პარლამენტი

პარლამენტმა „პატრიოტთა ალიანსის“ სამ წევრს სადეპუტატო უფლებამოსილება შეუწყვიტა

293
(განახლებულია 19:15 04.01.2021)
ოპოზიციური პარტიის წევრებმა მეათე მოწვევის პარლამენტს სადეპუტატო უფლებამოსილების შეწყვეტის თაობაზე განცხადებით დეკემბერში მიმართეს.

თბილისი, 4 იანვარი – Sputnik. საქართველოს პარლამენტმა ოპოზიციური პარტია „საქართველოს პატრიოტთა ალიანსის“ სამი ლიდერის – ირმა ინაშვილის, გიორგი ლომიასა და გოჩა თევდორაძის სადეპუტატო უფლებამოსილების შეწყვეტის საკითხს მხარი დაუჭირა. 

დღეს გამართულ რიგგარეშე სესიის პლენარულ სხდომაზე ირმა ინაშვილისთვის დეპუტატის უფლებამოსილების ვადამდე შეწყვეტას მხარი 80-მა დეპუტატმა დაუჭირა, გიორგი ლომიასთვის დეპუტატის უფლებამოსილების შეწყვეტას 79 პარლამენტარი დაეთანხმა, ხოლო გოჩა თევდორაძისთვის სადეპუტატო უფლებამოსილების ვადამდე შეწყვეტას მხარი 78-მა დეპუტატმა დაუჭირა. მანამდე აღნიშნული საკითხი პარლამენტის საპროცედურო საკითხთა და წესების კომიტეტმა განიხილა და ცნობად მიიღო.

პროცედურის თანახმად, ახლა ცესკომ პარლამენტს ამ დეპუტატების ადგილმონაცვლე წევრების თაობაზე ინფორმაცია უნდა წარუდგინოს.

„პატრიოტთა ალიანსმა“ საპარლამენტო არჩევნების შედეგად მეათე მოწვევის პარლამენტში ოთხი მანდატი მოიპოვა. აქედან პარლამენტში შესვლაზე თანხმობა უკვე განაცხადა მხოლოდ „პატრიოტთა ალიანსის“ სიის მეოთხე ნომერმა ავთანდილ ენუქიძემ.

გუშინ ცნობილი გახდა, რომ პარლამენტში შესვლის გადაწყვეტილება მიიღო „პატრიოტთა ალიანსის“ წარმომადგენელმა დავით ზილფიმიანმა (პარტიული სიის მე-8 ნომერი). ცესკოს ვებ-გვერდზე 31 დეკემბერს გამოქვეყნებული განკარგულებით ირკვევა, რომ დავით ზილფიმიანისა და „პატრიოტთა ალიანსის“ სიის კიდევ სამი წევრის – გელა მიქაძის (პარტიული სიის მე-5 ნომერი), ნანა დევდარიანისა (მე-6) და ფრიდონ ინჯიას (მე-7) სიიდან ჩახსნის თაობაზე პარტიას ცესკოსთვის არ მიუმართავს.

მასმედიაში გავრცელებული ინფორმაციით, ამ უკანასკნელი ოთხი წევრიდან ნანა დევდარიანი არ გამორიცხავს, რომ პარტიის დამფინანსებლებმა ადგილმონაცვლეობის პრინციპით ისარგებლონ და პარლამენტში სწორედ ისინი შევიდნენ, ანუ მიქაძე, ინჯია და ზილფიმიანი.

ადრე საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა განაცხადა, რომ ოპოზიციური პარტია „საქართველოს პატრიოტთა ალიანსის“ რამდენიმე წევრმა მეათე მოწვევის პარლამენტში შესვლის სურვილი გამოთქვა.

როგორც პარტიის ერთ-ერთმა ლიდერმა ირმა ინაშვილმა განაცხადა, პარლამენტში სამი ან ოთხი დეპუტატის შესვლა პარლამენტს ლეგიტიმაციას ვერ შემატებს.

„ჩვენი პარტიის არც ერთი პოლიტიკური ლიდერი არ იქნება წარმოდგენილი პარლამენტში, ჩვენ დიდი დისკუსია გვქონდა პარტიაში და სწორედ ამის გამო პარტიის თავმჯდომარემ სია არ ჩახსნა. თუ ბატონი ფრიდონ ინჯია დათანხმდება პარლამენტში შესვლას, მაშინ მას პარტიის დატოვება მოუწევს. სხვა ბიზნესმენები კი, რომელთა გვარებიც დასახელდა, არ არიან პარტიის წევრები", – განაცხადა ინაშვილმა.

„საქართველოს პატრიოტთა ალიანსის“ ლიდერებმა ირმა ინაშვილმა, გიორგი ლომიამ და გოჩა თევდორაძემ დეპუტატის უფლებამოსილების შეწყვეტის შესახებ პარლამენტის თავმჯდომარეს განცხადებით 23 დეკემბერს მიმართეს. 

საქართველოს პარლამენტში ჯერჯერობით არც ერთი ოპოზიციონერი დეპუტატი არ შესულა.

გავრცელებული ინფორმაციით, სადეპუტატო მანდატებზე ოფიციალურად უარი 54-მა დეპუტატმა განაცხადა – ბლოკის „ერთიანი ნაციონალური მოძრაობა - ძალა ერთობაშია“ (36 მანდატი), „ევროპული საქართველოს“ (5 მანდატი), „სტრატეგია აღმაშენებლის“ (4 მანდატი), „ლელო საქართველოსთვის“ (4 მანდატი) და „ლეიბორისტული პარტიის“ (1 მანდატი) წარმომადგენლებმა. ამ პარტიებმა ცენტრალურ საარჩევნო კომისიას პროპორციული საარჩევნო სიების გაუქმებისთვის უკვე მიმართეს, ხოლო დეპუტატებმა – უფლებამოსილების მოხსნის შესახებ – პარლამენტს. ამ სიას ასევე შეუერთდა ახალშექმნილი პარტია „გირჩი – მეტი თავისუფლების“ ლიდერი ზურაბ ჯაფარიძე და „პატრიოტების“ აღნიშნული სამი ლიდერი.

ოპოზიციური პარტიების უმრავლესობამ სადეპუტატო მანდატებზე უარის თქმის გადაწყვეტილება 31 ოქტომბრის საპარლამენტო არჩევნების შედეგების პროტესტის ნიშნად მიიღო. ოპოზიციის განცხადებით, „ქართულმა ოცნებამ“ არჩევნებში ამომრჩეველზე ზეწოლისა და კენჭისყრის შედეგების გაყალბების შედეგად გაიმარჯვა.

293

სიღარიბე ვირუსზე საშიშია: თბილისი პროტესტების ტალღამ მოიცვა

19
თბილისში კოვიდ-შეზღუდვების გამო პროტესტის ტალღამ იფეთქა. განსაკუთრებით მკაცრი აკრძალვები მოქმედებს დიდ ქალაქებში. იხილეთ Sputnik-საქართველოს ვიდეოშ, თუ რას მოითხოვენ მომიტინგეები

საპროტესტო ტალღა 22 იანვარს დაიწყო, როდესაც ქვეყნის ვიცე-პრემიერმა მაია ცქიტიშვილმა განაცხადა, რომ 1 თებერვლიდან ქვეყანაში შეზღუდვების ნაწილი გაუქმდება, თუმცა თბილისში, რუსთავსა და ქუთაისში აკრძალვები 1 მარტამდე შენარჩუნდება. ამან დიდი უკმაყოფილება გამოიწვია საზოგადოებაში, რადგან დიდი ქალაქების მკვიდრების მთავარი პრობლემა საზოგადოებრივი ტრანსპორტის უმუშევრობაა. 

თბილისში ყოველდღიურად იმართება საპროტესტო აქციე მოქმედი შეზღუდვების მოხსნის მოთხოვნით. თუმცა, როგორც მთავრობაშ აცხადებენ, საკოორდინაციო საბჭო საკუთარ გადაწყვეტილებას მხოლოდ იმ შემთხვევაში განიხილავს, თუ ეპიდემიოლოგიური მაჩვენებელი 4%-მდე დაეცემა და 7 დღის განმავლობაში შენარჩუნდება. ამ მომენტისათვის ეს მაჩვენებელი 6%-ს შეადგენს.

ამავდროულად მეპროტესტეები აცხადებენ, რომ საქართველოს მთავრობას ქვეყნის საკონსტიტუციო სასამართლოში უჩივლებენ.

19

საპროტესტო აქცია პანდემიის გამო დაწესებული შეზღუდვების წინააღმდეგ თბილისში

61
(განახლებულია 21:15 26.01.2021)
სახელმწიფო კანცელარიის შენობასთან კორონავირუსის პანდემიის გამო დაწესებული შეზღუდვების წინააღმდეგ ახალი საპროტესტო აქცია გაიმართა, რომელშიც ასობით ადამიანი მონაწილეობდა.

კვირის შემდეგ თბილისსა და სხვა ქალაქებში სამოქალაქო აქტივისტები და ოპოზიციის მომხრეები აკრძალვებსა და შეზღუდვებს აპროტესტებენ, რომლებიც ხელისუფლებამ კორონავირუსის პანდემიის გამო დააწესა.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

61
ქალი ხელბორკილებით

ეჭვიანმა ცოლმა ინტიმურ ფოტოებზე თავი ვერ იცნო და ქმარი დანით დაჭრა

0
გავრცელებული ინფორმაციით, ქალმა ძველ ფოტოებზე თავი იმის გამო ვერ იცნო, რომ წარსულში ის სხვაგვარად გამოიყურებოდა

თბილისი, 27 იანვარი — Sputnik. ქალი, რომელმაც საკუთარი თავი ვერ იცნო ქმრის ტელეფონში ნაპოვნ ინტიმურ ფოტოებზე, მეუღლეს დანით დაესხა თავს და დაჭრა, იუწყება გამოცემა Prensa.

გავრცელებული ინფორმაციით, ქმარმა ვერ მოასწრო აეხსნა ცოლისთვის, რომ ფოტოებზე თავად იყო აღბეჭდილი.

ირკვევა, რომ სურათები ჯერ კიდევ დაქორწინებამდე იყო გადაღებული და ისინი თვითონ ქალს ჰქონდა გაგზავნილი ელექტრონული ფოსტით კაცისთვის. წლების შემდეგ ქმარმა შემთხვევით აღმოაჩინა ისინი და ტელეფონში გადაიწერა.

გამოცემა წერს, რომ ქალმა საკუთარი თავი იმის გამო ვერ იცნო, რომ ქორწინებამდე ის ბევრად უკეთესად გამოიყურებოდა: მაკიაჟსაც ატარებდა და „რამდენიმე კილოგრამით ნაკლებსაც იწონიდა“.

ამასთან ირკვევა, რომ საბოლოოდ ქმარმა, რომელსაც რამდენიმე ჭრილობა ჰქონდა მიღებული, მაინც მოასწრო ცოლის განიარაღება და ყველაფრის ახსნა, მაგრამ მეზობლებს უკვე გამოეძახებინათ სასწარფო დახმარება და პოლიცია.

ეჭვიანი ცოლი დააკავეს და ოჯახურ ძალადობაში წაუყენეს ბრალი.

 

0
თემები:
საერთაშორისო პანორამა