მთავრობის ადმინისტრაცია

საქართველოს განახლებული მთავრობა ეყოლება: რას ჰპირდება მთავრობა მოქალაქეებს

66
(განახლებულია 14:49 23.12.2020)
მთავრობის სამოქმედო პროგრამის ძირითადი მიზანი კორონავირუსის პანდემიიდან გამომდინარე არსებული კრიზისის დაძლევა და ეკონომიკის სწრაფი აღდგენაა.

თბილისი, 23 დეკემბერი – Sputnik. საქართველოს პარლამენტი ოთხშაბათს რიგგარეშე სესიის ფარგლებში ნდობას გამოუცხადებს განახლებულ მთავრობას პრემიერ-მინისტრ გიორგი გახარიას ხელმძღვანელობით და სამთავრობო პროგრამას „ევროპული სახელმწიფოს მშენებლობისთვის“. 

გახარიამ პარლამენტს, ფაქტობრივად, მთავრობის ძველი შემადგენლობა წარუდგინა. ერთადერთი ახალი სახე – იუსტიციის მინისტრის პოსტზე წარდგენილი გოჩა ლორთქიფანიძეა, რომლისთვისაც აღნიშნული თანამდებობა დროებითი იქნება. რამდენიმე თვეში იგი მთავრობას დატოვებს და ჰააგაში სისხლის სამართლის საერთაშორისო სასამართლოს მოსამართლის პოსტს დაიკავებს.

მთლიანობაში პარლამენტში წარდგენილი მინისტრთა კაბინეტის შემადგენლობა ასე გამოიყურება:

– განათლების, მეცნიერების, კულტურისა და სპორტის სამინისტრო - მიხეილ ჩხენკელი;

– გარემოს დაცვისა და სოფლის მეურნეობის სამინისტრო - ლევან დავითაშვილი;

– ეკონომიკისა და მდგრადი განვითარების სამინისტრო - ნათელა თურნავა;

– თავდაცვის სამინისტრო - ირაკლი ღარიბაშვილი;

– იუსტიციის სამინისტრო - გოჩა ლორთქიფანიძე;

– ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო - ეკატერინე ტიკარაძე;

– რეგიონული განვითარებისა და ინფრასტრუქტურის სამინისტრო - მაია ცქიტიშვილი;

– საგარეო საქმეთა სამინისტრო - დავით ზალკალიანი;

– ფინანსთა სამინისტრო - ივანე მაჭავარიანი;

– შინაგან საქმეთა სამინისტრო - ვახტანგ გომელაური;

– შერიგებისა და სამოქალაქო თანასწორობის საკითხებში სახელმწიფო მინისტრის აპარატი - თეა ახვლედიანი.

მთავრობის შემადგენლობასთან ერთად გახარიამ კანონმდებლებს წარუდგინა სამთავრობო პროგრამა „ევროპული სახელმწიფოს მშენებლობისთვის“.

სამთავრობო პროგრამის ძირითადი აქცენტები

სამთავრობო პროგრამა „ევროპული სახელმწიფოს მშენებლობისთვის“ ოთხ წელზეა გათვლილი.

პროგრამის ძირითადი მიზანი კორონავირუსის პანდემიიდან გამომდინარე არსებული კრიზისის დაძლევა, ეკონომიკის სწრაფი აღდგენა და განვითარება და მოქალაქეებისთვის უსაფრთხო გარემოს შექმნაა.

გარდა ამისა, პროგრამაში აღნიშნულია, რომ 2024 წლამდე საქართველო ყველა რეფორმას გაატარებს იმისთვის, რომ ევროკავშირში წევრობაზე განაცხადი გააკეთოს. 

მთლიანობაში პროგრამაში ოთხი მიმართულებაა გამოყოფილი: საგარეო პოლიტიკა, უსაფრთხოება და ადამიანის უფლებები; ეკონომიკური განვითარება; სოციალური პოლიტიკა და ადამიანური კაპიტალის განვითარება და სახელმწიფო მართვა.

საგარეო პოლიტიკის, უსაფრთხოებისა და ადამიანის უფლებების მიმართულება ითვალისწინებს სტრატეგიულ პარტნიორებთან ურთიერთობების განმტკიცებას, თავდაცვისუნარიანობასა და შიდა უსაფრთხოებაზე ზრუნვას, ასევე ადამიანის უფლებების დაცვის მაღალი სტანდარტების დანერგას.

ეკონომიკური განვითარება ითვალისწინებს პოსტკრიზისულ პერიოდში ბიზნესის აღდგენისა და განვითარების ხელშეწყობას, სამუშაო ადგილების შექმნას, ასევე სიღარიბის დაძლევას.

სოციალური პოლიტიკისა და ადამიანური კაპიტალის მიმართულება ეფუძნება სოციალური სფეროსა და ჯანდაცვის სისტემის განვითარებას, ასევე ხარისხიანი ხელმისაწვდომი განათლების უზრუნველყოფას.

რაც შეეხება სახელმწიფო მართვას, ამ ნაწილში მოიაზრება სახელმწიფო ინსტიტუტების განმტკიცება და მათი საქმიანობის ეფექტურობის გაზრდა.

66
თემები:
საქართველოს მთავრობა (123)

მოთხოვნა: პრემიერ–მინისტრის გადადგომა ივანიშვილის რეზიდენციასთან აქცია გაიმართა

40
პარტია „ქართული ოცნების“ დამაარსებელ ბიძინა ივანიშვილის რეზიდენციასთან საპროტესტო აქცია გაიმართა. იხილეთ „Sputnik საქართველოს“ ვიდეოკადრები ადგილიდან

სამოქალაქო აქტივისტებმა და ოპოზიციის წარმომადგენლებმა, რომლებმაც  საპროტესტო მსვლელობა პარლამენტის შენობიდან დაიწყეს და ბიძინა ივანიშვილის რეზიდენციასთან განაგრძეს,  საქართველოს პრემიერ–მინისტრ ირაკლი ღარიბაშვილის გადადგომა მოითხოვეს.

აქციის ჩატარების საბაბი გახდა ოპოზიციური ტელეარხის, „ТV პირველის“ ეთერში გამოქვეყნებული აუდიოჩანაწერები. მასში, სავარაუდოდ, ფიგურირებენ პრემიერ-მინისტრი ირაკლი ღარიბაშვილი, ბიძინა ივანიშვილის ვაჟი ბერა და სახელმწიფო დაცვის სპეცსამსახურის უფროსი ანზორ ჩუბინიძე. ტელეკომპანიის მონაცემებით, აუდიოჩანაწერებში საუბარია რამდენიმე პირის დასჯაზე, რომლებიც ბერას სოციალურ ქსელებში მისთვის არასასურველი კომენტარების ავტორები არიან.

„ჩვენი ძირითადი მოთხოვნა კვლავ ვადამდელი არჩევნების ჩატარება რჩება, მაგრამ სანამ ჩვენი მოთხოვნა შესრულდება, ჩვენ ვითხოვთ ქვეყნის პრემიერ-მინისტრის, ირაკლი ღარიბაშვილის დაუყოვნებლივ გადადგომას, რომელიც ამ საშინელების და ძალადობის ერთ-ერთი ავტორია“,  განაცხადა აქციის ერთ-ერთმა მონაწილემ.

40
ერთიანი ნაციონალური მოძღაობის მხარდამჭერთა მსვლელობა

ივანიშვილის რეზიდენციასთან აქციის მონაწილეებსა და პოლიციას შორის დაპირისპირება მოხდა

69
პოლიცია არ აძლევს აქციის მონაწილეებს რეზიდენციის კედლებზე შეურაცხმყოფელი წარწერების დატოვების საშუალებას. დაკავებების შესახებ ინფორმაცია არ ვრცელდება

თბილისი, 7 მარტი – Sputnik. საპროტესტო აქციაზე მმართველი პარტიის დამფუძნებლის, მილიარდერ ბიძინა ივანიშვილის რეზიდენციასთან მონაწილეებსა და პოლიციას შორის ინციდენტი მოხდა, იუწყება Sputnik-საქართველოს კორესპონდენტი.

სამართალდამცველებსა და აქტივისტებს შორის დაპირისპირება დაიწყო მას შემდეგ, რაც პოლიციამ აქციის მონაწილეებს რეზიდენციის შესასვლელის კედლებზე შეურაცხმყოფელი წარწერების დატოვების საშუალება არ მისცა.

აქტივისტები პოლიციას „მონებს“ უწოდებდნენ, ხოლო ბიძინა ივანიშვილის ვაჟს - ბერას - „მანიაკს“.

„ბერა, ყველაფრისთვის დაისჯები“, - ასეთი წარწერის დატოვება მოსწრო ერთ-ერთმა მონაწილემ. კედლებზე ასევე უცენზურო გამონათქვამებს წერენ.

აქციაზე ოცზე მეტი ადამიანი შეიკრიბა. ისინი მოითხოვენ იმ სკანდალური აუდიოჩანაწერის მონაწილეების გასამართლებას, რომელიც წუხელ ოპოზიციურმა ტელეარხმა „ტვ პირველმა“ გააჟღერა.

მედიის ინფორმაციით, აუდიოჩანაწერში ერთმანეთს ესაუბრებიან პრემიერ-მინისტრი ირაკლი ღარიბაშვილი, ბერა ივანიშვილი და სახელმწიფო დაცვის სპეცსამსახურის უფროსი ანზორ ჩუბინიძე. საუბარი ეხება რამდენიმე პირის დასჯაზე, რომლებიც ბერას სოციალურ ქსელებში მისთვის არასასურველ კომენტარებს ტოვებენ.

აქციის მონაწილეები ასევე პრემიერ-მინისტრ ირაკლი ღარიბაშვილის გადადგომას მოითხოვენ.

69
საპატრულო პოლიცია

თელავში 27 წლის  მამაკაცმა ოჯახის სამი წევრი მოკლა

0
(განახლებულია 18:49 07.03.2021)
მომხდარის შესახებ დამატებითი ინფორმაცია ამ დროისთვის უცნობია. გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით მიმდინარეობს

თბილისი, 7 მარტი - Sputnik. კახეთში საშინელი ტრაგედია მოხდა - თელავში, გოშაძის ქუჩაზე 27 წლის მამაკაცმა ცეცხლსასროლი იარაღით მშობლები და ბებია მოკლა და მიიმალა, იუწყება ტელეკომპანია „რუსთავი2“.

შემთხვევა ცოტა ხნის წინ მოხდა. ადგილზე პოლიციაა მობილიზებული.

შსს-ს ინფორმაციით, დანაშაულის ჩამდენი პირის დაკავების მიზნით საგამოძიებო და ოპერატიული ღონისძიებები ინტენსიურ რეჟიმში ტარდება.

ტრაგედიის მიზეზები ჯერჯერობით უცნობია.

მომხდარ ფაქტზე გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით (სსკ-ის 11 პრიმა-109-ე მუხლი) მიმდინარეობს.

 

0