გიორგი გახარია

გიორგი გახარია: აუცილებლად გვჭირდება კულტურის კომერციალიზაცია

80
(განახლებულია 22:04 24.12.2020)
საქართველოს პრემიერ-მინისტრობის კანდიდატის აზრით, აუცილებელია მოხდეს კულტურის სფეროს კომერციალიზაცია, თუმცა მანამდე, პანდემიის პერიოდში სახელმწიფომ აქ დასაქმებული ადამიანები უყურადღებოდ არ უნდა დატოვოს.

თბილისი, 24 დეკემბერი – Sputnik. კულტურა და სპორტი არის ჩვენი ცხოვრების მნიშვნელოვანი მიმართულებები და ჩვენ აუცილებლად გვჭირდება კულტურის კომერციალიზაცია, განაცხადა საქართველოს პრემიერ-მინისტრობის კანდიდატმა გიორგი გახარიამ პარლამენტის პლენარულ სხდომაზე დეპუტატების კითხვებზე პასუხისას, სადაც მთავრობისთვის ნდობის გამოცხადების საკითხი განიხილება.

საქართველოში ხელოვანებს კოვიდ–კრიზისის დაძლევაში დაეხმარებიან>>

„ჩვენ, რა თქმა უნდა, თანამედროვე საქართველოში ბევრი სხვადასხვა მიმართულებით გვაქვს სერიოზული მიღწევები, თუმცა ყველამ უნდა ვაღიაროთ და ღიად გამოვუტყდეთ ერთმანეთს, რომ კულტურა და სპორტი არის ჩვენი ყოველდღიური სოციალური, კულტურული ცხოვრების ისეთი მიმართულებები, სადაც ყველაზე მნიშვნელოვანი მიღწევები გვაქვს“, – განაცხადა გახარიამ.

მისი თქმით, დღეს საქართველოს ხშირ შემთხვევაში იცნობენ კულტურისა და სპორტის სფეროს წარმომადგენლების მიღწევებით.

„ჩვენც კარგად გვესმის, რომ საქართველო არ არის მსოფლიოში ყველაზე მდიდარი ქვეყანა, რომელიც შეძლებს კულტურული მემკვიდრეობისა და მიმდინარე კულტურული საგანძურის მთელი ცხოვრება შენახვას. ჩვენ აუცილებლად გვჭირდება კულტურის კომერციალიზაცია. არ ვიტყვი, რომ ეს არის კულტურის გადარჩენის ერთადერთი გზა და საშუალება, თუმცა უაღრესად მნიშვნელოვანი კომპონენტია“, – განაცხადა პრემიერმა.

გახარიას აზრით, ამიტომ აუცილებელია ყველანაირი პირობის შექმნა კულტურის სფეროს კომერციალიზაციის ხელშესაწყობად. 

გიორგი გახარიამ ასევე აღნიშნა, რომ პანდემიის პირობებში კულტურის სფეროს მოღვაწეების მხარდაჭერის საკითხი ერთ-ერთი გამოწვევა და შედეგია იმისა, რომ პოსტსაბჭოთა პერიოდის შემდგომ, ბოლო 30 წლის განმავლობაში კულტურის სფეროს კომერციალიზაცია ვერ მოხდა.

„თუმცა, ყველას კარგად უნდა გვესმოდეს, რომ ჩვენნაირი ეკონომიკების პირობებში ეს არის აუცილებელი პირობა, რითიც ჩვენი კულტურის სფეროს უნდა დავეხმაროთ, შევქმნათ ყველანაირი პირობა, ინფრასტრუქტურა და ეკოსისტემა იმისთვის, რომ კულტურის სფეროს კომერციალიზაციას მივეხმაროთ. მაგრამ ვიდრე ეს არ მომხდარა, კულტურის სფერო დღეს, ისევე, როგორც ხშირ შემთხვევაში სპორტი... პირდაპირ არის დამოკიდებული სახელმწიფოს მხარდაჭერაზე“, – აღნიშნა პრემიერობის კანდიდატმა.

გახარიას თქმით, მართალია, ჩანს, რომ პანდემიის პირობებში კულტურის სფეროს წარმომადგენლები დარჩნენ დახმარების გარეშე, თუმცა ბევრი რაღაც იქაც გაკეთდა. კულტურის სფეროს ბევრ დაწესებულებას ფინანსური მხარდაჭერა გაეწია – მიუხედავად იმისა, რომ სრულად იყვნენ გაჩერებულები – რათა თანამშრომლები არ გაეშვათ.

„ეს, რა თქმა უნდა, გასაგრძელებელი და გასაძლიერებელია. გპირდებით, ყველაფერს გავაკეთებთ იმისთვის, რომ უკვე დაგეგმილი კულტურული ღონისძიებები, კონკურსები იქნება, გამოფენები თუ სხვა რამ, მიუხედავად იმისა, რომ არანაირი ეკონომიკური და ტურისტული შემადგენელი ნაწილი დღეს ამას არ აქვს, მაქსიმალურად შევინარჩუნოთ, რათა მიმდინარე დონეზე მაინც დარჩეს სამუშაო ადგილები ამ სფეროში“, – აღნიშნა გახარიამ.

გახარიას თქმით, ამასთან ერთად ყველას კარგად უნდა ესმოდეს, რომ დღეს ქვეყნის ბიუჯეტი საკმაოდ დიდი გამოწვევების წინაშეა და მთავრობა მაქსიმალურად ცდილობს მის სამართლიანად გადანაწილებას.

თბილისის მერია კულტურის სფეროს წარმომადგენლებს მხარს დაუჭერს>>

პრემიერობის კანდიდატმა დღეს ასევე განაცხადა, რომ გადაწყვეტილია განათლების სამინისტროსგან კულტურისა და სპორტის მიმართულებების გამოყოფა. ხელოვნებისა და კულტურის სფეროს მოღვაწეების აზრით, კულტურის გაერთიანებამ სხვა უწყებებთან არსებითად შეამცირა საქართველოში კულტურის განვითარების შესაძლებლობები, რადგან კულტურის სფეროში შემავალ ყველა დარგს მრავალი ინსტიტუციური, ფინანსური და იურიდიული პრობლემის გადაჭრა უწევს.

80
იენს სტოლტენბერგი

ნატომ რუსეთს აფხაზეთისა და ცხინვალის რეგიონების აღიარების შეწყვეტისკენ მოუწოდა

65
(განახლებულია 19:20 22.01.2021)
ალიანსი ასევე მოუწოდებს რუსეთს, „დაიცვას საქართველოს ტერიტორიული მთლიანობა და პატივი სცეს საერთაშორისო სამართალს“

თბილისი, 22 იანვარი - Sputnik. ნატო მოუწოდებს რუსეთს, შეწყვიტოს „სამხრეთ ოსეთისა“ და აფხაზეთის დამოუკიდებლობის აღიარება, განაცხადა ალიანსის გენერალურმა მდივანმა იენს სტოლტენბერგმა ბრიუსელში გამართულ პრესკონფერენციაზე საქართველოს პრეზიდენტ სალომე ზურაბიშვილთან მოლაპარაკებების დაწყების წინ.

„ჩვენ კვლავ მოვუწოდებთ რუსეთს, შეწყვიტოს აფხაზეთისა და „სამხრეთ ოსეთის“ რეგიონების აღიარება“, — თქვა მან.

სტოლტენბერგის განცხადებით, ალიანსი ასევე მოუწოდებს რუსეთს, „დაიცვას საქართველოს ტერიტორიული მთლიანობა და პატივი სცეს საერთაშორისო სამართალს“.

საქართველოს პრეზიდენტი სალომე ზურაბიშვილი ბრიუსელში სამუშაო ვიზიტით 20 იანვარს გაემგზავრა. ვიზიტის ფარგლებში ის უკვე შეხვდა ევროკავშირისა და ნატო-ს ხელმძღვანელ პირებს.

საქართველომ რუსეთთან დიპლომატიური ურთიერთობები 2008 წელს გაწყვიტა მას შემდეგ, რაც რუსეთის ხელისუფლებამ აფხაზეთისა და ცხინვალის რეგიონის დამოუკიდებლობა აღიარა. დიალოგი საქართველოსა და რუსეთს შორის ჟენევის საერთაშორისო მოლაპარაკებებისა და პრაღაში ორი ქვეყნის დიპლომატების — ზურაბ ჯაფარიძისა და გრიგორი კარასინის რეგულარული შეხვედრების ფარგლებშია შენარჩუნებული.

65
სალომე ზურაბიშვილი

ზურაბიშვილმა ევროპარლამენტს ქართველი სტუდენტებისთვის სწავლის საფასურის შემცირება სთხოვა

54
(განახლებულია 17:37 22.01.2021)
ბრიუსელში ვიზიტის ფარგლებში საქართველოს პრეზიდენტი მაღალი რანგის ევროპელ პარტნიორებთან შეხვედრებს მართავს.

თბილისი, 22 იანვარი – Sputnik. საქართველოს პრეზიდენტმა სალომე ზურაბიშვილმა ევროპარლამენტს ქართველი და ევროკავშირის ქვეყნების სტუდენტებისთვის სწავლის საფასურის გათანაბრება სთხოვა, რათა ქართველ სტუდენტებს ევროკავშირის ქვეყნებში სწავლისას ჰქონდეთ ისეთივე ტარიფებით სარგებლობის უფლება, რომლითაც ევროკავშირის წევრი ქვეყნების სტუდენტები სარგებლობენ, ნათქვამია საქართველოს სახელმწიფო მეთაურის ოფიციალურ გვერდზე გავრცელებულ განცხადებაში. 

ქართველი და ევროკავშირის ქვეყნების სტუდენტების სწავლის საფასურის გათანაბრების საკითხი იყო ერთ-ერთი მთავარი თემა, რომელსაც ზურაბიშვილი ბრიუსელში ევროპარლამენტის პრეზიდენტთან დავიდ სასოლისთან შეხვედრისას შეეხო.

სალომე ზურაბიშვილმა თხოვნით მიმართა ევროპარლამენტის პრეზიდენტს – რეკომენდაციით მიმართოს ამ გადაწყვეტილების მიმღებ შესაბამის ინსტანციებს.

შეხვედრაზე საუბარი შეეხო ასევე კოვიდის საწინააღმდეგო ვაქცინის ხელმისაწვდომობის საკითხს, რასთან დაკავშირებითაც საქართველოს პრეზიდენტმა აღნიშნა, რომ ამ კუთხით ევროკავშირს აკისრია არა მხოლოდ მორალური და სიმბოლური, არამედ პოლიტიკური პასუხისმგებლობაც. პრეზიდენტის აღნიშნული პოზიცია გაიზიარა ევროპარლამენტის პრეზიდენტმა და ხაზი გაუსვა კოვიდ–სოლიდარობის მნიშვნელობას.

სალომე ზურაბიშვილმა ევროპარლამენტის პრეზიდენტი საქართველოში მოიწვია, რაზეც დავიდ სასოლიმ განაცხადა, რომ მას სურვილი აქვს ევროპარლამენტის დეპუტატების დელეგაციასთან ერთად ესტუმროს ქვეყანას და უკეთ გაიცნოს „ევროკავშირის უახლოესი მეგობარი“.

ბრიუსელში ორდღიანი სამუშაო ვიზიტის ფარგლებში დაგეგმილია სალომე ზურაბიშვილის შეხვედრები ევროკავშირისა და ნატოს ხელმძღვანელ პირებთან. კერძოდ, პრეზიდენტი უკვე შეხვდა და შეხვდება ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, ევროკომისიის ვიცე-პრეზიდენტს ჟოზეპ ბორელს, ევროპარლამენტის პრეზიდენტს დავიდ სასოლის, ევროკომისიის აღმასრულებელ ვიცე-პრეზიდენტს ეკონომიკურ საკითხებში ვალდის დომბროვსკის, ევროპარლამენტის საგარეო კომიტეტის თავმჯდომარეს დევიდ მაკალისტერსა და ნატოს გენერალურ მდივანს იენს სტოლტენბერგს.

ბრიუსელში საქართველოს პრეზიდენტის ვიზიტი 23 იანვარს დასრულდება.

54
თემები:
საქართველოს პრეზიდენტი
ტოკიოს ოლიმპიადის ლოგოტიპი

კიდევ გადაიდება თუ არა ტოკიოს ოლიმპიადა: IOC-ი კომენტარს აკეთებს

0
(განახლებულია 22:27 22.01.2021)
IOC (საერთაშორისო ოლიმპიური კომიტეტი), თამაშების საორგანიზაციო კომიტეტი და ტოკიოს ხელისუფლება ყველაფერს გააკეთებს, რომ ზაფხულის ოლიმპიური თამაშების უსაფრთხოება უზრუნველყოს

თბილისი, 22 იანვარი - Sputnik. საერთაშორისო ოლიმპიური კომიტეტი და საერთაშორისო პარალიმპიური კომიტეტი ამ ზაფხულის ოლიმპიური და პარალიმპიური თამაშების გადადებას ან გაუქმებას გამორიცხავს, მიუხედავად მედიაში გავრცელებული ხმებისა, ნათქვამია IPC-ის განცხადებაში.

მანამდე გავრცელდა ინფორმაცია, რომ იაპონიის ხელისუფლებამ თამაშების გაუქმების შესახებ შეუთანხმებელი გადაწყვეტილება მიიღო და ახლა 2032 წლის ზაფხულის ოლიმპიურ თამაშებზე კონცენტრირდება. იაპონიის მთავრობის გენერალური მდივნის მოადგილემ მანაბუ საკაიმ უარყო ეს ინფორმაცია.

„საერთაშორისო ოლიმპიური კომიტეტი (IOC), IPC, საორგანიზაციო კომიტეტი „ტოკიო 2020“ და ყველა პარტნიორი განწყობილია თამაშების წარმატებით ჩატარებაზე და ორიენტირებულია ოლიმპიური და პარალიმპიური თამაშების უსაფრთხო და საიმედო ორგანიზებაზე. ეს პოზიცია არ შეცვლილა და დღეს კიდევ ერთხელ დაადასტურა IOC-მა, „ტოკიო 2020-მა“ და იაპონიის მთავრობამ“, — ნათქვამია IPC -ის განცხადებაში.

თავის მხრივ, ოლიმპიური თამაშების მინისტრმა სეიკო ჰასიმოტომ ხაზგასმით აღნიშნა, რომ მთავრობა, საორგანიზაციო კომიტეტი და ტოკიოს ხელისუფლება განაგრძობს სპორტული ფორუმისთვის მზადებას.

ამასთან, ზოგი მაღალი რანგის იაპონელი ჩინოვნიკი არ გამორიცხავს თამაშების გადადებას. ოსაკას პრეფექტურის გუბერნატორმა იოსიმურა ჰიროფუმიმ განაცხადა, რომ ოლიმპიადის გადადება არ სურთ, მაგრამ „გადატანა რეალურია“.

ტოკიოში ოლიმპიადა 2020 წლის 24 ივლისიდან 9 აგვისტომდე უნდა ჩატარებულიყო, მაგრამ პანდემიის გამო ჩემპიონატი ერთი წლით გადაიდო და 2021 წლის 23 ივლისიდან 8 აგვისტომდე პერიოდში გაიმართება.

0
თემები:
საერთაშორისო პანორამა