აქცია

„ლელო“ ერთი წლის გახდა: რა მოასწრო ამ დროში პარტიამ

58
(განახლებულია 21:40 22.12.2020)
პარტიის ლიდერები თავისი პარტიის მთავარ მიღწევად მიიჩნევენ იმას, რომ დებიუტანტმა პარტიამ პირველივე ჯერზე საპარლამენტო არჩევნებში ოთხი მანდატი მოიპოვა.

თბილისი, 22 დეკემბერი – Sputnik. ოპოზიციურმა პარტიამ „ლელო საქართველოსთვის“ ერთი წლის განმავლობაში შეძლო, რომ ქვეყანაში წამყვანი პოლიტიკური ძალა გამხდარიყო, განაცხადა პარტიის ერთ-ერთმა ლიდერმა ბადრი ჯაფარიძემ პარტიის დაფუძნების წლისთავთან დაკავშირებით გამართულ ღონისძიებაზე.

„ლელო საქართველოსთვის“ 2019 წლის დეკემბერში ТВС Bank-ის მფლობელებმა მამუკა ხაზარაძემ და მისმა ბიზნეს–პარტნიორმა ბადრი ჯაფარიძემ დააფუძნეს. მათ პოლიტიკაში წასვლა მას შემდეგ გადაწყვიტეს, რაც მათ წინააღმდეგ სისხლის სამართლის საქმე აღიძრა. ხაზარაძესა და ჯაფარიძეს ბრალად ედებათ ბანკის მეშვეობით დაახლოებით 17 მლნ დოლარის „გათეთრება“. ბიზნესმენებმა ხელისუფლების ეს ნაბიჯი დევნად შეაფასეს. საქმე ჯერ კიდევ სასამართლოშია.

„ეს ერთი წელი იყო განსაცდელებით, ბრძოლით აღსავსე. ეს იყო ჩვენი ქვეყნის მომავლისათვის ბრძოლა. ბრძოლა იმისთვის, რომ შევცვალოთ უიმედო ვითარება და უიმედო რეალობა. მინდა ვთქვა, რომ ერთი წლის განმავლობაში “ლელომ” უზარმაზარ შედეგს მიაღწია... “ლელომ” ერთ წელიწადში მოახერხა, რომ გამხდარიყო ქვეყნის წამყვანი პოლიტიკური ძალა და ეს არის უზარმაზარი შედეგი“, – განაცხადა ჯაფარიძემ პრესკონფერენციაზე.

პარტიის გუნდში ბანკირების გარდა არიან პარლამენტის ყოფილი თავმჯდომარე დავით უსუფაშვილი, საქართველოს ექს–პრეზიდენტის გიორგი მარგველაშვილის ადმინისტრაციის ყოფილი თანამშრომლები კახა კოჟორიძე, ფიქრია ჩიხრაძე და ანა ნაცვლიშვილი, ასევე ცნობილი ექსპერტები.

ბიუჯეტიდან თანხას ის პარტია მიიღებს, რომელიც მანდატების ნახევარს მაინც აითვისებს>>

საპარლამენტო არჩევნების შედეგად, რომელიც ქვეყანაში 31 ოქტომბერს ჩატარდა, „ლელოს“ დებიუტი არჩევნებში ოთხი სადეპუტატო მანდატით დამთავრდა. თუმცა, სხვა ოპოზიციური პარტიების მსგავსად, რომლებიც არჩევნების შედეგებს არ აღიარებენ, პარტიამ პარლამენტში შესვლაზე უარი ოფიციალურად განაცხადა.

58
თემები:
საქართველოს პოლიტიკური ცხოვრება (259)
მოჰამად ჯავად ზარიფი

რისთვის ჩამოდის ირანის საგარეო საქმეთა მინისტრი საქართველოში

22
(განახლებულია 11:03 27.01.2021)
ირანის საგარეო საქმეთა მინისტრი პატივს მიაგებს საქართველოს ერთიანობისთვის ბრძოლაში დაღუპულთა ხსოვნას და გმირთა მემორიალს გვირგვინით შეამკობს.

თბილისი, 27 იანვარი – Sputnik. ირანის ისლამური რესპუბლიკის საგარეო საქმეთა მინისტრი მოჰამად ჯავად ზარიფი რეგონული ტურნეს ფარგლებში 27–28 იანვარს საქართველოს ეწვევა, ინფორმაციას საგარეო საქმეთა სამინისტრო ავრცელებს.

ვიზიტის ფარგლებში იგი შეხვედრებს გამართავს საქართველოს პრზიდენტ სალომე ზურაბიშვილთან, პრემიერ–მინისტრ გიორგი გახარიასთან და ქართველ კოლეგა დავით ზალკალიანთან. 

ირანის საგარეო უწყების ხელმძღვანელმა რეგიონული ტურნე აზერბაიჯანში ვიზიტით დაიწყო. საქართველოდან იგი რუსეთში გაემგზავრება, სადაც შეხვედრას გამართავს რუს კოლეგა სერგეი ლავროვთან.  ზარიფის გეგმებშია ასევე სომხეთში ვიზიტი.

როგორც ტურნეს დაწყებამდე მოჰამედ ჯავად ზარიფმა განაცხადა, იგი იმ ქვეყნებში ვიზიტს გეგმავს, რომელთანაც შესაძლებელია  თანამშრომლობა მთიან ყარაბაღში კრიზისის მოგვარებასა და რეგიონში მშვიდობისა და სტაბილიზაციის მიღწევაში.

დიპლომატიური ურთიერთობები საქართველოსა და ირანს შორის 1992 წლის 15 მაისს დამყარდა. მას შემდეგ ქვეყნებს შორის ორმხრივი ურთიერთობები ვითარდება პოლიტიკურ, სავაჭრო–ეკონომიკურ, საინვესტიციო, სოფლის მეურნეობის, კულტურულ, საგანმანათლებლო და ტურისტულ სფეროებში.

სტატისტიკის ეროვნული სამსახურის „საქსტატის“ ოფიციალური მონაცემებით, საქართველოსა და ირანს შორის საქონელბრუნვა 2018 წელს 38,7%-ით გაიზარდა და 251,9 მლნ დოლარი შეადგინა. ტურიზმის ეროვნული ადმინისტრაციის მონაცემებით, 2018 წელს ირანიდან საქართველოში 291,1 ათასი ტურისტული ვიზიტი განხორციელდა. 2019 წლის 11 თვეში ვიზიტორების რაოდენობამ ამ ქვეყნიდან 132,8 ათასი შეადგინა.

22
თემები:
საქართველოს საგარეო პოლიტიკა

სიღარიბე ვირუსზე საშიშია: თბილისი პროტესტების ტალღამ მოიცვა

28
თბილისში კოვიდ-შეზღუდვების გამო პროტესტის ტალღამ იფეთქა. განსაკუთრებით მკაცრი აკრძალვები მოქმედებს დიდ ქალაქებში. იხილეთ Sputnik-საქართველოს ვიდეოშ, თუ რას მოითხოვენ მომიტინგეები

საპროტესტო ტალღა 22 იანვარს დაიწყო, როდესაც ქვეყნის ვიცე-პრემიერმა მაია ცქიტიშვილმა განაცხადა, რომ 1 თებერვლიდან ქვეყანაში შეზღუდვების ნაწილი გაუქმდება, თუმცა თბილისში, რუსთავსა და ქუთაისში აკრძალვები 1 მარტამდე შენარჩუნდება. ამან დიდი უკმაყოფილება გამოიწვია საზოგადოებაში, რადგან დიდი ქალაქების მკვიდრების მთავარი პრობლემა საზოგადოებრივი ტრანსპორტის უმუშევრობაა. 

თბილისში ყოველდღიურად იმართება საპროტესტო აქციე მოქმედი შეზღუდვების მოხსნის მოთხოვნით. თუმცა, როგორც მთავრობაშ აცხადებენ, საკოორდინაციო საბჭო საკუთარ გადაწყვეტილებას მხოლოდ იმ შემთხვევაში განიხილავს, თუ ეპიდემიოლოგიური მაჩვენებელი 4%-მდე დაეცემა და 7 დღის განმავლობაში შენარჩუნდება. ამ მომენტისათვის ეს მაჩვენებელი 6%-ს შეადგენს.

ამავდროულად მეპროტესტეები აცხადებენ, რომ საქართველოს მთავრობას ქვეყნის საკონსტიტუციო სასამართლოში უჩივლებენ.

28
რუსეთისა და აშშ-ს დროშები

შეთანხმება მიღწეულია: აშშ-მა და რუსეთმა СНВ-3-ის გახანგრძლივებაზე მოილაპარაკეს

0
(განახლებულია 12:39 27.01.2021)
შეთანხმება СНВ-3, რომელსაც ხელი 2010 წელს მოეწერა, ხოლო ძალაში 2011 წლის 5 თებერვალს შევიდა, ერთადერთი მოქმედი შეთანხმებაა რუსეთსა და აშშ-ს შორის შეიარაღების შეზღუდვის თაობაზე

თბილისი, 27 იანვარი — Sputnik. ვაშინგტონი დაეთანხმა მოსკოვის პირობებს სტრატეგიული შემტევი შეიარაღების შემცირებაზე შეთანხმების (СНВ-III) გახანგრძლივების თაობაზე, აშშ–მა და რუსეთმა შესაბამისი გადაწყვეტილება მიიღეს, განაცხადა რუსეთის საგარეო საქმეთა მინისტრის მოადგილე სერგეი რიაბკოვმა.

„ჩვენი პირობებით: ხუთი წლის განმავლობაში წინასწარი პირობების, ნებისმიერი დამატებისა და რაიმე „დანამატის“ გარეშე“, — უთხრა მან ჟურნალისტებს.

სამშაბათს აშშ–სა და რუსეთის პრეზიდენტებს — ჯოზეფ ბაიდენსა და ვლადიმირ პუტინს შორის სატელეფონო საუბარი შედგა. ორივე ლიდერი კმაყოფილი დარჩა ნოტების გაცვლით СНВ-III–ის გახანგრძლივების შესახებ.

თეთრი სახლის მონაცემებით, ბაიდენმა და პუტინმა ადმინისტრაციების თანამშრომლებს სწრაფი მუშაობის განკარგულება მისცეს, რათა შეთანხმების გაგრძელება 5 თებერვლამდე მოესწროს, რა დროსაც შეთანხმების მოქმედების ვადა იწურება.

შეთანხმება СНВ-3, რომელსაც ხელი 2010 წელს მოეწერა, ხოლო ძალაში 2011 წლის 5 თებერვალს შევიდა, ერთადერთი მოქმედი შეთანხმებაა რუსეთსა და აშშ-ს შორის შეიარაღების შეზღუდვის თაობაზე. მის თანახმად, თითოეულმა მხარემ თავისი ბირთვული არსენალი აუცილებლად უნდა შეამციროს იმგვარად, რომ შეიარაღების ჯამური რაოდენობა არ აღემატებოდეს 700 კონტინენტთაშორის ბალისტიკურ რაკეტას, წყალქვეშა ნავების ბალისტიკურ რაკეტებსა და მძიმე ბომბდამშენებს, 1500 ქობინს („ბოეგოლოვკა“) და 800 განთავსებულ და განუთავსებელ გამშვებ მოწყობილობას.

„მეორე რეიკიავიკი“: გორბაჩოვი აშშ-ის მომავალ პრეზიდენტს რჩევას აძლევს

გარდა ამისა, შეთანხმება ავალდებულებს მოსკოვსა და ვაშინგტონს, გაცვალონ ინფორმაცია ქობინების რაოდენობასა და მათ მზიდებზე წელიწადში ორჯერ.

2018 წლის 5 თებერვალი იყო უკიდურესი ვადა, რა დროისთვისაც რუსეთსა და შეერთებულ შტატებს СНВ-3-ის შეთანხმებაზე საკონტროლო მაჩვენებლებისთვის უნდა მიეღწიათ. შეთანხმებას ვადა 2021 წლის 5 თებერვალს გასდის. ვაშინგტონი სხვადასხვა პირობებით მოითხოვდა მოლაპარაკებებში პეკინის ჩართვას ახალი სამმხრივი ბირთვული შეთანხმების შესამუშავებლად. ჩინეთი ამ იდეას უარყოფს.

 

0
თემები:
საერთაშორისო პანორამა