ნაცმოძრაობა

ვინ გახდება „ნაციონალური მოძრაობის“ ახალი თავმჯდომარე? - კანდიდატები

119
„ნაციონალურ მოძრაობაში“ გრიგოლ ვაშაძის წასვლით ტრაგედიას არ ქმნიან და აცხადებენ, რომ პარტიაში მას ღირსეული შემცვლელი გამოუჩნდება

თბილისი, 16 დეკემბერი - Sputnik. „ერთიანი ნაციონალური მოძრაობის“ ახალ თავმჯდომარეს პარტიის მორიგ ყრილობაზე აირჩევენ. სხდომა, სავარაუდოდ, მომავალი წლის გაზაფხულზე ჩატარდება. ამის შესახებ ჟურნალისტებს პარტიის წევრმა ლევან ბეჟაშვილმა განუცხადა.

„ნაციონალური მოძრაობის“ 36-ვე დეპუტატი უარს აცხადებს სადეპუტატო მანდატზე >>

პარტია გრიგოლ ვაშაძის შემცვლელს ეძებს. როგორც ცნობილია, ვაშაძემ სამშაბათს დილით ყველასთვის მოულოდნელად პარტიიდან წასვლის შესახებ განცხადება გააკეთა. ამასთან დაკავშირებით პოლიტიკოსმა საკმაოდ ვრცელი პოსტი გამოაქვეყნა თავის Facebook-გვერდზე, სადაც ჩამოთვლილია მიზეზები, რომლებმაც მას ამ „უკიდურესად რთული“ გადაწყვეტილებისკენ უბიძგა. ერთ-ერთი მიზეზი - პარტიის ირგვლივ და მის შიგნით წარსულის ოდიოზური ფიგურების გამოჩენაა, რომლებთან ერთადაც, როგორც ვაშაძე ფიქრობს, პარტია ვერასდროს დაიბრუნებს ამომრჩეველთა ნდობას.

როგორც ბეჟაშვილმა აღნიშნა, ვაშაძის გუშინდელი განცხადება პარტიისთვის შოკი აღმოჩნდა, ვინაიდან არავინ ელოდა თავისი ლიდერისგან მსგავსი შინაარსისა და მსგავსი ფორმის განცხადებას.

„ნაციონალური მოძრაობა“ ბევრჯერ გამოსულა მსგავსი შიდაპოლიტიკური კრიზისიდან. ჩვენს პარტიას აქვს შესაბამისი რესურსი, რათა პარტიის თავმჯდომარეც აირჩიოს და გავაგრძელოთ ბრძოლა, რომელსაც ვაგრძელებდით მთელი ამ პერიოდის განმავლობაში“, - განაცხადა ბეჟაშვილმა.

ყრილობამდე პარტია არ განიხილავს ვაშაძის მემკვიდრის საკითხს, თუმცა ბეჟაშვილმა დაასახელა იმათი სახელები, ვისაც „ნაციონალური მოძრაობის“ თავმჯდომარეობის რესურსი გააჩნია.

„პარტიის ახალი თავმჯდომარის საკითხი ჯერ არ განიხილება. სავარაუდოდ, გაზაფხულისთვის ჩატარდება პარტიის ყრილობა და შესაბამისი გადაწყვეტილება შემდგომ იქნება მიღებული. კონკრეტულად ლევან ვარშალომიძე იქნება, ხატია დეკანოიძე, ნიკა მელია, კობა ნაყოფია თუ სხვა კანდიდატურები, ნებისმიერი შესაძლებელია განხილული იქნეს პარტიის თავმჯდომარედ“, – განაცხადა ლევან ბეჟაშვილმა.

გრიგოლ ვაშაძემ ყველაზე გავლენიანი ოპოზიციური პარტია საპარლამენტო არჩევნების შემდეგ ქვეყანაში შექმნილი პოლიტიკური კრიზისის ფონზე  დატოვა. ოპოზიცია, რომელიც არჩევნების შედეგებს არ აღიარებს, პარლამენტში შესვლაზე უარს აცხადებს. მათ შორის ბლოკი „ერთიანი ნაციონალური მოძრაობა - ძალა ერთობაშია“, რომლის ლიდერიც იყო ვაშაძე.

დეპუტატის მანდატებზე უარი უკვე ხუთმა ოპოზიციურმა პარტიამ თქვა >>

ამ სიტუაციის მოგვარებას ცდილობენ აშშ-ის და ევროკავშირის ელჩები, რომლებიც მოლაპარაკებებში შუამავლების როლს ასრულებენ. თუმცა ოთხი რაუნდის შემდეგ „ქართულმა ოცნებამ“ და ოპოზიციამ კონსენსუსს ვერ მიაღწიეს.

119
თემები:
საქართველოს პოლიტიკური ცხოვრება (258)
მთავრობის სხდომა

გახარიამ ვიცე–პრემიერები დაასახელა ვინ გახდა პრემიერის ახალი მოადგილე

21
(განახლებულია 12:32 21.01.2021)
საქართველოს პრემიერმა მისი მხოლოდ ერთი მოადგილე შეცვალა – აღნიშნულ თანამდებობაზე თეა წულუკიანის ნაცვლად დავით ზალკალიანი დასახელდა

თბილისი, 21 იანვარი – Sputnik. საქართველოს რეგიონული განვითარებისა და ინფრასტრუქტურის მინისტრი მაია ცქიტიშვილი და საგარეო საქმეთა მინისტრი დავით ზალკალიანი საქართველოს ახალ მთავრობაში ვიცე–პრემიერები იქნებიან, განაცხადა პრემიერ–მინისტრმა გიორგი გახარიამ მთავრობის სხდომაზე. 

ცქიტიშვილს აღნიშნული თანამდებობა მთავრობაში მანამდეც ეკავა, ზალკალიანმა კი იუსტიციის ექს–მინისტრი თეა წულუკიანი შეცვალა, რომელიც მეათე მოწვევის პარლამენტის დეპუტატი გახდა.

 „ბატონებო, მინდა მოგილოცოთ! ასეთი კრიზისის პერიოდში დიდი პასუხისმგებლობაა იყო მთავრობის წევრი და კიდევ უფრო დიდი პასუხისმგებლობაა იყო ვიცე–პრემიერი. დარწმუნებული ვარ, თქვენ შეძლებთ ამ გამოწვევის მიღებას და თქვენი მუშაობა წარმატებული იქნება“, – აღნიშნა გახარიამ.

2012 წელს, კოალიცია „ქართული ოცნების“ ხელისუფლებაში მოსვლის შემდეგ, დიპლომატი დავით ზალკალიანი საქართველოს საგარეო საქმეთა მინისტრის მოადგილედ დაინიშნა. ექვსი წლის შემდეგ კი მას აღნიშნული უწყების მინისტრის პორტფელი ჩააბარეს.

2014–2018 წლებში მაია ცქიტიშვილი საქართველოს მთავრობის ადმინისტრაციას ხელმძღვანელობდა.

მოგვიანებით იგი მინისტრის პოსტზე წარადგინეს – 2018 წლის მარტიდან ხელმძღვანელობს საქართველოს რეგიონული განვითარებისა და ინფრასტრუქტურის სამინისტროს. თანამდებობაზე დანიშვნიდან სამი თვის შემდეგ კი მაია ცქიტიშვილი ვიცე–პრემიერი გახდა.

 

 

 

21
თემები:
საქართველოს მთავრობა
მოჰამად ჯავად ზარიფი

ირანის საგარეო საქმეთა მინისტრმა საქართველოში ვიზიტი დაგეგმა

115
(განახლებულია 09:53 21.01.2021)
მოჰამად ჯავად ზარიფმა განაცხადა, რომ გეგმავს ვიზიტებს იმ ქვეყნებში, რომლებთანაც შეიძლება თანამშრომლობა მშვიდობის დამყარებისა და რეგიონში სტაბილურობის კუთხით

თბილისი, 21 იანვარი – Sputnik. ირანის საგარეო საქმეთა მინისტრი მოჰამად ჯავად ზარიფი ვიზიტით ეწვევა საქართველოს, აზერბაიჯანს, სომხეთსა და რუსეთს, იუწყება სააგენტო Fars.

„შემდეგ კვირაში, თუ ყველაფერი გეგმის მიხედვით წავა და კორონავირუსზე ჩვენი ტესტები უარყოფითი იქნება, ვფიქრობ, გავემგზავრო კავკასიასა და რუსეთში“, – განაცხადა მან.

მინისტრმა აღნიშნა, რომ გეგმავს იმ ქვეყნებში ვიზიტს, რომლებთანაც შესაძლებელია თანამშრომლობა მთიან ყარაბაღში კრიზისის მოგვარებასა და რეგიონში მშვიდობისა და სტაბილიზაციის მიღწევაში.

მისი თქმით, ვიზიტების თარიღები უკვე შეთანხმებულია.

გარდა ამისა, ზარიფმა აღნიშნა, რომ მოლაპარაკებები მიმდინარეობს თურქეთთანაც.

დიპლომატიური ურთიერთობები საქართველოსა და ირანს შორის 1992 წლის 15 მაისს დამყარდა. მას შემდეგ ქვეყნებს შორის ორმხრივი ურთიერთობები ვითარდება პოლიტიკურ, სავაჭრო–ეკონომიკურ, საინვესტიციო, სოფლის მეურნეობის, კულტურულ, საგანმანათლებლო და ტურისტულ სფეროებში.

სტატისტიკის ეროვნული სამსახურის „საქსტატის“ ოფიციალური მონაცემებით, საქართველოსა და ირანს შორის საქონელბრუნვა 2018 წელს 38,7%–ით გაიზარდა და 251,9 მლნ დოლარი შეადგინა. ტურიზმის ეროვნული ადმინისტრაციის მონაცემებით, 2018 წელს ირანიდან საქართველოში 291,1 ათასი ტურისტული ვიზიტი განხორციელდა. 2019 წლის 11 თვეში ვიზიტორების რაოდენობამ ამ ქვეყნიდან 132,8 ათასი შეადგინა.

115
გიორგი გახარია

საქართველო ვაქცინაციისთვის მზადაა პრემიერი

0
(განახლებულია 13:25 21.01.2021)
ვაქცინაციის ეროვნული გეგმა, რომელიც დღეს საქართველოს მთავრობამ დაამტკიცა, 2021 წლის ბოლომდე მოსახლეობის სულ მცირე 60 პროცენტის ვაქცინაციას ითვალისწინებს

თბილისი, 21 იანვარი – Sputnik. საქართველო როგორც ტექნიკური, ისე სამედიცინო პერსონალის მომზადების კუთხით მზადაა, მიიღოს ჯანდაცვის მსოფლიო ორგანიზაციის (ჯანმო) მიერ ავტორიზებული ნებისმიერი ვაქცინა, განაცხადა საქართველოს პრემიერ–მინისტრმა გიორგი გახარიამ.

კოვიდ-ვაქცინებისგან სიკვდილის შემთხვევები არ დაფიქსირებულა: ჯანმოს ექსპერტი>>

მისი თქმით, ქვეყანაში მხოლოდ ჯანმოს მიერ ავტორიზებული ვაქცინა შემოვა.

„2021 წლის ბოლომდე საქართველოში აცრილი უნდა იყოს ჩვენი მოქალაქეების სულ მცირე 60 პროცენტი. თუმცა, ამ ძირითად მიზანთან ერთად ძალზე დიდი მნიშვნელობა ჰქონდა ამ გეგმის ტექნიკურ ნაწილს, მათ შორის ეტაპობრიობას და იმ მიზნობრივ ჯგუფებს, რომლებიც ეტაპების მიხედვით უნდა იყვნენ აცრილი“, – განაცხადა გახარიამ.

პრემიერის თქმით, ვაქცინაციის გეგმაში განსაზღვრულია რამდენიმე ეტაპი, რომლის მიხედვითაც ვაქცინაცია დაიწყება მაღალი რისკის ჯგუფებიდან: ჯანდაცვის სექტორი, თავშესაფრებისა და სხვა მსგავსი დაწესებულებების პერსონალი და ბენეფიციარები, 75 წელს ზემოთ ასაკის მოსახლეობა, 65-დან 74 წლამდე მოსახლეობა, ქრონიკული დაავადებების მქონე 18–54 წლის პირები.

შემდგომ იგეგმება მოსახლეობის დანარჩენი ნაწილის ვაქცინაცია, მათ შორის იმ პირების, რომლებმაც ვირუსი გადაიტანეს. არ იგეგმება ბავშვების ვაქცინაცია. ვაქცინაცია უფასო და ნებაყოფლობითი იქნება.

„საქართველომამ პლატფორმაზე თავისი მიზანი 5-6 თვის წინ განაცხადა, რომ უახლოეს პერიოდში ქვეყანაში მოწოდებული იყოს მილიონნახევარი ვაქცინა. ჩვენ უკვე ფინანსური რესურსიც გადავრიცხეთ და მთავარი მიზანია ახლა, რომ ტექნიკურ დონეზე ჯანდაცვის სისტემა იყოს მზად ამ მოცულობის ვაქცინაციის ჩასატარებლად ერთი წლის განმავლობაში“, – განაცხადა გახარიამ.

მთავრობამ ჯანდაცვის სამინისტროს მიერ მომზადებული ვაქცინაციის ეროვნული გეგმა დღეს დაამტკიცა.

0
თემები:
საქართველოს მთავრობა