კიდევ ერთი პერფორმანსი: აქტივისტებმა ცესკოსთან კარტოფილი მიიტანეს

© Sputnik / Alex Shlamovჯებირები ცესკოს შენობასთან
ჯებირები ცესკოს შენობასთან - Sputnik საქართველო
გამოწერა
ცენტრალურ საარჩევნო კომისიასთან შეკრებილები ცესკო-ს თავმჯდომარესთან შეხვედრას ითხოვენ, რათა მას პროტესტის ნიშნად კარტოფილი გადასცენ.

თბილისი, 3 დეკემბერი - Sputnik. ცენტრალურ საარჩევნო კომისიასთან ოპოზიციური პარტიების წარმომადგენლები ცესკოს მიერ შემაჯამებელი ოქმის შედეგებს აპროტესტებენ. იუწყება პირველი არხი.

აქციის მონაწილეებმა ცესკო-ს შენობასთან კარტოფილი და კვერცხები მიიტანეს. როგორც ისინი აცხადებენ, სურთ კარტოფილი ცენტრალური საარჩევნო კომისიის თავმჯდომარეს, თამარ ჟვანიას გადასცენ.

ადგილზე მობილიზებულმა სამართალდამცველებმა მომიტინგეებს განუმარტეს, რომ ცესკო-ს შენობაში შესასვლელად მათ საშვი არ ჰქონდათ, შესაბამისად აღმართულ ჯებირებს იქით ვერ გადაადგილდებოდნენ.

ოპოზიციის აქცია პარლამენტთან - Sputnik საქართველო
ცხარე დისკუსია და კამათი: ქართულმა ოპოზიციამ მოთხოვნები განაახლა

აქციის მონაწილეებმა პროტესტის ნიშნად კარტოფილი ჯებირების მეორე მხარეს გადაყარეს.

საქართველოს ცენტრალური საარჩევნო კომისიის სხდომაზე 31 ოქტომბრის საპარლამენტო არჩევნების შემაჯამებელი ოქმი მიიღეს. ოქმის მიხედვით, პროპორციული არჩევნების შედეგებით მმართველ პარტია „ქართულ ოცნებას“ 60 მანდატი აქვს, ხოლო იმის გამო, რომ მეორე ტურში ოპოზიციამ მონაწილეობა არ მიიღო, 30-ვე მაჟორიტარული მანდატიც „ქართული ოცნების“ დეპუტატებს მიენიჭა.

ოპოზიცია არ ეთანხმება არჩევნების შედეგებს და ამტკიცებს, რომ მმართველმა პარტიამ გამოიყენა თავისი გავლენა ცესკოში და არჩევნები გააყალბა. უფრო მეტიც, ოპოზიციური პარტიები არ აპირებენ თავიანთი საპარლამენტო მანდატების გამოყენებას და საკუთარი პროპორციული სიების გაუქმებას აპირებენ.

ყველა ახალი ამბავი
0