თამარ ჟვანია

სიმართლე არასდროს არ იკარგება: თამარ ჟვანია გმობს შეტევას ISFED-ის მიმართ

75
არასამთავრობო ორგანიზაციის მიერ ხმების დათვლის შედეგები თითქმის მთლიანად დაემთხვა ცესკოს მიერ გამოცხადებულ შემაჯამებელ მონაცემებს

თბილისი, 12 დეკემბერი - Sputnik. „სამართლიანი არჩევნების და დემოკრატიის საერთაშორისო საზოგადოების“ (ISFED) პარალელური დათვლის დაზუსტებული შედეგები ადასტურებს, რომ არჩევნების ოფიციალური შედეგები ზუსტია. განცხადებას ცენტრალური საარჩევნო კომისიის თავმჯდომარე, თამარ ჟვანია საკუთარ Facebook-გვერდზე ავრცელებს.

„სამართლიანი არჩევნებისა და დემოკრატიის საერთაშორისო საზოგადოების“ (ISFED) გუშინდელ ანგარიშისა და შიდა აუდიტის მიერ გამოვლენილი ხარვეზის აღმოფხვრის შედეგად გაირკვა, რომ საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა, რაც გავლენას არ ახდენს საარჩევნო სუბიექტების მიერ მიღებული მანდატების რაოდენობაზე.

მეათე მოწვევის პარლამენტს უფლებამოსილება პარასკევს, 11 დეკემბერს მიენიჭა, ხოლო მინისტრთა კაბინეტი გადადგა. პარლამენტის პირველ სხდომას მხოლოდ მმართველი პარტიის დეპუტატები ესწრებოდნენ. ოპოზიცია 31 ოქტომბრის არჩევნების შედეგებს არ აღიარებს, მათ გაყალბებულს უწოდებს, მოითხოვს რიგგარეშე არჩევნებს და მანდატებზე უარს აცხადებს.

31 ოქტომბრის შემდეგ ოპოზიცია მართავდა საპროტესტო აქციებს, სადაც თამარ ჟვანიას და ცესკოს აპარატის გადადგომას მოითხოვდა, რადგან მიიჩნევდა, რომ არჩევნები პირადად ჟვანიამ და მისი აპარატის თანამშრომლებმა გააყალბეს.

თამარ ჟვანია ცესკო-ს მიმართ განხორციელებულ ბრალდებებსა და ზეწოლაზე საუბრობს. მისი თქმით, ოპოზიციური მხრიდან მსგავსმა ქმედებებმა დიდი ზიანი მიაყენა საარჩევნო ადმინისტრაციასა და მთლიანად საარჩევნო პროცესს.

„არ შემიძლია არ გავიხსენო განვლილი მძიმე დღეები, ტალახის სროლა, ბრალდებები, შეურაცხყოფა, „ბულინგი“ და მუქარა, რაც ცესკოს მიმართ, პირადად ჩემზე და მთელს საარჩევნო ადმინისტრაციაზე ხორციელდებოდა. დაგვიანებით გაჟღერებული, მაგრამ უკვე საჯაროდ გამოტანილი რეალობა იმედი მაქვს შეცვლის იმ დამოკიდებულებებს“, - აღნიშნა თამარ ჟვანიამ.

ჟვანიას განცხადებით, თითოეულმა ადამიანმა, რომელიც ცესკო-ს დამნაშავეებად აცხადებდა, უნდა გაიაზროს არსებული რეალობა.

„იმედია თითოეული ის ადამიანი, რომელიც პრაქტიკულად უაპელაციოდ დამნაშავეებად გვაცხადებდა, შეცვლის თავის დამოკიდებულებას და გაიაზრებს, რომ სიმართლე არასდროს იკარგება; ხოლო ისინი, რომლებიც პირდაპირ მუქარას ახორციელებდნენ, მიიღებენ შესაბამის პასუხს“, - წერს ჟვანია.

გარდა ამისა, ის მხარდაჭერას უცხადებს არასამთავრობო ორგანიზაცია ISFED-ს, მიუხედავად იმისა, რომ ცესკოს მიმართ ასეთი მხარდაჭერა არ უგრძვნია.

„იმის მიუხედავად, რომ საარჩევნო ადმინისტრაციასა და მის ხელმძღვანელობაზე განხორციელებული ზეწოლის პირობებში არ გაკეთებულა შესაბამისი მხარდამჭერი განცხადებები, ჩემთვის პირადად და მთელი ადმინისტრაციისთვის მიუღებელია და ვგმობთ შეტევებს, შეურაცხმყოფელ დამოკიდებულებებს არასამთავრობო ორგანიზაციებისა თუ სხვა ჩართული მხარეების მიმართ“, - აღნიშნა თამარ ჟვანიამ.

ოპოზიციის მხრიდან ISFED-ის მისამართით მკვეთრი განცხადებები გაისმა. „ერთიან ნაციონალურ მოძრაობაში“ დაინახეს კავშირი ISFED-ის მიერ გამოქვეყნებულ ახალ შედეგებსა და პარლამენტის პირველ სხდომაზე მმართველი პარტიის მიერ გაკეთებულ განცხადებებს შორის, როდესაც ირაკლი კობახიძე და არჩილ თალაკვაძე ხმის დათვლის ხარვეზებზე ღიად საუბრობდნენ.

ხუთშაბათს მმართველ პარტიასა და პარლამენტში შესულ რვა ოპოზიციურ პარტიას შორის მოლაპარაკებთა მეხუთე რაუნდი იყო დაგეგმილი, სადაც შექმნილი პოლიტიკური კრიზისიდან გამოსვლის გზები უნდა განხილულიყო, თუმცა მოლაპარაკებები გადაიდო.

მოლაპარაკებების ჩაშლის ერთ-ერთი მიზეზი, სავარაუდოდ, „ქართული ოცნების“ პოზიცია გახდა, რომელმაც ოთხშაბათს განმარტა, თუ რა შემთხვევაში დაეთანხმება რიგგარეშე არჩევნების გამართვას. როგორც ირაკლი კობახიძემ განაცხადა, რიგგარეშე არჩევნების ჩატარება შესაძლებელი იქნება მხოლოდ იმ შემთხვევაში, თუ დროებითი საპარლამენტო კომისია ხმებს გადაითვლის და დაადგენს არჩევნების შედეგების თუნდაც 1%-იან შეუსაბამობას „ქართული ოცნების“ სასარგებლოდ.

ISFED-ის მიერ ხმების დათვლის შედეგები თითქმის მთლიანად დაემთხვა ცესკოს მიერ გამოცხადებულ შემაჯამებელ მონაცემებს - თითოეული საარჩევნო სუბიექტის შემთხვევაში ცდომილება 1%-ზე ნაკლები იყო.

75
თემები:
საქართველოს საპარლამენტო არჩევნები 2020 (608)
სალომე ზურაბიშვილი

საქართველოს პრეზიდენტი ბრიუსელში ვიზიტს იწყებს

72
(განახლებულია 14:48 20.01.2021)
ეს იქნება 2021 წელს სალომე ზურაბიშვილის პირველი ვიზიტი, რომლის ფარგლებშიც ქვეყნის მეთაური შეხვედრებს გამართავს მაღალი რანგის ევროპელ პარტნიორებთან.

თბილისი, 20 იანვარი – Sputnik. საქართველოს პრეზიდენტი სალომე ზურაბიშვილი 20 იანვარს სამუშაო ვიზიტით ბრიუსელს ეწვევა. ინფორმაციას პრეზიდენტის ადმინისტრაცია ავრცელებს.

ვიზიტის ფარგლებში დაგეგმილია სალომე ზურაბიშვილის შეხვედრები ევროკავშირისა და ნატოს ხელმძღვანელ პირებთან.

კერძოდ, პრეზიდენტი შეხვდება ევროკავშირის საბჭოს პრეზიდენტს შარლ მიშელს, ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, ევროკომისიის ვიცე-პრეზიდენტს ჟოზეპ ბორელს, ევროპარლამენტის პრეზიდენტს დავიდ სასოლის, ევროკომისიის აღმასრულებელ ვიცე-პრეზიდენტს ეკონომიკურ საკითხებში ვალდის დომბროვსკის, ევროპარლამენტის საგარეო კომიტეტის თავმჯდომარეს დევიდ მაკალისტერსა და ნატოს გენერალურ მდივანს იენს სტოლტენბერგს.

პრეზიდენტის პრეს-სამსახურის ცნობით, ასევე დაგეგმილია სხვა მაღალი რანგის შეხვედრები, მათ შორის სალომე ზურაბიშვილი მონაწილეობას მიიღებს ნატო–საქართველოს კომისიის მუშაობაში.

 

72
თემები:
საქართველოს საგარეო პოლიტიკა
ზურაბ პოლოლიკაშვილი

ზურაბ პოლოლიკაშვილი ტურიზმის მსოფლიო ორგანიზაციის გენერალურ მდივნად მეორე ვადით აირჩიეს

82
პირველად UNWTO-ს გენერალურ მდივნად პოლოლიკაშვილი 2017 წლის მაისში აირჩიეს, მაშინ მის კანდიდატურას მხარი მსოფლიო ტურიზმის ორგანიზაციის წევრი ქვეყნების უმეტესობამ დაუჭირა.

თბილისი, 19 იანვარი – Sputnik. დიპლომატი საქართველოდან, ეკონომიკის ყოფილი მინისტრი ზურაბ პოლოლიკაშვილი მსოფლიო ტურიზმის ორგანიზაციის (UNWTO) გენერალური მდივნის პოსტზე მეორე ვადით დარჩა, იუწყება მთავრობის პრეს-სამსახური.

შესაბამისი გადაწყვეტილება მადრიდში ორგანიზაციის აღმასრულებელი საბჭოს 113-ე სხდომაზე მიიღეს.  აღმასრულებელი საბჭოს მიერ არჩეულ კანდიდატს გაეროს გენერალური ასამბლეა მიმდინარე  წლის მეორე ნახევარში დაამტკიცებს.

პოლოლიკაშვილს ამ თანამდებობაზე ხელმეორედ არჩევა ერთ-ერთმა პირველმა საქართველოს პრემიერ-მინისტრმა მიულოცა.

„ეს საქართველოს მნიშვნელოვანი წარმატებაა. საერთაშორისო ორგანიზაციებში ქართველთა მაღალი წარმომადგენლობა გლობალურ საკითხებში საქართველოს აქტიურ ჩართულობას ადასტურებს“, - დაწერა  გიორგი გახარიამ Twitter-ის ოფიციალურ გვერდზე.

ზურაბ პოლოლიკაშვილი მსოფლიო ტურიზმის ორგანიზაციის ხელმძღვანელად პირველი ვადით 2017 წლის მაისში აირჩიეს. მაშინ მადრიდში გამართულ სესიაზე მის კანდიდატურას მხარი მსოფლიო ტურიზმის ორგანიზაციის წევრი ქვეყნების უმეტესობამ დაუჭირა.

ეს იყო პირველი შემთხვევა, როდესაც კანდიდატი საქართველოდან მნიშვნელოვანი საერთაშორისო ორგანიზაციის ხელმძღვანელ თანამდებობაზე აირჩიეს.

მსოფლიო ტურიზმის ორგანიზაცია (UNWTO) - წამყვანი საერთაშორისო ორგანიზაციაა ტურიზმის სფეროში, რომელიც მდგრადი და ყველასათვის ხელმისაწვდომი ტურიზმის განვითარებით არის დაკავებული.

ზურაბ პოლოლიკაშვილი: დაიბადა თბილისში 1977 წლის 12 იანვარს. არის საქართველოს ტექნიკური უნივერსიტეტის საერთაშორისო საბანკო საქმის ფაკულტეტის კურსდამთავრებული. მაგისტრის ხარისხი მადრიდში მოიპოვა.

2001-2005 წლებში "TBC ბანკში" წამყვან თანამდებობებზე მუშაობდა, რის შემდეგაც ერთი წლის განმავლობაში ეკავა საქართველოს საგარეო საქმეთა მინისტრის მოადგილის თანამდებობა.

2006-2009 წლებში ესპანეთში საქართველოს საგანგებო და სრულუფლებიან ელჩი იყო, მომდევნო ერთი წელი კი საქართველოს ეკონომიკისა და მდგრადი განვითარების სამინისტროს ხელმძღვანელობდა.

2010 წელს პოლოლიკაშვილი კვლავ "TBC ბანკში" დაბრუნდა ვიცე-პრეზიდენტის თანამდებობაზე.

2011-2012 წლებში საფეხბურთო კლუბ თბილისის "დინამოს" დირექტორი იყო.

2012 წელს პოლოლიკაშვილი განმეორებით დაინიშნა ესპანეთში საქართველოს საგანგებო და სრულუფლებიან ელჩად.

ფლობს ინგლისურ, ესპანურ, ფრანგულ, რუსულ და იაპონურ ენებს. დაოჯახებულია, ჰყავს სამი შვილი.

82
ნინი ბადურაშვილი

ნინი ბადურაშვილმა თაკო გაჩეჩილაძის ვაჟი მონათლა - ფოტოები ნათლობიდან

0
(განახლებულია 14:47 20.01.2021)
თაკო გაჩეჩილაძემ უმცროსი ვაჟი მონათლა. ნახეთ ნათლობის უსაყვარლესი ფოტოები, რომელიც სოციალურ ქსელში ვრცელდება.

მომღერლები ნინი ბადურაშვილი და თაკო გაჩეჩილაძე ბავშვობის მეგობრები არიან. გოგონები დღემდე მეგობრობენ. თაკო ნინის მეჯვარეც იყო, როდესაც მომღერალი რამდენიმე წლის წინ ბიზნესმენ ირაკლი კუტალაძეზე დაქორწინდა.

მას შემდეგ, რაც ნინიმ, ქრისტინემ და თაკომ ბორჯომში უქმეები გაატარეს, ნინიმ 19 იანვარს თაკოს უმცროსი ვაჟი ელია მონათლა.

ნინიმ ნათლობის ფოტოები „ინსტაგრამის“ „სთორიზე“ განათავსა, სადაც ეკლესიაში ნათლობის პროცესია ასახული. ელიას ცნობილი ნათლიები - მომღერალი ნინი ბადურაშვილი და დიზაინერი ანუკა ქებურია ჰყავს.

მომღერალი თაკო გაჩეჩილაძე მეორე შვილის დედა მაისში გახდა. მომღერალმა Instagram-ზე ახალშობილის ფოტო გამოაქვეყნა. თაკოს ორი შვილი - გოგონა გაბრიელა და ელია ჰყავს. მომღერალი სამი წლის წინ დაოჯახდა. მისი რჩული მუსიკოსი და კომპოზიტორი ბორის მილანოვია.

0
თემები:
სელებრითების ცხოვრება