მთავრობის სხდომა

ახლადარჩეული პარლამენტი საქართველოს მთავრობას უფლებამოსილებას შეუჩერებს

59
(განახლებულია 13:55 11.12.2020)
საქართველოს პარლამენტის პირველ სხდომაზე კანონმდებლები საკადრო და ორგანიზაციულ საკითხებს გადაწყვეტენ.

თბილისი, 11 დეკემბერი – Sputnik. საქართველოს მეათე მოწვევის პარლამენტს პირველ სხდომაზე დეპუტატების უფლებამოსილების ცნობის შემდეგ აღმასრულებელი ხელისუფლებისთვის ნდობის გამოცხადება მოუწევს. 

პარლამენტის პირველი სხდომა, რომელსაც ოპოზიცია ბოიკოტს უცხადებს, 11 დეკემბერს, 12:00 საათზე დაიწყება – სხდომათა დარბაზში ოპოზიციისთვის განკუთვნილი ადგილები, საქართველოს ისტორიაში პირველად, თავისუფალი იქნება.

ახალარჩეული პარლამენტის მიერ მთავრობისთვის ნდობის გამოცხადების პროცედურები განსაზღვრულია საქართველოს კონსტიტუციის 56-ე მუხლით.

დეპუტატების უფლებამოსილების ცნობის შემდეგ საქართველოს მთავრობას, პრემიერ-მინისტრ გიორგი გახარიასთან ერთად, უფლებამოსილება შეუჩერდება. ამის შემდეგ პარტია, რომელმაც არჩევნებში ხმების უმრავლესობა მოიპოვა, საქართველოს პრეზიდენტს პრემიერ-მინისტრობის კანდიდატს წარუდგენს, რომელსაც პრეზიდენტი, თავის მხრივ, ნდობის გამოსაცხადებლად საკანონმდებლო ორგანოს წარუდგენს. მთავრობა ახალი პრემიერ-მინისტრის დანიშვნამდე მოვალეობის შესრულებას განაგრძობს.

პროცედურების მიხედვით, მთავრობის უფლებამოსილების მოხსნიდან ორი კვირის ვადაში პარლამენტი ნდობას უცხადებს საპარლამენტო არჩევნებში საუკეთესო შედეგის მქონე პოლიტიკური პარტიის მიერ წამოყენებული პრემიერ-მინისტრობის კანდიდატის მიერ წარდგენილ მთავრობას. 

ამასთან, კონსტიტუციით, მთავრობის შემადგენლობასთან ერთად პარლამენტს წარედგინება სამთავრობო პროგრამა. ნდობის მისაღებად კი საჭიროა პარლამენტის სრული შემადგენლობის უმრავლესობის – 76 დეპუტატის მხარდაჭერა.

კონსტიტუციის მიხედვით, თუ პარლამენტი მთავრობას დადგენილ ვადაში ნდობას არ გამოუცხადებს, საქართველოს პრეზიდენტი შესაბამისი ვადის ამოწურვიდან არაუადრეს ორი და არაუგვიანეს სამი კვირისა დაითხოვს პარლამენტს და დანიშნავს პარლამენტის რიგგარეშე არჩევნებს.

როგორც ადრე მმართველი პარტიის აღმასრულებელმა მდივანმა ირაკლი კობახიძემ განაცხადა, „ქართული ოცნება“  მოქმედი მთავრობის მეთაურის შეცვლას არ გეგმავს და საქართველოს პრემიერ-მინისტრის პოსტზე გიორგი გახარიას კანდიდატურას ოფიციალურად პარლამენტის პირველივე სხდომაზე წარადგენს. გახარია მმართველი პარტიის სიის პირველი ნომერია. 

პირველ სხდომაზე ასევე მოხდება საპარლამენტო ფრაქციებისა და უმრავლესობის დაკომპლექტება. გარდა ამისა, დეპუტატები აირჩევენ პარლამენტის თავმჯდომარეს, მის მოადგილეებსა და პროფილური კომიტეტების თავმჯდომარეებს. 

საქართველოს მეათე მოწვევის პარლამენტში მმართველ პარტია „ქართული ოცნება – დემოკრატიულ საქართველოს“ 90 დეპუტატი ეყოლება, ოპოზიციურ პარტიებს კი 60.

რვა ოპოზიციური პარტია, რომლებმაც სადეპუტატო მანდატები მოიპოვეს, კენჭისყრის შედეგებს არ ცნობს და ახლადარჩეულ პარლამენტს ბოიკოტს უცხადებს.

საკანონმდებლო ორგანოს სხდომის პარალელურად პარლამენტის შენობასთან ახალგაზრდული ორგანიზაციები საპროტესტო აქციის გამართვას გეგმავენ. მათი მთავარი მოთხოვნა რიგგარეშე საპარლამენტო არჩევნების დანიშვნაა.

59
თემები:
საქართველოს პარლამენტი (244)
ევროსაბჭოს საპარლამენტო ასამბლეა

ქართული დელეგაცია ევროსაბჭოს საპარლამენტო ასამბლეის სესიაში მიიღებს მონაწილეობას

9
დღეს სტრასბურგში გაიხსნება ევროსაბჭოს საპარლამენტო ასამბლეის (PACE) ზამთრის სესია, რომელიც მთელ კვირას გასტანს

თბილისი, 25 იანვარი – Sputnik. საქართველოს პარლამენტის მუდმივმოქმედი დელეგაცია 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას, ნათქვამია საქართველოს პარლამენტის მიერ გავრცელებულ განცხადებაში.

ქართულ დელეგაციას პარლამენტის თავმჯდომარის მოადგილე კახა კუჭავა უხელმძღვანელებს.

უწყების ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

სესიაზე მსჯელობის მთავარი საგანი გლობალური პანდემია და კოვიდ–19-ის საწინააღმდეგო ვაქცინები იქნება. დელეგატებს სიტყვით მიმართავს ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ამასთან, სასესიო და საკომიტეტო მუშაობის პარალელურად, დელეგაციის წევრები გამართავენ მაღალი დონის შეხვედრებს.

„ჩვენთვის ძალიან მნიშვნელოვანი იყო ამ ვიზიტის განხორციელება, რადგან არის ბევრი აქტუალური საკითხი, ანგარიში, რომელიც საქართველოს ეხება. ჩვენ ვაპირებთ, ძალიან აქტიურად მივიღოთ მონაწილეობა ამ განხილვებში“, - განაცხადა კუჭავამ.

მისი ინფორმაციით, ერთ-ერთი მნიშნელოვანი დოკუმენტი, რომელიც პირველივე დღეს იქნება წარმოდგენილი, გახლავთ ევროსაბჭოს სადამკვირვებლო მისიის ანგარიში, რომელიც  2020 წლის 31 ოქტომბრის არჩევნებს შეეხება.

ანგარიშს დღევანდელ სხდომაზე წარადგენს მისიის ხელმძღვანელი, ჰოლანდიელი დეპუტატი ტინი კოქსი.

„ჩვენთვის ასევე მნიშვნელოვანია მონიტორინგის ანგარიში და ის დადებითი შეფასებები, რომელიც წარმოდგენილია საქართველოს მიმართ“, -  განაცხადა კახა კუჭავამ.

სტრასბურგში მყოფი დელეგაციის შემადგენლობაში მმართველი პარტიიდან არიან ირაკლი კობახიძე, მარიამ ქვრივიშვილი, გივი მიქანაძე, თამარ ტალიაშვილი, ირაკლი ჩიქოვანი და გიორგი ხოჯევანიშვილი. დელეგაციის წევრია „ევროპელი სოციალისტების“ წარმომადგენელი ფრიდონ ინჯიაც.

9
თემები:
საქართველოს პარლამენტი (244)

ოპოზიციის აქტივისტებმა კომენდანტის საათის დროს თბილისში აქცია გამართეს

56
სამოქალაქო აქტივისტებისა და ოპოზიციის მომხრეების ჯგუფმა კვირას საღამოს თბილისის ცენტრში კომენდანტის საათის დროს საპროტესტო აქცია გამარტეს. დაწვრილებით - Sputnik-საქართველოს ვიდეოში იხილავთ

აქციაში რამდენიმე ათეული ადამიანი მონაწილეობდა. მათ პლაკატებით ჩაიარეს რუსთაველის გამზირი მას შემდეგ, რაც ქალაქში საკომენდანტო საათი ამოქმედდა. აქციამ ინციდენტების გარეშე ჩაიარა, მისი მონაწილეები არ დაუკავებიათ და არ დაუჯარიმებიათ.

საღამოს აქციის მონაწილეები საკომენდანტო საათის გაუქმებას მოითხოვდნენ და საქართველოს ახალი მოწვევის პარლამენტისადმი უნდობლობას გამოხატავდნენ.

56
ადამიანები პირბადეებით

სპეციალისტები: შეზღუდვების ერთდროულად მოხსნა ინფიცირების ზრდას გამოიწვევს

0
(განახლებულია 10:30 25.01.2021)
სპეციალისტები შეზღუდვების სრულად მოხსნას ეწინააღმდეგებიან, თუმცა აცხადებენ, რომ გარკვეული შემსუბუქების დრო ნამდვილად დადგა

თბილისი, 25 იანვარი – Sputnik. კორონავირუსის გამო დაწესებული შეზღუდვების ერთბაშად მოხსნა ინფიცირებული პაციენტების დრამატულ ზრდას გამოიწვევს, რასაც ჯანდაცვის სისტემა ვეღარ გაუძლებს, განაცხადა ინფექციური პათოლოგიის და შიდსის ცენტრის ბოქსირებული განყოფილების უფროსმა მარინა ენდელაძემ.

ტურბიზნესის წარმომადგენლებმა თბილისში შეზღუდვები გააპროტესტეს - ვიდეო>>

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ. შეზღუდვების შემსუბუქება ეტაპობრივად 1 თებერვლიდან დაიწყება.

„შეზღუდვების ერთდროულად მოხსნა გამოიწვევს პაციენტების რაოდენობის ისეთივე დრამატულ მატებას, როგორიც გვქონდა ჩვენ ოქტომბრის ბოლოს, ნოემბერში და დეკემბერში. იცით, რომ ამას ძალიან დიდი მსხვერპლი მოჰყვა. ნამდვილად ვეღარ გავუძლებთ ვერც მედიკოსები, ვერც სისტემა“, - განაცხადა ენდელაძემ.

როგორც რეზიდენტი ონკოლოგიის მიმართულებით გიორგი ღოღობერიძე აღნიშნავს, ნელ-ნელა შეზღუდვები უნდა მოისხსნას, მათ შორის, საზოგადოებრივი ტრანსპორტის მოძრაობაზეც, თუმცა იმ შემთხვევაში, თუ დაინფიცირებულთა ზრდა კვლავ დაფიქსირდება, შეზღუდვების შემოღება აუცილებელი გახდება.

„შეიძლება ჩვენ არ აღვადგინოთ უცხოელების ვიზიტი საქართველოში, მაგრამ შიდა ტურიზმი უნდა აღდგეს. ჩვენ უნდა ვაკვირდებოდეთ შემთხვევების მატებას და ამის მიხედვით გავამკაცროთ ან შევამსუბუქოთ რეგულაციები“,- განაცხადა ღოღობერიძემ.

შეზღუდვების მოხსნის მოთხოვნით გუშინ დედაქალაქში რამდენიმე საპროტესტო აქცია გაიმართა. მოსახლეობა საზოგადოებრივი ტრანსპორტის მუშაობის აღდგენას, ღამით გადაადგილებაზე შეზღუდვის მოხსნას, ზამთრის კურორტებისა და ბაზრობების გახსნას ითხოვს.

საქართველოში ახალი კორონავირუსით დაავადებულთა რაოდენობა 253,5 ათასს ჭარბობს, გარდაიცვალა 3 ათასზე მეტი ადამიანი.

„გაიგონონ ბავშვების ხმა“: მზიურში მშობლებმა სკოლების გახსნის მოთხოვნით აქცია გამართეს>>

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0
თემები:
კორონავირუსი საქართველოში: ბოლო ცნობები