწავლელ საგამოძიებო კომისიაში

© Sputnik / STRINGERსაარჩევნო ურნა
საარჩევნო ურნა - Sputnik საქართველო, 1920, 08.02.2021
გამოწერა
კომისია ორი კვირის შემდეგ შეიქმნება, როდესაც დადგენილებას მიიღებენ, მაგრამ მასში შესვლისთვის მზად ჯერჯერობით მხოლოდ ორი ოპოზიციური პარტიის წარმომადგენლები არიან.

თბილისი, 8 თებერვალი – Sputnik. საქართველოს პარლამენტის ვიცე-სპიკერი, დეპუტატი პარტიიდან „მოქალაქეები“ ლევან იოსელიანი აცხადებს, რომ მზადაა ჩაერთოს 2020 წლის 31 ოქტომბრის საპარლამენტო არჩევნებზე დარღვევების გამოვლენის დროებითი საგამოიებო კომისიის მუშაობაში.

„სრული სიგიჟეა“: ოპოზიციონერი დეპუტატები დეკლარაციების შევსებას არ აპირებენ>>

საგამოძიებო კომისიის შექმნა ერთ-ერთი პირობაა, რომელიც მმართველმა პარტიამ „ქართული ოცნება – დემოკრატიული საქართველო“ ოპოზიციას მისცა. უმრავლესობამ პირობა დადო – შეასრულოს ოპოზიციის მოთხოვნა და დანიშნოს ხელახალი საპარლამენტო არჩევნები, თუ ხმების დათვლაში ცდომილება თუნდაც 1%-ს შეადგენს.

მეათე მოწვევის პარლამენტი. კულუარები - Sputnik საქართველო, 1920, 04.02.2021
როგორ გამოიძიებს საპარლამენტო კომისია არჩევნებზე მომხდარ დარღვევებს

„ოპოზიციას რატომ არ უნდა ჩართვა, მათ უნდა ჰკითხოთ. მინდა, რომ ჩაერთონ და მათთან ერთად ის დავამტკიცოთ, რაზეც ამდენი ხანია ვსაუბრობთ. ჩვენ არ გვყოლია დამკვირვებლები არჩევნებზე და რთული იქნება ყველას ნაცვლად იმ მტკიცებულების ტვირთის აწევა, რაც ოპოზიციამ საგამოძიებო კომისიის ფარგლებში უნდა დაადასტუროს“, – განაცხადა იოსელიანმა.

მისი თქმით, პარტია „მოქალაქეებს“ წარმომადგენლები ჰყავდა საბურთალოს რაიონში, სადაც მნიშვნელოვანი დარღვევები დაფიქსირდა.

„ამას დაემატა ოპოზიციის დანარჩენი პარტიების განცხადებები, რომ ყველგან ასეთი სიტუაცია იყო და არანაირი საფუძველი არ გვაქვს, მათ არ დავუჯეროთ. მაგრამ ვამბობთ, მოდით, ეს ყველაფერი საგამოძიებო კომისიის ფარგლებში დავამტკიცოთ. ის მტკიცებულებები მოიტანონ, რაც სასამართლოში შეიტანეს და სასამართლომ განხილვაზე უარი თქვა“, – აღნიშნა იოსელიანმა.

ოპოზიცია კომისიის პრინციპს არ ეთანხმება და აცხადებს, რომ „ქართული ოცნების“ მიერ კონტროლირებადმა საარჩევნო ადმინისტრაციებმა უკვე „გაასუფთავეს“ უზუსტობები და გადათვლა შედეგს არ მოიტანს. ისინი ასევე აცხადებენ, რომ შედეგები არ აჩვენებს დარღვევებს უშუალოდ არჩევნების მსვლელობის დროს და წინასაარჩევნო კამპანიის დროს, როდესაც მმართველმა პარტიამ ადმინისტრაციული რესურსი გამოიყენა.

პარლამენტის სხდომათა დარბაზი - Sputnik საქართველო, 1920, 03.02.2021
მანდატების შენარჩუნება ოპოზიციისთვის – ახალი შანსი თუ კონსტიტუციის დარღვევა

„დღეს უკვე, როდესაც ცენტრალურ საარჩევნო კომისიას ყველაფერი აქვს გაკეთებული, რომ ცხელი კვალი და გაყალბების ფაქტები წაშალოს, გაასწოროს და შესაბამისობაში მოიყვანოს, ბუნებრივია, აზრი არ აქვს. არსებული პოლიტიკური კრიზისის გადაწყვეტის მთავარი ხერხი მხოლოდ და მხოლოდ იქნება ვადამდელი საპარლამენტო არჩევნების ჩატარება“, – განაცხადა „ნაციონალური მოძრაობის“ ერთ-ერთმა ლიდერმა ლევან ბეჟაშვილმა.

პარლამენტის ბიუროს სხდომაზე დღეს დროებითი საგამოძიებო კომისიის შექმნის თაობაზე დადგენილების პროექტის შესახებ იმსჯელეს და მოიწონეს.

კომისიის შესაქმნელად 50 დეპუტატის მხარდაჭერაა საჭირო. კომისია დადგენილების მიღების შემდეგ ორ კვირაში უნდა შეიქმნას. მასში კვოტებს პროცედურულ საკითხთა კომიტეტი გადაანაწილებს.

რაც შეეხება კომისიის თავმჯდომარეს, უმრავლესობა კანდიდატურასთან დაკავშირებით პოლიტიკურ კონსულტაციებს გამართავს.

პარლამენტში შესულ ოპოზიციას უფლებამოსილება გაეზარდა>>

ამჟამად ოპოზიციას პარლამენტში ორი პარტია – „მოქალაქეები“ და უკვე არჩევნების შემდეგ შექმნილი პარტია „ევროპელი სოციალისტები“ წარმოადგენენ. ეს უკანასკნელი „პატრიოტთა ალიანსიდან“ გასული ოთხი დეპუტატია. დანარჩენი ოპოზიციური პარტიები პარლამენტის მუშაობაში არ მონაწილეობენ.

ყველა ახალი ამბავი
0