ხათუნა სამნიძე

რატომ არ მოაწერა ხელი რესპუბლიკურმა პარტიამ ერთობლივ მემორანდუმს სამნიძის განმარტება

69
(განახლებულია 18:51 11.12.2020)
ოპოზიციამ სადეპუტატო მანდატებზე უარი მე-10 მოწვევის პარლამენტის სხდომის პარალელურად საჯაროდ განაცხადა. ოპოზიციის ერთობლივ მემორანდუმს ხელი არ მოაწერა ოთხმა პარტიამ, მათ შორის რესპუბლიკელებმაც.

თბილისი, 11 დეკემბერი – Sputnik. „რესპუბლიკური პარტიის“ მთავარი გზავნილია – თუ პარლამენტში არ არის ბლოკი „ერთიანი ნაციონალური მოძრაობა – ძალა ერთობაშია“, არ არის არც „რესპუბლიკური პარტია“, განაცხადა „რესპუბლიკური პარტიის“ თავმჯდომარემ ხათუნა სამნიძემ.

მე-10 მოწვევის პარლამენტის სხდომის პარალელურად, რომელიც დღეს გაიხსნა, ოპოზიციური პარტიების წარმომადგენლებმა მოსწავლე ახალგაზრდობის სასახლის ბაღში სადეპუტატო მანდატებზე უარი საჯაროდ განაცხადეს და ოფიციალური დოკუმენტით გააფორმეს კიდეც პარლამენტში არშესვლასთან დაკავშირებით ბოიკოტი. ოპოზიციის ერთობლივ მემორანდუმს ხელი არ მოაწერა ოთხმა პარტიამ, მათ შორის რესპუბლიკელებმაც.

„რესპუბლიკურმა პარტიამ“, რომელიც შედის ბლოკში „ერთიანი ნაციონალური მოძრაობა – ძალა ერთობაშია“, განაცხადა რომ აშშ-ის და ევროკავშირის ელჩების ორგანიზებით ოპოზიციასა და „ქართულ ოცნებას“ შორის მიმდინარე მოლაპარაკებების დასრულებას ელოდება. „ერთიანი ნაციონალური მოძრაობის“ წევრმა ნიკა მელიამ კი მათგან დაფიქსირებული პოზიციის უფრო მეტად განმარტება მოითხოვა.

პარტიის პოზიცია მოგვიანებით პარტიის თავმჯდომარემ განმარტა, რომელიც არჩევნების შედეგების მიხედვით პარლამენტში თამარ კორძაიასთან ერთად მოხვდა.

„რესპუბლიკურ პარტიას“ ამ არჩევნებზე აქვს ორი მანდატი ბლოკთან „ერთიანი ნაციონალური მოძრაობა – ძალა ერთობაშია“ ერთად. ეს ორი მანდატი მოგვენიჭა ძირითადად „ნაციონალური მოძრაობის“ მხარდამჭერების მიერ და ჩვენი მთავარი გზავნილი არის ის, რომ თუ არ არის პარლამენტში ბლოკი „ერთიანი ნაციონალური მოძრაობა – ძალა ერთობაშია“, არც „რესპუბლიკური პარტია“ არ არის საქართველოს პარლამენტში“, – განაცხადა ხათუნა სამნიძემ.

თუმცა მან აქვე აღნიშნა, რომ პარტიას ამავე დროს ძალიან მნიშვნელოვნად მიაჩნია საერთაშორისო პარტნიორების ფასილიტატორობით მიმდინარე მოლაპარაკებები.

„ძალიან სერიოზულ მნიშვნელობას ვანიჭებთ, რომ ქვეყანა გამოვიდეს კრიზისიდან, და ამ მოლაპარაკებებს ენიჭება მნიშვნელოვანი როლი. მანდატზე უარის თქმის თაობაზე ხელმოწერილი დოკუმენტებით, რომელიც დავწერეთ მე, ხათუნა სამნიძემ და თამარ კორძიამ, მივმართავთ პარლამენტს მაშინვე, როდესაც სრულად ამოიწურება რესურსი და დასრულდება ეს საერთაშორისო მოლაპარაკებები“, – აღნიშნა სამნიძემ.

მეათე მოწვევის პარლამენტის პირველი სხდომა დღეს გაიხსნა. გუშინ კი მმართველ პარტიასა და პარლამენტში შესულ რვა ოპოზიციურ პარტიას შორის მოლაპარაკებთა მეხუთე რაუნდი იყო დაგეგმილი, სადაც შექმნილი პოლიტიკური კრიზისიდან გამოსვლის გზები უნდა განხილულიყო. თუმცა მოლაპარაკებები გადაიდო.

 რვას მინუს ოთხი: ოპოზიციამ მემორანდუმს ხელი მოაწერა >>

მოლაპარაკებების ჩაშლის ერთ-ერთი მიზეზი, სავარაუდოდ, „ქართული ოცნების“ პოზიცია გახდა, რომელმაც ოთხშაბათს განმარტა, თუ რა შემთხვევაში დაეთანხმება რიგგარეშე არჩევნების გამართვას. როგორც მმართველი პარტიის აღმასრულებელმა მდივანმა ირაკლი კობახიძემ განაცხადა, რიგგარეშე არჩევნების ჩატარება შესაძლებელი იქნება მხოლოდ იმ შემთხვევაში, თუ დროებითი საპარლამენტო კომისია ხმებს გადაითვლის და დაადგენს არჩევნების შედეგების თუნდაც 1%-იან შეუსაბამობას „ქართული ოცნების“ სასარგებლოდ.

მმართველ პარტიაში განაცხადეს, რომ დროებითი საგამოძიებო კომისია ჩამოყალიბდება პარლამენტის პირველივე სხდომაზე, მის მუშაობაში მონაწილეობას შეძლებენ არასამთავრობო ორგანიზაციები, დამოუკიდებელი და საერთაშორისო ექსპერტები და საპარლამენტო ოპოზიცია.

გარდა ამისა, „ქართულმა ოცნებამ“ მიიღო გადაწყვეტილება, დააკმაყოფილოს ოპოზიციური პარტიების სურვილი, დატოვონ პარლამენტი, და შეუწყვიტოს მათ სახელმწიფო დაფინანსება. ამასთანავე პირობა დადო, რომ მიიღებს კანონს, რომელიც აუკრძალავს ყოფილ მმართველ პარტია „ერთიან ნაციონალურ მოძრაობას“ არჩევნებში მონაწილეობას მისი დამფუძნებლის მიხეილ სააკაშვილის ფაქტორის გამო.

69
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (126)
იენს სტოლტენბერგი

ნატომ რუსეთს აფხაზეთისა და ცხინვალის რეგიონების აღიარების შეწყვეტისკენ მოუწოდა

56
(განახლებულია 19:20 22.01.2021)
ალიანსი ასევე მოუწოდებს რუსეთს, „დაიცვას საქართველოს ტერიტორიული მთლიანობა და პატივი სცეს საერთაშორისო სამართალს“

თბილისი, 22 იანვარი - Sputnik. ნატო მოუწოდებს რუსეთს, შეწყვიტოს „სამხრეთ ოსეთისა“ და აფხაზეთის დამოუკიდებლობის აღიარება, განაცხადა ალიანსის გენერალურმა მდივანმა იენს სტოლტენბერგმა ბრიუსელში გამართულ პრესკონფერენციაზე საქართველოს პრეზიდენტ სალომე ზურაბიშვილთან მოლაპარაკებების დაწყების წინ.

„ჩვენ კვლავ მოვუწოდებთ რუსეთს, შეწყვიტოს აფხაზეთისა და „სამხრეთ ოსეთის“ რეგიონების აღიარება“, — თქვა მან.

სტოლტენბერგის განცხადებით, ალიანსი ასევე მოუწოდებს რუსეთს, „დაიცვას საქართველოს ტერიტორიული მთლიანობა და პატივი სცეს საერთაშორისო სამართალს“.

საქართველოს პრეზიდენტი სალომე ზურაბიშვილი ბრიუსელში სამუშაო ვიზიტით 20 იანვარს გაემგზავრა. ვიზიტის ფარგლებში ის უკვე შეხვდა ევროკავშირისა და ნატო-ს ხელმძღვანელ პირებს.

საქართველომ რუსეთთან დიპლომატიური ურთიერთობები 2008 წელს გაწყვიტა მას შემდეგ, რაც რუსეთის ხელისუფლებამ აფხაზეთისა და ცხინვალის რეგიონის დამოუკიდებლობა აღიარა. დიალოგი საქართველოსა და რუსეთს შორის ჟენევის საერთაშორისო მოლაპარაკებებისა და პრაღაში ორი ქვეყნის დიპლომატების — ზურაბ ჯაფარიძისა და გრიგორი კარასინის რეგულარული შეხვედრების ფარგლებშია შენარჩუნებული.

56
სალომე ზურაბიშვილი

ზურაბიშვილმა ევროპარლამენტს ქართველი სტუდენტებისთვის სწავლის საფასურის შემცირება სთხოვა

53
(განახლებულია 17:37 22.01.2021)
ბრიუსელში ვიზიტის ფარგლებში საქართველოს პრეზიდენტი მაღალი რანგის ევროპელ პარტნიორებთან შეხვედრებს მართავს.

თბილისი, 22 იანვარი – Sputnik. საქართველოს პრეზიდენტმა სალომე ზურაბიშვილმა ევროპარლამენტს ქართველი და ევროკავშირის ქვეყნების სტუდენტებისთვის სწავლის საფასურის გათანაბრება სთხოვა, რათა ქართველ სტუდენტებს ევროკავშირის ქვეყნებში სწავლისას ჰქონდეთ ისეთივე ტარიფებით სარგებლობის უფლება, რომლითაც ევროკავშირის წევრი ქვეყნების სტუდენტები სარგებლობენ, ნათქვამია საქართველოს სახელმწიფო მეთაურის ოფიციალურ გვერდზე გავრცელებულ განცხადებაში. 

ქართველი და ევროკავშირის ქვეყნების სტუდენტების სწავლის საფასურის გათანაბრების საკითხი იყო ერთ-ერთი მთავარი თემა, რომელსაც ზურაბიშვილი ბრიუსელში ევროპარლამენტის პრეზიდენტთან დავიდ სასოლისთან შეხვედრისას შეეხო.

სალომე ზურაბიშვილმა თხოვნით მიმართა ევროპარლამენტის პრეზიდენტს – რეკომენდაციით მიმართოს ამ გადაწყვეტილების მიმღებ შესაბამის ინსტანციებს.

შეხვედრაზე საუბარი შეეხო ასევე კოვიდის საწინააღმდეგო ვაქცინის ხელმისაწვდომობის საკითხს, რასთან დაკავშირებითაც საქართველოს პრეზიდენტმა აღნიშნა, რომ ამ კუთხით ევროკავშირს აკისრია არა მხოლოდ მორალური და სიმბოლური, არამედ პოლიტიკური პასუხისმგებლობაც. პრეზიდენტის აღნიშნული პოზიცია გაიზიარა ევროპარლამენტის პრეზიდენტმა და ხაზი გაუსვა კოვიდ–სოლიდარობის მნიშვნელობას.

სალომე ზურაბიშვილმა ევროპარლამენტის პრეზიდენტი საქართველოში მოიწვია, რაზეც დავიდ სასოლიმ განაცხადა, რომ მას სურვილი აქვს ევროპარლამენტის დეპუტატების დელეგაციასთან ერთად ესტუმროს ქვეყანას და უკეთ გაიცნოს „ევროკავშირის უახლოესი მეგობარი“.

ბრიუსელში ორდღიანი სამუშაო ვიზიტის ფარგლებში დაგეგმილია სალომე ზურაბიშვილის შეხვედრები ევროკავშირისა და ნატოს ხელმძღვანელ პირებთან. კერძოდ, პრეზიდენტი უკვე შეხვდა და შეხვდება ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, ევროკომისიის ვიცე-პრეზიდენტს ჟოზეპ ბორელს, ევროპარლამენტის პრეზიდენტს დავიდ სასოლის, ევროკომისიის აღმასრულებელ ვიცე-პრეზიდენტს ეკონომიკურ საკითხებში ვალდის დომბროვსკის, ევროპარლამენტის საგარეო კომიტეტის თავმჯდომარეს დევიდ მაკალისტერსა და ნატოს გენერალურ მდივანს იენს სტოლტენბერგს.

ბრიუსელში საქართველოს პრეზიდენტის ვიზიტი 23 იანვარს დასრულდება.

53
თემები:
საქართველოს პრეზიდენტი
შეჩერდეს COVID-19

მობილური აპლიკაცია Stop Covid გაუქმდა

0
(განახლებულია 22:11 22.01.2021)
აპლიკაცია ავსტრიულმა კომპანიამ შეიმუშავა და ლიცენზიის საფასურის გადახდის გარეშე გახადა სხვადასხვა ქვეყნის მთავრობებისთვის ხელმისაწვდომი

თბილისი, 22 იანვარი — Sputnik. აპლიკაცია Stop Covid–ით სარგებლობის ვადა ამოიწურა და 2021 წლის 20 იანვარს არააქტიური გახდა, იუწყება საზოგადოებრივი მაუწყებლის პირველი არხი ჯანდაცვის სამინისტროს მიერ გავრცელებულ ინფორმაციაზე დაყრდნობით.

აღნიშნული გადაწყვეტილება უწყებამ ქვეყანაში არსებული ეპიდსიტუაციიდან გამომდინარე მიიღო.

ჯერჯერობით უცნობია, კვლავ გააქტიურდება თუ არა აპლიკაცია და არც ისაა დაზუსტებული, რამდენი ინფიცირებული გამოვლინდა აღნიშნული პროგრამის საშუალებით.  

მობილური აპლიკაცია Stop covid–ი, საქართველოს ჯანდაცვის სამინისტროს ინიციატივით, გასული წლის აპრილში ამოქმედდა. ინოვაციური პროგრამა  კორონავირუსის ადრეული გამოვლენისა და მისი გავრცელების აღკვეთის მიზნით შეიქმნა. კერძოდ, აპლიკაცია საშუალებას აძლევდა პირებს, რომლებსაც სავარაუდოდ კონტაქტი ჰქონდათ კოვიდინფიცირებულთან, დროულად მიეწოდებინათ ინფორმაცია შესაბამისი უწყებისთვის, რაც ვირუსის გავრცელების შეჩერების ერთ–ერთი პირობა იყო.

ბოლო მონაცემებით, საქართველოში ინფიცირებულთა საერთო რაოდენობა 251 ათას შემთხვევას აჭარბებს, გამოჯანმრთელდა 238 ათასზე მეტი ადამიანი, გარდაიცვალა 3 ათასზე პაციენტი.

0
თემები:
კორონავირუსი საქართველოში: ბოლო ცნობები