პარლამენტი

მიქანაძე: სამთავრობო პროგრამა ევროპული სახელმწიფოს მშენებლობაზეა ორიენტირებული

67
(განახლებულია 19:38 24.12.2020)
მთავრობის სამოქმედო პროგრამის ძირითადი მიზანი კორონავირუსის პანდემიიდან გამომდინარე არსებული კრიზისის დაძლევა და ეკონომიკის სწრაფი აღდგენაა.

თბილისი, 24 დეკემბერი – Sputnik. მთავრობის მიერ წარმოდგენილი პროგრამა ორიენტირებულია ევროპული სახელმწიფოს მშენებლობასა და იმ რეფორმების განმტკიცებაზე, რომელსაც ქვეყნის აღმასვლა ჰქვია, განაცხადა ფრაქცია „ქართული ოცნების“ თავმჯდომარის მოადგილემ გივი მიქანაძემ. 

დღეს საქართველოს პარლამენტის რიგგარეშე სესიის პლენარულ სხდომაზე დეპუტატებმა ნდობა უნდა გამოუცხადონ განახლებულ მთავრობას პრემიერ-მინისტრ გიორგი გახარიას ხელმძღვანელობით და სამთავრობო პროგრამას „ევროპული სახელმწიფოს მშენებლობისთვის“. 

სამთავრობო პროგრამა ოთხ წელზეა გათვლილი, რომლის ძირითადი მიზანი კორონავირუსის პანდემიიდან გამომდინარე არსებული კრიზისის დაძლევა, ეკონომიკის სწრაფი აღდგენა და განვითარება და მოქალაქეებისთვის უსაფრთხო გარემოს შექმნაა. გარდა ამისა, პროგრამაში აღნიშნულია, რომ 2024 წლამდე საქართველო ყველა რეფორმას გაატარებს იმისთვის, რათა ევროკავშირში წევრობაზე განაცხადი გააკეთოს. 

„მთავრობის მიერ წარმოდგენილი პროგრამა ორიენტირებულია ევროპული სახელმწიფოს მშენებლობაზე. ჩვენ გვაქვს პრიორიტეტები, რომლებიც უკავშირდება ჩვენი მოქალაქეების სიცოცხლისა და ჯანმრთელობის უზრუნველყოფასა და ეკონომიკურ გამოწვევებთან გამკლავებას“, – განაცხადა მიქანაძემ.

ამასთან, მიქანაძე მოუწოდებს ოპოზიციას, დაუბრუნდნენ კონსტიტუციურ ჩარჩოებს და გამოიყენონ შესაძლებლობა, რომ თავიანთი მხარდამჭერების ინტერესები მაღალი ტრიბუნიდან გაახმოვანონ.

„ის, რომ დღეს ოპოზიცია პარლამენტში არაა, ეს მხოლოდ მათი უპასუხისმგებლობითაა გამოწვეული. ოპოზიციას მოვუწოდებთ, რომ კონსტიტუციურ ჩარჩოებს დაუბრუნდნენ და საკანონმდებლო პროცესში ჩაერთონ. მათი პოზიცია და კითხვები ხელისუფლებისთვის, ასევე საზოგადოებისთვის არის მნიშვნელოვანი“, – განაცხადა მიქანაძემ. 

მეათე მოწვევის პარლამენტს გიორგი გახარიამ, ფაქტობრივად, მთავრობის ძველი შემადგენლობა წარუდგინა. ერთადერთი ახალი სახე – იუსტიციის მინისტრის პოსტზე წარდგენილი გოჩა ლორთქიფანიძეა, რომლისთვისაც აღნიშნული თანამდებობა დროებითი იქნება. რამდენიმე თვეში იგი მთავრობას დატოვებს და ჰააგაში სისხლის სამართლის საერთაშორისო სასამართლოს მოსამართლის პოსტს დაიკავებს.

პარლამენტში წარდგენილი მინისტრთა კაბინეტის შემადგენლობა ასე გამოიყურება: პრემიერ-მინისტრი გიორგი გახარია, რეგიონული განვითარებისა და ინფრასტრუქტურის მინისტრი მაია ცქიტიშვილი, იუსტიციის მინისტრი გოჩა ლორთქიფანიძე, შინაგან საქმეთა მინისტრი ვახტანგ გომელაური, ეკონომიკისა და მდგრადი განვითარების მინისტრი ნათია თურნავა, საგარეო საქმეთა მინისტრი დავით ზალკალიანი, ფინანსთა მინისტრი ივანე მაჭავარიანი, განათლების, მეცნიერების, კულტურისა და სპორტის მინისტრი მიხეილ ჩხენკელი, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე, გარემოს დაცვისა და სოფლის მეურნეობის მინისტრი ლევან დავითაშვილი, თავდაცვის მინისტრი ირაკლი ღარიბაშვილი, სახელმწიფო მინისტრი შერიგებისა და სამოქალაქო თანასწორობის საკითხებში თეა ახვლედიანი.

პარლამენტის ნდობის მოსაპოვებლად მთავრობას მინიმუმ 76 დეპუტატის ხმა სჭირდება.

საკანონმდებლო ორგანოში მთავრობის შემადგენლობისთვის ნდობის გამოცხადება პარლამენტის შენობასთან ახალგაზრდული ორგანიზაციების საპროტესტო აქციის ფონზე მიმდინარეობს.

67
თემები:
საქართველოს პარლამენტი (251)
ზურაბ აბაშიძე

აბაშიძე: საქართველო მზადაა რუსეთთან საზღვრის გახსნის საკითხზე იმსჯელოს

34
(განახლებულია 18:31 27.01.2021)
ახალი კორონავირუსის პანდემიის გამო საქართველომ და რუსეთმა სახმელეთი საზღვარი გასული წლის მარტში ჩაკეტეს.

თბილისი, 27 იანვარი – Sputnik. საქართველო და რუსეთი სახმელეთო საზღვრის გახსნის საკითხზე მსჯელობას მას შემდეგ შეძლებენ, რაც ორივე ქვეყანაში ეპიდვითარება დარეგულირდება, განაცხადა ერუსეთთან ურთიერთობების მოგვარების საკითხებში საქართველოს პრემიერ–მინისტრისსპეციალურმა წარმომადგენელმა ზურაბ აბაშიძემ „Sputnik საქართველოსთან“ ინტერვიუში. 

კორონავირუსის გავრცელების პრევენციის მიზნით, საქართველომ ავიამიმოსვლა ყველა მიმართულებით, განსაკუთრებული გამონაკლისის გარდა, 2020 წლის 16 მარტიდან შეწყვიტა – საზღვრის გადმოკვეთის უფლება მხოლოდ საქართველოს მოქალაქეებს და ტრანზიტული ტვირთების გადამზიდავებს აქვთ. საქართველოში მოქმედი წესების თანახმად, სამშობლოში დაბრუნების შემდეგ თანამემამულეებ 12–დღიან კარანტინს გადიან. მკაცრ კონტროლს გადიან სატვირთოს მძღოლებიც.

„თუ  ეპიდვითარება დასტაბილურდება, ჩვენ საზღვრების გახსნის თაობაზე მსჯელობასაც შევძლებთ. საზღვარი პანდემიის გამო დაიკეტა და როგორც კი ვითარება საშუალებას მოგვცემს, ჩვენ კონკრეტული ნაბიჯების განხილვისთვის მზად ვართ. საზღვარი ორივე მხრიდან დაიკეტა, ქართულმა და რუსულმა მხარეებმა ასეთი გადაწყვეტილება მიიღეს. სხვა მიზეზი არ ყოფილა“, – განაცხადა აბაშიძემ.

დიპლომატის თქმით, რუსეთის მხრიდან საზღვრის გახსნის შესახებ წინადადება ჯერ არ ყოფილა.

როგორც აბაშიძემ განაცხადა, მარტის ბოლომდე გაიმართება მისი და რუსეთის ფედერაციის სენატორ გრიგორი კარასინის პირისპირ შეხვედრა, რომელიც პრაღის მოლაპარაკებებზე რუსეთს წარმოადგენს. 

 „ჩვენ ნოემბერში ონლაინ–შეხვედრა გავმართეთ და მაშინ ვთქვით, რომ შემდეგი შეხვედრა 2021 წლის პირველ კვარტალში გაიმართება. კონკრეტულ თარიღზე არ გვისაუბრია, თუმცა, ვფიქრობ თებერვალში ან მარტში. დღის წესრიგში სავაჭრო–ეკონომიკური კავშირები, ტრანსპორტისა და ჰუმანიტარული საკითხები იქნება. ვფიქრობ, იმ დროისთვის აღნიშნულ თემებთან დაკავშირებით კონკრეტული საკითხები გამოიკვეთება“, – განაცხადა აბაშიძემ.

რუსეთსა და საქართველოს შორის დიპლომატიური ურთიერთობები არ არსებობს. დიალოგი ქვეყნებს შორის ჟენევის დისკუსიებისა და კარასინი–აბაშიძის მოლაპარაკებების ფარგლებშია შენარჩუნებული.

ჟენევაში მხარეები პოლიტიკურ პრობლემებს, ჟენევაში კი სავაჭრო–ეკონომიკურ, ტრანსპორტის, ჰუმანიტარულ და ა.შ. საკითხებს განიხილავენ. მოლაპარაკებების ერთ–ერთი მნიშვნელოვანი შედეგი 2013 წელს ქართულ პროდუქციაზე ემბარგოს მოხსნა გახდა. მას შემდეგ საქართველოსა და რუსეთს შორის სავაჭრო ურთიერთობები ყოველწლიურად უმჯობესდება.

 

34
თემები:
საქართველო - ევროკავშირის ურთიერთობები
ირაკლი კობახიძე

ევროსაბჭოს საპარლამენტო ასამბლეის პლენარულ სხდომას ირაკლი კობახიძე უძღვება

11
(განახლებულია 17:39 27.01.2021)
ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში ხორციელდება

თბილისი, 27 იანვარი – Sputnik. ევროპის საბჭოს საპარლამენტო ასამბლეის ზამთრის სესიის პლენარულ სხდომას მმართველი პარტია „ქართული ოცნების“ თავმჯდომარე,  ასამბლეის ვიცე–პრეზიდენტი ირაკლი კობახიძე უძღვება.

როგორც საქართველოს პარლამენტი იუწყება,  პლენარულ სხდომაზე  COVID-19–ის საწინააღმდეგო ვაქცინაციის საკითხზე მსჯელობენ. სხდომაში აქტიურად მონაწილეობს საქართველოს პარლამენტის დელეგაცია. 

 

დელეგაციის შემადგენლობაში ირაკლი კობახიძესთან ერთად ასევე შედიან ვიცე–სპიკერი კახა კუჭავა (დელეგაციის ხელმძღვანელი) და დეპუტატები ფრიდონ ინჯია, მარიამ კუბლაშვილი, გივი მიქანაძემ, თამარ ტალიაშვილი, ირაკლი ჩიქოვანი და გიორგი ხოჯევანიშვილი.

ირაკლი კობახიძე 25 იანვარს ევროპის საბჭოს საპარლამენტო ასამბლეის (PACE) ვიცე-პრეზიდენტად მეორე ვადით აირჩიეს.

სტრასბურგში ევროსაბჭოს საპარლამენტო ასამბლეის ზამთრის სესია 25 იანვარს გაიხსნა და  29 იანვარს დაიხურება.

ვროპის საბჭო საერთაშორისო ორგანიზაციაა, რომელიც ხელს უწყობს თანამშრომლობას მის წევრებს, ევროპის ქვეყნებს შორის ადამიანის უფლებების, დემოკრატიული განვითარების, კანონიერების და კულტურული ურთიერთქმედების კუთხით.

საქართველო ევროპის საბჭოს წევრი 1999 წლის 27 აპრილს გახდა. ამჟამად 1949 წელს დაფუძნებულ ორგანიზაციაში 47 სახელმწიფო შედის.

11
თემები:
საქართველოს პარლამენტი (251)
ბათუმის ხედი

აჭარა გახსნისთვის მზად არის, თუმცა უქმეებზე „ჩაკეტვა“ რჩება

0
(განახლებულია 18:50 27.01.2021)
ბოლო დღეების სტატისტიკა ცხადყოფს, რომ ეპიდვითარება ქვეყანაში, კერძოდ კი აჭარაში, რომელიც ცოტა ხნის წინ კოვიდ-რეიტინგის ლიდერი იყო, თანდათანობით უმჯობესდება

თბილისი, 27 იანვარი – Sputnik. მთავრობა ამ ეტაპზე შესაძლებლად მიიჩნევს აჭარის სრულ გახსნას, რადგან იქ ვითარება სტაბილურია და ინფიცირების დაბალი დონე ფიქსირდება, განაცხადა ჯანდაცვის მინისტრმა ეკატერონე ტიკარაძემ მთავრობის ადმინისტრაციაში ბიზნეს-სექტორის წარმომადგენლებთან შეხვედრის დასრულების შემდეგ.

ტიკარაძემ ასევე აღნიშნა, რომ პირველ ეტაპზე საჭიროა ე.წ. ჩაკეტილი უქმეების მოქმედება ბათუმში, გორში, თელავში, ფოთსა და ზუგდიდში, სადაც 1 თებერვლიდან საზოგადოებრივი ტრანსპორტი ამუშავდება. ამ ქალაქებში შაბათ-კვირას არ იმუშავებს ტრანსპორტი, კაფეები და რესტორნები, მაღაზიები და ბაზრობები.

„დარჩება შაბათი-კვირა ისე, როგორც ეს ჩაკეტვების გეგმაშია განსაზღვრული, ხოლო როცა დავაკვირდებით ქვეყნის მასშტაბით დადებითობას, შეიძლება მოვუბრუნდეთ ამ საკითხს“, - განაცხადა ტიკარაძემ.

ტრანსპორტის, სარესტორნო სექტორისა და სავაჭრო ობიექტების გარდა, აჭარაში 1 თებერვლიდან სკოლებში სასწავლო პროცესი აღდგება.

ბოლო დღე-ღამეში დადასტურებული 742 ახალი შემთხვევიდან აჭარაში მხოლოდ 33 გამოვლინდა.

0