ქართული არმია თავისუფლების მოედანზე დამოუკიდებლობის დღეს

რომელი ადგილი დაიკავა ქართულმა არმიამ Global Firepower-ის რეიტინგში

4840
საქართველოს თავდაცვის ძალებში ირიცხება 20 ათასზე მეტი სამხედრო მოსამსახურე, აქედან უმრავლესობა აქტიურ სამსახურშია.

თბილისი, 19 იანვარი – Sputnik. საქართველომ სამხედრო სიმძლავრის რეიტინგში Global Firepower Index 2021 მსოფლიოს 138 ქვეყანას შორის 92–ე ადგილი დაიკავა.

კვლევის თანახმად, საქართველოში არის დაახლოებით 1,8 მილიონი ადამიანი, რომელიც სამხედრო სამსახურისთვის არის ვარგისი. საქართველოს თავდაცვის ძალებში ირიცხება 20 ათასზე მეტი სამხედრო მოსამსახურე. აქედან უმრავლესობა აქტიურ სამსახურშია.

გარდა ამისა, საქართველოს ჰყავს 60 ერთეული თვითმფრინავი, 12 სასწავლო, 9 საბრძოლო და 10 მოიერიშე ვერტმფრენი. ქვეყნის შეიარაღებაშია 163 ტანკი, 585 ათასი ჯავშანმანქანა, 73 ერთეული თვითმავალი არტილერია, 83 ერთეული ბუქსირებადი არტილერია და 50 ერთეული ზალპური ცეცხლის რეაქტიული სისტემა.

მიუხედავად იმისა, რომ საქართველოს ზღვაში გასასვლელი აქვს, ფლოტი არ არის განვითარებული. ქვეყანას აქვს ოთხი პატრულირებისთვის განკუთვნილი საზღვაო ხომალდი, რომლებიც შსს–ს სასაზღვრო პოლიციის სანაპირო დაცვას ეკუთვნის.

Global Firepower Index–ის ავტორებმა აღნიშნეს, რომ ომის წარმოების აუცილებელი კომპონენტია ბუნებრივი რესურსები, კერძოდ – საწვავი. რეიტინგის თანახმად, საქართველო დღეში აწარმოებს 400 ბარელ ნავთობს, ხოლო გამოიყენებს – 18,5 ათას ბარელს. რაც შეეხება ნავთობის მარაგს, დადასტურებული მონაცემებით, საქართველოში მისი რაოდენობაა 35 მილიონი ბარელი.

იქვე აღნიშნულია, რომ საქართველო განსაკუთრებულ ყურადღებას აქცევს ლოგისტიკას.

საქართველოში დაახლოებით 686 ათასი შრომისუნარიანი მცხოვრებია. ქვეყანას გააჩნია ორი ძირითადი პორტი და 22 მოქმედი აეროპორტი. სახმელეთო გზების საერთო სიგრძეა 20 ათას კილომეტრზე მეტი, ხოლო რკინიგზის — 1,6 ათას კილომეტრზე მეტი.

საქართველოს თავდაცვის ბიუჯეტი შეადგენს 300 მილიონ აშშ დოლარს, ხოლო საგარეო ვალი 16,9 მილიარდ აშშ დოლარს აღემატება. მსყიდველობითი უნარის პარიტეტია 41,3 მლრდ დოლარი, ოქროსა და ვალუტის რეზერვის – დაახლოებით 3 მლრდ დოლარი.

რაც შეეხება უახლოეს მეზობლებს, თავისი მაჩვენებლებით საქართველომ გაუსწრო სომხეთს, რომელმაც რეიტინგში 100–ე ადგილი დაიკავა.

სამხრეთ კავკასიაში სამხედრო სიმძლავრით აზერბაიჯანი ლიდერობს, ის 64–ე ადგილზე განთავსდა.

რუსეთის ჯარი უძლიერესთა ათეულში შედის და მეორე ადგილს იკავებს, თურქეთი - მე-11-ს. მსოფლიოში უძლიერესი არმია ჰყავს აშშ–ს, ხოლო ყველაზე სუსტი – ბუტანს.

Global Firepower Index — სამხედრო სიმძლავრის გლობალური ინდექსი — ესაა რეიტინგი, რომელიც აფასებს მსოფლიოს სახელმწიფოების ჯარებსა და ფაქტორებს, რომლებიც ქვეყნის სამხედრო სიმძლავრეზე პირდაპირ ან ირიბად მოქმედებს.

ინდექსი დგინდება რთული მეთოდიკის საფუძველზე, რომელშიც გათვალისწინებულია 50-ზე მეტი ფაქტორი. კერძოდ: არმიის რიცხოვნობა, ტანკების, გემების, თვითმფრინავებისა და სხვა სამხედრო ტექნიკის რაოდენობა, სამხედრო სფეროს დაფინანსების დონე, ქვეყნის სატრანსპორტო ინფრასტრუქტურა, ხელმისაწვდომობა ნავთობპროდუქტებისადმი და სხვა ფაქტორები, რომლებსაც შეუძლიათ ზეგავლენა მოახდინონ არმიის ბრძოლისუნარიანობაზე.

4840
საპროტესტო აქცია პარლამენტის წინ

შედგება თუ არა მოლაპარაკება ხელისუფლებასა და ოპოზიციას შორის?

26
(განახლებულია 13:54 04.03.2021)
ორიოდე დღის წინ საქართველოს ევროპაში ერთ-ერთ უძლიერეს მომლაპარაკებლად ცნობილი ევროპული საბჭოს პრეზიდენტი შარლ მიშელი ეწვია და ფაქტობრივად 31 ოქტომბრის შემდეგ გაბუტული ხელისუფლება და ოპოზიცია პრეზიდენტის სასახლეში მოლაპარაკების ერთ მაგიდასთან დასვა.

ამ შეხვედრას შეიძლება თამამად ეწოდოს მოლაპარაკების მეხუთე რაუნდი, რადგან ეს სწორედ ევროპელი და ამერიკელი დიპლომატების მიერ დაწყებული დიალოგის გაგრძელებას ჰგავდა. თუმცა უცნაური ის აღმოჩნდა, რომ მხარეებმა ევროპელ სტუმართან მოლაპარაკებებზე თანხმობა დააფიქსირეს, ორკვირიანი ვადაც დათქვეს კონკრეტული საკითხების მოსაგვარებლად და შეთანხმების გასაფორმებლად. მაგრამ მეორე დღეს პარლამენტის პიკეტირება დაიწყო. ცნობილია, რომ პიკეტირება და შემდეგ მომიტინგეების დაკავება მაინცადამაინც სასიკეთოდ ვერ მოქმედებს შეთანხმების პროცესზე.

და, მაინც, რაზე შეიძლება შეთანხმდნენ ოპოზიცია და ხელისუფლება? ერთ-ერთი მთავარი თემა „ნაციონალური მოძრაობის“ თავმჯდომარის ნიკა მელიას გამოშვებაა, რისი რამდენიმე სამართლებრივი საფუძველი ნამდვილად არსებობს და ეს ხელისუფლებას ნამდვილად არ გაუჭირდება, თუ სურვილი იარსებებს. მაგალითად, კახა კუკავა ერთ-ერთ საგაზეთო ინტერვიუში ამბობს, მელიას ორ-სამ დღეში გაათავისუფლებენო. ვნახოთ, შესრულდება თუ არა ეს პროგნოზი. აქ ყველაზე მეტად სწორედ პრეზიდენტის ინსტიტუტის სამედიაციო ფუნქციის გამოყენება შეიძლება. რაც შეეხება დანარჩენ საკითხებს:

ვადამდელი არჩევნები – ხელისუფლება აცხადებს, რომ მისი დანიშვნის არანაირი სამართლებრივი საფუძველი არ არსებობს, მაგრამ, მიუხედავად ამისა, მაინც შექმნა კომისია, რომელიც პარლამენტში საარჩევნო დარღვევებს გამოიძიებს. მმართველი პარტიის ერთ-ერთი ლიდერი ირაკლი კობახიძე კი აცხადებს, რომ თუ 1 პროცენტის გაყალბებას მაინც დაამტკიცებს ოპოზიცია, ის მზადაა გადადგეს და ვადამდელ არჩევნებზეც თანახმაა. თუმცა ოპოზიციამ შესანიშნავად იცის, რომ ვერაფერსაც ვერ დაამტკიცებს, რადგან თუ რაიმეს დამტკიცება შეეძლოთ, ეს „ცხელ კვალზე“, არჩევნების დროს იყო ყველაზე უკეთ შესაძლებელი. თუმცა, მეორე მხრივ, ფაქტია, რომ მმართველ გუნდს მხარს არჩევნებზე მოსული მოსახლეობის 48 პროცენტი უჭერს, უმრავლესობის გული კი ან ინდიფერენტულია, ან „ნაციონალური მოძრაობის“ სხვადასხვა შტო მოსწონს. ამ ფონზე ყველაზე გონივრული სწორედ საარჩევნო ცვლილებებია.

საკონსტიტუციო ცვლილებები – ცნობილია, რომ 2024 წლის არჩევნებისათვის კონსტიტუციაში 5-პროცენტიანი ბარიერია ჩაწერილი, რაც მოლაპარაკების ერთ-ერთი თემაა. საუბარია როგორც ამ ბარიერის 3 პროცენტამდე დაწევაზე, ასევე საერთოდ ბუნებრივი ბარიერის შემოღებაზე, რაც იმას ნიშნავს, რომ ყველა საარჩევნო სუბიექტი, ვინც 1 პროცენტს მაინც აიღებს, პარლამენტში მოხვდება. 5-პროცენტიან ბარიერს კი, დღევანდელი მოცემულობით, მხოლოდ „ქართული ოცნება“ და „ნაციონალური მოძრაობა“ გადალახავენ. ახლა ექსპერტები გახარიას პოპულარობის გამო საუბრობენ იმაზეც, რომ შესაძლოა გახარიამ ე.წ. მესამე ძალა შექმნას, რომელიც სრულიად შეცვლის ქართულ პოლიტიკურ ლანდშაფტს. მაგრამ ჯერ არც არავინ იცის, ბრუნდება კი გიორგი გახარია პოლიტიკაში, თუ მას მხოლოდ ასეთი დემარშით წასვლა სურდა და ამით მოსახლეობის მხრიდან მთავრობის მიმართ არსებული პრეტენზიების გადამისამართება.

საკონსტიტუციო ცვლილებებს 113 ხმა სჭირდება. ეს მაშინ, როცა პარლამენტში დღეს 100 დეპუტატიც კი არ არის. რამდენჯერმე გაიჟღერა ხათუნა სამნიძისა და თამარ კორძაიას მხრიდან, რომ ისინი მზად არიან, ერთჯერადად შევიდნენ პარლამენტში და ხმა მხოლოდ საკონსტიტუციო ცვლილებებს მისცენ. თუმცა პარლამენტში ერთჯერადი მხოლოდ საშვია და ისიც არაა სრულფასოვანი. საქმიან ადამიანებს იქ მუდმივი საშვი აქვთ. ასე რომ, იქ შესვლა, დისკუსიებში მონაწილეობა და საკონსტიტუციო ცვლილებების მიღება სწორედ იმ საკანონმდებლო პროცესის ნაწილია, რის გამოც ხალხმა აირჩია როგორც ხელისუფლება, ისე ოპოზიცია.

პლებისციტი – აი, ეს კი გაცილებით მარტივია. „ლელო“ და ვაშაძის „სტრატეგია აღმაშენებელი“, როგორც ჩანს, მუდმივად ვადამდელი არჩევნების მოთხოვნით დაიღალნენ. თანაც, ხელისუფლება ამტკიცებს, ეს წითელი ხაზია, ვადამდელს არ დავნიშნავთ და სხვა რაც გინდათ, მოითხოვეთო. პლებისციტი თემაზე, უნდა თუ არა საქართველოს მოსახლეობას ახალი ვადამდელი საპარლამენტო არჩევნები – ამაზე ევროპელი დიპლომატებიც საუბრობენ. თუმცა ძალიან მარტივი ლოგიკით, პლებისციტი და შემდეგ ისედაც გეგმური ადგილობრივი არჩევნები ამ კორონაპანდემიის ხანაში შეიცავს როგორც ჯანმრთელობის რისკებს, ასევე ეკონომიურად საკმაოდ მძიმე ტვირთად დააწვება ისედაც რთულ მდგომარეობაში მყოფ ბიუჯეტს.

საარჩევნო ცვლილებები – ყველა ის ცვლილება, რაზეც საუბარი იყო ხელისუფლებასა და ალეკო ელისაშვილის „მოქალაქეებს“ შორის მოლაპარაკებისას, უკვე ინიცირებულია პარლამენტში. სავარაუდოდ, ორ კვირაში მათი პირველი მოსმენით მიღებაც შეიძლება. ცვლილებები ნამდვილად სასარგებლოა იმ კუთხით, რომ ყველა დონის საარჩევნო კომისიაში ყველა პარტიის წარმომადგენლობას და ხმების ელექტრონულად დათვლას ითვალისწინებს. წესით, ამ ცვლილებების შემდეგ ოპოზიციამ გაყალბებაზე საუბარს ან თავი უნდა დაანებოს, ან საკუთარ თავს დააბრალოს.

რაზე შეთანხმდებიან ხელისუფლება და ოპოზიცია დამატებით ამ ორი კვირის ვადაში, სულ მალე გახდება ცნობილი. მანამდე კი იმ ნაბიჯებზე მოგახსენეთ, რაც უკვე გადაიდგა და მომავალშიც, სავარაუდოდ, გადაიდგმება პოლიტიკური კრიზისის დასაძლევად.

 

26
საგარეო საქმეთა სამინისტრო

გერმანიის შემდეგ საქართველოს მოქალაქეები ლეგალურად საფრანგეთსა და ისრაელშიც დასაქმდებიან?

29
(განახლებულია 13:27 04.03.2021)
აღნიშნულ ქვეყნებთან შეთანხმების ერთ–ერთი აუცილებელი პირობა საქართველოს მოქალაქეების სამშობლოში დაბრუნება იქნება

თბილისი, 4 მარტი – Sputnik. საქართველოს მთავრობა ჩვენი მოქალაქეების ლეგალურად დასაქმების მიმართულებით რამდენიმე ქვეყანასთან, მათ შორის, საფრანგეთთან და ისრაელთან აქტიურად მუშაობს, განაცხადა საქართველოს საგარეო საქმეთა მინისტრმა დავით ზალკალიანმა.

გერმანიის შრომის ბაზარზე საქართველოს მოქალაქეებს დროებით ლეგალურად დასაქმება სამი თვით შეუძლიათ. სეზონური სამუშაოები 1 აპრილიდან დაიწყება. დასაქმება შესაძლებელია სოფლის მეურნეობის სფეროში, რაც სხვადასხვა სეზონური მოსავლის აღებას გულისხმობს. 

შრომითი მიგრაციის სპეციალურ პორტალზე, რომელიც უცხოეთში დროებითი დასაქმების მსურველთათვის ორი კვირის წინ ამოქმედდა, ამ დროისთვის  90 ათასზე მეტი საქართველოს მოქალაქეა დარეგისტრირებული.

საგარეო საქმეთა მინისტრ დავით ზალკალიანის განცხადებით, ქვეყნებთან გაფორმებული შეთანხმების შემადგენელი ნაწილი იქნება პირობა, რომ საქართველოდან სამუშაოდ წასული მოქალაქეები უკან დაბრუნდნენ და საზღვარგარეთ მიღებული გამოცდილება საკუთარ ქვეყანას მოახმარონ.

„ჩვენი მოქალაქეების ლეგალურად დასაქმების კუთხით  არამარტო გერმანიასთან, არამედ ბევრ ქვეყანასთან ვმუშაობთ.  რა თქმა უნდა, ეს არ ნიშნავს იმას, რომ ჩვენ მოქალაქეებს ქვეყნის დატოვებას ვაიძულებთ. პირიქით, შეთანხმებებში, რომელიც გაფორმდება ამ ქვეყნებთან,  ერთ–ერთი აუცილებელ პუნქტი ამ ადამიანების საქართველოში დაბრუნება იქნება“, – აღნიშნა ზალკალიანმა.

რაც შეეხება საქართველოს მოქალაქეების სამშობლოში დაბრუნების კონტროლს, მისი თქმით, აღნიშნული საკითხი ყველა ქვეყანასთან კონკრეტული შეთანხმებით განისაზღვრება.

„მერწმუნეთ, რომ შეთანხმებებში ყველა ნიუანსია გათვალისწინებული იმისთვის,  რომ  ერთი მხრივ, დაცული იყოს როგორც მოქალაქეების უფლებები, ასევე სახელმწიფოს ინტერესები“, – განაცხადა ზალკალიანმა.

დასაქმების ხელშეწყობის სააგენტოსა და გერმანიის ფედერალური დასაქმების სააგენტოს (BA) შორის 2020 წლის 17 იანვარს დაიდო შეთანხმება „გერმანიის ფედერაციულ რესპუბლიკაში სეზონურ სამუშაოზე ქართული სამუშაო ძალის დასაქმების შესახებ“, რითაც საფუძველი ჩაეყარა გერმანიაში საქართველოს მოქალაქეების ლეგალური დასაქმების პროექტს.

29
ნანიკო ხაზარაძე

„არ გაიმეოროთ!“ - ნანიკო ხაზარაძე შვილს იარაღს უმიზნებს - უცნობი ფოტო

0
(განახლებულია 13:43 04.03.2021)
ლილუ და ნანიკო, ფაქტობრივად, ერთად გაიზარდნენ. ტელეწამყვანსა და მის ქალიშვილს საოცარი მეგობრობა აკავშირებთ.

ტელეწამყვანმა დედის დღესთა დაკავშირებით უცნობი ფოტო გამოაქვეყნა, სადაც ის წლების წინ პატარა ლილუს სათამაშო იარაღს უმიზნებს. „დედა ვიცი მე პაპიროსით და იარაღით. არ გაიმეოროთ, მეც მეყოფა“, - წერს ნანიკო „ინსტაგრამის“ „სთორიზე“.

საზოგადოებაში დამკვიდრებული სტერეოტიპების გამო ცნობილი სახეების შვილებს სოციუმში თავის დამკვიდრება უჭირთ. ეს სტერეოტიპი ნანიკო ხაზარაძეს და მის ლაღ ქალიშვილს არ ეხებათ. წარმატებული ტელეწამყვანის თქმით, ერთადერთ ქალიშვილს არასდროს არაფერს უკრძალავდა.

მიუხედავად იმისა, რომ ნანიკო და ლილუს მამა ძალიან მალე დაშორდნენ, ნანიკომ ყველა ძალა მოიკრიბა და ცხოვრება შვილთან ერთად ახალი ფურცლიდან დაიწყო. ლილუ და ნანიკო, ფაქტობრივად, ერთად გაიზარდნენ. ტელეწამყვანსა და მის ქალიშვილს საოცარი მეგობრობა აკავშირებთ. ლილუ სკოლის მოსწავლეა, თუმცა დედა დამოუკიდებლობას არ უშლის.

ნანიკო ხაზარაძეს ერთადერთი ქალიშვილი ჰყავს. უსაყვარლესმა გოგონამ ლილუ ნუცუბიძემ სამსახური 16 წლის ასაკში დაიწყო. ყვავილებით დაინტერესებულმა თავისუფალმა და დამოუკიდებელმა სკოლის მოსწავლემ სამსახური თბილისის ცენტრში იპოვა. ამის შესახებ ნანიკო ხაზარაძემ საკუთარ გვერდზე დაწერა. „ლილუ სამსახურში“ – ამ სათაურით გამოქვეყნებულმა ფოტომ დიდი გამოხმაურება გამოიწვია.

მიუხედავად იმისა, რომ ლილუს ფინანსურად დედა უზრუნველყოფს, გოგონამ საკმაოდ თამამი გადაწყვეტილება მიიღო. ლილუ ნუცუბიძე გამყიდველად მუშაობს „ყვავილების ქარხანაში", რომელიც პეტრიაშვილის ქუჩის დასაწყისშია.

0
თემები:
სელებრითების ცხოვრება