ალეკო ელისაშვილი და ლევან იოსელიანი

დაპირისპირება ოპოზიციის რიგებში: პარტია „მოქალაქეები“ თავდასხმების ობიექტი გახდა

219
ალეკო ელისაშვილსა და ლევან იოსელიანს მემორანდუმზე ხელი ჯერ არ მოუწერიათ. ისინი მმართველი პარტიის შემდგომ ნაბიჯებს ელოდებიან

თბილისი, 13 დეკემბერი – Sputnik. ერთ კვირაზე მეტია პარტია „მოქალაქეებისა“ და მისი ლიდერის, ალეკო ელისაშვილის მისამართით ტალახის სროლა არ წყდება, განაცხადა პარტიის წევრმა ლევან იოსელიანმა.

მისი თქმით, მსგავსი დამოკიდებულება უკავშირდება პარტიის სურვილს, დაასრულოს „ქართულ ოცნებასთან“ მოლაპარაკებათა პროცესი.

„ჩვენ – პარტია „მოქალაქეები“, ერთადერთ გამოსავალს ვხედავთ იმაში, რომ მოვილაპარაკოთ და შევთანხმდეთ იმ პირობებზე, რაც ქვეყნისთვის საუკეთესო გამოსავალი იქნება... ამიტომ არის, რომ ერთი კვირაა, არ წყდება ჩვენზე ტალახის სროლა და ბულინგი. თურმე როგორ გავბედეთ და ვთქვით, რომ არის ხალხი, ვისაც მოლაპარაკების ჩაშლა სურს“, - განაცხადა იოსელიანმა ტელეარხ Imedi-ს ეთერში.

პოლიტიკოსმა აღნიშნა, რომ პარტია „მოქალაქეები“ საკუთარ ამოცანას ხედავს იმაში, რომ მოლაპარაკებათა პროცესი გადაარჩინოს.

დღესვე ოპოზიცური პარტია „ევროპული საქართველოს“ ერთ-ერთმა ლიდერმა გიგა ბოკერიამ, რომელიც მაჟორიტარობის კანდიდატი იყო და შესაბამისად, პარლამენტში ვერ მოხვდა, განაცხადა, რომ ოპოზიციიდან აღარავინ არ დაურეკავს ალეკო ელისაშვილს და აღარ მოიწვევს მოლაპარაკებათა მორიგ რაუნდზე მმართველ პარტიასა და ოპოზიციას შორის.

ოპოზიციასა და მმართველ პარტიას შორის საერთაშორისო დიპლომატების შუამავლობით მოლაპარაკებათა ოთხი რაუნდი გაიმართა. ყველა რაუნდი უშედეგოდ დასრულდა. სავარაუდოდ, მორიგი მეხუთე რაუნდი მომავალ კვირაში გაიმართება.

საქართველოს პარლამენტში რვა ოპოზიცურო პარტია გავიდა და 150-დან 60 მანდატი გაინაწილა.

მემორანდუმს, რომლის ხელმოწერით ოპოზიციამ სადეპუტატო მანდატებზე უარი თქვა, ხუთ ოპოზიციურ პარტიას არ შეუერთდა სამი - „საქართველოს პატრიოტთა ალიანსი“, „გირჩი“ და „მოქალაქეები“. პარტია „მოქალაქეების“ ორი დეპუტატი - ალეკო ელისაშვილი და ლევან იოსელიანი ბოიკოტის რეჟიმში რჩებიან და მმართველი პარტიის შემდგომ ნაბიჯებს ელოდებიან.

მემორანდუმს ასევე არ მოაწერეს ხელი ბლოკ „ძალა ერთობაშია - ერთიანი ნაციონალური მოძრაობაში“ შემავალი რესპუბლიკური პარტიის წევრებმა.

219
თემები:
საქართველოს პოლიტიკური ცხოვრება (259)

საპროტესტო აქცია პანდემიის გამო დაწესებული შეზღუდვების წინააღმდეგ თბილისში

45
(განახლებულია 21:15 26.01.2021)
სახელმწიფო კანცელარიის შენობასთან კორონავირუსის პანდემიის გამო დაწესებული შეზღუდვების წინააღმდეგ ახალი საპროტესტო აქცია გაიმართა, რომელშიც ასობით ადამიანი მონაწილეობდა.

კვირის შემდეგ თბილისსა და სხვა ქალაქებში სამოქალაქო აქტივისტები და ოპოზიციის მომხრეები აკრძალვებსა და შეზღუდვებს აპროტესტებენ, რომლებიც ხელისუფლებამ კორონავირუსის პანდემიის გამო დააწესა.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

45
დროშები ოცნების ოფისთან

NDI-სა და „ქართული ოცნების“ ომი დასრულდა კვლევითმა ორგანიზაციამ მისი წარმატება აღიარა

127
(განახლებულია 16:28 26.01.2021)
ხელისუფლებისა და ამერიკული არასამთავრობო ორგანიზაციის მრავალწლიანი დავა, როგორც ჩანს, დასრულდა. გუშინ გამოქვეყნებული მონაცემებით, საქართველოს ხელისუფლებას იმდენად კარგი შედეგები აქვს, რომ საეჭვოა, რომელიმე სახელისუფლებო პოლიტიკოსმა NDI გააკრიტიკოს.

არადა, ეს ტრადიციად იყო დამკვიდრებული ბოლო წლების საქართველოში. ახლა კი, NDI-ს კვლევის მიხედვით, მთავრობის საქმიანობას გამოკითხულთა 50% დადებითად ფასებს, 38% – ცუდად, გიორგი გახარიას გამოკითხულთა 46% დადებითად აფასებს, 17% – ცუდად.

აშშ-ის ეროვნული დემოკრატიული ინსტიტუტის (NDI) დეკემბრის თვეში ჩატარებული კვლევის მიხედვით, კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 31%-ის აზრით, ასეთია „ქართული ოცნება". 5%-ის აზრით – „ერთიანი ნაციონალური მოძრაობა". რაც შეეხება სხვა პარტიებს ("პატრიოტთა ალიანსი", "სტრატეგია აღმაშენებელი", "გირჩი", "ევროპული საქართველო", "ლელო", "ლეიბორისტული პარტია"), ჯამურად გამოკითხულთა 9%-ის შეხედულებებთანაა ახლოს. ამასთან, ამავე კითხვაზე გამოკითხულთა 24%-მა პასუხისგან თავი შეიკავა, 25%-მა კი არც ერთი პარტია არ დაასახელა.

როგორც ირკვევა, ბოლო ერთ წელიწადში შემცირებულია იმ გამოკითხულთა რაოდენობა, ვინც მათ პოზიციასთან ახლოს მდგომ პარტიად ოპოზიციურ ძალას ასახელებდა. კერძოდ, NDI-ს მიერ 2020 წლის იანვარში ჩატარებული კვლევის შედეგების მიხედვით, იგივე კითხვაზე – რომელი პარტია დგას თქვენს შეხედულებებთან ყველაზე ახლოს – პასუხები ასე ნაწილდებოდა: მოსახლეობის 19% თვლიდა, რომ მათ შეხედულებებთან ყველაზე ახლოს მდგარი პარტია „ქართული ოცნება“ იყო, 14%-ს კითხვაზე პასუხის გაცემა არ სურდა, ხოლო მოსახლეობის 13%-სთვის ყველაზე ახლოს მდგომი პარტია „ნაციონალურ მოძრაობა” იყო.

„ნაციონალური მოძრაობის“ რეიტინგი ისტორიულ მინიმუმზეა, ამბობს მამუკა მდინარაძე. თუმცა არც პარლამენტის ნდობაა ისტორიულ მაქსიმუმზე ამ კვლევის მიხედვით. საქმე ისაა, რომ მთავრობის ნდობის ზრდის პარალელურად პარლამენტის, როგორც ინსტიტუციის რეიტინგი მეტად შემცირებულია. მის საქმიანობას კარგად მხოლოდ გამოკითხულთა 15% აფასებს, 80% კი ამბობს, რომ კარგი იქნებოდა, თუ პარლამენტის საქმიანობაში ოპოზიცია ჩაერთვებოდა.

თუმცა ამ კვლევას ეჭვის თვალით უყურებს მთავარი ოპოზიციური არხის მთავარი წამყვანი ნიკა გვარამია: „NDI-ს სატელეფონო კვლევები არაფერს გვაჩვენებს, გარდა იმისა, როგორი შეშინებულია ხალხი უზურპატორი რეჟიმით. ყველაზე მძიმე პერიოდში - „ოცნების“ ყველაზე მაღალი რეიტინგი - ეს რომ სტატისტიკური, ლოგიკური და პოლიტიკური აბსურდია, ამას ვინც ვერ ხვდება, სერიოზული პრობლემები აქვს, ან მკაფიო მიზანმიმართულობა“, – წერს ნიკა გვარამია ფეისბუქ-სტატუსში.

თუმცა „ნაციონალურ მოძრაობაში“, ალბათ, ჯობს გააანალიზონ, რამ გამოიწვია მათი რეიტინგის ასეთი კატასტროფული დაცემა, ან NDI-ს შედეგები არ აღიარონ, როგორც ამას ადრე „ქართული ოცნება“ აკეთებდა.

კიდევ ერთი საინტერესო შეფასება კვლევის შედეგებს ექსპერტმა გია ხუხაშვილმა მისცა. ის ფიქრობს, რომ მთავრობას „გახარია ქაჩავს“.

„ჩემის აზრით, კვლევის შედეგები კანონზომიერია. ოპოზიცია არ წარმოადგენს არანაირ პოზიტიურ დღის წესრიგს იმ პრობლემებთან დაკავშირებით... მაშინ, როდესაც მთავრობა რაღაცას მაინც ფაფხურობს ამ პრობლემებთან დაკავშირებით. კერძოდ გახარია, რომელიც "ჭაობის კაბინეტს" მთლიანად ქაჩავს. ის ობიექტურად ყველა ოპოზიციურ ლიდერზე ბევრად უფრო ადეკვატურად გამოიყურება. ასევე კანონზომიერია პარლამენტის გაკოტრება, ანუ სრული უფუნქციობა და დელეგიტიმაცია“, – წერს ხუხაშვილი.

საერთო ჯამში, ეს კვლევა ბევრ რამეზეა – კორონაზე, ნატოზე, ჩვენს წარმოდგენებსა და ღირებულებებზე. ირკვევა, რომ ნატოში 80%-ს უნდა, ამასთან, იმავე გამოკითხულთა 41% ვაქცინას არ გაიკეთებს...

შიშის ფაქტორი ისეთ ქვეყანაში, როგორიც საქართველოა, ყოველთვის არსებობს, მაგრამ არც ამით თავის დაიმედებაა კარგი. ავტორიტეტული ძალა, რომელიც ამ ეტაპზე „ქართულ ოცნებას“ დაამარცხებს, ამ კვლევებშიც არ ჩანს, ხოლო მომავალში რა იქნება, ეს ძნელი სათქმელია.

ოპოზიციას ახლა ახალი, გაუსვრელი ძალა და დიდი ფინანსები სჭირდება, რათა თავისი სიტყვა თქვას, და ეს კვლევის გარეშეც კარგად ჩანს.

 

127
ჯადოქარი უშბა

ქართველ ალპინისტს ლადო გურჩიანს „სპორტის რაინდის“ წოდება მიენიჭა

0
ლადო გურჩიანმა მთელი თავისი ცხოვრება მიუძღვნა ალპინიზმსა და მეკლდეურობას. მან ახალგაზრდა სპორტსმენების არაერთი თაობა აღზარდა

თბილისი, 26 იანვარი – Sputnik. გამოჩენილ ქართველ ალპინისტ ლადო გურჩიანს ქართული ალპინიზმისა და მეკლდეურობის განვითარებაში შეტანილი განსაკუთრებული წვლილისთვის სპორტის სფეროში უმაღლესი - „სპორტის რაინდის“ - წოდება მიენიჭა, იუწყება განათლების, მეცნიერების, კულტურისა და სპორტის სამინისტრო.

„განათლების, მეცნიერების, კულტურისა და სპორტის სამინისტროს გადაწყვეტილებით, გამოჩენილ ქართველ მთამსვლელს, ლადო გურჩიანს სპორტის სფეროში სახელმწიფოს უმაღლესი წოდება ­- „სპორტის რაინდის“ წოდება მიენიჭა“, - ნათქვამია განცხადებაში.

ლადო გურჩიანი - სპორტის დამსახურებული ოსტატი ალპინიზმსა და მეკლდეურობაში, სპორტში არის 1964 წლიდან. ის იყო ლეგენდარული ქართველი ალპინისტის, „კლდის ვეფხვად“ წოდებული მიხეილ ხერგიანის მოსწავლე და მეწყვილე.

გურჩიანმა ბევრი წარმატებული ალპინისტი აღზარდა. 1976 წელს მან სვანეთის მრისხანე უშბის ე.წ. სარკე (90-გრადუსიანი გლუვი კედელი) დალაშქრა.

გარდა ამისა, სწორედ გურჩიანმა დააარსა 1996 წელს საქართველოს მეკლდეურობის ფედერაცია და ამჟამად ის მისი გენერალური მდივანია.

საპატიო ჯილდო სპორტსმენს სპორტის დეპარტამენტის თავმჯდომარემ, ირაკლი დოლაბერიძემ გადასცა.

„სპორტის რაინდის“ წოდება მინიჭებული აქვთ ისეთ გამოჩენილ ქართველ სპორტსმენებს, როგორებიც არიან ფეხბურთელი მანუჩარ მაჩაიძე, პნევმატური პისტოლეტიდან სროლაში ოლიმპიური ჩემპიონი ნინო სალუქვაძე, მძლეოსანი რობერტ შავლაყაძე და სხვ.

0