ლევან ხაბეიშვილი აქციაზე

მერიასთან გამართულ აქციაზე მონაწილეები ლევან ხაბეიშვილს დაუპირისპირდნენ

78
როგორც აქციის მონაწილეები აცხადებენ, მიმდინარე საპროტესტო აქცია აპოლიტიკურია და მათ არ სურთ რომელიმე პარტიის წევრები შეუერთდნენ.

თბილისი, 16 დეკემბერი – Sputnik. თბილისის მერიასთან მიმდინარე საპროტესტო აქციაზე „ნაციონალური მოძრაობის“ წევრ ლევან ხაბეიშვილს აქციის მონაწილეები დაუპირისპირდნენ, იუწყება პირველი არხი.

თბილისის მერიასთან საპროტესტო აქციას ე.წ. აფრიკის დასახლებაში თვითნებურად აშენებული შენობა-ნაგებობების მეპატრონეები და ახალგაზრდების ჯგუფი მართავს. აქციის მონაწილეები გუშინ დაკავებული ახალგაზრდის გათავისუფლებას და მიწების დაკანონებას ითხოვენ.

გავრცელებული ინფორმაციით, აქციის მონაწილეებმა ხაბეიშვილს მოსთხოვეს დაუყოვნებლივ დაეტოვებინა მიმდინარე აქცია.

თავად ხაბეიშვილმა კი აღნიშნა, რომ ის ყველას უფლებას დაიცავს.

„ადგილობრივები აგერ არიან. მე ამ ადამიანების ინტერესები მაინტერესებს, ვისაც ფეხით გადაუარეს გუშინ. დავიცავ ამათ უფლებას, მოეწონება თუ არა ვინმეს“, – განაცხადა ლევან ხაბეიშვილმა.

საპროტესტო აქციაზე  მობილიზებული არიან სამართალდამცავი ორგანოს წარმომადგენლები.

მერიის გადაწყვეტილების საფუძველზე, გუშინ ე.წ. აფრიკის დასახლებაში სახელმწიფოს კუთვნილ მიწაზე უკანონო მშენებლობების, კერძოდ 16 შენობის დემონტაჟი განხორციელდა, რასაც პოლიციასა და სახლების მფლობელებს შორის შეხლა-შემოხლა მოყვა. სახლის პატრონებმა ბულდოზერებს გზა გადაუკეტეს და შენობების დემონტაჟს არ ანებებდნენ. შეტაკებების შედეგად რამდენიმე ადამიანი დააკავეს.

კალაძის თქმით, არ მოხდება უკანონობის წახალისება იმის საფუძველზე, რომ ქვეყანაში რთული სოციალურ–ეპიდემიოლოგიური ვითარებაა. მერია მაქსიმალურად მხარში უდგას სოციალურად დაუცველ მოსახლეობას.

კონკრეტული რაიონის გამგეობა უზრუნველყოფს იმ ოჯახების ქირით გაყვანას, რომელთაც საცხოვრებელი ფართები არ აქვთ, რაზეც ყოველწლიურად 7 მლნ ლარი იხარჯება.

78
თემები:
სოციალური სფერო საქართველოში (241)
ზაალ უდუმაშვილი

ქართული ოპოზიცია ახალი საპროტესტო ტალღისთვის ემზადება

12
(განახლებულია 16:55 20.01.2021)
საპარლამენტო ოპოზიცია ამტკიცებს, რომ „ქართულმა ოცნებამ“ საპარლამენტო არჩევნები გაყალბების გზით მოიგო

თბილისი, 20 იანვარი – Sputnik. ქართული ოპოზიცია ამა წლის თებერვლიდან პოლიტიკური პროცესების ქუჩაში გადატანას გეგმავს. ამის შესახებ „ერთიანი ნაციონალური მოძრაობის“ ერთ–ერთმა ლიდერმა ზაალ უდუმაშვილმა განაცხადა.

საგამოძიებო კომისია და თანამედროვე საარჩევნო ტექნიკა: რა შესთავაზა ხელისუფლებამ ოპოზიციას>>

უფრო ადრე რიგმა ოპოზიციურმა პარტიებმა განაცხადეს, რომ იმ შემთხვევაში, თუ მმართველი პარტია „ქართული ოცნება – დემოკრატიული საქართველო“ ვადამდელ საპარლამენტო არჩევნებს არ დანიშნავს, ოპოზიცია პერმანენტული საპროტესტო აქციებისთვის მზადებას დაიწყებს.

„თებერვლიდან ოპოზიცია აქტიურ რეჟიმში გადავა. ბუნებრივია, როცა ჩვენ უარს ვამბობთ საპარლამენტო მანდატებზე, ეს ნიშნავს, რომ ძალიან აქტიური იქნება ქუჩა, პოლიტიკური პროცესები ქუჩაში გადაინაცვლებს“, – განუცხადა უდუმაშვილმა ჟურნალისტებს.

საპარლამენტო ოპოზიცია აცხადებს, რომ „ქართულმა ოცნებამ“ 2020 წლის ოქტომბერში საპარლამენტო არჩევნები გაყალბების გზით მოიგო. ამას უკავშირდება მათი პროტესტი და სადეპუტატო მანდატებზე უარის თქმა.

ამასთან, საერთაშორისო დამკვირვებლებმა განაცხადეს, რომ არჩევნები თავისუფალ და დემოკრატიულ გარემოში, სერიოზული დარღვევების გარეშე ჩატარდა.

ახალი პარლამენტის უფლებამოსილება 11 დეკემბერს შევიდა ძალაში და თითქმის ერთი თვე ერთპარტიულ რეჟიმში იმუშავა, მაგრამ იანვრის დასაწყისში პარლამენტის მუშაობაში მონაწილეობაზე თანხმობა განაცხადეს „პატრიოტთა ალიანსის“ წევრებმა, თუმცა დეპუტატებმა ფრიდონ ინჯიამ, გელა მიქაძემ და დავით ზილფიმიანმა, უფლებამოსილების აღიარების შემდეგ, „ალიანსი“ დატოვეს და ახალი პოლიტიკური ძალა „ევროპელი სოციალისტები“ შექმნეს.

12
თემები:
საქართველოს პოლიტიკური ცხოვრება
სალომე ზურაბიშვილი

საქართველოს პრეზიდენტი ბრიუსელში ვიზიტს იწყებს

76
(განახლებულია 14:48 20.01.2021)
ეს იქნება 2021 წელს სალომე ზურაბიშვილის პირველი ვიზიტი, რომლის ფარგლებშიც ქვეყნის მეთაური შეხვედრებს გამართავს მაღალი რანგის ევროპელ პარტნიორებთან.

თბილისი, 20 იანვარი – Sputnik. საქართველოს პრეზიდენტი სალომე ზურაბიშვილი 20 იანვარს სამუშაო ვიზიტით ბრიუსელს ეწვევა. ინფორმაციას პრეზიდენტის ადმინისტრაცია ავრცელებს.

ვიზიტის ფარგლებში დაგეგმილია სალომე ზურაბიშვილის შეხვედრები ევროკავშირისა და ნატოს ხელმძღვანელ პირებთან.

კერძოდ, პრეზიდენტი შეხვდება ევროკავშირის საბჭოს პრეზიდენტს შარლ მიშელს, ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, ევროკომისიის ვიცე-პრეზიდენტს ჟოზეპ ბორელს, ევროპარლამენტის პრეზიდენტს დავიდ სასოლის, ევროკომისიის აღმასრულებელ ვიცე-პრეზიდენტს ეკონომიკურ საკითხებში ვალდის დომბროვსკის, ევროპარლამენტის საგარეო კომიტეტის თავმჯდომარეს დევიდ მაკალისტერსა და ნატოს გენერალურ მდივანს იენს სტოლტენბერგს.

პრეზიდენტის პრეს-სამსახურის ცნობით, ასევე დაგეგმილია სხვა მაღალი რანგის შეხვედრები, მათ შორის სალომე ზურაბიშვილი მონაწილეობას მიიღებს ნატო–საქართველოს კომისიის მუშაობაში.

 

76
თემები:
საქართველოს საგარეო პოლიტიკა
ექიმი

ყველაფერი გასტრიტის შესახებ: როგორ ამოვიცნოთ და ვუმკურნალოთ დაავადებას

0
(განახლებულია 17:01 20.01.2021)
გასტრიტი ერთ-ერთ ყველაზე გავრცელებული დაავადებაა, რომელიც გვხვდება მოზრდილებსა და ბავშვებში. როგორ ამოივიცნოთ მისი სიმპტომები და როგორ ვუმკურნალოთ მას — ექიმები აგვიხსნიან.

რა არის გასტრიტი?

გასტრიტი არის კუჭის ლორწოვანი გარსის ანთებითი პროცესი, რომელიც წლების განმავლობაში ვითარდება და იწვევს მისი ძირითადი ფუნქციების დარღვევას, განსაკუთრებით სეკრეციისა. დაავადების დროს ეპითელური უჯრედები ატროფირდება, მათი რეგენერაცია უარესდება და ლორწოვანი გარსი თხელდება. ამის გამო საკვები ცუდად ნელდება და საკვები ნივთიერებები ნაკლებად შეიწოვება.

სტატისტიკის მიხედვით, გასტრიტი კუჭის ყველა დაავადების 80-85% -ს შეადგენს. მისი რისკი ასაკთან ერთად იზრდება, მაგრამ ის ბავშვებშიც გვხვდება.

დაავადება შეიძლება უსიმპტომოდ მიმდინარეობდეს, პაციენტის დისკომფორტის გარეშე. გასტრიტის განკურნება უმეტესად შესაძლებელია მისი მიზეზების სწორი დიაგნოზის შემთხვევაში.

დაავადების მიზეზები და სიმპტომები

გასული საუკუნის 90-იან წლებში მეცნიერებმა დაავადების ბაქტერიული წარმოშობა დაადგინეს. აღმოჩნდა, რომ კუჭის მრავალი წყლული და გასტრიტი გამოწვეულია ბაქტერიით Helicobacter pylori, რომელიც შეიძლება არსებობდეს კუჭის აგრესიულ გარემოში. გარდა ამისა, დაავადება ვითარდება აუტოიმუნური პროცესების გამო, როდესაც ორგანიზმი თავად ანადგურებს ლორწოვან გარსს.

კიდევ ერთი მიზეზია მედიკამენტების ხანგრძლივი გამოყენება, მაგალითად, არასტეროიდული ანთების საწინააღმდეგო პრეპარატებისა, აგრეთვე სხვა ქიმიკატების ზემოქმედება. გასტრიტის გამომწვევი მიზეზები ასევე შეიძლება იყოს: არაჯანსაღი დიეტა, ალკოჰოლის მოხმარება, მოწევა, ხშირი სტრესი, მეტაბოლური დარღვევები, ალერგიული რეაქციები, ვირუსული ინფექციები, იმუნიტეტის შესუსტება, რადიაცია, ზედმეტი ჭამა, სხვა ორგანოების დაავადებები და პარაზიტები.

გასტრიტის სიმპტომებია: სიმძიმე ჭამის შემდეგ, კუჭის ტკივილი, გულისრევა, ღებინება, გულძმარვა, ბოყინი, მუცლის შებერილობა. შესაძლებელია მადის დაკარგვა, ზოგადი სისუსტის განვითარება.

იგივე სიმპტომები ვლინდება გასტრიტის გამწვავების დროსაც.

დაავადების გართულებებია: ანემია, წყლულები, კუჭის კედლის გახეთქვა, სისხლდენა, ლორწოვან გარსზე სიმსივნეები.

გასტრიტის სახეები

დაავადების ორი ფორმა არსებობს: მწვავე და ქრონიკული. მწვავე გასტრიტის ტიპებია:

  • კატარული გასტრიტი — ყველაზე ხშირად ალერგიის, არასწორი კვების ან მოწამვლის შედეგად ჩნდება. აქვს მსუბუქი ფორმა, რომლის დროსაც ლორწოვანი გარსის ზედა ფენა ზიანდება;
  • ფიბრინული გასტრიტი — რა დროსაც ხდება ლორწოვანი გარსის დიფტერიული ანთება და კუჭს ფარავს ცილის ფირი — ფიბრინი. ამ დაავადების სიმპტომებია ღებინება, მუცლის ტკივილი და ცხელება;
  • ეროზიული გასტრიტი — აზიანებს ლორწოვან გარსს და იწვევს მასზე ეროზიის წარმოქმნას;
  • ფლეგმონური გასტრიტი — ხასიათდება კუჭის კედლების ჩირქოვანი ანთებით. ვითარდება ტრავმების, წყლულების შემდგომი გართულებებისა და სხვა სერიოზული დაავადებების გამო.

გასტრიტი ქრონიკული ხდება მაშინ, როდესაც სპეციფიკური სიმპტომების მქონე კუჭის ანთება დიდი ხნის განმავლობაში რეგულარულად მეორდება.  ქრონიკული გასტრიტი მომატებული და შემცირებული მჟავიანობით არსებობს.  

შინ მკურნალობის საფუძვლები

„სახლის პირობებში გასტრიტის მკურნალობა ნიშნავს ცხოვრების წესის ნორმალიზებას, მუშაობისა და დასვენების რეჟიმის დაცვასა და დიეტურ რეკომენდაციებს, ფიზიკური ვარჯიშების შესრულებას“, — ამბობს გასტროენტეროლოგი სვეტლანა გრუკი.

მისი თქმით, ასევე აუცილებელია სრულფასოვანი ძილი, თამბაქოსა და ალკოჰოლზე უარის თქმა, იმ წამლების მიღება, რომლებიც აღადგენს კუჭის ლორწოვან გარსს და ხსნის ანთებას. თუ გასტრიტი მაღალი მჟავიანობით გამოირჩევა, მაშინ უნდა შეიზღუდოს ცხარე, ცხიმიანი, შემწვარი საკვები, ალკოჰოლი, ყავა, ფქვილეული, რძის პროდუქტები.

ექიმის რეკომენდაციით საჭიროა საკვები იყოს გახეხილი, მოხარშული ან ორთქლზე მომზადებული.

„შეგიძლიათ მიირთვათ თევზი და რბილი სახეობის ხორცი, მაგრამ კარგად უნდა დაღეჭოთ. მარილი შეზღუდეთ ზომიერად. გამორიცხეთ ძალიან ცივი და ცხელი კერძები. კვების რეჟიმი: დღეში 5-6 ჯერ. ძილის წინ შეგიძლიათ დალიოთ რძე, ნაღები. დაბალი მჟავიანობის გასტრიტის დროს რეკომენდებულია სუპები, რომლებიც მზადდება უცხიმო ბოსტნეულის ბულიონზე, კეფირი, დო, ხაჭო, უცხიმო ხორცი, ჟელე, კომპოტი, ბოსტნეული პუდინგის სახით, კოტლეტი, კაკაო, ყავა რძით, კარაქი, მზესუმზირის ზეთი“, – განმარტა გასტროენტეროლოგმა.

ამასთან სპეციალისტი ხაზს უსვამს, რომ ხალხური მეთოდებით მკურნალობამ შეიძლება კიდევ მეტად გააუარესოს პაციენტის მდგომარეობა.

მკურნალობა ტრადიციული მეთოდებით

სვეტლანა გრუკის თქმით, აუცილებელია, რომ დაავადების პირველი ნიშნებისთანავე მიმართოთ ექიმს.

„ექიმი დანიშნავს აუცილებელ გამოკვლევებს დაავადების ეტიოლოგიის დასადგენად, შეაფასებს კუჭის ლორწოვანი გარსის დაზიანების სიმძიმეს, შეარჩევს მედიკამენტებს, ასევე გასცემს გასტრიტის საკურორტო მკურნალობისთვის რეკომენდაციებს“, — ამბობს გასტროენტეროლოგი.

მედიკამენტური თერაპია მოიცავს ანტისეკრეტორულ საშუალებებს, რომლებიც ამცირებს კუჭის წვენის მჟავიანობას, გასტროპროტექტორებს, სპაზმოლიტიკებს, პროკინეტიკებს, ანტიბაქტერიულ პრეპარატებს ინფექციის არსებობის შემთხვევაში, პრეპარატებს, რომლებიც ხელს უწყობს ლორწოვანი გარსის ეროზიის შეხორცებას.

საწყის ეტაპზე მწვავე გასტრიტის მკურნალობა, როგორც წესი, იწყება კუჭის ამორეცხვით. შემდეგ საკვების მიღება არ შეიძლება დღე-ღამის განმავლობაში, მოგვიანებით ფართოვდება ნებადართული პროდუქტების ჩამონათვალი.

ქრონიკული გასტრიტის მკურნალობა არის ღონისძიებების მთელი კომპლექსი, რომელიც მიმართულია პაციენტის მდგომარეობის გაუმჯობესებისკენ და ეს ყველაფერი ექიმმა უნდა დანიშნოს.

0
თემები:
ექიმი გირჩევთ