პარლამენტი „პატრიოტთა ალიანსის“ წევრებისთვის მანდატის შეწყვეტის საკითზე იმსჯელებს

© photo: Sputnik / Stringerსაქართველოს პარლამენტის სხდომა
საქართველოს პარლამენტის სხდომა - Sputnik საქართველო
გამოწერა
„საქართველოს პატრიოტთა ალიანსმა“ მეათე მოწვევის პარლამენტს სადეპუტატო უფლებამოსილების შეწყვეტის მიზნით განცხადებით მიმართა

თბილისი, 2 იანვარი – Sputnik. საქართველოს პარლამენტი „პატრიოტთა ალიანსის“ სამი წევრისთვის სადეპუტატო უფლებამოსილების შეწყვეტის საკითხზე სავარაუდოდ 4 იანვრის რიგგარეშე სხდომაზე იმსჯელებს, განაცხადა პარლამენტის საპროცედურო საკითხთა კომიტეტის თავმჯდომარის მოადგილე გურამ მაჭარიშვილმა პირველი არხის ეთერში.

დავით ბაქრაძე თავისი ხელფასით გაჭივრებულებს ეხმარება - Sputnik საქართველო
ოპოზიციონერი დეპუტატების ფული: ვინ როგორ განკარგავს დარიცხულ ხელფასს

მაჭარიშვილის განცხადებით, საპროცედურო საკითხთა კომიტეტი განხილვის შემდეგ აღნიშნულ საკითხს ბიუროს სხდომას გადასცემს.

პროცედურის მიხედვით, სადეპუტატო უფლებამოსილების შეწყვეტას 76 დეპუტატის მხარდაჭერა სჭირდება.

„საქართველოს პატრიოტთა ალიანსის“ ერთ-ერთმა ლიდერმა, ირმა ინაშვილმა, ასევე გიორგი ლომიამ და გოჩა თევდორაძემ, დეპუტატის უფლებამოსილების შეწყვეტის შესახებ პარლამენტის თავმჯდომარეს განცხადებით 23 დეკემბერს მიმართეს.

მეათე მოწვევის პარლამენტში შესვლაზე თანხმობა განაცხადა მხოლოდ „პატრიოტთა ალიანსის“ სიის მეოთხე ნომერმა ავთანდილ ენუქიძემ, რომელიც მეათე მოწვევის პარლამენტის ერთადერთი ოპოზიციონერი დეპუტატი იქნება.

საქართველოს პარლამენტის რიგგარეშე სხდომების გამართვა 4-5 იანვარს იგეგმება, რომლის ფარგლებში იგეგმება „ამნისტიის შესახებ“ კანონპროექტის მეორე მოსმენით განხილვა. ამასთან დეპუტატები იმსჯელებენ „საგადასახდო კოდექსში“ შესატანად მომზადებული ცვლილებების შესახებაც, რომელიც პანდემიის პირობებში შეღავათების დაწესებას გულისხმობს.

ყველა ახალი ამბავი
0