საქართველოს პირველი პირები ხორვატ ხალხს უსამძიმრებენ

საქართველოს პირველი პირები ხორვატ ხალხს უსამძიმრებენ

2192
(განახლებულია 09:48 30.12.2020)
სამშაბათს შუადღისას ხორვატიაში 6,3 მაგნიტუდის მიწისძვრა მოხდა. ბოლო ინფორმაციით, დაიღუპა შვიდი ადამიანი

თბილისი, 29 დეკემბერი – Sputnik. საქართველოს პრეზიდენტმა სალომე ზურაბიშვილმა და პრემიერ მინისტრმა გიორგი გახარიამ ხორვატიაში მომხდარი მიწისძვრის შედეგად ადამიანების დაღუპვის გამო მწუხარება გამოთქვეს.

სამშაბათს ხორვატიაში 6,3 მაგნიტუდის მიწისძვრა მოხდა. ეპიცენტრი ქვეყნის ცენტრალურ ნაწილში, ქალაქ პეტრინიას რაიონში მდებარეობდა. ბოლო ინფორმაციით, შვიდი ადამიანი დაიღუპა.

„დამწუხრებული ვარ ხორვატიაში გამანადგურებელი მიწისძვრის გამო. ამ რთულ დროს ხორვატი ხალხის გვერდით ვდგავარ და გამძლეობას ვუსურვებ ადგილზე მყოფ მაშველებს“, – წერს სალომე ზურაბიშვილი Twitter-ზე.

პრემიერ-მინისტრმა გიორგი გახარიამ დაღუპულთა ოჯახებს სამძიმარი თავის Twitter-აკაუნტში გამოუცხადა.

„ღრმად დამწუხრებული ვარ ხორვატიაში მომხდარი ძლიერი მიწისძვრის გამო. გულწრფელ სამძიმარს ვუცხადებ მსხვერპლთა ოჯახებს და დაშავებულებს სწრაფ გამოჯანმრთელებას ვუსურვებ. საქართველო ამ რთულ დროს მეგობარი ხორვატიის ხალხის გვერდით დგას“, – დაწერა გახარიამ.

ხორვატიაში დამანგრეველი მიწისძვრა მოხდა: პრემიერმა შედეგები შეაფასა >>

ეპიცენტრთან ახლოს მდებარე ქალაქ სისაკშიც მნიშვნელოვანი ნგრევები მოხდა, ყველაზე მეტად დაზარალდა ქალაქის საავადმყოფო, რომელმაც პაციენტების მიღება გააგრძელა. სამედიცინო დახმარებისთვის 20-მდე ადამიანმა მიმართა, ორი მათგანი მძიმე მდგომარეობაშია.

2192
ევროსაბჭოს საპარლამენტო ასამბლეა

ქართული დელეგაცია ევროსაბჭოს საპარლამენტო ასამბლეის სესიაში მიიღებს მონაწილეობას

11
დღეს სტრასბურგში გაიხსნება ევროსაბჭოს საპარლამენტო ასამბლეის (PACE) ზამთრის სესია, რომელიც მთელ კვირას გასტანს

თბილისი, 25 იანვარი – Sputnik. საქართველოს პარლამენტის მუდმივმოქმედი დელეგაცია 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას, ნათქვამია საქართველოს პარლამენტის მიერ გავრცელებულ განცხადებაში.

ქართულ დელეგაციას პარლამენტის თავმჯდომარის მოადგილე კახა კუჭავა უხელმძღვანელებს.

უწყების ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

სესიაზე მსჯელობის მთავარი საგანი გლობალური პანდემია და კოვიდ–19-ის საწინააღმდეგო ვაქცინები იქნება. დელეგატებს სიტყვით მიმართავს ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ამასთან, სასესიო და საკომიტეტო მუშაობის პარალელურად, დელეგაციის წევრები გამართავენ მაღალი დონის შეხვედრებს.

„ჩვენთვის ძალიან მნიშვნელოვანი იყო ამ ვიზიტის განხორციელება, რადგან არის ბევრი აქტუალური საკითხი, ანგარიში, რომელიც საქართველოს ეხება. ჩვენ ვაპირებთ, ძალიან აქტიურად მივიღოთ მონაწილეობა ამ განხილვებში“, - განაცხადა კუჭავამ.

მისი ინფორმაციით, ერთ-ერთი მნიშნელოვანი დოკუმენტი, რომელიც პირველივე დღეს იქნება წარმოდგენილი, გახლავთ ევროსაბჭოს სადამკვირვებლო მისიის ანგარიში, რომელიც  2020 წლის 31 ოქტომბრის არჩევნებს შეეხება.

ანგარიშს დღევანდელ სხდომაზე წარადგენს მისიის ხელმძღვანელი, ჰოლანდიელი დეპუტატი ტინი კოქსი.

„ჩვენთვის ასევე მნიშვნელოვანია მონიტორინგის ანგარიში და ის დადებითი შეფასებები, რომელიც წარმოდგენილია საქართველოს მიმართ“, -  განაცხადა კახა კუჭავამ.

სტრასბურგში მყოფი დელეგაციის შემადგენლობაში მმართველი პარტიიდან არიან ირაკლი კობახიძე, მარიამ ქვრივიშვილი, გივი მიქანაძე, თამარ ტალიაშვილი, ირაკლი ჩიქოვანი და გიორგი ხოჯევანიშვილი. დელეგაციის წევრია „ევროპელი სოციალისტების“ წარმომადგენელი ფრიდონ ინჯიაც.

11
თემები:
საქართველოს პარლამენტი

ოპოზიციის აქტივისტებმა კომენდანტის საათის დროს თბილისში აქცია გამართეს

56
სამოქალაქო აქტივისტებისა და ოპოზიციის მომხრეების ჯგუფმა კვირას საღამოს თბილისის ცენტრში კომენდანტის საათის დროს საპროტესტო აქცია გამარტეს. დაწვრილებით - Sputnik-საქართველოს ვიდეოში იხილავთ

აქციაში რამდენიმე ათეული ადამიანი მონაწილეობდა. მათ პლაკატებით ჩაიარეს რუსთაველის გამზირი მას შემდეგ, რაც ქალაქში საკომენდანტო საათი ამოქმედდა. აქციამ ინციდენტების გარეშე ჩაიარა, მისი მონაწილეები არ დაუკავებიათ და არ დაუჯარიმებიათ.

საღამოს აქციის მონაწილეები საკომენდანტო საათის გაუქმებას მოითხოვდნენ და საქართველოს ახალი მოწვევის პარლამენტისადმი უნდობლობას გამოხატავდნენ.

56
თბილისი, ორბელიანის მოედანი

ამინდის ზუსტი პროგნოზი თბილისში 27 იანვარს

0
(განახლებულია 10:39 25.01.2021)
თბილისელებსა და დედაქალაქის სტუმრებს ოთხშაბათს უნალექო და თბილი ამინდი ელოდებათ – დღისით ჰაერი 10 გრადუსამდე გათბება.

თბილისი, 25 იანვარი — Sputnik. მეტეოროლოგების პროგნოზით თბილისში ოთხშაბათს, 27 იანვარს თბილი ამინდია მოსალოდნელი.

მზე 08:18 საათზე ამოვა და 18:09 საათზე ჩავა.

დღისით ჰაერის მაქსიმალური ტემპერატურა პლუს 10 გრადუსი, ღამით კი ნული გრადუსი იქნება.

ქარი წამში 10–15 მეტრი სიჩქარით დაუბერავს.

 

0
თემები:
ამინდის ზუსტი პროგნოზი თბილისში