საკრებულო

საკრებულომ თბილისის 2021 წლის ბიუჯეტი დაამტკიცა: რას მოხმარდება თანხები

230
2021 წლის ბიუჯეტის დამტკიცების გარდა, თბილისის საკრებულოს დღევანდელ სხდომაზე დედაქალაქის მერის, კახა კალაძის საქმიანობის ანგარიში მოისმინეს.

 

თბილისი, 25 დეკემბერი – Sputnik. თბილისის საკრებულომ დედაქალაქის 2021 წლის ბიუჯეტის პროექტი დაამტკიცა, რომელიც 1,05 მლნ ლარით განისაზღვრა.

2020 წლის ბიუჯეტთან შედარებით, მომავალი წლის ბიუჯეტის ხარჯები 28,9 მლნ–ით მეტია.

თბილისის 2021 წლის ბიუჯეტი შემდეგნაირად გადანაწილდება:

– მშენებლობა და სატრანსპორტო ინფრასტრუქტურის აღდგენა – 174,3 მლნ ლარი;

– მშენებლობა, ინფრასტრუქტურული პროექტების ექსპლუატაცია და ავარიული შენობების გამაგრება – 194,6 მლნ ლარი; 

– ეკოლოგიური მდგომარეობის შენარჩუნება და გაუმჯობესება – 148,9 მლნ ლარი;

– ეკონომიკის განვითარების ხელშეწყობა – 4,2 მლნ ლარი;

– ბინათმესაკუთრეთა ამხანაგობების განვითარება – 39,2 მლნ ლარი;

- ჯანდაცვა და სოციალური უზრუნველყოფა – 154,1 მლნ ლარი;

– განათლება – 175,1 მლნ ლარი;

– კულტურა, სპორტი და ახალგაზრდობის საქმე – 47,4 მლნ ლარი;

– საზოგადოებრივი წესრიგი და უსაფრთხოება – 4,4 მლნ ლარი;

– ქალაქ თბილისის წარმომადგენლობითი და აღმასრულებელი ორგანოები – 108,1 მლნ ლარი.

„2021 წელი – ეს არის წელი, როცა ნეგატიური ეკონომიკური ზეგავლენა მნიშვნელოვანი ფაქტორი იქნება ბიუჯეტის შემოსავლებზე, მიუხედავად ამისა, ბიუჯეტი 1,05 მლრდ ლარის ოდენობით განისაზღვრა, რაც ძალზე ბევრია. იგი პასუხობს იმ გამოწვევებს, რაც ქალაქისთვის კრიტიკულად მნიშვნელოვანია“, – განაცხადა თბილისის ვიცე–მერმა ირაკლი ხმალაძემ.

ბიუჯეტს მხარი საკრებულოს 34–მა დეპუტატმა დაუჭირა.

 „დედაქალაქის 2021 წლის ბიუჯეტი ითვალისწინებს იმ პროექტებსა და შემდგომ ღონისძიებებს, რომლებიც მთლიანად შეესაბამებიან მოსახლეობის მიერ მხარდაჭერილ პრიორიტეტებსა და მიმართულებებს. ამ პრიორიტეტების თანახმად, ხორციელდება მნიშვნელოვანი პროექტები“, – განაცხადა საკრებულოს თავმჯდომარე გიორგი ტყემალაძემ კენჭისყრის შემდეგ.

230
მოჰამად ჯავად ზარიფი

რისთვის ჩამოდის ირანის საგარეო საქმეთა მინისტრი საქართველოში

12
(განახლებულია 11:03 27.01.2021)
ირანის საგარეო საქმეთა მინისტრი პატივს მიაგებს საქართველოს ერთიანობისთვის ბრძოლაში დაღუპულთა ხსოვნას და გმირთა მემორიალს გვირგვინით შეამკობს.

თბილისი, 27 იანვარი – Sputnik. ირანის ისლამური რესპუბლიკის საგარეო საქმეთა მინისტრი მოჰამად ჯავად ზარიფი რეგონული ტურნეს ფარგლებში 27–28 იანვარს საქართველოს ეწვევა, ინფორმაციას საგარეო საქმეთა სამინისტრო ავრცელებს.

ვიზიტის ფარგლებში იგი შეხვედრებს გამართავს საქართველოს პრზიდენტ სალომე ზურაბიშვილთან, პრემიერ–მინისტრ გიორგი გახარიასთან და ქართველ კოლეგა დავით ზალკალიანთან. 

ირანის საგარეო უწყების ხელმძღვანელმა რეგიონული ტურნე აზერბაიჯანში ვიზიტით დაიწყო. საქართველოდან იგი რუსეთში გაემგზავრება, სადაც შეხვედრას გამართავს რუს კოლეგა სერგეი ლავროვთან.  ზარიფის გეგმებშია ასევე სომხეთში ვიზიტი.

როგორც ტურნეს დაწყებამდე მოჰამედ ჯავად ზარიფმა განაცხადა, იგი იმ ქვეყნებში ვიზიტს გეგმავს, რომელთანაც შესაძლებელია  თანამშრომლობა მთიან ყარაბაღში კრიზისის მოგვარებასა და რეგიონში მშვიდობისა და სტაბილიზაციის მიღწევაში.

დიპლომატიური ურთიერთობები საქართველოსა და ირანს შორის 1992 წლის 15 მაისს დამყარდა. მას შემდეგ ქვეყნებს შორის ორმხრივი ურთიერთობები ვითარდება პოლიტიკურ, სავაჭრო–ეკონომიკურ, საინვესტიციო, სოფლის მეურნეობის, კულტურულ, საგანმანათლებლო და ტურისტულ სფეროებში.

სტატისტიკის ეროვნული სამსახურის „საქსტატის“ ოფიციალური მონაცემებით, საქართველოსა და ირანს შორის საქონელბრუნვა 2018 წელს 38,7%-ით გაიზარდა და 251,9 მლნ დოლარი შეადგინა. ტურიზმის ეროვნული ადმინისტრაციის მონაცემებით, 2018 წელს ირანიდან საქართველოში 291,1 ათასი ტურისტული ვიზიტი განხორციელდა. 2019 წლის 11 თვეში ვიზიტორების რაოდენობამ ამ ქვეყნიდან 132,8 ათასი შეადგინა.

12
თემები:
საქართველოს საგარეო პოლიტიკა

სიღარიბე ვირუსზე საშიშია: თბილისი პროტესტების ტალღამ მოიცვა

22
თბილისში კოვიდ-შეზღუდვების გამო პროტესტის ტალღამ იფეთქა. განსაკუთრებით მკაცრი აკრძალვები მოქმედებს დიდ ქალაქებში. იხილეთ Sputnik-საქართველოს ვიდეოშ, თუ რას მოითხოვენ მომიტინგეები

საპროტესტო ტალღა 22 იანვარს დაიწყო, როდესაც ქვეყნის ვიცე-პრემიერმა მაია ცქიტიშვილმა განაცხადა, რომ 1 თებერვლიდან ქვეყანაში შეზღუდვების ნაწილი გაუქმდება, თუმცა თბილისში, რუსთავსა და ქუთაისში აკრძალვები 1 მარტამდე შენარჩუნდება. ამან დიდი უკმაყოფილება გამოიწვია საზოგადოებაში, რადგან დიდი ქალაქების მკვიდრების მთავარი პრობლემა საზოგადოებრივი ტრანსპორტის უმუშევრობაა. 

თბილისში ყოველდღიურად იმართება საპროტესტო აქციე მოქმედი შეზღუდვების მოხსნის მოთხოვნით. თუმცა, როგორც მთავრობაშ აცხადებენ, საკოორდინაციო საბჭო საკუთარ გადაწყვეტილებას მხოლოდ იმ შემთხვევაში განიხილავს, თუ ეპიდემიოლოგიური მაჩვენებელი 4%-მდე დაეცემა და 7 დღის განმავლობაში შენარჩუნდება. ამ მომენტისათვის ეს მაჩვენებელი 6%-ს შეადგენს.

ამავდროულად მეპროტესტეები აცხადებენ, რომ საქართველოს მთავრობას ქვეყნის საკონსტიტუციო სასამართლოში უჩივლებენ.

22
სალომე ზურაბიშვილი

ზურაბიშვილი: დავით წერედიანის თარგმანები საქართველოს კულტურის ისტორიას დარჩება

0
(განახლებულია 11:34 27.01.2021)
წერედიანი, რომელმაც მსოფლიო ლიტერატურის თარგმნას მიუძღვნა ცხოვრების დიდი ნაწილი, 2019 წელს გარდაიცვალა

 

თბილისი, 27 იანვარი – Sputnik. საქართველოს პრეზიდენტმა სალომე ზურაბიშვილმა  ქართველი პოეტი, პუბლიცისტი და მთარგმნელი დავით წერედიანი  გარდაცვალების შემდეგ ვაჟა-ფშაველას სახელობის პრემიით დააჯილდოვა.

ზურაბიშვილმა პრემია დავით წერედიანის ოჯახს  ორბელიანების სასახლეში გამართულ დაჯილდოების ცერემონიაზე გადასცა.

როგორც პრეზიდენტმა აღნიშნა, ვაჟა-ფშაველას პრემია ხაზს უსვამს ქართული კულტურისა და ლიტერატურის - პოეზიის მნიშვნელობას, რაც ჩვენი ქვეყნის ერთ-ერთი უდიდესი სიმდიდრეა.

 „ვაჟა ფშაველას პრემიის აღნიშვნა ამ პანდემიის, ეკონომიკური და სოციალური კრიზისის დროსაც კი მნიშვნელოვანია, რადგან კულტურა ვითარდება და იგი მაინც იტოვებს თავის განმსაზღვრელ როლს საზოგადოებასა და ქვეყანაში. მინდა ხაზი გავუსვა იმას, რომ დავით წერედიანი არა მხოლოდ ღირსეული პოეტი, არამედ გერმანული და ფრანგული პოეზიის შესანიშნავი მთარგმნელიც იყო, რომელიც საქართველოს კულტურის ისტორიას დარჩება. ჩვენ გვჭირდება მეტი კარგი მთარგმნელი იმისთვის, რომ „გავიტანოთ“ ჩვენი კულტურა და „შემოვიტანოთ“ სხვა ქვეყნების კულტურა“, - აღნიშნა პრეზიდენტმა. 

საქართველოს პრეზიდენტმა მადლობა გადაუხადა ვაჟა-ფშაველას სახელობის პრემიის კომისიის წევრებსა და მის თავმჯდომარეს, როსტომ ჩხეიძეს გაწეული სამუშაოსათვის. ცერემონიას  ვაჟა-ფშაველას სახელობის პრემიის კომისიის წევრები, გამომცემლობების წარმომადგენლები და მოწვეული სტუმრები ესწრებოდნენ.

83 წლის ცნობილი ქართველი პოეტი, პუბლიცისტი და მთარგმნელი დავით წერედიანი 2019 წელს   გარდაიცვალა. წერედიანი მრავალი წელი მუშაობდა შოთა რუსთაველის სახელობის ლიტერატურის ინსტიტუტში. 1981 წლიდან აქტიურად დაიწყო თარგმანებზე მუშაობა.
მის ცნობილ თარგმანებს შორისაა გერმანელი და ფრანგი კლასიკოსების ნაწარმოებები: ბოდლერის ნაწარმოებები, ძმები გრიმების ზღაპრები, გოეთეს „ფაუსტი“. სულ ახლახან მან ბრწყინვალედ თარგმნა ფედერიკო გარსია ლორკას „ბოშური რომანსერო“. არის ლიტერატურული ესეებისა და რამდენიმე კრებულის ავტორი, ასევე ლიტერატურული პრემია „საბას“ (2012) ლაურეატი.

2014 წელს წერედიანს პრემია „საბა“ გადაეცა ლიტერატურის განვითარებაში შეტანილი ღვაწლისთვის.



0