თბილისი, 11 დეკემბერი – Sputnik. საქართველოში აშშ-ის საელჩო და ევროკავშირის დელეგაცია მმართველ პარტიას და ოპოზიციას შეთანხმების მიღწევის შესაძლებლობების გადახედვისკენ მოუწოდებენ, ნათქვამია აშშ-ის დიპლომატიური მისიის მიერ გამოქვეყნებულ განცხადებაში.

როგორც განცხადებაშია აღნიშნული, პოლიტიკური ლიდერები ბოლო ექვსი თვეა მონაწილეობენ ინტენსიურ პოლიტიკურ დიალოგში, თუმცა, მიუხედავად ამისა, მნიშვნელოვანი საკითხები ჯერ კიდევ გადაუჭრელია. მხარეებმა საარჩევნო რეფორმასთან დაკავშირებით ურთიერთგაგებას მიაღწიეს, რომელიც, მისი მიღების შემთხვევაში, არსებითად გააუმჯობესებს საქართველოში საარჩევნო გარემოს. 

© Sputnik / STRINGER

სალომე ზურაბიშვილი: „დავიღალეთ“ ქუჩიდან პოლიტიკური პროცესების მართვით

„ჩვენ ვაფასებთ ყველა პარტიის ლიდერის კონსტრუქციულ მონაწილეობასა და ამ დროისათვის არსებულ მიღწევებს ამ რთულ მოლაპარაკებებში. ჩვენი, როგორც ფასილიტატორების როლი, უმთავრესად პარტიებისთვის ნეიტრალური ფორუმის უზრუნველყოფას გულისხმობდა, რათა მათ ემსჯელათ განსხვავებულ პოზიციებსა და მათი გადაჭრის გზებზე საქართველოს დემოკრატიული დღის წესრიგის გასამყარებლად“, – ნათქვამია განცხადებაში. 

დიპლომატიური მისიები წუხილს გამოთქვამენ, რომ მათ ვერ შეძლეს ფართო შეთანხმების მიღწევა ახლადარჩეული პარლამენტის პირველ შეკრებამდე და, პარტიების მხრიდან შეთანხმების მიღწევის ჭეშმარიტი პოლიტიკური სურვილის არსებობის შემთხვევაში, მზად არიან მხარი დაუჭირონ დიალოგს. 

© Sputnik / STRINGER

შეთანხმების ბოლო შანსი – „ქართული ოცნებისა“ და ოპოზიციის მოლაპარაკებების დასკვნითი რაუნდი

„ჩვენ მოვუწოდებთ ყველა მხარეს, საგულდაგულოდ განიხილონ შესაძლებლობები შეთანხმების მისაღწევად, რომელიც საშუალებას მისცემს პარლამენტს, შეასრულოს თავისი სრულყოფილი და სასიცოცხლოდ მნიშვნელოვანი როლი საქართველოს დემოკრატიის, ეკონომიკისა და უსაფრთხოების დასაცავად და გასაძლიერებლად“, – ნათქვამია განცხადებაში.

საქართველოს მეათე მოწვევის პარლამენტის პირველი სხდომა პარასკევს, 11 დეკემბერს გაიხსნა.

სხდომათა დარბაზში არ იმყოფებიან პარლამენტში შესული ოპოზიციონერი დეპუტატები. მათი დიდი ნაწილი მოსწავლე ახალგაზრდობის სასახლის ბაღში შეიკრიბა და ხელი მოაწერა მემორანდუმს სადეპუტატო მანდატებზე უარის თქმისა და პარტიული სიების „ჩახსნის“ შესახებ.

აღნიშნულ მემორანდუმს ხელი არ მოაწერა პარლამენტში შესულმა ოთხმა ოპოზიციურმა პარტიამ: „გირჩმა“, „რესპუბლიკურმა პარტიამ“, „საქართველოს პატრიოტთა ალიანსმა“ და „მოქალაქეებმა“. მიუხედავად ამისა, ისინი ბოიკოტის რეჟიმში რჩებიან.

საქართველოში საპარლამენტო არჩევნები 31 ოქტომბერს ჩატარდა. ოპოზიცია კენჭისყრის შედეგებს გაყალბებულს უწოდებს და პარლამენტში შესვლაზე უარს აცხადებს. საქართველოში აშშ-ისა და ევროკავშირის ელჩების შუამავლობით მმართველ პარტიასა და ოპოზიციას შორის ჩატარებული ოთხი შეხვედრა ჯერჯერობით უშედეგო აღმოჩნდა.

აშშ-ის პრეზიდენტმა ჯო ბაიდენმა, რომელიც 2021 წლის 20 იანვარს შეუდგა საქმიანობას, პირველ რიგში კაბინეტიდან „წითელი ღილაკი“ მოაშთო, რომელიც მისმა წინამორბედმა დონალდ ტრამპმა დიეტური კოლას გამოსაძახებლად დააყენებინა. პრეზიდენტმა ასევე უკან დააბრუნა ოქროსფერი ფარდები და ლურჯი ხალიჩა, რომელიც აქ ბილ კლინტონის დროს მოიტანეს.

როგორ იცვლებოდა ოვალური კაბინეტის დეკორაცია აშშ-ის 32-ე პრეზიდენტი ფრანკლინ რუზველტის დროიდან და რა ცვლილებები შეიტანა მის გაფორმებაში ჯო ბაიდენმა, ჩვენს ფოტოლენტაში იხილავთ.