ირაკლი კობახიძე

კობახიძე: ძალიან რთული დასაჯერებელია, რომ ISFED-ს ხარვეზის მიზეზი ადამიანური შეცდომაა

144
(განახლებულია 20:06 25.12.2020)
დეკემბრის დასაწყისში „სამართლიანი არჩევნები“ საზოგადოების ყურადღების ცენტრში მას შემდეგ მოექცა, რაც ორგანიზაციამ დააზუსტა პარალელური დათვლების შედეგები, რამაც ქართულ პოლიტიკურ წრეებში დავა გამოიწვია.

თბილისი, 25 დეკემბერი – Sputnik. მმართველი პარტია „ქართული ოცნება - დემოკრატიული საქართველო“ ISFED-ის ხელმძღვანელის გადადგომას ეხმაურება და მიიჩნევს, რომ „სამართლიანი არჩევნების“ მიერ დაშვებული ხარვეზები ადამიანური შეცდომა არაა. ამის შესახებ საპარლამენტო უმრავლესობის ლიდერმა ირაკლი კობახიძემ ისაუბრა.

დღეს ცნობილი გახდა, რომ არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოების“ (ISFED) აღმასრულებელმა დირექტორმა ელენე ნიჟარაძემ თანამდებობა დატოვა.

როგორც ირაკლი კობახიძემ განაცხადა, ის გარემოება, რომ ორგანიზაციის ხელმძღვანელობა ერთი თვის განმავლობაში მალავდა ხარვეზს, რომელიც, მათივე ინფორმაციით, ჯერ კიდევ ნოემბრის პირველ ნახევარში იყო იდენტიფიცირებული, კიდევ უფრო აღრმავებს ეჭვებს შეგნებულ მანიპულაციასთან დაკავშირებით.

„ყველას კარგად გვესმის, რომ სწორედ ცესკოს შედეგების აცდენა PVT-ს (ხმების პარალელური დათვლა) შედეგებთან გახდა ოპოზიციის მიერ არჩევნების გაყალბების მტკიცების მთავარი საყრდენი“, – განაცხადა კობახიძემ.

უმრავლესობის ლიდერის თქმით, ორგანიზაციის გამგეობამ არ გააკეთა განცხადება მათ მიერ გავრცელებულ იმ ინფორმაციაზეც, რომელიც საარჩევნო უბნების 8%-ში შემაჯამებელი ოქმების დაბალანსების პრობლემას უკავშირდებოდა.

„სინამდვილეში, ბიულეტენების ზედმეტობა დაფიქსირდა ქვეყნის მასშტაბით 19 საარჩევნო უბანზე, რაც საარჩევნო უბნების არა 8, არამედ 0,5%-ია. როდესაც ორგანიზაცია უშვებს ერთ უხეშ ხარვეზს, კიდევ შეიძლება საკუთარი თავი დააჯერო, რომ ეს იყო ადამიანური შეცდომა, მაგრამ როდესაც ორგანიზაცია უშვებს ერთდროულად ორ უხეშ ხარვეზს, აქ თავის მოტყუება უკვე ძალიან რთულია“, – აღნიშნა მან.

კობახიძის განცხადებით, მმართველი პარტიის სურვილია, მაქსიმალურად შეუწყოს ხელი „სამართლიანი არჩევნების" შელახული რეპუტაციის აღდგენას და ამ მიზნით მზად არის ითანამშრომლოს ორგანიზაციის გამგეობასთან და ახალ ხელმძღვანელობასთან.

დღეს „სამართლიანი არჩევნების” გამგეობამაც გაავრცელა განცხადება, სადაც აღნიშნულია, რომ ხმების პარალელური დათვლისას დაშვებული ხარვეზი ადამიანური შეცდომაა, თუმცა ამ შეცდომის საზოგადოებისთვის დაგვიანებით გაცნობის პასუხისმგებლობა აღმასრულებელ დირექტორს ეკისრება.

ISFED არჩევნების ხმების დათვლას სპეციალური კომპიუტერული პროგრამის (PVT) მეშვეობით ცესკოს პარალელურად ახორციელებდა. რამდენიმე კვირის წინ „სამართლიანი არჩევნების“ შიდა აუდიტმა გამოავლინა ხარვეზი საარჩევნო სუბიექტების მიერ მიღებული ხმების გამოსათვლელ ფორმულაში.

კერძოდ, საარჩევნო სუბიექტების მიერ მიღებულ ხმებთან ერთად დათვლილ იქნა ბათილი ბიულეტენებიც. ISFED-მა განაცხადა, რომ ამის შედეგად საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა, რაც გავლენას არ მოახდენდა საარჩევნო სუბიექტების მიერ მიღებული მანდატების რაოდენობაზე. მოგვიანებით ISFED-ის მიერ ხმების დათვლის შესწორებული შედეგები ძალიან დაუახლოვდა ცესკოს მიერ გამოცხადებულ შემაჯამებელ მონაცემებს – თითოეული საარჩევნო სუბიექტის შემთხვევაში ცდომილება 1%-ზე ნაკლები იყო.

„სამართლიანი არჩევნები“ პარალელური დათვლის შედეგებს აქვეყნებს>>

მანამდე ოპოზიცია ISFED-ის მონაცემების საფუძველზე ამტკიცებდა, რომ მან კოალიციური მთავრობის ფორმირებისთვის საკმარისი ადგილების მიღება შეძლო.

144
თემები:
საქართველოს პოლიტიკური ცხოვრება (254)
პოზიციის აქცია პარლამენტთან

„გირჩი“ და „მოქალაქეები“ ოპოზიციასთან შიდა კონსულტაციების ახალ რაუნდს იწყებენ

18
(განახლებულია 10:23 18.01.2021)
გასულ კვირას ოპოზიციური პარტიები „გირჩი“ და „მოქალაქეები“ მმართველ პარტიასთან დაკავშირებით მოთხოვნებზე შეთანხმდნენ

თბილისი, 18 იანვარი – Sputnik. ქართული ოპოზიციის ნაწილი – პარტია „გირჩი“ და „მოქალაქეები“ შიდა კონსულტაციების ახალ ეტაპს გიორგი ვაშაძის პარტია „სტრატეგია აღმაშენებელთან“ შეხვედრით იწყებს.

კონსულტაციების მთავარი თემა იქნება მმართველ პარტიასთან დაგეგმილი მოლაპარაკებები და ის საკითხი, თუ რა პირობებში იქნება ოპოზიცია თანახმა შევიდეს საკანონმდებლო ორგანოში. 

 „გირჩსა“ და „მოქალაქეებს“, რომელთაც 2020 წლის არჩევნების შედეგებით ექვსი მანდატი ერგოთ,  ოფიციალურად უარი არ უთქვამთ სადეპუტატო მანდატებზე.

პარტია „გირჩის“ გენმდივნის ლევან იოსელიანის განცხადებით, იმ შემთხვევაში თუ „ქართული ოცნება“ ადგილობრივი თვითმმართველობის არჩევნებში დამარცხდება, მან საქართველოს პარლამენტის რიგგარეშე არჩევნების ჩატარებაზე პასუხისმგებლობა საკუთარ თავზე უნდა აიღოს.

 „ჩემი აზრით, ეს არის კარგი ინიციატივა, რომელზეც საუბარი ღირს ოპოზიციის შიგნითაც და ხელისუფლების წარმომადგენლებთანაც.  ამ ინიციატივით ჩვენ ვგეგმავთ შეხვედრას გიორგი ვაშაძესთან და სხვა პოლიტიკურ პარტიებთან. ჩვენ გვინდა თვითმმართველობის არჩევნებს მომზადებული შევხვდეთ – შესაბამისი კანონმდებლობითა და შესაბამისი რეფორმით. ჩვენი მიზანია თბილისსა და სხვა მსხვილ ქალაქებში არჩევნებზე „ქართული ოცნების“ დამარცხება“, – განაცხადა ლევან იოსელიანმა.

როგორც „გირჩის“ ერთ–ერთმა ლიდერმა ვახტანგ მეგრელიშვილმა აღნიშნა, ადგილობრივი თვითმართველი ორგანოების არჩევნები „ქართული ოცნებისთვის“ ერთგვარი ტესტი გახდება. 

 „ეს შეეხება თვითმმართველობის არჩევნების როგორც ტესტად გამოყენებას. თუ ეს საკითხი პრინციპულად მისაღები იქნება ოპოზიციისთვის, ტექნიკურად, ვფიქრობ შესაძლებელი იქნება პლებისციტის ნაცვლად ფორმულირების მოძებნა, თუ როგორ შეიძლება შემოდგომაზე დაგეგმილი თვითმმართველობის არჩევნების ერთგვარ პლებისციტად გამოყენება და ამით შექმნილი პოლიტიკური კრიზისის ნეიტრალიზება“, –განაცხადა მეგრელიშვილმა.

გასულ კვირაში „გირჩი“ და „მოქალაქეები“ მმართველ პარტია „ქართული ოცნება – დემოკრატიული საქართველოსთან“ დაკავშირებით შემდეგ მოთხოვნებზე შეთანხმდნენ: ყველა შემდგომი არჩევნების პროპორციული სისტემით ჩატარება გამსვლელი 0%–იანი ბარიერის პირობებში და ცენტრალური საარჩევნო კომისიის ახალი შემადგენლობის ფორმულირება. მათი აზრით, დაგეგმილმა ადგილობრივმა არჩევნებმა, რომელიც საქართველოში 2021 წლის შემოდგომაზე გაიმართება, უნდა აჩვენოს თუ რამდენად აუცილებელია ქვეყნისთვის ახალი საპარლამენტო არჩევნები.

საპარლამენტო არჩევნების შედეგებით პარლამენტში შესული რვა ოპოზიციური პარტიიდან ხუთმა სადეპუტატო მანდატებზე უარი ოფიციალურად უკვე განაცხადა. ესენია ბლოკი „ერთიანი ნაციონალური მოძრაობა – ძალა ერთობაშია“ (36 მანდატი), „ევროპული საქართველო“ (5 მანდატი), „სტრატეგია აღმაშენებელი“ (4 მანდატი), „ლელო საქართველოსთვის“ (4 მანდატი) და „საქართველოს ლეიბორისტული პარტია“ (1 მანდატი). მათ ცესკოში წარდგენილი პროპორციული საარჩევნო სიების ანულირება მოახდინეს.

18
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
რიალის სასახლე, მადრიდი

დავით ზალკალიანი ესპანეთში გაემგზავრა: ვის შეხვდება მინისტრი

15
(განახლებულია 10:22 18.01.2021)
ესპანეთის სამეფოში საქართველოს საგარეო საქმეთა მინისტრი მონაწილეობას მიიღებს გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 113-ე სესიაში

თბილისი, 18 იანვარი – Sputnik. საქართველოს საგარეო საქმეთა მინისტრი დავით ზალკალიანი სამუშაო ვიზიტით ესპანეთში გაემგზავრა, ნათქვამია უწყების პრეს–სამსახურის მიერ გავრცელებულ განცხადებაში. 

ვიზიტის ფარგლებში ზალკალიანი მონაწილეობას მიიღებს გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 113-ე სესიაში, რომელზეც ორგანიზაციის გენერალური მდივნის კანდიდატურების შერჩევა მოხდება.

 „საქართველომ გაეროს მსოფლიო ტურიზმის ორგანიზაციის გენერალური მდივნის თანამდებობაზე ხელახალი ვადით წარადგინა მოქმედი თავმჯდომარე ზურაბ პოლოლიკაშვილი. ღონისძიებას ორგანიზაციის აღმასრულებელი საბჭოს 35 წევრი–სახელმწიფოს წარმომადგენელი დაესწრება“, – ნათქვამია განცხადებაში.

ვიზიტის ფარგლებში საქართველოს საგარეო საქმეთა მინისტრი შეხვედრებს გამართავს ესპანეთის საგარეო საქმეთა მინისტრთან, ასევე ესპანეთის შინაგან საქმეთა და მიგრაციის მინისტრებთან. ვიზიტის ფარგლებში გაიმართება ოფიციალური მიღება ესპანეთის მეფის ფილიპე IV სახელით და მასთან შეხვედრა.

საქართველოს საგარეო უწყების ხელმძღვანელის სახელით ასევე გაიმართება შეხვედრა მსოფლიო ტურიზმის ორგანიზაციის აღმასრულებელი საბჭოს 113-ე სესიაში მონაწილე დელეგაციის ხელმძღვანელებთან.

 ზურაბ პოლოლიკაშვილი მსოფლიო ტურისტული ორგანიზაციის გენერალური მდივნის პოსტზე 2017 წელს ოთხი წლის ვადით აირჩიეს – UNWTO-ს სესიაზე, რომელიც მადრიდში გაიმართა, პოლოლიკაშვილის კანდიდატურამ ხმების უმრავლესობა მიიღო.





 

15
თემები:
საქართველოს საგარეო პოლიტიკა

ქართველი ყველაზე მაღალანაზღაურებადი ფეხბურთელების ტოპ–ხუთეული

0
(განახლებულია 11:12 18.01.2021)
2020 წლის ბოლოს ავტორიტეტულმა გამოცემა Transfermarkt–მა გამოაქვეყნა ინფორმაცია იმის შესახებ, თუ რამდენია ქართველი ფეხბურთელების ღირებულება.  
ქართველი ყველაზე მაღალანაზღაურებადი ფეხბურთელების ტოპ-ხუთეული
© Sputnik / Konstantin Ivanov

„Sputnik–საქართველოს“ ინფოგრაფიკაში თქვენ გაიგებთ ტოპ–5 ქართველი ფეხბურთელის სატრანსფერო ღირებულებას.  

გარდ ამისა, Transfermarkt–ი აცხადებს, რომ ავსტრიისა და თურქეთის ეროვნულ ჩემპიონატებში მონაწილე ქართველი ფეხბურთელების ფასი გაიზარდა – საბა ლობჟანიძის ფასი, რომელიც „ანკარაგუჯუს“ სახელით ასპარეზობს, 1 მლნ ევროდან 1,7 მლნ ევრომდე გაიზარდა.

ასევე გაიზარდა „კონიასპორში“ მოთამაშე ქართველი ნახევარმცველის ლევან შენგელიას ფასი. იგი 400 ათასით „გაძვირდა“ და ახლა 1,8 მლნ ევრო ღირს. შესამჩნევად გაიზარდა ავსტრიულ კლუბ „ვოლფსბერგერში“ მოთამაშე ლუკა ლოჩიშვილის ღირებულებაც: ოქტომბერში მისი „ფასი“ 400 ათას ევროს შეადგენდა, ახლა კი 1 მილიონამდე გაიზარდა.

0