აზერბაიჯანის პრეზიდენტმა გახარიას პრემიერად დანიშვნა მიულოცა

© photo: Government of Georgia / FBგიორგი გახარია
გიორგი გახარია - Sputnik საქართველო
გამოწერა
აზერბაიჯანულ-ქართული ურთიერთობები დინამიურად და მრავალმხრივ ვითარდება ჩვენი ერების ნების შესაბამისად, რომელთაც ისტორიულად აკავშირებს მტკიცე მეგობრობა და კეთილმეზობლური ურთიერთობა.

თბილისი, 27 დეკემბერი – Sputnik. აზერბაიჯანის პრეზიდენტმა ილჰამ ალიევმა საქართველოს პრემიერ-მინისტრ გიორგი გახარიას მისალოცი წერილი გაუგზავნა, იუწყება Sputnik-აზერბაიჯანი.

„გულითადად გილოცავთ საქართველოს პრემიერ-მინისტრის პოსტზე ხელახალ დანიშვნას.

დღეს აზერბაიჯანულ-ქართული ურთიერთობები დინამიურად და მრავალმხრივ ვითარდება ჩვენი ერების ნების შესაბამისად, რომელთაც ისტორიულად აკავშირებს მტკიცე მეგობრობა და კეთილმეზობლური ურთიერთობა.

კომპანია SOCAR-ის სადგურები საქართველოში - Sputnik საქართველო
ქართული გაზსადენი რეგიონებში აზერბაიჯანულ კომპანიას მიჰყიდეს

მჯერა, რომ ჩვენი კავშირები პოლიტიკურ, ეკონომიკურ და ჰუმანიტარულ სფეროებში, რომლებიც მუდმივად ფართოვდება, ურთიერთმომგებიანი თანამშრომლობა მომავალშიც ხელს შეუწყობს ჩვენი ხალხების კეთილდღეობასა და ჩვენს ქვეყნებს შორის სტრატეგიული პარტნიორობის განმტკიცებას.

გისურვებთ ძლიერ ჯანმრთელობას, ბედნიერებას და წარმატებებს თქვენს მომავალ საპასუხისმგებლო საქმიანობაში“, - ნათქვამია ალიევის მილოცვაში.

საქართველოს პარლამენტმა 24 დეკემბერს მთავრობის ახალ შემადგენლობას პრემიერ-მინისტრ გიორგი გახარიას ხელმძღვანელობით ნდობა გამოუცხადა. პარლამენტმა ასევე დაამტკიცა ახლა უკვე პრემიერ-მინისტრ გიორგი გახარიას მიერ წარმოდგენილი სამთავრობო პროგრამა „ევროპული სახელმწიფოს მშენებლობისთვის“. პროგრამის ძირითადი მიზანია კორონავირუსის პანდემიიდან გამომდინარე არსებული კრიზისის დაძლევა, ეკონომიკის სწრაფი აღდგენა და განვითარება, მოქალაქეებისთვის უსაფრთხო და სტაბილური გარემოს შექმნა, სტრუქტურული რეფორმების გაგრძელება.

ყველა ახალი ამბავი
0